10

FILIPINO 10
Ikalawang Markahan – Modyul 8:
Dula Mula sa Scotland
Macbeth ( Buod ng Dula)
Filipino – Baitang 10
Ikalawang Markahan – Modyul 8: Dula mula sa Scotland
Macbeth ( Buod ng Dula)
ni William Shakespeare

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang akdang Macbeth (Isang Malayang Salin) – DULA ay ginamit sa modyul na ito at
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anomang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito. Walang anumang
parte ng materyales na ito ang maaaring kopyahin o ilimbag sa anomang paraan ng walang
pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: JEMA L. DE PAZ
Editor: RODOLFO F. DE JESUS, PhD
Tagasuri: PATROCINIA T. ARIATE, FLORIAN L. RUIZ, EVANGELINE CECILE Y.
GARVIDA , HELEN S. MACABUTAS, MA.LOURDES K. PALMA, WILMA A. SWING
Tagaguhit: FRENZ ANNE M. SORIANO
Tagalapat: BRIAN SPENCER REYES
Tagapamahala: JENILYN ROSE B. CORPUZ, CESO VI, Tagapamanihala
FREDIE V. AVENDAÑO, Pangalawang Tagapamanihala
EBENEZER A. BELOY, OIC-CID Chief
HEIDEE F. FERRER, Tagamasid Pansangay – LRMS
RODOLFO F. DE JESUS, Tagamasid Pansangay – FILIPINO

Inilimbag sa Pilipinas ng Sangay ng mga Paaralang Panlungsod, Lungsod Quezon

Kagawaran ng Edukasyon, Pambansang Punong Rehiyon
Office Address: Nueva Ecija St., Bago Bantay, Quezon City
Telefax: 3456-0343
E-mail Address: sdoqcactioncenter@gmail.com
 10

FILIPINO
Ikalawang Markahan – Modyul 8:

Mga Akdang Pampanitikan ng

mga Bansa sa Kanluran
Macbeth
Paunang Salita
Para sa tagapagdaloy:

Malugod na pagtanggap sa asignaturang FILIPINO 10 ng Modyul para sa araling Mga

Akdang Pampanitikan ng mga Bansa sa Kanluran : Macbeth/Pokus sa Kagamitan
at Pokus sa Pinaglalaanan sa Pagsulat ng Sariling Damdamin

Ang modyul na ito ay idinisenyo, nilinang at sinuri ng mga edukador mula sa

pampubliko at pampribadong institusyon upang gabayan ka ng gurong
tagapagdaloy. Upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at

malayang pagkatuto ng mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang ika-21 siglo habang isinasaalang-alang ang kanilang mga
pangangailangan at kalagayan.

Bilang karagdagan sa materyal ng pangunahing teksto, makikita ninyo ang kahong

ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong
o estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang mag-aaral

kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.

ii
Para sa mag-aaral:

Malugod na pagtanggap sa FILIPINO 10 ng Modyul ukol sa Mga Akdang

Pampanitikan ng mga Bansa sa Kanluran: Macbeth/Pokus sa Kagamitan at Pokus
sa Pinaglalaanan sa Pagsulat ng Sariling Damdamin

Ang kamay ay madalas gamiting simbolo ng kakayahan, aksyon at layunin. Sa

pamamagitan ng ating mga kamay, tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga

dapat mong matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong laktawan
ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang leksyon.

Tuklasin Sa bahaging ito, ang bagong aralin ay

ipakikilala sa iyo sa maraming paraan tulad
ng isang kuwento, awitin, tula, pambukas na
suliranin, gawain o isang sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.

Pagyamanin Binubuo ito ng mga gawaing para sa

malayang pagsasanay upang mapagtibay ang
iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.

iii
 Isaisip Naglalaman ito ng mga katanungan o
pupunan ang patlang ng pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing makatutulong

sa iyo upang maisalin ang bagong kaalaman
o kasanayan sa tunay na sitwasyon o
realidad ng buhay.

Tayahin Ito ay gawain na naglalayong matasa o

masukat ang antas ng pagkatuto sa
pagkamit ng natutuhang kompetensi.
Karagdagang Sa bahaging ito, may ibibigay sa iyong
Gawain panibagong gawain upang pagyamanin ang
iyong kaalaman o kasanayan sa natutuhang
aralin.

Susi sa Pagwawasto Naglalaman ito ng mga tamang sagot sa lahat

ng mga gawain sa modyul.

Sa katapusan ng modyul na ito, makikita mo rin ang:

Ito ang talaan ng lahat ng pinagkuhanan sa

Sanggunian
paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng pahina/modyul. Gumamit ng hiwalay
na papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan/sagot.
5. Tapusin ang kasalukuyang gawain bago pumunta sa iba pang pagsasanay.
6. Ibalik ang modyul sa iyong guro o tagapagdaloy kung tapos ng sagutan lahat
ng mga pagsasanay.
Kung sakaling ikaw ay mahirapang sagutin ang mga gawain sa modyul na ito, huwag
mag-aalinlangang konsultahin ang inyong guro o tagapagdaloy. Maaari ka rin
humingi ng tulong sa iyong mga magulang, sa nakatatanda mong kapatid o sino
mang kasama sa bahay na mas nakatatanda sa iyo. Laging itanim sa iyong isipang
hindi ka nag-iisa.

Umaasa kami na sa pamamagitan ng modyul na ito ay makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!

iv
 Alamin

Ang modyul na ito ay idinisenyo at isinulat upang iyong maisaisip. Ito ay narito upang
matulungan ka na maging mahusay at maalam sa akdang pampanitikan na mula sa Malaysia.
Ang saklaw ng modyul ay nagbibigay pahintulot na magamit sa iba’t ibang pagkakataon sa iyong
pagkatuto. Ang wikang ginamit sa modyul ay kinikilala ang iba’t ibang antas ng wikang alam ng
mga mag-aaral. Ang mga aralin ay inihanay upang makasunod sa pamantayang daloy ng mga
paksa sa aralin ng bawat baitang. Ngunit ang ayos ng modyul na ito, kung saan mo mababasa
ay maaaring mabago na batay sa batayang aklat na iyong ginagamit.

Ang nilalaman ng modyul na ito ay:

 Aralin 8 – Panitikan ng mga Bansa sa Kanluran

Macbeth (Buod ng Dula) ni William Shakespeare

Matapos mong maisagawa ang mga gawain sa modyul na ito, inaasahang:

1. Naipaliliwanag ang katangian ng mga tao sa bansang pinagmulan ng dula batay

sa napanood na bahagi nito

2. Napapahalagahan ang katangian ng bawat tao batay sa bansang pinagmulan.

3. Nakasusulat ng sariling dula na tumatalakay sa katangian ng mga tao sa bansang

pinagmulan nito.

5
 Subukin

Panuto: Basahin at unawaing mabuti ang bawat tanong. Piliin ang letra ng tamang
sagot. Isulat sa sagutang papel.

1. Siya ay kilala sa taguring Thane of Glamis na siyang tawag sa kanya ng tatlong

bruha na nakasalubong niya. Sino ang tinutukoy sa pahayag?

A. Banquo C. Lady Macbeth

B. Macbeth D. Malcolm

2. Ang pinili ni Haring Duncun upang maging tagapagmana ng kaharian ay si?

A. Macbeth C. Macduff
B. Lady Macbeth D. Malcolm

3. Anyo ng dula na ang tema o paksa nito’y mabigat o nakasasama ng loob, nakaiiyak,
nakalulunos ang mga tauhang karaniwang nasasadlak sa kamalasan.

A. Melodrama C. Parse
B. Trahedya D. Saynete

4. Ang pokus ng pandiwa kung ang paksa o simuno ng pangungusap ang

pinaglalaanan o tagatanggap sa kilos na isinasaad ng pandiwa.

A. kagamitan C. layon
B. pinaglalaanan D. pokus

5. Ang pokus ng pandiwa kung ang paksa o simuno ay ang kagamitang ginagamit sa
pagsasagawa ng kilos o pandiwa

A. layon C. kagamitan
B. tagatanggap D. pinaglalaanan

6
Aralin

8 Dula mula sa Scotland

Balikan

PANUTO: Ibigay ang pinag-ugatan ng mga salitang may salungguhit. Isulat ang
kasagutan sa iyong sagutang papel. Gayahin ang pormat ng kahon na nasa ibaba
para sa iyong pagsagot.

1. “Pag-aasawa’y isang karangalang

hindi ko pinapangarap para sa
gulang kong labing-apat.”

2. Sila ay dumadalangin upang

paniniwala ay hindi mamatay
3.

4. Sino ka bang nagkukubli sa

gabing madilim na nakatuklas ng
aking lihim
5. Ang ngalan ko, santang mahal, ay
kinasusuyaan ko pagka’t yao’y
isang kaaway mo

6. Binibini ako’y nanunumpa sa

ngalan ng buwang iyon na
nagpuputong ng pilak sa lahat na
nariritong punong kahoy

7
 Tuklasin

Gawain1:
Panuto: Ang pagkakaroon ng ambisyon sa buhay ay may mabuti at masamang
epekto sa buhay ng tao ito ay nakadepende sa kung paano ito gagamitin ng tao. Sa
paanong paraan ito makabubuti at makasasama sa tao? Punan ang mga kahon sa
ibaba ng iyong sagot. Gayahin ang pormat sa iyong sagutang papel.

MATAAS NA AMBISYON SA
BUHAY

POSITIBONG EPEKTO NEGATIBONG EPEKTO

Pokus na Tanong

1. Ano ang maaaring mangyari kung mapunta ang kapangyarihan sa maling tao?

2. Paano nakatutulong ang pokus sa pinaglalaanan at pokus sa kagamitan sa

pagsulat ng sariling damdamin at saloobin?

8
 Suriin

Tandaan na nakikilala ang kasingkahulugan ng salita batay sa konteskto ng pangungusap .

Talasalitaan
Panuto: Suriin at Piliin sa loob ng crossword puzzle ang kasingkahulugan ng salitang may
salungguhit sa bawat pangungusap. Lagyan ng guhit o linya ang mga titik na bubuo sa
tamang sagot. Gawin ito sa iyong sagutang papel

B I N Y A G A N I N

A S A K U P I N G B

S I N G A L O L A H

A N A P U M A N I G

H I L U H I T I N E

A L A P A A P A G A

N A P A P A Y A G F

I N A B A G A B A G

N G A T N A Y I G G

1. Si Macbeth ay kumampi sa kasamaan.

2. Buong pagmamalaking sinabi ni Macbeth na hindi siya matatalo ng sinumang
iniluwal ng isang babae.
3. Ipinag-utos ni Malcolm na kubkubin ang kastilyo kung saan nasaan nagkukuta si
Macbeth.
4. Labis na nag-alala si Macbeth nang malamang paparating na ang hukbo ni Malcolm
na siyang tutugis sa kanya.
5. Nakumbinsi si Macbeth sa plano ng kanyang asawa at kinagabiha’y isinagawa niya
ang karumal-dumal na pagpatay sa mabuting hari.

9
Unawain
Panuto: Basahin at unawaing mabuti ang dula mula sa Scotland.

Macbeth ( Buod ng Dula)

ni William Shakespeare

Isang araw may dalawang matipuno at magigiting na sundalo na

nagngangalang Macbeth at Banquo. Sila ay nagmula sa kaharian ng Scotland na
matatagpuan sa kontinente ng Europa. Sila ay nakipagdigmaan laban sa mga rebelde
at nagwagi din sa huli. Pagkatapos ay nagtungo sila sa kanilang kaharian at sa
kanilang paglalakbay ay may nakasalubong silang tatlong mangkukulam at binanggit
nito ang kapalaran ng dalawang magigiting na sundalo. Ang kapalaran ni Macbeth
ayon sa mga mangkukulam ay ang maging hari balang araw at ang kay Banquo
naman ay sa kanyang lahi magmumula ang magiging tagapagmana ng korona, sila
ay labis na nabigla sa mga nasambit ng mga mangkukulam.
Hindi naglaon, dumating ang mga tauhan na ipinadala ni Haring Duncan
upang pasalamatan at bigyan pugay ang kanilang pagkapanalo sa lumipas na
digmaan. Kaya naman hinirang na “Thane of Cawdor” si Macbeth na kanyang
ikinatuwa. Naging totoo ang sinabi ng mga mangkukulam. Pagkatapos nito ay
sumulat si Macbeth sa kanyang asawa na si Lady Macbeth para ipaalam ang kanyang
nakuhang posisyon at ang mga hula ng mga mangkukulam sa kanyang kapalaran.
Nang makita ni Lady Macbeth ang liham siya ay natuwa at naging sobrang sabik na
makuha ang kaharian ni Haring Duncan. Dito niya napagtanto na ang tanging paraan
lang upang maging hari ang kanyang asawa ay kinakailangan mawala ni Haring
Duncan o kailangan nila siyang patayin. Subalit naguluhan ang isipan ni Macbeth
kung dapat ba niyang sundin ang kanyang asawa dahil alam niyang mabuting hari si
Haring Duncan.
Pero sa huli ay nakumbinsi siya ni Lady Macbeth upang patayin si Haring
Duncan. Ang kanyang naging plano ay lasunin ang dalawa niyang mga bantay at pag-
tapos ay saksakin ang Hari at isisi ang pagpatay sa kanyang dalawang bantay.
Kinabukasan, nadiskubre ni Macduff ang nangyari sa hari. Napatay ni Macbeth ang
dalawang kawal dahil sa sobrang galit nito sa pagpaslang sa hari. Dahil siya ay kilala
bilang mapagkakatiwalaang heneral, siya ang hinirang na bagong hari. Samantala,
ang anak ni Haring Duncan na si Malcolm ay nagpunta sa England at ang kapatid
nito na si Donalbain patungo sa Ireland. Kahit na si Macbeth ay isa ng hari, hindi
parin nawala sa kanyang isipan ang mga nasabi ng mangkukulam na sa lahi daw ni
Banquo manggagaling ang susunod na uupo sa trono. Kaya naman binalikan niya
ang mga manghuhula at nagbigay muli ng mga bagong pangitain. Isa sa mga ito ay
hindi siya kailanman mapapaslang ng sinumang iniluwal ng isang babae. Isa pa ay
hanggat di niya nakikita ang gubat ng Birnam Wood. Kaya naging maluwag ang
kanyang dibdib at naging kampante. Subalit hindi niya alam na tumakas na pala si
Macduff upang samahan si Malcolm. Nang magtagpo, agad silang bumalik sa
kaharian upang labanan ang kawal ni Macbeth. Samantala, habang sila ay
naglalakbay, hindi na kinaya ng konsensya ni Lady Macbeth kaya napagdesisyonan
niyang magpakamatay. Siya ay tumalon sa bintana mula sa kanyang palasyo. Nang
makita ni Macbeth na paparating na sila Malcolm, Macduff at ang mga mandirigma
nito, nagulat siya dahil sinabi ng mga mangkukulam na hindi siya basta basta
mapapaslang ng sinuman. Subalit ng magkaharap, nagulat siya ng umamin ito na
hindi siya iniluwal datapwat siya ay isinilang na sa pamamagitan ng cesarean. Sa
huli, nagwagi ang panig nila Malcolm at Macduff. Napaslang nila si Macbeth at ang
buong kawal nito. Dahil wala na si Macbeth, hinirang na hari ang anak ni Haring
Duncan na si Malcolm.

10
Pag-unawa sa Binasa

Panuto: Basahin at unawaing mabuti ang bawat katanungan. Itala ang iyong kasagutan sa
sagutang papel.

1. Anong mensahe ang nais ihatid ng dulang nabasa? Ipaliwanag.

________________________________________________________________________
________________________________________________________________________
2. Paano mo ilalarawan si Lady Macbeth bilang isang asawa? Bakit niya hinayaang
gumawa ng hindi maganda ang kanyang asawa?Ipaliwanag
________________________________________________________________________
________________________________________________________________________

3. Bakit naging madali kay Macbeth ang pumatay ng taong lubos na nagtiwala sa kanya?
________________________________________________________________________
________________________________________________________________________

4 Bakit sinunod ni Macbeth ang plano ng kaniyang asawa na patayin si Haring Duncan
sa kabila ng kabutihang ipinakita nito sa kaniya?
________________________________________________________________________
________________________________________________________________________
5 Bakit nakasasama sa isang tao ang labis na paghahangad ng kapangyarihan sa buhay?
Patunayan ang sagot.
______________________________________________________________________
______________________________________________________________________

Alam mo ba na….
Ang Mundong Kanluranin
Ang Mundong Kanluranin o Mundong pangkanluran ay orihinal na tumutukoy
sa mga bansang nasa Kanluran tulad ng mga nasa Hilagang Amerika, Kanlurang
Europa, at Gitnang Europa. Gayunpaman, sa paglipas ng panahon, ang
katawagang ito ay halos wala nang kaugnayan sa lokasyon sapagkat sa
kasalukuyan, nakasama na rin dito maging ang mga bansang dating kolonya ng
Europa tulad ng mga bansa sa Timog Amerika, Sibera, Australia, at New Zealand.
Dahil sa pagbabagong ito, mapapansing ang katawagang “Kanluranin” ay hindi
tumutukoy lang sa lokasyon o kinalalagyan ng mga nasabing bansa sapagkat ang
iba sa mga bansang ito ay wala naman sa Kanluran.
Ang panitikan ng mga bansang ito ay nagkaroon ng malaking impluwensiya sa
iba pang mga bansa sa mundo kung saan sila ay nakipag-ugnayan o sumakop.
Magpasahanggang ngayo’y laganap pa ang kanilang panitikan at patuloy na
humuhubog sa kamalayan ng mga mambabasa sa lahat ng panig ng mundo katulad
ng Pilipinas. Bunga nito’y patuloy na kinikilala at niyayakap ng marami ang kultura
at uri ng pamumuhay ng mga bansang kanluranin lalo na ang mga kabataan. Ito’y
karaniwang nagbubunga ng kaisipang kolonyal. Walang masamang matuto sa mga
babasahin at panitikang ito basta’t huwag din nating kalimutang basahin at
pagyamanin ang mga panitikang sariling atin.

Sanggunian: Western Civilization, Our Tradition; James Kurth; accessed Jan 27, 2015

11
 Pagyamanin

GRAMATIKA / WIKA
Pokus ng Pandiwa
(Pokus sa Pinaglalaanan at Pokus sa Kagamitan)

Pokus ang tawag sa relasyong pansemantika ng pandiwa sa simuno o paksa ng

pangungusap sa tulong ng iba’t ibang panlapi. Maipopokus o maitutuon ang pandiwa sa
kagamitan at tagatanggap o pinaglalaanan.

Pokus sa kagamitan: Ito ang naglalahad na ang instrumento o kagamitang ginamit sa

pagganap ng isinasaad ng kilos ay siyang simuno o paksa ng pangungusap.
Mga Panlapi- ma+ipang, ipang
Halimbawa:
1. Ipinangkumbinsi ng Alkalde ang maayos na pakikipag-usap.
2. Nais niyang ipang-areglo ang sampung libong piso.

Pokus sa Pinanglalaanan o Tagatanggap: Ito ang nagtuturo na ang pinaglalaanan ng

kilos ay siyang simuno o paksa ng pangungusap.
Mga Panlapi: i-, ipang-, ipag-, maipag-
Halimbawa:
1. Inihingi ng tawad ng Alkalde ang kanyang anak.
2. Ipinaglaban ni Regina ang dangal ng kanyang anak.

Pagsasanay 1
Panuto: Basahin mabuti ang bawat pangungusap. Salungguhitan ang paksa o simuno at
ikahon ang pandiwa. Pagkatapos ay isulat sa linya kung ang pandiwa ay pokus sa
pinaglalaanan o kagamitan.
________1. Ipinaghanda ng mag-asawang Regina at Carlo ang kanilang mga bisita.
________2. Ipinambukas niya ng pintuan ang susi sa bahay.
________3. Ipinang-akit ni Lauro ang matatamis niyang mga salita kay Flora
________4. Ipinagpagawa ng plano ni Lady Macbeth ang asawa.
________5. Ipinambili ng pamahalaan ng Covid-19 vaccine ang donasyon na galing sa ibang
bansa.

12
Pagsasanay 2
Ang kultura ng Pilipinas ay mayaman at makulay, katulad ng ibang bansa kaya
natin makipagsabayan dahil marami tayong dapat ipagmalaki patungkol sa ating kultura.

Panuto: Sumulat ng sanaysay tungkol sa ipinagmamalaking kultura ng Pilipinas gayundin

ay isulat mo ang iyong damdamin o saloobin tungkol dito. Gumamit ka ng mga pandiwang
nasa pokus kagamitan at pinaglalaanan sa iyong susulatin. Salungguhitan mo ang bawat
pandiwa na iyong ginamit.

___________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

_____________________________________________________________________________

13
Gawain 1
Pag-uugnay!
Panuto: Panoorin ang videoclip sa ibaba kaugnay ng bansang naging tagpuan ng dulang
Macbeth, ang Scotland at pagkatapos ay sagutin ang mga katanungan sa ibaba. Isulat ang
iyong sagot sa sagutang papel.

The True Story of Scotland: Documentary on

Scotland and its Traditions the Prehistory of Scotland (Full
https://www.youtube.com/watch?v=f Documentary)
5ZbVYGHzJU
https://www.youtube.com/watch?v=P
Gr-3CzO_Yg

1. Ano ang paksa ng napanood na videoclip?

2. Ipaliwanag ang katangian ng mga tao sa bansang Scotland at magbigay ng
impormasyon dito batay sa mga sumusunod na aspekto.

3. Isa-isahin ang pagkakatulad at pagkakaiba ng bansang Scotland at bansang

Pilipinas batay sa mga datos na nabatid.
4. Anong mahalagang kaisipan tungkol sa Scotland ang nakaagaw ng iyong interes?
Bakit?
5. Paano mo mapahahalagahan ang katangian ng bawat tao batay sa bansang
pinagmulan nito?

14
Pokus na Tanong

1. Ano ang maaaring mangyari kung mapunta ang kapangyarihan sa maling tao?

2. Paano nakatutulong ang pokus sa pinaglalaanan at pokus sa kagamitan sa

pagsulat ng sariling damdamin at saloobin?

Isaisip

Panuto: Bumuo ng pahayag sa pamamagitan ng pagdurugtong.

Napatunayan ko na ang pag-aaral sa mga dula ay…..

______________________________________________________________________________
________________________________________________________________________

Natuklasan ko na kinakailangang bigyan ng kahalagahan ang tamang gamit ng

pokus ng pandiwa upang….

____________________________________________________________________________
__________________________________________________________________________

15
 Isagawa

KWENTANGIAN

Miyembro ka ng sulat-mulat. Isang pangkat ng mga manunulat ng inyong paaralan. Upang

mapaunlad pa ang inyong kasanayan sa pagsulat magsasagawa kayo ng isang virtual story telling
at kayo ay naatasang sumulat ng sariling likhang dula tungkol sa katangian ng mga Pilipino na
nangibabaw sa panahon ng pandemya. Ang bubuoin mo ay inaasahang makapagbigay ng
inspirasyon sa bawat Pilipino upang lumaban sa panahong ito ng pandemya. . Isulat mo ang iyong
dulang nalikha sa isang malinis na papel.

Mga Pamantayan sa Pagsulat ng Dula 5 4 3 2 1

1. Nakatuon lamang ang nilalaman ng akda

sa paksa na nangibabaw na katangian ng
tao sa panahon ng pandemya sa dula.

2. Nailahad nang mahusay ang pangyayari sa

dula.
3. Nailarawan ng maayos ang mahahalagang
tagpo sa dula

4. Naihanay ang mga pangyayari mula

umpisa hanggang wakas.

5. Wasto ang pagkakabuo /kayarian ng mga

salita at pangungusap na ginamit sa akda.
Kabuoan ng puntos ng Gawain

5 puntos - lahat ng pamantayan ay naisakatuparan sa pagsulat ng dula

4-4 puntos - apat na pamantayan ang naisakatuparan sa pagsulat ng dula
3-3 puntos - tatlong pamantayan ang naisakatuparan sa pagsulat ng dula
3-2 puntos - dalawang pamantayan ang naisakatuparan sa pagsulat ng dula
2-1 puntos - isa lamang pamantayan ang naisakatuparan sa pagsulat ng dula

16
 Tayahin

Panuto: Basahin at unawaing mabuti ang bawat bilang. Isulat sa iyong sagutang papel ang letra
ng tamang kasagutan.
1. Sakop ng bansang Scotland ang Katimugang bahagi ng pulo ng Kalakhang Britanya. Ang
kasingkahulugan ng salitang nakasalungguhit ay;
A. Lupa B. Isla C. Katubigan D. Kontinente

2. Ang panitikan ng mga bansa sa Kanluran ay laganap sa iba’t ibang panig ng mundo na
humuhubog sa kamalayan ng mambabasa. Ang kasingkahulugan ng salitang may
salungguhit ay;
A. Kalagayan B. Kaalaman C. Kaisipan D. Kabatiran

3. Siya ang itinuturing na pinakadakilang manunulat sa wikang Ingles?

A. Geoffrey Chaucer C. William Shakepeare
B. Nathaniel Hawthorne D. Kate Chopin

4. Ito ang tawag sa relasyong pansemantika ng pandiwa o salitang kilos sa simuno o paksa ng
pangungusap.
A. semantika C. tagaganap
B. pokus ng pandiwa D. pinaglalaanan

5. Ito ay ang opisyal na wika ng mga taga Scotland

A. Arabic B. English C. Spanish D. Mandarin

6. Ayon sa sensus ito ang pinakamataas na porsyento ng relihiyon sa Scotland?

A. Islam B. Hudaismo C. Hinduismo D. Kristiyanismo

7. Ito ay isinusulat at itinatanghal upang magsilbing salamin ng buhay na naglalayon makaaliw;

makapagturo o makapagbigay ng mensahe?
A. Dula B. Nobela C. Epiko D. Tula

8. Anyo ng dula na ang tema o paksa ay mabigat o nakasasama ng loob, nakalulunos ang mga
tauhan at karaniwang nagwawakas ng malungkot?
A.Parse B. Tragikomedya C. Trahedya D. Melodrama

9. Ipinampatulog niya ang alak sa mga guwardiya ng hairi. Ang salitang nakapahiling ay nasa
pokus ng pandiwa sa?
A. Pinaglalaanan B. Layon C. Kagamitan D. Tagaganap

10. Ipinaghiganti niya ang sinapit ni Lorna sa kamay ng kaaway. Alin ang pokus ng pandiwa sa
pangungusap?
A. Ni Lorna B. Ipinaghiganti C. SA kamay D. Kaaway

17
 Karagdagang
Gawain

Panuto: Pagkatapos mapanood ang dalawang video tungkol sa kultura at tradisyon ng

bansang Scotland sumulat ka ng sanaysay na naglalahad ng tungkol sa bansang itong at
ang katangian ng mga taong naninirahan dito gamit ang mga pandiwang nasa pokus sa
pinaglalaanan at kagamitan. Ilagay mo sa kahon na nakalaan sa ibaba ang mga salita at
pokus ng pandiwa na iyong ginamit

Isulat ang sanaysay dito.

Isulat sa bahaging ito ang salita na ginamit sa sanaysay at kung anong

pokus ng pandiwa ito.

1. ____________________________________________________
2. ____________________________________________________
3. ____________________________________________________
4. ____________________________________________________
5. ____________________________________________________

18
 19
Tayahin Pagsasanay 1 Pag-unawa sa Binasa
1.Ipinaghanda- mga bisita- Nakabatay ang kasagutan
1. B Pinaglalaanan sa mga mag-aaral.
2. C 1 . Ang labis na
2.Ipinambukas-ang susi-
3. C Kagamitan paghahangad sa
kapangyarihan ay
4. B 3.Ipinang-akit- Flora- nakapagtutulak sa tao na
Pinaglalaanan gumawa ng kasamaaan.
5. B
4.Ipinagpagawa-Ang asawa- 2. Naging masamang
6. D impluwensiya si Lady
Pinaglalaanan
7. A Macbeth sa kaniyang asawa
5.Ipinambili-Covid19 Vaccine- sapagkat siya ang higit na
8. C Pinaglalaanan ambisyosa.
9. C 3. Dahil nadala siya sa
Pagsasanay 2 impluwensiya ng kaniyang
10. B
Nakabatay ang kasagutan sa asawa at labis na
mga mag-aaral at nasa paghahangad sa
pagpapasya ng guro ang kapangyarihan.
tamang kasagutan 4. Dahil naghangad din siya
na makuha ang pwesto ni
Haring Duncan at mahal
niya ang kaniyang asawa.
5.Dahil ito ay nagdudulot ng
kapahapamakan sa tao.
Suriin Tuklasin Subukin
1. Pumanig Nakabatay ang 1. B
kasagutan sa mga mag- 2. D
2. Isinilang aaral. 3. B
4. B
1 . Positibong epekto ng
5. C
mataas na ambisyon-
3. Sakupin Nagiging matyaga sa pag-
abot ng pangarap sa
buhay at nakakamit ito
Balikan
4. Nabagabag
sa bandang huli. 1. PANGARAP
2. Negatibong epekto ng 2. DALANGIN
5. Napapayag mataas na ambisyon –
Nagiging sakim at 3. KUBLI
tinatapakan ang iba
4. SUYA
makamit lang ang gusto.
5. PUTONG
Susi sa Pagwawasto
Sanggunian
1. Ambat, Vilma C.et.al (2015). Panitikan ng Daigdig – Modyul sa Filipino -Grade 10.
Pasig City. Vibal Group Inc.
2. Marasigan, Emily V. et. Al. (2017). Pinagyamang Pluma 10. Quezon City. PHOENIX
Publishing House.
3. Castro, Cecille C. et.al (2019). PITAK 10. Quezon City. Educational Learning
Resource Publication.
4. Diksyunaryo.https://tagalog.pinoydictionary.com/word/.
5. Department of Education. https://commons.deped.gov.ph/melc
6. Youtube. https://www.youtube.com/watch?v=qDmZzBVKFMk
https://www.youtube.com/watch?v=hbQbaUeOkDQ
7. Wikipedia. https://tl.wikipedia.org/wiki/Scotland
8. Slideshare. https://www.slideshare.net/kyung2/aral-pan-5-europa

20
1