"Ang Bagong Damit ng Emperador"

halaw sa kuwento ni Hans Christian Andersen

Kilala ang Emperador sa sobrang pagkahilig sa damit. Isang araw

dalawang manggagantso na nagpapanggap na maghahabi ang nag-alok na ihabi ng
bagong damit ang Emperador. “Katangi-tangi ang tela, hindi iyon makikita ng
sinumang hangal.” Wika ng dalawang manggagantso. Natuwa ang Emperador, ngayon
malalaman na niya ang mga hangal sa kaharian. Noon din ay binigyan niya ng pera at
mga sinulid na seda at ginto ang dalawang manghahabi.
Pagkaraan ng ilang araw, ay inutusan ng Emperador ang kanyang punong
ministro na pumunta sa lugar na pinaghahabian ng tela ng dalawang maghahabi at
alamin ang progreso ng paghahabi ng natatanging tela. Laking gulat ng punong
ministro ng hindi niya makita sa habian ang telang tinutukoy ng dalawang maghahabi.
“Hangal ba ako?, tanong niya sa kanyang sarili. Pagbalik sa Palasyo, sinabi ng punong
ministro sa Emperador na napakagandang tela nga ang hinahabi ng dalawang
maghahabi. Natuwa ang Emperador. Muli humingi ng pera at gintong sinulid ang
dalawang manggagantso. Nagduda ang punong ministro, ngunit ayaw naman niyang
aminin na wala siyang nakitang tela. Nagpadala siya ng pera at sinulid sa dalawang
maghahabi.
Nainip ang Emperador sa paghihintay na matapos ang tela. Inutusan niya
ang kanyang Domo na puntahan sa lugar na pinaghahabian ng tela ang dalawang
manghahabi. Anong gulat ng Domo ng hindi niya makita ang telang ipinapakita sa
kanya ng mga maghahabi. Hangal baa ko at hindi ko makita ang tela? Aniya sa sarili.
Bumalik ang Domo sa Palasyo. Aamini ba niyang hangal siya, hindi kaya sinabi niya sa
Emperador na katangi-tangi nga ang telang hinahabi ng dalawang maghahabi.
Sa wakas nagpasya ang Emperador na puntahan ang dalawang maghahabi.
Iniladlad sa kanyang harap ang tela. Ngunit wala siyang nakikitang tela. Magaan pa sa
bulak ang telang ito kamahalan, Oo nga, Oo nga, sagot ng Emperador. Katangi-tanging
tela. ‘Di nagtagal dinala ng dalawang maghahabi ang tela sa Palasyo. Lahat ay
humanga habang sinusukat iyon sa Emperador. Dapat isuot ng Emperador ang
kanyang bagong damit sa parade. Wika ng isang tagasilbi. Nangako ang dalawang
maghahabi na tatahiin agad ang damit.
Pagkaraan ng ilang araw ay idinaos ang parade, dahil ayaw nilang matawag
na hangal. Lahat ng mga tao ay nagpahayag ng paghanga sa bagong damit ng
Emperador. Ngunit isang bata ang nagsalita, Pero walang suot na damit ang
Emperador, sa sumunod na sandal ay nagtatawanan na ang mga tao. Walang damit
ang Emperador, Totoo, walang damit ang Emperador, ngunit naglakad pa rin siyang
taas noo. Huwag lang siya mabansagang hangal at upang maisalba ang kaniyang
dignidad, at ang dalawang manggagantso, nawalang parang bula ang mga ito. Tangay
ang maraming pera at sako-sakong sinulid na seda at ginto.

Aral ng Kuwento:

“Mag-ingat sa panghihibo ng ibang tao dahil baka sa bandang huli, ikaw ay lalabas na
hangal.”

Ang kwentong "Ang Bagong Damit ng Emperador" ay kwentong may aral na maging
maingat sa panlilinlang ng ibang tao dahil baka sa huli ay ikaw pa ang lalabas na
hangal. Maging mapanuri sa bawat tao na nakakasalamuha at huwag agad agad
magtitiwala dahil baka ito ay iyong ikapahamak.

https://www.youtube.com/watch?v=i0ayrJABDDc

https://andersen.sdu.dk/vaerk/hersholt/TheEmperorsNewClothes_e.html