Professional Documents
Culture Documents
POE
POE
Вечерва
Утревечер
Вчеравачер.
Не знам каде си
Има ли промена
Нема ли
Стварно ли?
Или, нестварно?
Едно со друго
Трето со петто
Осмо со деветнаесетто
Или – не!
Шеснаесетто
Па да помине.
Се сеќаваш?
Јас да.
Таму ќе останевме
На место
Тик-так
Тик-так
Каде си?
Ќе те нацртам на платно
Во акварел, најфино
За да се растечеш и да се засушиш
Тогаш
А ти се исплаши
Ми врза шамар
Ти текнува?
Мене да.
Ќе ти сварам морковче
Со метла ќе исчистам
За да те разградам
За да те демонтирам
Снешко правевме
Снешко ќе растурам.
Тој ден
Минус два –
- Четиринаесет
- Сребрени
- Краци
Од Витлеем до мојата мала соба
Во јасли ќе те пречекам
Со сета твоја светлина
Ќе те чувам до триесет и три
Ќе те жртвувам
Ќе те тажам и оплакувам, посилно од сега
А ти
Ти пак ќе се вратиш
Зашто, барем еден Божиќ заедно требаше да славиме
Зашто ти секогаш се враќаш
Впрочем – не заминуваш
Ти пак ќе се вратиш после се“
Ќе воскреснеш
И така ќе те славам се“ додека сум жив
До својот последен Божиќ
Кога ќе умрам
На твојот роденден.