MGA TAYUTAY

Ito ay sinadyang paglayo sa karaniwang paggamit ng

mga salita upang gawing mabisa, matalinghanga,
makulay, at kaakit-akit ang pagpapahayag.

PAGTUTULAD (SIMILE)
Ito ay paghahambing sa dalawang magkaibang tao, bagay,
hayop, pangyayari at iba pa. Ginagamitan ito ng mga salitang
tulad ng, katulad ng, parang, kawangis ng, animo, kagaya/gaya
ng, sing/kasing.

1. Siya ay katulad ng kandilang unti-unting nauupos.

2. Animo kabayo kung tumakbo ang mga magnanakaw ano?
3. Ang tao ay tulad ng halamang nararapat diligin.
4. Sing laki ng mundo ang pag-ibig ko sayo.
5. Ang kabutihan niya ay gaya ng isa isang anghel.

PAGWAWANGIS (METAPHOR)
Ito ay isang tuwirang paghahambing na hindi ginagamitan ng
mga salitang tulad ng, katulad ng, parang, kawangis ng, animo,
kagaya/gaya ng, sing/kasing.

1. Si Eugene ay isang ibong humahanap ng kalayaan.

2. Binigyan mo ng kulay ang malungkot kong buhay.
3. Ang ina ni Cindy ay bituing tanglaw niya sa landas ng buhay.
4. Si Elena ang may pinakamaamong mukha sa magkakapatid.
5. Ikaw ang liwanag sa madilim kong mundo.
PAGSASATAO (PERSONIFICATION)
Ginagamit ang mga katangiang pantao upang bigyang buhay ang
mga mga bagay, hayop, at iba pa.

1. Masayang nag-aawitan ang mga ibon sa paligid tuwing umaga.

2. Lumuluha ang liham na natanggap ni Carmela.
3. Bakit mukhang napakalungkot ng langit ngayon?
4. Ang buwan ay nahiya at nagtago sa ulap.
5. Nagsasayawan ang mga poste sa sobrang lakas ng hangin.

PAGMAMALABIS/EKSAHERASYON (HYPERBOLE)
Ginagamitan ng eksaherasyon upang maglarawan.

1. Nabiyak ang dibdib ni tiya sa tindi ng pagdadalamhati.

2. Sige, mamamatay ako pag ako ay iniwan mo!
3. Nabutas ang bambam ng tainga ko sa sobrang iingay nyo!
4. Halos mabiyak na ang ulo ni nanay sa sobrang galit kay tatay.
5. Namuti na lamang ang mata ni Andrew kakahintay sayo.

PAGTAWAG (APOTROPHE)
Isang panawagan o pakiusap sa isang bagay na tila ito ay
isang tao.

1. Pag-asa, halika rito at ako ay sobra nang nalilito sa dami ng

problema.
2. Lungkot, bakit lagi mo na lamang akong binabalot?
3. Oh, tukso layuan mo ako!
4. Kamatayan, bakit di pa wakasan yaring buhay?
5. Saya, dalawin mo naman ako kahit saglit lamang.
PAGHIHIMIG (ONOMATOPOEIA)
Paggamit ng mga salitang kung ano ang tunog ay siyang
kahulugan.

1. Dumagundong ng malakas ang kulog matapos ang pagguhit ng matatalim na

kidlat.
2. Nagkalampagan ang mga bubong na yero dahil sa matinding hangin.
3. Kumalabog sa lupa ang mga bloke mula sa gumuhong gusali.
4. Ang pagtiktak na lamang ng orasan ang maririnig sa sobrang tahimik.
5. Ngumingiyaw na si Ming, marahil siya’y nagugutom na.

PAGTATAMBIS (OXIMORON)
Nagtataglay ng mga salitang nagsasalungatan upang mas
lalong mapatingkad ang bias ng pagpapahayag.

1. Sa buhay pareho nating mararanasan ang liwanag at dilim, ang

kabiguan at tagumpay.
2. Siya ay isang taong sala sa init sala sa lamig.
3. Gaano kadalas ang minsan?
4. Kanina ka pa paroo’t parito, nakakahilo ka!
5. Ang buhay ay parang gulong, minsan nasa ibabaw, minsan nasa
ilalim.

PAGPAPALIT-SAKLAW (SYNECDOCHE)
Pagbabanggit ng bahagi bilang katapat ng kabuuan o ng
kabuuan katapat ng bahagi na ginagamit sa pagpapahayag.

1. Hiningi ni Clark ang kamay ng sinisinta mula sa mga magulang nito.

2. Sampong kamay ang nagtulong tulong upang mabuhat ang mga
nakasakong semento.
3. May walong matang nakatitig kay Lira.
4. Maaari ko po bang hingin ang kamay ng inyong anak?
5. Ayaw ko nang makita ang pagmumukha mo kahit kalian!
PAGDARAMDAM (EXCLAMATION)
Nagpapahayag ng matinding damdamin isa isang pangungusap.

1. Kailan lamang halos sumasayaw ka pa sa kaligayahan at puno pa ng

buhay, ngunit ngayon wala ka na.
2. Punong puno ng saya ang mundo ko kapag nakikita kita.
3. Kapag may kasama siyang iba, nadudurog ang puso ko.
4. Napuno ng kadiliman ang mundo ko nang ako’ iwan mo.
5. Sa pag-alis mo, nagkaroon ng kirot at pighati ang buhay ko.

TANONG RETORIKAL
Isang masining na pagtatanong ngunit ito ay hindi
nangaingailangan ng kasagutan.

1. Hahayaan ba nating malugmok sa kumunoy ng kahirapan an gating bayan?

2. Hanggang kailan masusupil ang kasamaan na dulot ng ipinagbabawal na
gamot?
3. Kung hindi ako magkukusa, sino ang gagawa?
4. Saan matatagpuan ang tunay nap pag-ibig?
5. Nasaan na ang pag-asa?

PAGPAPALIT-TAWAG (METONYMY)
Pinapalitan ang salita o mga salita ng isa pang salita o mga
salita na may kaugnayan sa pangungusap.

1. Dapat nating igalang ang puting buhok.

2. Mas makapangyarihan ang panulat kaysa espada.
3. Si Haring Elmo ang nagmana ng korona.
4. Melissa ang ngalan ng bagong munting anghel sa aming tahanan.
5. Sila ang ikalawang tahanan naming magkapatid.
 PAGSALUNGAT
Isang pagpapahayag na kabaliktaran sa nais ipahiwatig nang
nagsasalita.

1. Hindi ka talaga masarap magluto, naparami tuloy ang kain ko.

2. Hindi naman ako nangungopya, tinitingnan ko lang yung notebook ko.
3. Hindi naman siya magnanakaw dahil ibabalik niya din daw ang kinuha
niya.
4. Si Rene ay hindi salawahan, tatlo lamang daw ang kanyang kasintahan.
5. Hindi ko naman sinabing tsismosa ka ngunit ipinamalita mo sa iba ang
taong natitipuhan ko.

ALUSYON (ALLUSION)
Isang gumagamit ng pamamaraang panretorika na pagtukoy
sa isang tao, pook, katotohanan, kaisipan o pangyayari na
iniingatan sa pinakatagong sulok ng alalala ng isang taong may
pinag-aralan.
1. Ang Britania Islands ay ang Boracay ng CARAGA Region.
2. Ang Batanes ang tinaguriang Switzerland ng Pilipinas.
3. Nahihiya man akong aminin pero mithiin kong maging isang Juliet ng
aking kaklase na si Romeo.
4. Lahat ng mga ilaw ng tahanan ay mga Maria sa kanilang mga
pinakamamahal na anak.
5. Sa husay ni Kiray sa pakikipaglaban, siya ang Athena ng kanilang
purok.