Mga kabataang ayon sa pambansang bayani Ay syang magiging pag-asa raw nitong bayan natin.
Totoo ba? Naniniwala ka ba?
Gayong tayo raw sa ngayon
ay lulong sa konseptong dapat ay di mahuli sa mga "in" at "trending" sa socila media na lagi nating kapiling.
Tapos, dumating itong pandemya.
Ngayong panahon ng pandemya,
sumabay pa itong ating mga Pinunong ating pinagkatiwalaan upang pagsilbihan itong bayan. May ninakaw, mayroong dolomite, may debate pati na rin sa bakuna. Kay daming nangyari, kay daming pangakong di natin mawari kung saan na nga ba nawaglit.
Ano ng mangyayari sa ating bayan
Gayong ang mga kabataan ay pawang tuliro na rin sa kani-kanilang pag-aaral. Online class ay nagpapatuloy, talaga nga bang nakakatulong?
Alam mo kung anong dapat nating gawin?
Pagtanggap. Oo. Tama. Pagtanggap. Tanggapin natin ang mga pagsubok na ibinuhos satin ng panahon. Mga pagsubok na inihain sa ating mga pag-asa ng bayan. Simulan din nating tanggapin na tayo ay may mga gampanin. Sapagkat sa pagdating ng panahon, ang atin ring henerasyon ang syang mamumuno at magsisilbing mga ehemplo sa susunod pang mga henerasyon.
Simulan natin sa ating mga sarili
ang pagbabago na ating minimithi. Wag na tayong makipag-away pa at ipilit ang ating mga opinyon. Ang lahat ng mga karanasan natin sa ngayon ang magsisilbi nating pundasyon Upang sa pagdating ng panahon, ay mas maging mahusay tayong mga mamumuno, mas mahuhusay kaysa sa ngayon.
Ako, Ikaw, Tayo
Tayo, Ikaw, Ako Mga kabataang ayon sa pambansang bayani Ay syang magiging pag-asa raw nitong bayan natin.
Totoo ba? Naniniwala ka ba?
Ang isasagot natin?
Isang malaking, OO! Makabago man tayo kung ituturing, Tayo ay may KAKAYANAN rin!