DIVINA PASTORA COLLEGE

Basic Education Department (2020-2021)

SELF-LEARNING PACKET (SLP) in

PAGBASA AT PAGSUSURI NG IBA’T IBANG TEKSTO TUNGO SA PANANALIKSIK
QUARTER 1, WEEK 3
PANGALAN: ________________________________ MARKA:___________/
TAON/PANGKAT: ___________________________ PETSA:____________

Panginoon, maraming salamat sa panibagong pagkakataong ipinagkaloob Mo upang

maging makabuluhan ang araw na ito para sa aming pagkatuto. Salamat sa mga biyayang
ipinagkakaloob Ninyo sa amin, sa walang sawang paggabay at biyayang aming natatanggap.
Patawad, Panginoon, sa aming mga pagkakasala sa isip, sa salita at sa gawa. Hinahangad
namin, Panginoon, ang aming proteksyon laban sa pandemyang aming kinahaharap. Nawa ay
magwakas na rin ang pagsubok na dulot nito upang makabalik na kami sa aming normal na
pamumuhay. Amen.

Sa pagtatapos ng SLP na ito, ikaw ay inaasahang:

1. Unawain ang Persuweysib at Argumentatibong teksto;
2. Gamitin ang pamamaraan ng mabisang pangangatuwiran;
3. Nakasusulat ng mga reaksyong papel batay sa binasang teksto ayon sa katangian at
kabuluhan nito sa pamilya, komunidad, bansa at daigdig at;
4. Mangatuwiran ng naaayon sa katotohanan.

Isa ka rin ba sa mga natutuwang manuod ng patalastas at naaakit sa mga produktong

ipinapakita nito?
Ang patalastas ay isang paraan ng paghihikayat sa mga mamimili upang tangkilikin ang
kanilang produkto o serbisyo. May mga pasulat na patalastas tulad ng flyers, posters at iba pa.
Ang iba naman ay napapanuod sa telebisyon o napapakinggan sa radyo.
Umisip ng isang patalastas sa telebisyon ng kahit anong produkto na sa tingin mo ay
gumamit ng mahusay na panghihikayat at ipaliwanag kung bakit sa tingin mo ay epektibo ang
panghihikayat na ginamit.
_________________________________________________________________________
_________________________________________________________________________
_________________________________________________________________________
_________________________________________________________________________
_________________________________________________________________________
_______________________________________________________________________.

PAGBASA, Q1W3;SALVADOR, L. 1
Teksyong Persuweysib: Paano kita mahihikayat

Nagkaroon ka na ba ng karanasan kung saan hinikayat mo ang iyong mga kaibigan na

manuod ng inaabangan mong pelikula sa sinehan? Naranasan mo na rin bang kumbinsihin ang
iyong mga magulang na payagan kang mag-overnight sa bahay ng iyong kaibigan? Ang mga
pamamaraang ginagamit mo bilang panghihikayat sa impormal na kumbersasyon tulad ng mga
nabanggit ay maaring maging batayan din sa pagbuo ng tekstong persuweysib. Ito ang
konsepto ng panghihikayat ng isang manunulat upang kumbinsihin ang mga mambabasa na
paniwalaan ang kaniyang mga sinasabi sa isang partikular na paksa.

Ang panghihikayat sa payak na kahulugan ay tumutukoy sa paglalarawan ng tunay o

karaniwang pagtanggap sa isang pananaw na narinig at nabasa. May kaugnay ito sa
pangangatwiran ngunit ang pinagkaiba lamang nito ay wala itong kinikilingan at patas ang
pagtanggap. Ang panghihikayat ay pag-iimpluwensiya sa kaisipan, saloobin, damdamin,
paniniwala, motibasyon, naisin, at pag-uugali ng isang tao.

Ang tekstong nanghihikayat (persuasive) ay ginagamit ng isang may-akda upang

kumbinsihin ang mga mambabasa na tama o tiyak ang kaniyang isinulat. Naglalahad ang
tekstong ito ng mga pahayag na nakakaakit at nakahihikayat ng damdamin at isipan ng mga
mambabasa sapagkat may sapat na ebidensiya o katibayan sa paglalahad ng paksa. Layunin
dito ng may-akda na maglahad ng isang paksa na kayang panindigan at maipagtanggol sa
tulong ng mga patnubay at totoong datos upang tanggapin, makumbinsi at mapaniwala ang
mga mambabasa. Ang tono ng isang tekstong nanghihikayat ay maaring:
- Nangangaral -nagagalit -nasisiyahan
- Nag-uuyam -nambabatikos -nalulungkot
- Naghahamon -natatakot -nagpaparinig
-
Sa madaling sabi, ang tekstong persuweysib ay pagpapahayag na may layuning mahikayat
ang mambabasa na makiayon o tanggapin ang pananaw ng manunulat. Mabibilang dito ang
advertisement, sanaysay na politikal, editoryal, brochure, catalog etc.

Mga elemento sa pagbuo ng isang mahusay na tekstong nanghihikayat (Persuweysib)

1. Pagbuo ng mga makatotohanang kaisipan.
2. Pagtukoy ng damdamin at saloobin na may kaugnayan sa interes ng mga mambabasa.
3. Pagkakasunod-sunod ng mga kaisipang may katotohanan at damdamin.
4. Pagbuo at pagpapahayag ng kongklusyon.
5. Mapaniwala ang mambabaasa na ang kongklusyon ay mula sa napagkasunduang
katotohanan.
6. Makatutulong din ang cohesive devices na natalakay sa nakaraang SLP sa pagsulat ng
tekstong nanghihikayat.

Sa pangkalahatang panuntunan sa pagsulat ng tekstong nanghihikayat, ay may akda ay

kailangang:
- Magkaroon ng isang matatag na opinyon na madaling matanggap ng mga mambabasa;
- Simulan ang pagsulat ng teksto sa mapanghikayat na panimula upang bigyang-pansin
ng mga mambabasa;
- Maglahad ng mga ebidensiya na susuporta sa isiniwalat na opinyon;
- Pagtibayin ang pahayag sa kung ano ang nais na paniwalaaan ng mga mambabasa.

Halimbawang Teksto:

"POKUS SA PAG-AARAL"
BY:PAUL ANUNSAON

PAGBASA, Q1W3;SALVADOR, L. 2
 Pagod ka na ba sa pag- aaral? Susuko ka nalang ba ng ganyan kadali? Isipin mo
muna ang hirap at sakripisyong ginawa ng magulang mo para matustusan ang pag -aaral mo,
ang suporta nila sa iyo. Kanilang pagganyak para ikaw ay mag-aral. Sana'y pag-isip- isipan mo
ang kanilang sakripisyo huwag ang sarili ang unahin.
Ikaw, Oo ikaw. Alam mo bang mahirap na nga kayo, pinapahirapan mo pa ng sobra ang
magulang mo. Sana man lang mag-ayos ka sa pag- aaral mo. Iyan na nga lang ang maibibigay
mo sa iyong mga magulang sa ngayon, ang mapasaya sila. Marami ka namang mga
pagganyak gaya nang parating sinasabi ng magulang natin na, ayusin mo pag-aaral mo ha?
Para sa hinaharap hindi ka na mahihirapan sa buhay mo. Para sa hinaharap may pirmi ka na
trabaho at hindi ka na mahirapan pagdating ng panahon. Kaya simula ngayon huwag ninyong
aksayahin ang panahon na ikaw ay nakakapag-aral pa. Ikaw lang din naman makikinabang
kung ano matatapos mo sa pag-aaral."Keep that in mind".
Hinding hindi mo pagsisihan kung ikaw ay makapagtapos at magkaroon ng magandang
trabaho para sa pamilya mo at sa susunod na pamilya mo, ‘yung sa iyo na talaga.

Sa binasang halimbawa, paano hinihikayat ng may-akda ang mga mag-aaral na maapektuhan

at sumang-ayon sa kanyang paksa? Ano-anong salita ang kanyang ginamit upang makumbinsi
ang kaisipan ng mga mag-aaral?

Tekstong Argumentatibo: Ipaglaban ang katuwiran

Lahat ng tao ay gumagamit ng iba’t ibang porma ng argumentasyon sa iba’t ibang

pagkakataon. Madalas, maging ang mga simpleng sitwasyon ay nangangailangan ng mahusay
na pangangatwiran gaya ng paghingi ng permiso sa mga magulang, panghihiram ng gamit sa
kapatid, pamimili ng paksa o konsepto sa mga gawaing panggrupo sa klase o kaya ay paghingi
ng pangalawang pagkakataon sa iniibig. Bagama’t hindi pormal ang estilo ng argumentasyon sa
mga nabanggit na pagkakataon, ang mga estratehiyang ito sa pangangatuwiran ang batayan ng
mga tekstong argumentatibo.

Ang tekstong argumentatibo ay isang uri ng teksto na nangangailangang ipagtanggol ng

manunulat ang posisyon ng isang tiyak na paksa o usapin gamit ang mga ebidensiya mula sa
personal na karanasan, kaugnay ng mga literatura at pag-aaral, ebidensyang kasaysayan at
resulta ng empirikal na pananaliksik. Ang empirikal na pananaliksik ay tumutukoy sa
pangongolekta ng datos sa pamamagitan ng pakikipanayam, sarbey at eksperimentasyon.

May pagkakahawig ang tekstong argumentatibo at tekstong paghihikayat dahil pareho

nilang layunin na makuha ang suporta ng mambabasa, ngunit ang dalawang teksto ay
nagkakaiba sa anyo. Sa tekstong argumentatibo, nangangatwiran ang may-akda upang ang
ideya o posisyong umiiral ay mabigyang-diin. Inihahain din ng may-akda ang mga ideya na ibig
salungatin kung kaya may nakahandang pagpapaliwanag sa teksto. Sinasagot ng tekstong
argumentatibo ang tanong na bakit. Ang editoryal ay isang magandang halimbawa ng
argumentatibong teksto.

Mga gabay sa pagsulalt ng tekstong Argumentatibo

1. Pumili ng isang paksang malapit sa puso at malapit sa interes mo. Alamin kung
makatwiran at mapangangatawanan ang mga opinyong maibibigay.
2. Tiyakin ang lawak ng kontrobersiya ng paksa at ang damdaming aasahan sa mga
mambabasa.
3. Isipin ang magiging panig ng mga mambabasa; panig ba sila o salungat?
4. Ipahayag ang opinyon sa pangunahing kaisipan gamit ang mga pahayag na maliwanag,
makabuluhan at mapaninindigan.
5. Mangalap ng mga patunay, impormasyon, dahilan at mga pangyayaring maaring gamitin
sa pangangatwiran.
6. Tiyaking ang mga gagamiting salita ay makatwiran at solido gayundin ang lohikal na
ugnayan ng mga ideya.
7. Makatutulong din ang cohesive devices na natalakay sa nakaraang SLP sa pagsulat ng
tekstong nanghihikayat.

Halimbawa ng Tekstong Argumentatibo

PAGBASA, Q1W3;SALVADOR, L. 3
Paksa: Pagpapatupad ng Programang K-12 bilang sistema ng edukasyon sa Pilipinas.

Pabor sa K-12
Dapat lamang na ipatupad ang programang K-12 dahil ang Pilipinas na lang ang tanging
bansa sa Asya na 10 taon lamang ang taon ng pag-aaral ng Basic Education. Magkakaroon ng
pagkakataon ang mahihirap na pumili kung magpapatuloy sa kolehiyo o magsisimula nang
magtrabaho matapos sumailalim sa K-12 kung sakaling wala na silang pera upang tumuloy sa
pag-aaral. At kahit pa hindi sila nakapag-aral ng kolehiyo, magagawaran pa rin sila ng sertipiko
ng kuwalipikasyon upang makahanap ng trabaho na kikilalanin maging sa ibang bansa.

Hindi Pabor sa K-12

Sa kabila ng pagiging praktikal ng programang K-12, hindi pa rin ito dapat ipatupad dahil
kulang ang pamahalaan sa paghahanda. Walang ginanap na pag-aaral kung magiging mabisa
ba ito para sa mga Pilipinong mag-aaral. Basta-basta lamang itong ipinatupad kung kaya kulang
sa pagsasanay ang mga guro para sa idadagdag na dalawang taon sa pag-aaral, na patuloy
na magdudulot ng hindi kaaya-ayang kalagayan sa mga mag-aaral habang nag-aaral. Ang
dalawang taon kung saan magkakaroon ng pagbabago para sa pagpasok ng Grade 11 at 12 ay
magdudulot ng kawalan o kakulangan ng mga mag-eenrol sa mga pamantasan na magtutulak
sa mga ito na magtanggal ng mga empleyado lalo na ang mga guro at kawani.

Ikaw, saang proposisyon ka magbibigay ng iyong pangangatuwiran sa mga sumusunod na

paksa?(tatalakayin ito sa synchronous class)
1. Dapat na ipasa ang Divorce bill upang mabawasan ang karahasan laban sa kababaihan.
2. Nakasasama sa pamilya ang pag-alis ng isang miyembro nito upang magtrabaho sa
ibang bansa.

Natapos na nating talakayin ang mahahalagang bahagi ng iba’t ibang teksto na

makatutulong sa panibago nating aralin, ang pagsulat ng reaksiyong papel base sa binasang
teksto.

Pagsulat ng reaksyong papel

Sa mga bagay na naoobserbahan natin sa ating paligid, sa mga napapanuod natin sa iba’t
ibang uri ng media, maging sa mga taong nakasasalamuha natin, palagian tayong may
reaksiyon. Hindi ba? Kaugalian na siguro natin na punain o pansinin ang mga bagay bagay sa
ating paligid kung kaya’t minsan ay nagiging paksa pa ito ng ating status sa mga social
networking site, o kaya naman ay naibabahagi natin sa ating mga kapamilya, kaibigan at
kakilala. Mahalagang magkaroon ng kabatiran kung paano nga ba isusulat ang mga reaksiyong
ito bilang pamamaraan ng ating maayos na pagpapahayag.

Iba’t iba ang kadahilanan kung bakit tayo nagsusulat. Maaring bilang personal na reaksiyon
o ekspresyon at pagbibigay na rin ng kahulugan ukol sa isang paksa. Sa ganitong aspeto,
nagsisimula tayo sa pamamagitan ng isang personal na pagsasalaysay at ang tono ng salaysay
ay nasa unang panauhan. Ang pangunahing bida rito ay ang salitang “Ako” o ang mismong
nagsasalaysay. Ang mga sariling karanasan na inilalahad ng mga mag-aaral ay nakatutulong
upang mas madaling maibigay ang kahulugan ng paksang nais ipabatid.

Maaari din namang magsulat bilang reaksiyon bunga ng mga kaalaman natin sa iba’t ibang
kaalaman, gawi at tradisyon. Sa puntong ito, mainam na makilala ang salik na pinagmumulan
ng manunulat kung saang institusyon siya nabibilang halimbawa, upang maunawaan natin ang
kaniyang mga nabuong pakikilahok o pagsang-ayon.

Mayroon din namang nagsusulat ng kanilang reaksiyon para sa ninanais na panlipunang

pagbabago. Binibigyang-diin sa ganitong anggulo ang mga paksa hinggil sa isyu sa lipunan,
ekonomiya at politika. Inaasahang makapagbibigay ito sa mga mambabasa ng epektong
makapag-uudyok sa kanila upang magbigay ng matitinding suhestiyon o mungkahi, o kaya
naman ay pagsang-ayon o pagtanggi.

Upang mas maunawaan ang pagsulat ng reaksiyong papel narito ang ilang bahagi nito.

Mga bahagi ng Reaksiyong Papel

PAGBASA, Q1W3;SALVADOR, L. 4
 1. Panimula- isinasagawa rito ang pagpapakilala ng paksa. Introduksiyon ito at pinupukaw
ang interes ng mga mambabasa. Marapat na pagbutihin ang pagkakasulat nito upang
mahikayat ang mga mambabasa na magpatuloy sa pagbabasa hanggang wakas.
Karaniwan nang nagsisimula ito sa pangkalahatang pangungusap tungkol sa paksa.
Ang huling pangungusap sa panimula ay ang tesis na pahayag ng pangunahing ideya.
Inilalahad din dito ang pananaw ng may akda.

2. Katawan- isinasaad dito ang nilalaman ng teksto kung saan pinagsasama-sama ang
mga kaisipang magkakasing-uri at isinasaayos ang mga kaisipan sa isang
makatuwirang pagkakasunod-sunod. Ang bawat talata ay may sariling simula, gitna at
wakas upang makabuo ng mas malawak na kabuuan.

3. Wakas- ito ang pinakabuod o konklusyon ng teksto. Depende ang haba nito sa haba ng
buong teksto. Maituturing na konklusyon ang wakas kung nakapaghain ka ng mga
katibayan at pangangatuwiran sa iyong sulatin.

Narito din ang ilang gabay sa pagsulat ng reaksiyong papel na makatutulong sa iyo para sa
nakahandang gawain.

Mga gabay sa Pagsulat ng Reaksiyong Papel

1. Siguraduhing maayos ang estruktura ng panimula.
2. Magkaroon ng malinaw na panimulang talata.
3. Isulat ang paksang pangungusap sa bawat talata.
4. Bawat talata ay naglalaman ng mga katibayan
5. Magdagdag ng mga kawili-wiling pangungusap sa bawat talata para makabuo ng
komprehensibong konklusyon.
6. Iugnay ang bawat talata sa mga sinundang pahayag.
7. Siguraduhing makikita ang katotohanan ng tesis na pahayag kapag nabasa ang
kabuuan ng sulatin.

Basahin at unawaing mabuti ang halimbawa ng tekstong Persuweysib at sagutin ang mga
kaugnay na tanong. (3 puntos bawat bilang)
Pamantayan ng pagmamarka:
Kaayusan at kalinawan ng paglalahad- 2
Katumpakan ng mga sagot- 1

DEPRESYON: Huwag Balewalain

Salin sa Filipino ni : Christan George C. Francisco

Napakaraming kadahilanan kung bakit nakararanas ng depresyon ang isang tao. Sa

katunayan, isipin palamang ang pagbagsak ng ekonomiya, ang mga mahihirap na lalong
naghihirap,ang mga politkong nagsipandaya sa eleksyon, ang matinding pagtaas ng presyo ng
bilihin, mga problemang tila hindi na nalulunasan at napakarami pang iba ay talaga nga namang
depresyon na agad ang dulot sa atin.
Subalit ano nga ba ang depresyon? Binigyang depinisyon ito ng mga sikolohista bilang isang
mental disorder na maraming pinagmumulang sintomas. Sa kabilang banda, isa sa kadalasang
sintomas nito ay ang pagkaramdam ng kalungkutan ng taong nakararanas nito na nagdudulot
din ng pagod at kawalang interes sa mga nangyayari sa paligid. Ang ganitong uri ng disorder ay
walang pinipiling edad, subalit,kadalasan itong nararanasan ng mga taong nasa 24 hanggang
55 taong-gulang, maging ng mga kabataan.Narito ang mga palatandaan ng mga taong
nakararanas ng depresyon; (1) Kadalasang nakararanas ng pagkalungkot, pagkatakot at hindi
na interasado sa mga kinagawiang gawain; (2) Pagbaba o pagtaas ng timbang, ito ay dahil na
rin sa pagbabago ng apetayt; (3) Kinukulang o kaya naman ay sobra-sobra ang pagtulog; (4)
nagiging magagalitin o kaya naman ay umiigsi ang pasensiya; (5) Nakararamdam ng

PAGBASA, Q1W3;SALVADOR, L. 5
pagkaguilty sa iba't ibang bagay; (6) Nagkakaroon ng kahirapan sa pagdedesisyon; (7) palaging
nag-iisip ng kamatayan o pagpapatiwakal.
Nararapat tingnan ang mga nabanggit na palatandaan upang makaiwas na magkasakit ang
taong nasa yugto ng depresyon. May tinatawag na elemento ng biochemistry kung saan ang
isang tao ay kinukulang ng serotonin at norepinephrine na nagtutulak sa isang tao na
makaramdam ng takot, pagiging magagalitn at fatigue. Kasama rin sa konsiderasyon ang mga
elementong nakukuha natn sa ating paligid. Ito ay tumutukoy sa mga taong laging nagkakaroon
ng engkwentro, nakararanas ng pang-aabuso gayundin ang kahirapan. Ang huli ay ang mga
taong may mababang pagtingin sa sarili at kulang sa pagtitiwala sa kanilang kakayahan. Lahat
ng ito ay makapagdudulot ng depresyon.
Dahil sa lumalaganap na pagdami ng kaso ng mga indibidwal na nakararanas ng depresyon
partikular sa mga kabataan, patuloy ang panghihikayat ng mga espesyalista na tulungan ng
mga magulang, guro at iba pa na may kakilalang sumasailalim sa matinding depresyon ang
mga kabataan na malunasan ang ganitong klase ng mental disorder. Narito ang ilan sa mga
dapat gawin kung ang iyong anak, kaibigan o kakilala ay nakararanas ng depresyon; (1)
Ipaalam mo sa kanya na handa kang tumulong sa kanyang sitwasyon, ikaw mismo ang mag-
alok ng tulong kung sakali man na nahihiya siyang maglabas ng kanyang saloobin; (2) Kung
hindi pa siya handang makipag-usap sayo at magbahagi ng kanyang nararamdaman hayaan
mo muna siya, ngunit ipaunawa mo pa rin sa kanya na kapag handa na siya ay bukas ka sa
pakikinig at pagtulong sa kanya; (3) Kung siya ay handa at panatag na sa iyo, maglaan ka ng
atensyon na para lamang sa kanya at makinig ka sa kahit na anomang sasabihin niya. Huwag
na huwag mo rin siyang pagagalitan, pagtataasan ng boses at sesermonan sapagkat maaari
itong makasira sa usapan ninyong dalawa, maaari itong makasagabal sa layunin mong
tulungan siya; (4) Intindihin mo ang mga saloobin at emosyon na ipinapahayag niya sa iyo,
gaano man ito kababaw, sapagkat kung ipagsasawalang-bahala mo lamang ang mga iyon ay
iisipin niyang hindi lubos ang iyong pagtulong.
Ang mga inilahad na mga pamamaraan ay makatutulong ng malaki para sa mga kabataan o
sinomang nakararanas ng depresyon upang hindi na nila isipin pa na magpakamatay. Kung
susuriin natin ang mga pag-aaral kaugnay ng depresyon, mayroon namang mga naging
matagumpay na nagamot ito. Nararapat nga lamang na lapatan ito agad ng wastong mga
kaparaanan at tamang proseso. Ang mga mahal sa buhay at kaibigan ng taong nakararanas
nito ay nararapat na agarang tumugon sa pamamagitan ng pagpapayo na konsulthin agad ang
isang psychiatrist sa lalong madaling panahon upang hindi na dumami pa ang bilang ng mga
nagpapatiwakal na mga indibidwal. Kailangan lamang nating makinig, magpahalaga at
tumulong sa mga taong nakararanas ng depresyon.

1. Malinaw bang naipakita sa teksto ang paghihikayat? Pangatwiranan ang sagot.

____________________________________________________________________________
____________________________________________________________________________
__________________________________________________________________________.

2. Ano-ano ang katangiang dapat taglayin ng isang tekstong nanghihikayat na naipakita sa

teksto?
____________________________________________________________________________
____________________________________________________________________________
____________________________________________________________________________.

3. Magbigay ng mga impormasyon na sa iyong palagay ay pinaka nakapanghikayat sa iyo

mula sa tekstong DEPRESYON: Huwag Balewalain
____________________________________________________________________________
____________________________________________________________________________
____________________________________________________________________________
____________________________________________________________________________.

4. Paano mo magagamit ang nabasang tesktong nanghihikayat sa sarili, sa pamilya, sa

pamayanan at sa bayan?
Sarili:________________________________________________________________________
____________________________________________________________________________
Pamilya:_____________________________________________________________________
__________________________________________________________________________
Pamaayanan:_________________________________________________________________
____________________________________________________________________________
PAGBASA, Q1W3;SALVADOR, L. 6
Bayan:______________________________________________________________________
____________________________________________________________________________

5. Paano magagamit ang isip, damdamin at kilos sa pagbuo ng tekstong nanghihikayat?

____________________________________________________________________________
____________________________________________________________________________
____________________________________________________________________________.

A.Pumili ng papanigang pangkat at sagutin ang tanong na nasa loob ng kahon gamit ang
discussion web. Talakayin ang sagot sa pamamagitan ng pagbibigay ng mga pangangatwiran o
ebidensiya tungkol sa isyung pinag-uusapan sa pamamagitan ng pagsaliksik sa iba’t ibang
teksto ukol sa hinihinging paksa. Huwag kalimutang ilagay ang mga sangguniang pinagkuhanan
ng impormasyon.
Pamantayan ng Pagmamarka:
Maayos at malinaw na pangangatwiran - 5
Matalas ang paraan ng argumentasyon
At gumamit ng mahahalagang ebidensya - 3
Sumunod sa mga panuntunan ng maayos
Na pagbibigay ng argumentasyon - 2
Opo Hindi po

Nakaaapekto ba ang
paggamit ng social media
sa mga kabataang
nakararanas ng depresyon
na nagiging sanhi ng
kanilang pagpapatiwakal
upang takasan ang mga
surilaraning kanilang
kinahaharap?

PAGBASA, Q1W3;SALVADOR, L. 7
B. Sa gawaing ito, tatayahin ang iyong kakayahan sa pagbasa sa pamamagitan ng pagbibigay
ng reaksyong papel mula sa tekstong ISYUNG PANLIPUNAN: "Kahirapan sa Pilipinas,
Kailangan nang wakasan". Sumulat ng reaksyong papel baatay sa binasang teksto ayon sa
katangian at kabuluhan nito sa pamilya, komunidad, bansa at daigdig.

Pamantayan ng pagmamarka:
Malinaw na paglalahad -10
Maayos na pagkakasunod-sunod ng mga ideya -5
Sumunod sa mga panuntunan ng maayos na pagsulat - 5
ng reaksyong papel
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________

Naranasan mo na bang makipag-talo sa iyong kaibigan, kapatid o sa iyong magulang? Sa iyong

palagay, tama ba ang ginawa mong pangangatuwiran o ginawa mo lang ito para sa iyong
sariling kapakanan? Lagi ninyong pakatatandaan na ang mahusay na argumentasyon ay
ipinaglalaban lamang kung ano ang tama hindi lamang ito nagpopokus kung ano ang tama para
sa iyo.
Alalahanin ang isang pagkakataon kung kailan kinailangan mong magbigay ng sariling
argumento tungkol sa isang usapin, ikwento ang iyong naging karaanasan ukol dito matapos ay
Ibigay ang naging paksa ng usapan at kung ano ang naging posisyon at argumento mo hinggil
dito. Sa iyong palagay ay tama ba ang pangangatwiran na iyong ginawa? Ipaliwang ang iyong
sagot. Makatutulong ang isinaad ni William Faulker tungkol sa halaga ng paninindigan sa gitna
ng kawalan ng katarungan upang sagutin ang gawaing ito na nasa ibabang bahagi.

PAGBASA, Q1W3;SALVADOR, L. 8
Pamantayan ng Pagmamarka:
Malinaw na paglalahad -5
Organisasyon -5
Paksa ng usapin:______________________________________________________________

____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
____________________________________________________________________________
__________________________________________________________________________

“Huwag matakot na magsalita at manindigan para sa katapatan at katotohanan laban sa

kawalan ng hustisya, kasinungalingan at kasakiman. Kung lahat ng tao sa buong daigdig ay
gagawa nito, mababago ang mundo.”
-William Faulkner

Paano nabago ng SLP na ito ang iyong isipan sa mga kasalukuyang issue sa ating
bansa?
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________

_______________________________________________________________

Mayroon ka bang puna, karagdagang tanong o mungkahi sa pagpapaunlad ng ating aralin?

Isulat ang mga ito sa kolum na Para sa Guro.

PARA SA MAG-AARAL PARA SA MAGULANG PARA SA GURO

PAGBASA, Q1W3;SALVADOR, L. 9
 Maria, Ina ng Mabuting Pastol, ipanalangin Mo kami.
Hesus, Ikaw ang aking Panginoon, ang kasiyahan ko ay nasa sa Iyo lamang.

Bandril. L. T., et.al, 2016. Pagbasa at Pagsusuri ng iba’t ibang teksto tungo sa Pananaliksik.
Vibal Group, Inc., Quezon City.

De Laza, C. S., et.al, 2016.Pagbasa at Pagsusuri ng iba’t ibang teksto tungo sa Pananaliksik.
Rex Book Store, Inc., Quezon City.

Magpili, C. M., et.al, 2002.Pagbasa at Pagsusuri sa Filipino tungo sa Pananaliksik. The

Inteligente Publishing, Inc, Quezon City.

Marquez, S. T., et.al, 2002. Pagbasa at Pagsusuri ng iba’t ibang teksto tungo sa Pananaliksik.
Sibs Publishing House, INC. Quezon City.

Millls, S. & Mullany, Ll. (2011). Language and Gender Feminism: Theory, Methodology and
Practice. London: Routledge.

ISYUNG PANLIPUNAN: "Kahirapan sa Pilipinas, Kailangan nang wakasan":

http://johnedwardcruz.blogspot.com/2015/10/kahirapan-sa-pilipinas.html.

Tekstong Argumentatibo: https://www.youtube.com/watch?v=8Ioj7zb1G7A.

Tekstong Persuweysib: https://www.youtube.com/watch?v=rxt9Ph6ubq0.
Pagsulat ng reaksyong Papel: https://www.youtube.com/watch?v=GC6rdep-qk8.
Please write the Honor Code Pledge Here:
(On my honor I pledge that I completed this task without giving or receiving any
unauthorized assistance.)

___________________________________________________________________
___________________________________________________________________
___________________________________________________________________

___________________ ___________________
Signature of Student Signature of Parents

1
PAGBASA, Q1W3;SALVADOR, L.
0