1

Mother Tongue-Based
Multilingual Education
Kwarter 3 – Modyul 4:
Kilalahon Mo!

1
Mother Tongue-Based Multilingual Education – Unang Baitang
Quarter 2 – Module 4: Kilalahon Mo!
First Edition, 2021

“Isinasaad ng Batas Republika 8293, seksyon 176 na “Hindi maaaring

magkaron ng karapatang-ari (sipi) sa anumang akda ang Pamahalaan ng
Pilipinas. Gayunman, kailangan muna ang pahintulot ng ahensiya o tanggapan
ng pamahalaan na naghanda ng akda kung ito’y pagkakakitaan. Kabilang sa
mga maaaring gawin ng nasabing ahensiya o tanggapan ay ang pagtakda ng
kaukulang bayad.
Ang mga akda (kuwento, seleksiyon, tula, awit, larawan, ngalan ng
produkto o brand names, tatak o trademarks, palabas sa telebisyon,
pelikula,atbp.) na ginamit sa modyul na ito ay nagtataglay ng karapatang-ari ng
mga iyon. Pinagsumikapang matunton upang makuha ang pahintulot sa
paggamit ng materyales. Hindi inaangkin ng mga tagapaglathala at mga may-
akda ang karapatang-aring iyon.
Inilathala.ng Kagawaran ng Edukasyon
Tagapamanihala: Bebiano I. Sentillas
ASDS: Lauro B. Millano
CID CHIEF: Noel D. Logronio

Development Team of the Module

Author: Sharie Mae A.Amante

Editor: Dinnah Banares
Jeanette M. Romblon
Rolicelia T. Endrina
Reviewers: Winefredo Veracis
Layout Artist: Gladys Judd D. Perez

Inilimbag sa Pilipinas ng

Department of Education – SDO Masbate City

Office Address: Jolly T. Fernandez Avenue, City of Masbate 5400

Telefax: (056) 3336142, 09388657680, 09508860381
E-mail Address: masbate.city@deped.gov.ph

2
 Maayo na adlaw. Kumusta ka yana?
Igwa naman kita san bag’o na aadalan parte sa
pagkilala san nagaistorya sa usad na istorya o tula na
aton nabatian, kag an pagsurat san mga impormasyon
parte sa aton sadiri. Damo kita san maaaraman didi sani
na modyul kaya padayon naton na basahon an mga
masunod na hirimuon.
Sige, maadal na kita!!

Amo ini an kasanayan na dapat naton maaraman

pagkatapos sani na modyul.
➢ Identify the speaker in the story or poem listened to
➢ Write basic information about self (name, grade
level, section)

Miya - usad na klase san hayop na

mabarahibo kag ataman ini sa balay

masadya o malipay - usad na klase san pamatyagon

3
kamunduan – kabaliktadan san masadya na may dili
maayo na epekto sa aton.
kalisangan – pamatyagon o emosyon na
nababatyagan na nakahatag san kahandal
pagpalangga – emosyon na nakahatag sa aton san
kalipay o kasadya

Nano an pamatyag mo kon nakabaton ka san

premyo?
Basahon an halip-ot na istorya kag sabaton an mga
masunod na hunga.

An Premyo
Sinurat ni: Rejulios M. Villenes
Ginbisaya ni: Sharie Mae A. Amante

Usad na adlaw, nagkadto sa bukid si Mang Tino.

Mentras nagalakat, nakakita sya san usad na gurang na
babaye na nakaingkod sa higad san dagat. Nag-ayo
san tubig an babaye kan Mang Tino. Ginhatagan sya ni
Mang Tino san tubig. Insigida nagbag’o an hitsura san
babaye pakainom san tubig. Usad gali ini na
engkantada. “Tunay na maayo an imo kaburut-on,
kaya bilang balos hahatagan ko ikaw san usad na
dyamante,”an sabi san babaye. Ila-ila na
nagpasalamat si Mang Tino sa engkantada.

4
Sabaton an mga masunod na hunga base sa istorya na
iyo na nabatian:
1. Nano an titulo san istorya na imo nabatian?
2. Sin’o an nagsurat san istorya?
3. Sin’o an mga tawuhan sa istorya?
4. Sin’o an nag-istorya sani: “Tunay na maayo an imo
kaburut-on, kaya bilang balos hahatagan ko ikaw
san usad na dyamante.”
5. Nano an maayo na leksyon an gusto ipasabot sa
aton san nagsurat san istorya?
Mga matibay na kamo magsabat san hunga. Kaya
sigurado ako na nasabutan nyo gayod an istorya na iyo
nabatian.
Padayon na kita san aton leksyon para lalo nyo ini
masabutan.

Yana na adlaw may bag’o kita na pagaadalan

parte sa pagkilala sa nagaistorya sa tula o istorya na
aton nababatian.
Importante na makilala naton an nagaistorya sa
usad na tula o istorya para lalo naton maaraman kun
nano an iya katuyuan san pagsurat.
➢ An pagkilala sa nagaistorya sa usad na tula o
istorya importante para madali kag klaro na
masabi kun sin’o an nagaistorya, o an nagahiwag

5
 sa istorya. Makabulig man ini sa pagpatibay san
imahinasyon parte sa mga tawuhan san istorya.
➢ An nagaistorya sa tula o sa istorya, nagasabi san
pamatyagon, nagapaliwanag, nagalarawan san
manlainlain na sitwasyon
➢ Importante man na intindihon naton an tula o
istorya na aton nabatian o ginbasa paagi sa
gusto ipasabot san ngsurat o panag-iya san
istorya.
TANDAAN:
An pagpakilala san sadiri pwede himuon paagi sa
mga masunod:
✓ Sabihon an pangaran
Halimbawa: Ako si Shammah T. Endrina.
✓ Sabihon an edad
Halimbawa: 7 an akon edad

✓ Sabihon kun diin ka nagaistar

Halimbawa: Nagaistar ako sa Nursery,
Masbate City.
✓ Sabihon an grado
Halimbawa: Nasa grade 2 na ako yana.

Pwede man sabihon an ngaran san iloy kag ama

pati an mga kamaranghod.

6
 HIRIMUON 1

Pamatian kag sabuton an halip-ot na tula na

babasahon san iyo ginikanan. Pakatapos, sabihon kun
sin’o an nag-istorya sa iyo pinamatian na tula.

An Miya na si Pussy
Sinurat ni: Florita R. Matic
Ginbisaya ni: Sharie Mae A. Amante

Ako usad na miya

Pussy kun tawagon
Malambing kag masadyaon
Kamo importante sa akon.

Pagpalangga na ginhatag ko
Naghatag kasadyaan sa iyo
An kalisang kag kamunduan
Dili ko nabatyagan.

Pagkaila kag kasadyaan

Sa puso ko pirme man
Pag ako nakakilala
San bag’o na mga amiga.

7
 HIRIMUON 2

Sabaton an mga masunod na hunga base sa tula

na iyo nabatian kag isurat ini sa malinis na papel:
1. Nano an titulo san tula na iyo nabatian?
2. Sin’o an nagsurat san tula?
3. Parte sa nano an imo tula na nabatian?
4. Base sa imo nabati, nano na klase san ugali igwa
an miya?
5. Nano kaya an nahahatag san miya na kaayuhan
sa naga ataman sa iya?
6. Sin’o kaya an nagaistorya sa tula?

HIRIMUON 3

Isurat sa papel an mga impormasyon parte

saimo sadiri. Pagkatapos mo pagsurat, basahon ini sa
atubang san imo mama kag papa.
Halimbawa: Ako si __________
Nagaistar ako sa _______________
________________________________.

POST-TEST

Mamati kag sabuton an tula na babasahon san iyo

ginikanan. Sabaton an mga hunga na nkasurat sa ubos
san tula.

8
 An Akon Ama kag Iloy
Sinurat ni: Sharie Mae A. Amante

Sa tanan na tawo
Didi sa mundo
Waran makapareho
Sa ama kag iloy ko.

Sinda nagtios
Nagpursige kag naghigos
Na ako magdako
Kag magin masadya lalo.

Kaya yana man

Akon pirme handom
Sa akon ginikanan
Sinda akon mabuligan.

Sabaton an mga masunod na hunga kag isurat sa

malinis na papel an iyo mga sabat.
1. Nano an titulo san tula na iyo nabatian?
2. Sin’o kaya an nagaistorya sa tula na iyo nabatian?
3. Nano an gusto ihatag o ipasabot na leksyon san
tula na iyo nabatian?

9
 Dagdag na Hirimuon

Sa bulig san iyo ginikanan maghimo san usad na

name tag sa papel kag idikit sa karton. Isurat didi an
kumpleto mo na ngaran, grado kag an imo angga.

Sanggunian:

MTB-MLE MELC
MTB – MLE Teacher’s Guide
https://www.google.com/search?q=cat+clip+art&tbm=isch&ved=2ahUKEwiwvPyVy8rtAhVFUJQ
KHcmgAcUQ2-cCegQIABAA&oq
https://www.google.com/search?q=mga+tulang+pambata+grade+1&source=lnms&tbm=isch&sa
=X&ved=2ahUKEwiwq5D8sM3tAhXWA4gKHVWCCYgQ_AUoAXoECBUQAw&biw=1350&bih=640

10
11