libo-libong netizens sa social media dahil sa viral Facebook post ng isang lalaking nagngangalang Michael Pobadora Rosario ng Quezon City tungkol sa dalawang batang binubugbog di umano ng kanilang madrasta o “stepmother”. Ito ay matapos niyang ibahagi sa kaniyang post ang mga litrato at mismong video ng dalawang paslit na kalunos-lunos ang kalagayan. Kitang-kita sa video ang dami ng sugat pati na rin ang mga baling buto ng magkapatid. Ayon sa kanilang pagsasalaysay, mula pa noong nagsimula ang lockdown, Marso noong nakaraang taon ay nagsimula na rin ang kanilang mapait na karanasan, mula sa kanilang madrasta.
Ayon kay Michael, mabuti na lang at nakatakas ang
batang lalaki upang makapagsumbong sa kanilang mga kamag-anak. Habang tinatanong ang batang lalaki, sinabi niya na ang mga sugat sa ulo ay bunga ng pagpalo sa kanila ng batuta, ganun din ang mga pasa sa kaniyang braso at binti. Ayon sa kaniya, ang mga ito ay nakuha sa pagtatangka niyang salagin at pigilan na maihampas ang batuta sa kaniyang ulo. Bukod sa mga sugat at pasa na ito, ang kanilang bibig na halos hindi na normal ang hitsura ay bunga naman ng pagpalo ng bote direkta sa kanilang bunganga. Kapansin-pansin din ang mga namamagang tainga ng mga bata, dahil din sa pagkakapalo ng batuta. Isa pang ipinakita ni Michael ang mga daliri sa dalawang kamay na halos hindi na maitiklop ng maayos, dahil sa pinuwersa itong baliin ng nasabing madrasta ng dalawang kaawa-awang mga paslit. Kinalbo ni Michael ang mga bata upang mas madaling makita at gamutin ang mga sugat sa ulo ng mga ito. Ibinahagi din sa naturang post ang larawan ng mga bata noong sila ay nasa maayos na kalagayan pa. Kasama din ang mga larawan ng madrastang umalipusta sa mga bata na may pangalan sa Facebook na Norma B. Truita (Darkmaron)
Sa kanyang pinakahuling Facebook post habang
isinusulat ito, ay nasabi ni Michael na mayroon pa siyang kasunod na video na iuupload. Hindi naman nabanggit o nasabi sa video maging sa Facebook post ni Michael Pobadora Rosario kung sino o nasaan ang tunay na magulang ng mga bata, na dapat sana ay nangangalaga sa kanila ngayon. Narito ang kaniyang Facebook post at ilang komento ng mga netizens: Sa video ay mangilang ulit na nabanggit ni Michael ang pangalan ni idol Raffy upang manghingi ng tulong maging sa mga komento ng mga netizens, na lubos ang pag-aalala sa mga bata. Patuloy ang paghiling ng nakararami ng agarang pagtulong para sa kaligtasan ng dalawang bata na tinatayang grabe ang trauma na pinagdadaanan ngayon dahil sa kanilang naging karanasan. Imahe mula Michael Pobadora Rosario | Facebook Nawa’y mabilis itong makarating sa programa o sa kinauukulang sangay ng gobyerno upang agad na maaksyunan ang malagim na sinapit ng mga bata.