May isang may-kayang pamilya na binubuo ng isang ama at ng kanyang

dalawang anak na lalaki. Isang araw, hiniling ng bunsong anak na makuha ang
kanyang mana sa ama. Nang makuha ito, siya ay nagpasyang umalis at
pumunta sa malayong lugar. Walang sawa niyang inaksaya ang manang
ipinagkaloob sa kanya. Hindi nagtagal, naubos din lahat ang kanyang mana.
Siya ngayon ay naghirap at naging isang pulubi. Naalala niya ang kanyang ama
at nagdesisyon na bumalik.

Tuwang-tuwa ang ama nang salubungin niya ang bunsong anak na

bumalik. Humingi ng paumanhin ang bunsong anak sa ama at pinatawad
naman nito. Binihisan ng magarang damit at ipinagdiwang ang kanyang
pagbabalik sa kanilang tahanan. Dumating ang panganay na anak at
namangha sa pagdiriwang na nangyayari. Tinanong niya ang isang katulong
kung para saan ang pagdiriwang at sinagot naman nito na nakabalik na ang
kanyang kapatid. Hindi maipinta ang galit sa kanyang mukha at sinumbatan
ang ama tungkol sa desisyon niya na tanggapin muli ang kanyang kapatid at
kung paanong siya ay hindi nabibigyan ng ganitong pagdiriwang. Sagot naman
ng ama na siya ang palagi niyang kapiling at dapat ipagdiwang na nakabalik
na ang kanyang kapatid dahil siya ay pamilya pa rin nila.