1

3
Edukasyon sa Pagpapakatao – Ikasiyam na Baitang
Ikatlong Markahan – Modyul 1: Ang Kahulugan at Kahalagahan ng
Katarungang Panlipunan

Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi ang sinuman sa anumang akda ng Pamahalaan ng Pilipinas. Gayunpaman,
kailangan na may pahintulot ng ahensiya o tanggapan ng pamahalaan na naghanda ng akda
kung ito ay pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na
ito ay nagtataglay ng karapatang-ari ng mga iyon. Pinagsumikapang malikom ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anumang gamit maliban
sa modyul na ito ay kinakailangan ng pahintulot mula sa mga orihinal na may-akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Jasper C. Jornales
Editor: Gregorio Fiel S. Pineda
Tagasuri: Perlita M. Ignacio, Ph. D. at Josephine Macawile
Tagaguhit: Rema A. Domingo
Tagalapat: Maricel F. Azcarraga
Tagapamahala: Ma. Evalou Concepcion A. Agustin
OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
Manuel A. Laguerta EdD
OIC-Chief, Curriculum Implementation Division
Education Program Supervisors
Librada L. Agon EdD (EPP/TLE/TVL/TVE)
Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
 Edukasyon sa
Pagpapakatao 9
Ikatlong Markahan
Modyul para sa Sariling Pagkatuto 1
Ang Kahulugan at Kahalagahan ng
Katarungang Panlipunan
Paunang Salita

Para sa tagapagdaloy:
Malugod na pagtanggap sa Edukasyon sa Pagpapakatao – Ikasiyam na Baitang
ukol sa Modyul 1: Ang Kahulugan at Kahalagahan ng Katarungang Panlipunan !

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal na
Pamahalaan ng lungsod sa pamumuno ng butihing Punong Lungsod, Kgg. Victor Ma.
Regis N. Sotto, upang matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang pansarili, panlipunan
at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa kanilang
kakayahan, bilis at oras. Naglalayon din itong matulungan ang mag-aaral na makamit
ang mga kasanayang pang-ika-21 siglo lalong-lalo na ang 5 Cs (Communication,
Collaboration, Creativity, Critical Thinking and Character) habang isinasaalang-alang ang
kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang mag-

aaral kung paano gamitin ang modyul na ito. Kinakailangan ding subaybayan at itala
ang pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan ang
mag-aaral habang isinasagawa ang mga gawaing nakapaloob sa modyul.
Para sa mag-aaral:

Malugod na pagtanggap sa Edukasyon sa Pagpapakatao – Ikasiyam na Baitang

ukol sa Modyul 1: Ang Kahulugan at Kahalagahan ng Katarungang Panglipunan !

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong matutuhan
pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo pang
malaman sa paksa.

BALIK-ARAL
Dito masusukat ang iyong natutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Pagbibigay ng guro ng iba’t ibang pagsasanay na dapat sagutin ng
mga mag-aaral.

PAGLALAHAT
Sa bahaging ito ibinuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Matapos mapag-aralan ang modyul na ito, inaasahang ang mga mag-aaral ay

a. naunawaan ang kahulugan ng katarungang panlipunan;

b. masuri ang kahalagahan ng katarungang panlipunan sa lipunang ating

ginagalawan;

c. mahinuha ng pagsasakatuparan ng katarungang panlipunan sa panahon ng

pandemya.

PAUNANG PAGSUBOK
PANUTO: Piliin ang titik ng tamang sa sagot sa mga katanungan.

1. Ang katarungan ay pagbibigay sa kapwa ng nararapat sa kanya. Alin sa mga

sumusunod na sitwasyon ang nagpapakita nito?

a. Sa panahon ng ECQ, ang mga jeepney drivers ay nakakahingi ng tulong

o abuloy sa kalsada.
b. Ang mga politiko ang nauunang makapag-swab test dahil sila ay
mahalagang tao sa lipunan.
c. Ang mag-aaral na nakakita ng cellphone na naiwan sa classroom at hinanap
niya ang may-ari upang isauli ito.
d. Ang isang amo na huling ibinigay ang sweldo sa kaniyang empleyado dahil
tatamad-tamad ito sa trabaho.
2. Ang tuon ng katarungan ay panlabas ng sarili. Ano ang kahulugan nito?
a. Dapat ay nakatuon ka sa matatangap mo lamang.
b. Dapat binibigyan-pansin mo ang sariling interes.
c. Dapat ang iniisip mo ang tungkol sa iyong sarili.
d. Dapat ang nararapat sa kapwa mo ang iyong ibibigay.
3. Alin sa mga sumusunod ang hindi katangian ng katarungang panlipunan?
a. Pantay na Karapatan (Equal Rights)
b. Pantay na Pag-aari (Equal Properties)
c. Pantay na Pagkakataon (Equal Opportunity)
d. Pantay na Pagtingin (Equal Treatment)
 4. Ano ang pinagbabatayan ng katarungang panlipunan?
a. Ang pagkatao ng tao.
b. Ang paniniwala ng tao.
c. Ang pag-aari ng tao.

d. Ang pangangailangan ng tao.

5. Alin sa mga sumusunod ang hindi kasama sa kahalagahan ng katarungang

panlipunan?
a. Natutugunan nito ang pangunahing pangangailangan ng mga tao.
b. Tinitiyak nito na may maayos na serbisyong pangkalusugan ang
lahat ng tao.
c. Ipinagtatanggol nito ang bawat tao mula sa anumang uri ng
diskriminasyon.
d. Pinaparusahan nito ang lahat ng lumalabag sa batas.

BALIK-ARAL
PANUTO: Isulat ang salitang OK sa patlang kung tama ang sinasabi ng bawat
pangungusap at Di OK kung mali ang sinasabi ng pangungusap.

________ 1. Sa pakikilahok at bolunterismo ay hindi nangangailangan ng panahon upang

ikaw ay makatulong.

________ 2. Ang paggamit ng iyong talento ay makatutulong sa iba at sa iyong sarili din.

________ 3. Sa pagbibigay, bukod sa buong-puso mong pagtulong, kailangang malaki rin

ang halagang naibigay mo upang mas makatulong ito.

________ 4. Ang pakikilahok at bolunterismo ay ginagawa nang buong puso at husay

upang makamit ang kabutihang panlahat.
________ 5. Anumang bagay na ginagawa mo sa pinakamaliit mong kapatid ay sa Diyos
mo na rin ito ginagawa.
 ARALIN
Sa panahon ng pandemya ay nakikita ang kakayahan ng mga tao kung kaya ba
nilang suportahan ang kanilang sarili at pamilya dahil sa krisis dala ng pagkalat ng
covid-19 virus. Ang mga naka-aangat sa buhay ay kayang-kayang itaguyod ang kanilang
sarili dahil sa malaking kabuhayan nila. Samantalang mas marami sa mga kababayan
natin ay talagang nakaranas ng hirap
sapagkat nawalan sila ng mga kabuhayan
tulad ng trabaho at negosyo. Kung kaya’t
natunghayan natin ang mga ilang
kababayan natin, tulad ng mga jeepney
drivers na nasa kalsada at namamalimos.
Ganoon din, ang mga politiko ay nauunang https://www.mypope.com.ph/jeepneys-uv-express-resume-operations/

ma-swab test sa covid virus palibhasa ay may ibabayad, samantalang mas nakararaming
kababayan natin ay hindi man lamang makapagpa-swab test dahil sa mahal ng presyo
nito. Parang iniisip natin, “Bakit parang hindi yata patas?” at “Nasaan na ang
katarungan sa lipunang ginagawalan natin?” Sa modyul na ito ay mahalagang pag-
aralan natin ang kahulugan ng katarungan. Iuugnay natin ito sa katarungang
panlipunan nang sa gayon makita natin ang kahalagahan nito.

Ano ang kahulugan ng katarungan? Ayon sa karaniwang kahulugan nito, ang

katarungan ay pagbibigay sa kapwa ng nararapat sa kanya. Ang tuon ng katarungan ay
ang panlabas ng sarili at hind ito nakatuon sa sariling matatanggap lamang.
Nangangailangan ito ng panloob na kalayaan mula sa pagkiling sa sariling interes.

Ano nga ba ang nararapat sa ating kapwa? Ito ay ang pagpapahalaga sa indibidwal
na pagkatao niya dahil sa kanyang dignidad bilang isang tao. Ayon kay Sto. Tomas de
Aquino, ang katarungan ay isang gawi na gumagamit lagi ng pagpapasya na ibigay ang
nararapat sa isang indibidwal batay sa kanyang dignidad. Magandang halimbawa nito
ay ang isang amo na nagbibigay nang tamang sweldo sa kanyang manggagawa at ang
manggagawa naman ay nagtatrabaho nang tamang oras batay sa sa inaasahan sa kanya
sa trabaho. Pareho silang nagiging makatarungan sapagkat ibinibigay nila ang
nararapat sa kanilang kapwa. Gayun din naman, nagiging makatarungan ang isang
kabataang kagaya mo, halimbawa, kung may nakita kang isang cellphone o wallet sa
isang classroom, nararapat lamang na hanapin mo ang may-ari nito at ibalik ito sa
kanya. Kung hindi mo makita agad ang may-ari, dapat isuko ang iyong natagpuan sa
iyong guro, sa guidance o principal’s office upang tulungang maisauli ang nasabing gamit
sa tunay na may-ari nito. Kapag ito ay iyong inangkin o kinuha nang walang paalam,
ikaw ay hindi nagiging makatarungan sapagkat hindi mo ibinigay ang nararapat para sa
iyong kapwa. At iyon ang ginagawa ng mga magnanakaw, ito man ay sa pamahalaan,
kumpanya, paaralan, o komunidad.

Paano nauugnay ang katarungan sa lipunan? Ang katarungan ay batay sa

pagkatao ng tao. Ibig sabihin, dapat nating ibigay sa tao ang nararapat sa kanya dahil
may taglay siyang dignidad o halaga bilang isang tao. Ang lahat ng tao ay may pantay
na karapatan (equal rights), dapat bigyan ng pantay na pagkakataon (equal
opportunities), at gawaran ng pantay na pagtingin (equal treatment). Ang lahat ng ito ay
dapat mong matanggap bilang isang tao at dapat rin matanggap ng iyong kapwa-tao.
Kaugnay nito, dapat ikaw ay maging makatarungan sa iyong kapwa dahil ikaw rin ay
namumuhay sa lipunan ng mga tao. Hindi ka nabubuhay para sa sarili lamang. Tulad
ng natutunan natin sa mga nagdaang aralin ang layunin ng isang lipunan ay ang
kabutihang panlahat. Ngunit hindi ito makakamit kapag nalalabag ang katarungang
panlipunan. Ang pagiging makatarungan ay minimum na pagpapakita ng pagmamahal
bilang tao na namumuhay kasama ang iba. Kaya’t ang paglapastangan sa pagkatao ng
iba, tulad ng paninira sa ibang tao, ay paglapastangan sa iyong sariling pagkatao.

Bakit mahalaga ang katarungang panlipunan? Ang bawat isang tao sa lipunan
ay dapat nakikiisa sa pagtitiyak na
maisakatuparan ang katarungang
panlipunan sapagkat may taglay itong
kabutihang panlahat. Una, natutugunan nito
ang pangunahing pangangailangan ng
mga tao. Lahat ng tao ay dapat may pagkain
sa hapag-kainan, sariling bahay na
tinitirahan, at malinis na tubig na naiinom. https://www.elifestylemanila.com/coming-home-for-a-sumptuous-family-meal/

Pangalawa, tinitiyak nito na may maayos na

serbisyong pangkalusugan ang lahat ng tao. Dahil lahat ng tao ay nagkakasakit, lalo
na sa panahon ng pandemya, dapat matiyak na ang bawat isa ay mabibigyan ng tulong
pagkalusugan. Pangatlo, ipinagtatanggol nito ang bawat tao mula sa anumang uri
ng diskriminasyon. Hindi dapat nakatatanggap ang sinuman ng pagtatangi o
diskriminasyon dahil sa kanyang kulay, lahi, edad, kasarian, relihiyon, o kalagayan sa
 buhay. Dapat pantay ang pagtrato sa lahat
sapagkat pantay ang karapatang pantao ng bawat
isa. Pang-apat, natutulungan nito ang mga
kabataan na magkaroon ng edukasyon. Ang
pagkakaroon ng edukasyon ay isang paraan
upang mapagtagumpayan ang kahirapan. Ang

https://magnaanimaeducation.wordpress.com/senior-high-
lipunan ay lubos na nakikinabang kapag ang mga
school-program/
kabataan nito ay nagkaroon ng edukasyon. At
panglima, natataguyod nito ang patas na paglagong ekonomiya. Ang pagitan ng
mayaman sa mahirap ay talagang lumalawak. Ngunit sa patas na ekonomiya, bagamat
mayroong talagang mayayaman, ang mahihirap ay hindi dapat masadlak sa labis na
kahirapan kundi may kakayahang matugunan ang kanilang pangangailangan dahil sila
ay nakapaghahanapbuhay nang malaya at walang anumang pangamba. Kapag ito ay
napagsikapan na maibigay sa bawat tao tunay na naipagkakaloob natin ang nararapat
ayon sa kanyang dignidad at karapatang pantao. Kung magkagayon, naisusulong natin
ang katarungang panglipunan.

PAGSASANAY
Gawain 1: WOW O WOW MALI

PANUTO: Isulat sa patlang ang WOW kung tama ang pangungusap at WOW MALI
kung mali ang pangungusap.

__________________1. Naisasakatuparan ang katarungang panlipunan kahit hindi

malaya ang panloob mula sa pagkiling sa sariling interes.
__________________2. Ang batayan ng katarungang panglipunan ay ang pagkatao
ng tao, sa madaling salita, ang kanyang dignidad bilang tao.
__________________3. Ang lahat ng tao ay iba-iba kung kaya’t hindi pantay-pantay ang
karapatan ng mga tao.

__________________4. Ang paglapastangan sa pagkatao ng iba, tulad ng paninira sa ibang

tao, ay paglapastangan sa iyong sariling pagkatao.

__________________5. Ang pagiging makatarungan ay minimum na pagpapakita ng

pagmamahal bilang tao na namumuhay kasama ang iba.
Gawain 2: ANG SAGOT NASA KAHON

PANUTO: Isulat ang mga nararapat na matanggap ng ating kapwa sa patlang ayon
sa paglalarawan dito. Piliin ang tamang sagot sa loob ng kahon

Pangunahing Pangangailangan Pagkakaroon ng Edukasyon

Serbisyong Pangkalusugan Patas na Paglagong Ekonomiya

Proteksyon mula Diskriminasyon

___________________________________________ 1. Bawat tao ay dapat makapag-aral.

____________________________________________2. Bawat tao ay dapat may pagkain,

tirahan at malinis na tubig na maiinom.

____________________________________________3. Bawat tao ay dapat natutulungang

magamot sa panahong siya ay may
sakit.

____________________________________________4. Bawat tao ay hindi dapat minamaliit

dahil sa kanyang pagiging iba.

Gawain 3: ANO ANG GAGAWIN MO?

PANUTO: Isulat ang iyong makatarungang gagawin sa bawat sitwasyon na iyong

hinaharap.

Sitwasyon # 1: Bagong sweldo ang iyong ama at nakapamili kayo ng pagkain mula sa
palengke at nakapag-grocery kayo para sa buong linggo. Nalaman mo na ang
iyong kamag-aral at kapit-bahay rin ay walang makain dahil natanggal sa
trabaho ang kanyang tatay dahil sa pandemya. Ano ang iyong gagawin?
___________________________________________________________________________
___________________________________________________________________________
___________________________________________________________________________
___________________________________________________________________________

Sitwasyon # 2: May bago kang kamag-aral na malakas ang amoy sa kili-kili nya.
Napansin mong madalas siyang paringgan ng mga kaklase mo at pagtawanan.
Ano ang iyong gagawin? __________________________________________________

___________________________________________________________________________
___________________________________________________________________________
___________________________________________________________________________
 PAGLALAHAT

Panuto: Isulat ang 5 kahalagahan ng Katarungang Panlahat batay sa ating napag-

aralan.
Una:

Panglima: Pangalawa:

Ang
Katarungang
Panlipunan ay
pagbibigay ng
nararapat para sa
kapwa batay sa
Pang-apat: Pangatlo:
kanyang dignidad.

PAGPAPAHALAGA

Panuto:Paano mo ito mailalapat sa iyong buhay bilang isang kabataan? Isulat ang iyong
sagot sa patlang na may 5 hanggang 10 pangungusap.

“Ang Ilang Pamahalaang Lokal sa NCR ay Naging Makatarungan sa Pagkakaloob ng

mga Laptop at Tablet Para sa Edukasyon ng Kabataan.
Bilang ganti, ito ang aking makatarungang tugon sa suportang
ipinagkaloob sa aking pag-aaral.”

_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
 PANAPOS NA PAGSUSULIT
PANUTO: Piliin ang titik ng tamang sa sagot sa mga katanungan.

1. Ang tuon ng katarungan ay panlabas ng sarili. Ano ang kahulugan nito?

a. Dapat ay nakatuon ka sa matatangap mo lamang.
b. Dapat binibigyan-pansin mo ang sariling interes.
c. Dapat ang iniisip mo ang tungkol sa iyong sarili.
d. Dapat ang nararapat sa kapwa mo ang iyong ibibigay.
2. Ang katarungan ay pagbibigay sa kapwa ng nararapat sa kanya. Alin sa mga
sumusunod na sitwasyon ang nagpapakita nito?

a. Sa panahon ng ECQ, ang mga jeepney drivers ay nakakahingi ng tulong

o abuloy sa kalsada.

b. Ang isang amo na huling ibinigay ang sweldo sa kaniyang empleyado dahil
tatamad-tamad ito sa trabaho.

c. Ang mga politiko ang nauunang makapag-swab test dahil sila ay

mahalagang tao sa lipunan.

d. Ang mag-aaral na nakakita ng cellphone na naiwan sa classroom at hinanap

niya ang may-ari upang isauli ito.

3. Alin sa mga sumusunod ang hindi kasama sa kahalagahan ng katarungang

panlipunan?
a. Natutugunan nito ang pangunahing pangangailangan ng mga tao.
b. Tinitiyak nito na may maayos na serbisyong pangkalusugan ang
lahat ng tao.
c. Pinaparusahan nito ang lahat ng lumalabag sa batas.
d. Ipinagtatanggol nito ang bawat tao mula sa anumang uri ng
diskriminasyon.

4. Alin sa mga sumusunod ang hindi katangian ng katarungang panlipunan?

a. Pantay na Pagkakataon (Equal Opportunity)
b. Pantay na Karapatan (Equal Rights)

c. Pantay na Pag-aari (Equal Properties)

d Pantay na Pagtingin (Equal Treatment)

5. Ano ang pinagbabatayan ng katarungang panlipunan?

a. Ang paniniwala ng tao. c. Ang pangangailangan ng tao.

b. Ang pag-aari ng tao. d. Ang pagkatao ng tao.
 SUSI SA PAGWAWASTO
PANGLIMA: PATAS NA PAGLAGONG EKONOMIYA. 5. d. 4. c 3. c 2. d 1.d
SA DISKRIMINASYON PANG-APAT: PAGKAKAROON NG EDUKASYON
PANAPOS NA PAGSUSULIT:
PANGALAWA: SERBISYON PANGKALUSUGAN PANGATLO: PROTEKSYON MULA
PAGLALAHAT: UNA: PANGUNAHING PANGANGAILANGAN DI OK 3.

5. WOW OK 5. 2. OK

4. PROTEKSYON MULA SA DISKRIMINASYON 4. WOW OK 4. DI OK 1.

3. SERBISYONG PANGKALUSUGAN 3. WOW MALI BALIK-ARAL

2. PANGUNAHING PANGANGAILANGAN 2. WOW 3. b

1. PAGKAKAROON NG EDUKASYON 1. WOW MALI 5. D 2. d

GAWAIN 2: Gawain 1: 4. a 1. c

PAGSASANAY: PAUNANG PAGSUBOK

R E F E R E N CE S
1. Gayola, et al, Edukasyon sa Pagpapakatao – Ikasiyam na Baitang, Modyul para
sa Mag-aaral. Unang Edition 2015. ISBN: 978-971-9601-75-3
2. https://www.investopedia.com/terms/s/social-justice.asp
3. https://www.sdfoundation.org/news-events/sdf-news/what-is-social-justice/
4. https://www.un.org/esa/socdev/documents/ifsd/SocialJustice.pdf
5. https://www.humanrightscareers.com/issues/10-reasons-why-social-justice-is-
important/
6. https://www.sciencedirect.com/topics/social-sciences/social-justice
7. https://www.pachamama.org/social-justice/social-justice-issues
8. https://plato.stanford.edu/entries/justice/

9. https://www.mypope.com.ph/jeepneys-uv-express-resume-operations/

10. https://www.elifestylemanila.com/coming-home-for-a-sumptuous-family-meal/
11. https://magnaanimaeducation.wordpress.com/senior-high-school-program/