ROSARIO 2010 - Pantalambuhay

Rosario lamang ang hindi naglalaman ng komedya sa mga pelikulang tampok sa nakaraang

MFF; ito’y isang kuwentong hango mula sa tunay na buhay na isinalaysay ng tunay na anak ni
Rosario, si Hesus, kay Pangilinan. Ang mga inilahad ng pelikula ay sumasalamin lamang sa
mga totoong pangyayari; wasto lamang na hindi sinikap ng direktor o ng pelikula na
pangunahan ang manunood na husgahan si Rosario. Sa halip, ipinakikita lamang ng pelikula na
ang tadhana na mismo ang siyang humuhusga sa gawain ng tao. Sa sinapit ni Rosario sanhi ng
kanyang kapusukan at dala ng kagipitan, maaaring masabing may isang buhay na nasayang,
mga pamilyang nawasak, kayamanang tinalikuran, at kinabukasang itinapon. Maganda,
matalino at may husay sa pagtugtog ng piano si Rosario, ngunit pinili niya ang pinili niyang
buhay. Maihahalintulad si Rosario sa isang maapoy na konsiyertong inihinto sa kalagitnaan ng
paglikha, isina-isang tabi, natabunan ng limot, hanggang sa hindi na ito matagpuan—tulad ng
mga labi ni Rosario na hindi na rin malaman kung saan dadalawin ng mga naiwan. –

( https://cbcpcinema.blogspot.com/2011/01/rosario.html )

On the Job (2013) – Aksyon

On the Job (OTJ) ay pelikulang neo-nior aksyon at triler ng Pilipinas na ipinalabas noong 2013.
Sa panulat at direksyon ni Erik Matti na pinagbibidahan nina Gerald Anderson, Joel Torre, Joey
Marquez at Piolo Pascual, Ito ay istorya ng dalawang hitman sa loob ng bilangguan (Anderson
at Torre) na pansamantalang napalaya upang magsagawa ng mga pampulitika na
pagpapatupad, at dalawang tagapagpatupad ng batas (Marquez at Pascual) na tinalakay sa
pagsisiyasat ang kaso ng pagpatay na nauugnay sa droga na konektado sa negosyong gun-for-
hire ng bilangguan. Kasama sa pelikula sina Angel Aquino, Shaina Magdayao, Empress Schuck,
Leo Martinez, Michael de Mesa, Vivian Velez, at Rayver Cruz.