Gifted to hear the cry of the poor and cry of the earth

Maayong buntag kanatong tanan mga igsuon ko diha ni Kristo. Karong

buntaga mao ang ikapito ka adlaw sa Misa De Gallo. Gahapon, naghisgot kita
sa TEMA nga gipaambit sa usa nato ka igsoon “CLERGY and
CONCENTRATED PERSONS: GIFTED TO SERVANT LEADERS AND
WITNESSES OF THE KINGDOM VALUES”.
Karong buntaga gitahasan ako sa pagsaysay mahitungod aning usa ka
topiko “GIFTED TO HEAR THE CRY OF THE POOR AND CRY OF THE
EARTH”. Unsa ang kasagaran nga panghitabo karon sa tagsa tagsa kanato
sa matag panimalay? Naa ba ang kalinaw? Anaa ba ang paghigugmaay?
Anaa ba ang paghinatagay o pag inmabitay sa grasya sa Dios? Anaa ba ang
pagkabana sa usag usa isip silingan? Mga pamilya nga naglisod walay
makaon tungod sa pandemic. Nakapaambit ba kita kanila aron maibsan mga
kaguol ug kalisod sa atong mga kaigsoonan? Mga igsoon, usa lamang kini ka
tipik bahin sa atong panaghisgotan karong buntaga.
Kitang tanan isip Kristiyano dinhi sa atong komyonidad gitawag kita bilang
instrumento sa Ginoo alang sa kalingkawasan, ug paglansad sa mga kabus,
ug aron mahimo kitang usa ka higpit nga kabahin sa katilingban.
Niadtong niaging tuig atong nasaksihan ang nagkalain lain nga
katalagman dinhi sa kalibutan ug hangtod karon, mga makusog nga linog,
tsunami sa turkey ug ang pinakalapad nga wildfire sa California, ug ang
bagyong Rolly nga daghan ang napinsala.
Sa dili pa lang dugay atong nasinati ang kalisod dala niining pandemic, ug
akong nasaksihan nga apektado tanan katawhan , mga datu man o mga
pobre. Adunay mga nawad-an ug trabaho, adunay mga nagsara nga mga
negosyo, mga nagsara nga mga establisemento. Tungod niini, naapektohan
ang atong pamilya tungod kay kulang na ang budget para sa panginahanglan
sa matag panimalay. Apektado usab ang edukasyon, mga maestra nga
naglisod aron makab ot ang husto nga edukasyon alang sa mga kabataan
pinaagi sa Modular ug internet.
Aduna usab mga pamilya nga nawad-an ug panimalay tungod sa kusog
nga linog ug kusog nga baha ug ang uban nakabsan sa kinabuhi. Tungod sa
kalisod sa kahimtang sa uban nato nga kaigsoonan dili malikayan nga adunay
muduol kanato aron mangayo ug pakitabang nitubag ba kita sa
panginahanglan sa uban? Sumala sa basahon sa kasulatan ni Deuteronomio
15:9 ayaw kamo pagdumili sa pagpahulam kaniya tungod lamang kay
nagkaduol na ang tuig sa ting papas sa utang.
Kung buhaton ninyo kini, motuaw siya ngadto sa Ginoo batok kanimo ug
ang imong gibuhat isipon nga sala nimo. Hatagi siya sa walay daghang kuti-
kuti ug bagolbol aron panalinganan sa Ginoo ang tanan ninyong
paningkamot.
Pinaagi sa pagbasa niining kasulatan igo na aron makita nato kung
giunsa gusto sa atong maloloy-ong amahan nga madungog ang singgit sa
mga kabus. Ug kita gihangyo nga magpadayon ug magtagad sa pagtuaw sa
mga kabus ug tabangan sila. Sumala sa basahon sa kasulatan 2 CORINTO
13-14 dili ko tuyo nga kamo ang mag antus sa kawad on sa uban, apan
sanglit hamugaway man kamo niining panahuna, makatarungan gayod nga
tabangan ninyo kadtong nagkinahanglan, unya kon kamo na usab ang
nagkinihanglan ug sila haugaway, tabangan usab kamo nila, sa ingon niana
adunay pakig-angay.
Mga igsoon nakita nato nga nabalaka pag-ayo ang Dios sa atong mga
panginahanglanon. Kung kita magpakabuta bungol sa singgit sa mga
panginahanglanon sa mga kabus, gisupak nato ang kabubut-on sa atong Dios
Amahan.
Niadtong makusog nga linog sa lugar sa North Cotabato usa niini ang
baranggay kisanti ug makilala ug maoy hinungdan sa pag pangliki sa mga
yuta, adunay mga pamilya nga nangaguba ang mga panimalay nawad-an ug
tubig ug pagkaon, nakita nako nga adunay daghang malumo nga kasing
kasing nga mga datu ug arang arangan nagpadala ug pagkaon, tubig ug uban
pa, usa na diri ang atong parokya.
Mao usab akong nakita niadtong niage nga pandemic nga maoy
hinungdan sa kataas nga lockdown. Adunay mga kaigsoonan nato nga
nanghatag ug bugas, mga grocery, ug ang atong Gobyernong
panggamhanan ni supporta sa panginahanglanon sa mga katawhan,
Financial og material. Ang atong parokya dinhi sa Bula wala nag pasagad sa
mga kabus, nisuporta alang sa mga nagkinihanglan, nanghatag ug bugas sa
lain lain nga paagi.
Mga isgoon, ang atong pakikiisa o Solidarity, ug ang atong pagkabana sa
atong isig katao,makapahimoot sa Dios, makahatag ug paglaum sa mga tao
nga nagkinahanglan, ug mabati niya ang presensya sa atong Ginoong
Hesukristo, nga luyo sa kalisod, sa mga trahedya sa atong kinabuhi, adunay
ipadala ang Ginoo, mga tao maoy instrumento sa Ginoo aron pagtabang sa
mga nagkalisod lisod nato nga mga kaigsoonan sumala sa basahon sa
kasulatan Mateo 5:7- bulahan ang maloloy-on kay kaloy-an sila sa Dios. Ug
sa basahon ni Sirac 3:30- ang paghatag ngadto sa mga kabus makahulip sa
sala maingon nga ang tubig makapalong sa usa ka nagdilaab nga kalayo. Ug
sa basahan ni Tobit 12:9 ang maong pagkamanggihatagon, magluwas
kaninyo sa kamatayon ug maghugas sa tanan ninyong mga sala, sila nga
manghatag sa mga kabus magpuyo ug hingpit nga kinabuhi.
Mga igsoon, ang paghatag nato sa usa ka kabus sa kinasing kasing
makahatag kanato ug hingpit nga kalipay, ug kini nagpakita nga gihigugma
nato ang atong isigkatao dili lamang sa pulong o storya apan makita sa buhat
ug kinaiya ug kini ang grasya sa atong Ginoong Hesukristo ang pagka
manggihatagon. sumala sa basahon ni LUCAS 6:38 Panghatag kamo sa
inyong isigkatawo ug kamo hatagan. Madawat ninyo ang hustong takos ug
sobra pa gani nga mag-awas kini! Ang sudlanan nga iinyong gamiton alang
sa uban, mao usab ang gamiton alang kaninyo.
 TESTIMONY
Didto sa lungsod sa Malita sa Fishing Village sa lugar kung diin kami
nagpuyo sa akong mga ginikanan.
Dose kami ka managsuon ug ako ang ikaduha gikan sa kinamanghuran,
ang akong amahan usa ka mangingisda ug ang akong inahan maoy tig suroy
sa isda nga makuha s akong amahan. Nag dako ako sa usa ka kabus nga
pamilya, luyo sa among kakabus sa bata palang giumol na kami sa maayong
pamatasan, masimbahon ug mahadlokon sa Ginoo, ug ang uban nako nga
igsoon nga babae maoy nagpadagan sa birhen sa baranggay ug ang usa
nako kaigsoon nga lalaki usa ka layco ug ginapaapil ako sa seminar sa
charismatic ug nahimong active sa among chapel niadtong higayona.
Sa Dose namo ka managsoon, makaingon ko nga ako ang paborito nga
anak tungod kay dili nako makalimtan sa panahon sa walay klase ako ang
ginapauban sa akong inahan nga manuroy ug isda, tig bitbit sa timbangan
nga mag baktas, layo kaayo mi ug maabtan ug gani usahay dili mahalin
among isda kay kabus pud lagi ang baligyaan mao nga amo nalang
pakambyoan ug saging, kamote. Ug unya mopauli nga maglukdo ug kon wala
kami bugas, ang among pamahaw saging, ug ang paniudto Camote, ug ang
panihapon lugaw kay makahiram na ma kamig bugas sa among silingan.
Sa dihang nag grade 5 na ako gikuha ako sa usa nako ka igsoon diri sa
gensan gipa eskwela ug nigraduate sa bula elementary school year 1982. ug
sa pagka highschool nipauli ko sa akong mga ginikanan ug didto nasinati na
usab nako ang kakabus, pero kabus nga puno sa kasadya ug malipayon
kauban sa akong mga ig-agaw, mga igsuon nga adunay pagsinabtanay,
pakig-angay, paghinatagay, pag-inambitay sa grasya sa Dios ug nag puyo
kami nga malinawon sa usa ka Village.
Usa ka higayon niana, niabot ang mga pagsulay sa among kinabuhi, usa
sa mga igsoon nako nga lalaki nakainom ug Gas, gidala sa ospital nga
himatyon ug gioperahan. Nakita nako ang akong mga ginikanan nga sobra
ang kabalaka ngadto sa ilang anak. Ug niadtong higayona nisaad akong
igsoon sa Ginoo nga kung maayo siya moalagad siya sa Ginoo mosulod sa
pagkapari, ug sa tuod sa pipila ka tuig nga nilabay, pinaagi sa sponsor sa usa
ka pari nga nitabang sa akong igsoon nahimo siya usa ka pari nga
misyonaryo. Sa nang labay nga mga tuig sa dihang mograduate na ako sa
high school, niabot na usab ang pagsulay ug ako ang nag kasakit, pabalik
balik sa ospital, ug unya gisaaran ako sa akong inahan nga kung mamaayo
lang ako, paeskwelahon ako niya sa Koloheyo. Ug gituman sa akong inahan
ang iyang gisaad gipa eskwela ko niya sa kurso, bachelor of Science in
Elementary Education. Luyo sa kalisod sa akong ginikanan, namaligya siya
ug isda nanuroy ug bulad ug ginamos aron may pambayad sa tuition ug
inabagan sa uban nako nga igsoon. Sa dihang ni graduate na ako sa kurso,
nakita nako akong mga ginikanan nga puno sa kalipay ug excitement, ug
proud nga aduna na silay anak nga maestra, tungod sa Dose namo ka
managsoon duha lang mi naka graduate sa kolehiyo. Uban sa paglaom nga
mahaw as na sya sa kalisod. Apan sa pipila kabulan human ako ni graduate
nag minyo ko, wala nako gihuna huna nga dako ang giantos sa akong inahan
aron lang ako mograduate, wala nako hatagig bili iyang pangandoy nga
mahimo ako usa ka maestra tungod kay hangtod karon wala man ko nag
tudlo.
Mga igsoon, dinhi nako nasabtan ang gibati sa akong inahan sadihang
ako kauban sa akong bana, naningkamot aron mapa eskwela ug mograduate
sa kolehiyo ang akong tulo ka anak . dinhi nako nasabtan kung unsa ka dako
ang handum ug pangandoy sa usa ka inahan alang sa maayong kaugmaon
sa anak. Mao tong higayona sa dihang ako naglisod lisod. Narealize nako
kung unsa kasakit ang akong gibuhat sa akong ginikanan, ug maoy
hinungdan ng naningkamot usab ako para makalampos akong tulo ka anak
sa kolehiyo. Apan bisag unsaon nako ug paningkamot kung wala si Kristo sa
atong kinabuhi wala kitay mahimo. Nibalik ako sa Ginoo ug nag aktibo sa
among katilingban ni Sr. San Roque, ug gihuptan kinasing kasing nga pag
ampo ug pg alagad nikuyog ko sa matag kadlawon nga devine Mercy ug
Dawn Rosary uban sa panaad nga moabot ang panahon nga moalagad ako
sa Ginoo.
Mga igsoon, ang Ginoo maayo gayod sa tanang higayon, ang Ginoo
mmahigugmaon ug maloloy-on ug manggihatagon, tungod kay wala ako
mapakyas sa akong gipangandoy nga sama sa akong inahan nga nangandoy
ug nilaum. Ug karon malipayon kami sa akong bana nga motan aw sa among
mga anak nga nakagraduate na ug may trabaho na usab ug agig pasalamat
sa Ginoo gituman nako ang akong panaad, ug usa na ako karon nga matinud
anon nga nag- alagad sa katilingban ni Sr. San Roque sa Zone 2C,
Mga igsuon, usa kini ka dakong hagit kanato ang atong pagpakabuhi
dinhi sa kalibutan, adunay daghang pagsulay, adunay daghang kalisod, apan
dili kita mawad-an ug paglaum kay ang Ginoo dili mag pasagad kanato.
Ipahiluna kita niya. Kung kita mosangpit kaniya ug mosalig kung kita
maghinulsol sa atong mga sala ug andam modawat sa atong kasaypanan, ug
dawaton nato si Hesukristo ug higugmaon nato sa tibuok nga kinabuhi. Hinaot
pa unta dinhi alang kutob. Maayong buntag.
To God be the Glory.