Decenario qñg Mal a

Pasión para caring

Caladua
Qñg uli ning tanda ning Santa Cruz, caring masama
quecami icabus mu cami, Guinu ming Dios;

Qñg laguiu ning +Ibpa, ning Anac, at ning Espiritu

Santo. Amen.

M- Ginu, ibusni mo rening labi ku (kurusan ing labi.)

S- Ban iagkas da ing kapuryan keka.
M- O Dios ko, ume kang sumaup kaku.
S- Piraplan mu kung saupan, Ginu ko.

Panalañgin

Guinu, busnian mo pu ring asbuc mi, gisingan mo ring

pusu mi: uasan mung ilaco qñg lub mi ing sablang e
matampang capigaganacan, aslagan mo pung isip mi,
tibayan mong pilubluban mi, ba queng mangaintulid
misip manene qñg cabilugan ning pusu mi qñg sablang
casaquitan ning cacamalcamalan mung pamailasa ila
ning camatayan mu, cagum ning alang casimparang
pait at casaquitan ning cabanalbanalan mung Indu; at
mangaintuliran na que man sa pung maramdam qñg
Cacatascatasan a Arapan mu quean banuang
pacasautan mung pag-arian mañgga man qñg alang-
añgga. Yanasa.

¡Lusuc malam a Jesús co! Balicdan mo uari pu caring

mata mung mapamacalulu ding caladdua ring biniñagan
a mengamate, at qñg uli ra mete ca, layun tinañggap
casaquitan qñg cruz. Yanasa.
1. Jesús co, alang-alang qñg queraclan pauas mung
dayang minagus carin qñg Mula iniang manalañgin ca.
*Ibie mu ing pacalulu mu caretang capatad ming
meangu a bie pauli na ning ayun.

2. Jesús co, uli ning tampaling a tiñggap ning

cagalanggalang a lupa mu.
*Ibie mu ing pacalulu mu caretang capatad ming
meangu a bie pauli na ning ayun.

3. Jesús co, uli ning e mabilang a batbat a piacu mu.

*Ibie mu ing pacalulu mu caretang capatad ming
meangu a bie pauli na ning ayun.

4. Jesús co, uli ning malaing a coronang sucsuc a

mengatiric qñg cabanalbanalan a buntuc mu.
*Ibie mu ing pacalulu mu caretang capatad ming
meangu a bie pauli na ning ayun.

5. Jesús co, uli ning panlacad mu qñg capaitpaitan a

lansañgan, mamusan Cruz a pipacuan da Queca.
*Ibie mu ing pacalulu mu caretang capatad ming
meangu a bie pauli na ning ayun.

6. Jesús co, uli ning cabanalbanalan a Lupa mung

mimusingan qñg Daya, a licuan mung milarauan qñg
talucbung nang Veronica.
*Ibie mu ing pacalulu mu caretang capatad ming
meangu a bie pauli na ning ayun.

7. Jesús co, uli ning imalan mung mangatda qñg Daya,

a licas dang pemilit qñg catauan mu detang
marañguiang tau.
*Ibie mu ing pacalulu mu caretang capatad ming
meangu a bie pauli na ning ayun.

8. Jesús co, uli ning Cacamalcamalan a Catauan mung

macapacu qñg Cruz.
*Ibie mu ing pacalulu mu caretang capatad ming
meangu a bie pauli na ning ayun.

9. Jesús co, uli ring Cacamalcamalan a Gamat mu't

bitis a tigpusan ding mangasias a pacu.
*Ibie mu ing pacalulu mu caretang capatad ming
meangu a bie pauli na ning ayun.

10. Jesús co, uli ning Catalindiquiñgan mung mibusni

qñg malaing a tandus, a nung nu sinibul ing Danum at
Daya.
*Ibie mu ing pacalulu mu caretang capatad ming
meangu a bie pauli na ning ayun.

V. Dinan mong capainauan a alang capupusan, Guinu

cu.
R. At aslagan no sa ning sulu mung alang-añgga.
V. Manatili la sa qñg catajimican.
R. Yanasa.

(Ulitan yang macatalimang ucdu, manibat qñg

Panalañgin a 'Lusuc malam a Jesús co', at caibat
pañgaddian ya ing macatuqui.)
Daun

Cayumuyumuan a Jesús co, a qñg pamanatbus mu qñg

yatu, birian mu ing mibait ca, tiñggap mu ing
Sircumsiciun, sicuil da ca ring Judio, mibie ca qñg
gamat da uli ning pamanuma nang Judas, mibidbiran
cang lubid, midala ca qñg pipatayan anting mamung
Cordero, miduñgut ca arap nang Anas, Caifas, Pilato
añgga na cang Jerodes, pinluran da ca at simbung
pisacsian ding taung mañgalaram, timpaling da ca at
quipnuan capalmuran, mengasugat ca catauan qñg
batbat, pepaputungan da cang sucsuc, pemulpuc da ca
qñg metung a dutung detang marañguiang Judio,
ticpan dang Lupa mu qñg metung a purpura qñg
pamamiru da Queca, linubas da ca qñg calibacan da,
mipacu ca qñg Cruz, layun carin telacad da ca, libutad
da ca caring adduang mapanaco antimong metung ca
carela, pepainum da cang aslam a leucan atdu, at
inulus dang tandus ing catalindiquiñgan mu. Guinu co,
uli nitang e pabilang a lasa mung delanan uli mi,
timauan mo sa pu quetang saquit dang cacamtan ding
caladdua qñg Purgatorio, at layun mong dalan qñg
capainauan ning cacamalcamalan mung ligaya; at uli
ning pacundangan qñg cacamalcamalan mung
pamailasa't camatayan qñg Cruz, icabus mu cami
quetang dusa qñg infierno, ba queng mangaintulid
lungub quetang cayarian a nung nu me dela ing
mapalad a mapanaco a cayagnan mung mipacu qñg
Cruz, a yapin ing pacasautan mu't pag-arian cagum
ning Dios Ibpa at ning Dios Espiritu Santo, mañgga
man qñg alang-añgga. Yanasa.
Litania ning Virgen María

Guinu, pacaluluan mu la.

Cristo, pacaluluan mu la.
Guinu, pacaluluan mu la.

Cristo, paquiramdaman mu cami.

Cristo, paquiramdaman mu cami.
Cristo, pacapaquiramdaman mu cami.

Dios Ibpa Banua,

*Pacaluluan mu la.
Dios Anac a miniaclung qñg yatu,
*Pacaluluan mu la.
Dios Espiritu Santo,
*Pacaluluan mu la.
Santísima Trinidad, metung mu qñg panga-Dios.
*Ibie mu carela ing quecang pacalulu.

Santa Maria, *Ipanalañgin mu la.

Santang Indu ning Dios,
Santang Virgen ding Virgenes,
Indu nang Cristo,
Indu ning Divina Gracia,
Indung alang casalat-salat,
Indung calinislinisan,
Indung alang queumanan,
Indung alang malit qñg e matulid,
Indung alang bacas casalanan,
Indung cairug-irug,
Indung macapagmulala,
Indu ning masampat a usuc,
Indu ning Miglalang,
Indu ning Mengabus,
Virgen a capantas-pantasan
Virgen a sucat igalang,
Virgen a sucat ibantug,
Virgen a Mayupaya,
Virgen a Mapamacalulu,
Virgen a matibe lub qng mayap,
Salamin ning Catuliran,
Luclucan ning Cabiasnan,
Panibatan ning Tula mi,
Lulanan ning Cabanalan,
Lulanan a sucat irangal,
Lulanan nang macamal ning Devoción,
Rosang e paisip a ulaga,
Torre nang David,
Torreng Marfil,
Bale a Guintu,
Caban ning Tipan,
Pasbul ning Banua,
Tala ning Munag,
Camasmas ding salunan,
Pagsacdalan ding macasalanan,
Mapamatula caring malungcut,
Mapanampun caring Cristianos,
Reina ding Angeles,
Reina ding Patriarcas,
Reina ding Profetas,
Reina ding Apostoles,
Reina ding Martires,
Reina ding Confesores,
Reina ding Virgenes,
Reina ding sablang Santos,
Reinang e meñgasna qñg casalanan a mana,
Reinang miuli banua,
Reina ning Santísimo Rosario,
Reina ning Capayapan,

V. Cordero ning Dios, a milalaco qñg casalanan ning

yatu.
R. Dinan, mong Capainawan.
V. Cordero ning Dios, a milalaco qñg casalanan ning
yatu.
R. Dinan, mong Capainawan.
V. Cordero ning Dios, a milalaco qñg casalanan ning
yatu.
R. Dinan, mong alang anggang Capainawan.

V. Guinu, tumula cang damdam qñg panalañgin mi,

R. At miras qñg panamdam mu ing aclis mi.

Panalañgin
Ipanalañgin mi la Queca, Guinu, ding caladdua qng
Purgatorio, ibat qñg calauacan da queti qñg yatu, uli
ning alang capupusan a pacalulu mu, mipatauaran sa
ing depat dang casalanan at manatili la quean Queca
mañgga qñg alang-añgga. Yanasa.

Qñg laguiu ning +Ibpa, ning Anac, at ning Espiritu

Santo. Amen.