MODYUL 7-

DEL SUR GOOD SHEPHERD COLLEGE, 9

INC.
Extension Poblacion, Wao, Lanao del Sur

Kolehiyo/Departmento ng Filipino
FIL 17: Paghahanda at Ebalwasyon ng Kagamitang Panturo
Semester of A.Y. 2020-2021

INTRODUKSYON
Ang modyul na ito ay tungkol sa Paghahanda at Ebalwasyon ng Kagamitang
Panturo: Mga Batayang Konsepto at Mga Napapanahong Teknolohiya at Kagamitang
Panturo ng Wika at Panitikan.
LAYUNIN
1. Matalakay nang may katalinuhan ang mga batayang konsepto at mga
napapanahong teknolohiya at kagamitang panturo ng wika at panitikan.
2. Maipakita ang malalim na pag-unawa at pagpapahalaga mga batayang
konsepto at mga napapanahong teknolohiya at kagamitang panturo ng wika at
panitikan.
3. Makasulat ng pagpapaliwanag ukol sa mga Katangian ng Mabuting Pamaraan.
4. Makagawa ng repleksyon hinggil sa modyul na ito.

NILALAMAN
PAKSA BLG. 1
Paghahanda at Ebalwasyon ng Kagamitang Panturo:
Mga Batayang Konsepto

Panimula
Ang guro ang siyang saligan ng kaalaman ng mga mag-aaral. Siya ang humuhubog
sa pagkatao ng mga bata, mula sa pisikal, sosyal, ispiritwal at mental. Inihahanda niya
ang bata sa maraming pagbabagong nagaganap sa kanyang pagkatao. Kailangan niyang
lumaki, lumago at maging dalubhasa upang maging kapaki-pakinabang sa mundong
kanyang ginagalawan.
A. Katuturan
“They are device that assist an instructor in the teaching-learning process. They
are not self supporting; they are supplementary training devices.”
 -Instructional Aids and Training Technology Manual

Ang kagamitang panturo ay anumang karanasan o bagay na ginagamit ng guro

bilang pantulong sa paghahatid ng mga katotohanan, kasanayan, saloobin, palagay,
kaalaman, pag-unawa at pagpapahalaga ng mga mag-aaral upang maging konkreto,
tunay, dynamic at ganap ang pagkatuto. (Abad, 1996)

Isa itong tanging gamit sa pagtuturo na nagtataglay ng gabay para sa mag-aaral

at mga guro at tumitiyak sa bawat karagdagang pagkatuto ng nilalaman, teknik ng
paglalahad, pagsasanay at paggamit ng nilalaman at paraan ng pagtuturo gamit ang
mga teknik na ito. (Johnson, 1972)

Ang kagamitang panturo ay espesyal na dinisenyong pansilid-aralang kagamitan

na binubuo ng mga panuto para sa mga guro o sa mga mag-aaral, at nakasaad ang mga
layon ng pagkatuto; ang paksang dapat na matutunan, mga teknik ng presentasyon ng
aralin, kasanayan at gamit ng paksa/aralin at mga modal ng pagtuturo gamit ang mga
naturang teknik. (F.C. Johnson. RELC, vol. 3)
 Ang kagamitang pampagtuturo ay nagbibigay ng konkretong pundasyon
sa pagkatuto na nagbubunga ng wastong gawi sa pag-aaral.
 Nakagaganyak ito sa kawilihan ng mga mag-aaral; nagbibigay ito ng mga
tunay at iba’t ibang kalagayan upang mapasigla ang pansariling gawain ng mga
mag-aaral.
 Nag-aambag ito ng iba’t ibang karanasan tungo sa pagkakamit ng kasanayan
at pagkakaroon ng patuloy na interes sa pag-aaral.

Sinasabing ang atensyon ng mga mag-aaral ang pinakamahalagang salik sa

pagkatuto. Ang guro ay nararapat na magkaroon ng kakayahan na mapanatili ang
kawilihan ng mga mag-aaral sa loob ng panahong siya ay nagtuturo. Kapag nawala ang
atensyon ng mga mag-aaral sa aralin, maaaring sabihing walang pagkatutong naganap.
At para makuha ang interes ng mga mag-aaral, ang guro ay dapat gumamit ng iba’t
ibang kagamitang pampagtuturo.
B. Kahalagahan ng Kagamitang Panturo
 Para sa Guro
 1. Ang kagamitang panturo ay ginagamit sa presentasyon ng mga bagong kaalamang
dapat matutuhan, mabuo at magamit.
2. Ang kagamitang panturo ay para sa pagkatuto ng isang kasanayan; istruktura ng
wika at mga ilang mahihirap na gawain na pagtalakay nito.
3. Ang kagamitang panturo ay ginagamit na patnubay ng guro sa mga metodo, teknik
at mga bagong anyo/uri ng pagsasanay sa pagtalakay sa aralin.
4. Ang kagamitang panturo ay nagbibigay ng pagkakataon sa guro na magamit ang
kanyang oras at kasanayang gawing makatotohanan ang mga bagay at araling ituturo sa
loob at labas ng paaralan.
5. Ang kagamitang panturo ay nagbibigay ng de kalidad, maayos at makahulugang
pagtuturo.
6. Nagkakaroon ang guro ng mga kawilihan at sistematikong pagtuturo.
7. Nababawasan ang pagiging dominante ng guro sa pagsasalita at pagtalakay ng
mga aralin sa loob ng klasrum.
8. Naging makabuluhan at walang naaaksayang panahon, oras at salapi ang guro
dahil sa mga nakahandang kagamitan nito.
9. Nagkakaroon ng tiwala sa pagtalakay ng aralin ang guro sapagkat nagiging gabay
nito ang kanyang mga kagamitan.
10. Nakikilala rin ang mga guro ng kanyang kamag-aral at kapwa guro sa mga
imbensyong kagamitang kanyang inihahanda.

B. Kahalagahan ng Kagamitang panturo

 Pasa sa Mag-aaral
1. Nagkakaroon sila ng pagkakataong gumawa at matutong mag-isa sa loob at labas
ng paaralan.
2. Nagkakaroon sila ng pagkakataong makasunod sa course study at mga hakbang
na maaaring gamitin sa pagsasagot ng mga gawain kahit walang gaanong
pamatnubay ang kanilang guro.
3. Nagbibigay sa mga bata ng konkretong pundasyon sa pagkatuto.
4. Nakagaganyak ito sa kawilihan ng mga mag-aaral upang maging masigla at
magaang ang pag-aaral sa pagkatuto.
5. Nagkakaroon ng tiwala sa sarili ang mga mag-aaral kung may kaalaman at sapat
na kasanayan sa paggamit ng mga kagamitan.
 6. Naging makatotohanan sa mga talakayan at nagagamit na batayan nila ang
kagamitan sa kanilang talakayan.
7. Nagkakaroon sila ng kasanayang maghambing ng mga bagay na magkakatulad at
magkakaiba.
8. Nakatutulong sa kanilang sariling pagkatuto ng mga karagdagang kaalaman at
karanasan na dapat nilang matutuhan.
9. Nakadidiskubre ng isang suliraning maaari nilang malutas nang mag-isa sa tulong
ng kanyang kagamitan.
10. Higit sa lahat kakaibang karanasan, kasanayan at kaalaman ang hatid ng
kagamitang panturo.

PAKSA BLG. 2
Mga Napapanahong Teknolohiya at Kagamitang Panturo ng Wika at Panitikan

I. Mga Kagamitang Limbag at Inihahanda ng Guro

A. Teksbuk- isang masistemang pagsasaayos ng paksang-aralin para sa isang tiyak
na asignatura at antas.
B. Manwal ng guro- kalipunan ng mga araling nakaayos ayon sa layunin at mga
mungkahing paraan o istratehiya kung paano itong ituturo sa mga mag-aaral.
C. Silabus- isang balangkas ng mga layunin, paksang aralin na nauukol sa isang
particular na kurso o asignatura na nakaayos nang sunod-sunod ayon sa kinabibilangang
yunit at inilaan para sa isang markahan o semester.
D. Workbuk- kinapapalooban ng mga gawaing pagsasanay ng mga mag-aaral
kaugnay na tinatalakay mula sa teksbuk. Maaaring kapalooban ito ng maikling teksto at
maraming gawain at pagsasanay.
E. Kopya ng balangkas (duplicated outlines)- ito ay dagdag na sipi ng mga
binalangkas na aralin. Ito ang ginagamit na gabay sa pagpaplano at pagbubuo ng
araling tatalakayin.
F. Hand-awts- sinaliksik at pinayamang paksa. Madalas inihahanda ng isang
tagapagsalita para sa kanyang tagapakinig. Nababalikang basahin ng guro para sa
ikalilinaw ng paksa.
G. Pamplets/Suplemntal at pinayamang paksa- mga set ng impormasyong mula
sa ibang materyales na idinadagdag sa tinalakay na aralin.
 H. Artikulo mula sa magasin/babasahin- naglalaman ng iba’t ibang paksa na
napapanahon na magagamit na pantulong sa isang aralin.
I. Pahayagan- naglalaman ng mga pangyayari sa loob at labas ng ating bansa.
Ginagamit na batayan at pantulong bilang suportang impormasyon na kaugnay sa aralin.
J. Dyornal- isang balangkas na sipi ng kinalabasan na isang pananaliksik. Maaaring
dyornal sa medisina, dyornal sa arkitektura atbp.
K. Indexes- isang materyal na pinagmumulan at pinagkukuhanan ng mga
sanggunian.
L. Worksheet at workards- kagamitang pinagsusulatan ng mga impormasyon at
kaalaman upang madaling maisaayos.
M. Modyul- isang kit sa pansariling pagkatuto. Ito ay binubuo ng iba’t ibang gawaing
pagkatuto na kadalasan ay nasa anyong pamphlet/babasahin. May iba’t ibang uri ng
modyul: Modyul ng pansariling pagkatuto, modyul sa pagsunod ng panuto at Modyul sa
balangkas na gawain.
N. Banghay-aralin- ito’y balangkas ng mga layunin, paksang aralin, kagamitan at
mga hakbang na sunod-sunod na isasagawa upang maisakatuparan ang mga layunin o
inaasahang bunga ng isang aralin.
O. Patnubay sa Gawaing Pangmag-aaral- set ng mga panuto at tanong na
makatutulong sa pagtalakay ng mga bagong aralin.
P. Pagsusulit- isang kagamitang sumusukat kung gaano ang natutuhan ng isang
mag-aaral. Ito ay ginagamit ding pagganyak upang ang mag-aaral ay maging atentibo sa
pagtalakay ng aralin. Natutuklasan din ng isang mag-aaral ang kanyang kakayahan at
kagalingan.
Q. Talahanayan ng Ispesipikasyon- sa paghahanda ng guro ng pagsusulit dito
makikita ang lawak ng nilalaman, bilang ng aytem, at uri ng pagsusulit na gagawin.

II. Mga Kagamitang Namamasid

A. Chalkboard Display- mga larawan at talang nakaguhit o nakasulat sa isang dark
colored na bagay.
B. Whiteboard o Markerboard display- mga larawan at talagang nakaguhit o
nakasulat sa isang light- colored na bagay.
C. Mga Larawan- karaniwang ipinapakita ng guro sa pagtalakay ng aralin upang
magkaroon ng gabay ang mga mag-aaral na ipaliwanag ang nilalaman ng paksa.
Maaaring gamitin ang mga larawan mula sa kalendaryo, dyaryo at magasin.
 D. Ilustrasyon- ginuguhit na manwal/kamay ang paraan sa pagbubuo ng isang
bagay, tao, lugar at pangyayari.
E. Tsart/Graphic Organizer- ginagamit upang pag-ugnayin at ikategorya ang mga
konsepto at pangyayari sa binasa. Tinatawag ding itong biswal na larawan.
F. Awtentikong Kagamitan- tumutukoy sa pagiging awtentiko ng input data na
gagamiting lunsaran sa paggagawa ng kagamitang panturo. Ang mga data ay hango sa
pahayagan, patalastas, magasin, brochure at billboards.
G. Graps- flat picture binubuo ng tuldok, guhit o larawan gaya ng circle graphs, bar
graphs, line graphs, pie graphs, area graphs at picto graphs.
H. Maps- guhit na flat nagpapakita ng kinaroroonan ng lugar/pook, bansa at agwat/
layo ng oras.
I. Globes- dito maaaring makita ang eksaktong kinaroroonan ng pook/lugar, bansa at
pati ang layo/agwat ng oras.
J. Posters- eye catching graphics at sa pamamagitan nito madaling makuha ang
mensahe mula sa nakasaad na larawan o ilustrasyon.
K. Exhibits- mga iba’t ibang kagamitan na may kaugnayan sa isang gawain bilang
karagdagang kaalaman biswal. Maaaring exhibit ng mga aklat, exhibit ng isang produkto
atbp.
L. Hook and Loop display- mga larawan o ilustrasyon at ibang biswal aids na
isinasabit upang makita ang paksang tinatalakay.
M. Magnetic board display- mga larawan at tala ng impormasyon na idinidikit sa
pamamagitan ng maliliit na magnetic holders.
at tala ng impormasyon na idinidikit sa pamamagitan ng maliliit na magnetic holders.
N. Bulletin board display- inilalagay ang mga mahahalagang anawnsment,
programa, tala at mga arawan. Ginagamit din ito upang maipakita ang mga natatanging
mag-aaral, impormasyon at natatanging isyu hinggil sa mahalagang paksa.
O. Museum- dito maaaring matagpuan ang mga impormasyong hindi karaniwan o
hindi naranasan. Maaari ring mga bagay na sinauna at lumang coins, gamit, damit,
larawan, batop atbp. Ito ay itinatabi at pinipreserba upang makita ng mga mag-aaral.
P. Flannel Board at Felt Board- kagamitang yari sa cardboard o kahoy na
binabalutan ng felt na papel.
Q. Mga Bagay
1. Ispesimen
2. Realia
 3. Modelo
4. Mock-up replica
5. Mock trial
6. Papet
7. Dayorama
8. Pabitin o Mobil
9. Plaskard
10. Cue cards
11. Komik Strip
12. Notekard
13. Mga Seleksyong Pampanitikan
14. Kasuotan (Costumes)

III. Mga Kagamitang Naririnig

A. Radyo- mga dula, awitin, debate, balita at komentaryo
B. Cassette- mga awitin
C. Teyp Recorder- lektyur, talumpati, tula, awitin at iba pang anyo ng panitikan.
D.
IV. Mga Kagamitang Naririnig at Namamasid
A. Sine- mga pangyayari hinggil sa pag-ibig, pakikipagsapalaran, kabayanihan at
ilang maaaring makita sa lipunan.
B. Telebisyon- balita, debate, telesine at iba pang paksa
C. Materyales computer-mediated
D. Videoteyps

V. Resources mula sa komunidad

A. Field Trips- ang mga mag-aaral ay lumalabas sa klasrum
B. Tagapanayam o Tagapagsalita- mga taong higit ang kaalaman at hindi batid ng
iba.
C. Demonstrasyon- isang pamaraan sa pagtuturo
D. Laboratori- may iba’t ibang ekwipment gaya ng mga magnetic teyp recorders,
headsets, microphones. Sa agham, kagamitan tulad ng microphones, slides,
kompyuter atbp.
 VI. Kagamitang Projected at Namamasid
A. Slides- mga larawan ng isa o maraming aralin
B. Filmstrip- mga larawan ng bagay, tao, lugar o pangyayari
C. Opaque projectors- pinalaking imahen ng larawan at ilustrasyon ng tao, bagay,
hayop at pangyayari
D. Overhead projectors- ang mga larawan, teksto ng materials ay inilalapat sa
isang transparencies para makita s screen.

VII. Mga Napapanahong Teknolohiya

A. Digital Images- tinatawag ding itong raster images. Ito ay representasyon ng
dalawang dimensyunal na imahen gamit
B. Powerpoint Presentation- ito ay display ng iba’t ibang piniling imahen na binuo
ng masining at pampagtuturong layunin. Ito ay pinapagalaw ng isang presentor na
gamit ang isang apparatus.
C. Movie maker presentation- isang modernong presentasyon na ginawa/ginaya sa
mga napapanuod na pelikula. May gumaganap at may script na binuo. Inaangkupan din
ito ng mga tunog at tugtog. Inaayon sa layon ng gumagawa at gumagamit din ng video
software.
D. Video- isang uri ng teknolohiya na electronically, capturing, recoring, processing,
storing, transmitting at reconstructing sekwens ng mga still images na narerepresenta
ng mga kilos at pagganap.
E. Kompyuter (Website Services)- ang paggamit nito ay napakalaking tulong na
kagamitan sa pagkatuto ng tao.
F. Photocopies- isang copier na ginagamitan ng photographic na paraan upang
makabuong maraming sipi.
G. DVD/CD Player- maraming mapapanood na dokumentasyon at palabas gaya ng
pelikula, kasal at ibang uri ng video.
H. LCD Projector- isang uri ng video projector na gamit para ipalabas ang imahen o
kaya computer data sa screen o sa iba pang flat na bagay.
I. Videocam- isang camcomander na “portable consumer electronic device”
para makarekord ng video at awdyo gamit ang isang built-in recorder.
 J. Laptop- isang uri ng kompyuter. Nakagagawa ng pag-aaral nang mabilis sa tulong
ng Laptop. Ito ay maaaring madala sa labas ng bahay at kahit anong oras na nais mong
aralin ay maaaring gawin.
K. Laserpen- isang laser pointer na madalas ginagamit sa pagmamarka
(highlightings) sa paksang nais mong bigyang-diin at pinipresent sa harap ng maraming
tao. Ginagawa ito sa pamamagitan ng pagtutok ng ilaw mula sa laser pointer habang
nagpepresent.
L. i-PAD- isang kagamitan na pinaglalagakan ng datos, tunog at awit at maaari ring
magrekord ng panayam.
M. Cellphone- isang long-range, electronic device na ginagamit para sa mobile voice
at data communication sa pamamagitan ng network mula sa isang specialized base
stations ng kilalang cell sites.
N. Digital Camera- tinatawag din itong DigiCam; isang uri ng camera na ginagamit
sa pagkuha ng video or still photographs, at digitally nagrerekord ito ng mga imahen sa
pamamagitan ng electronic image sensor.
O. Internet- ito ay isang global na pinakokonek ang iba’t ibang kompyuter at
nagagawa ito ang mga gumagamit na magkaroon ng pagbabahagi ng impormasyon
gamit ang multiple channels. Sa pamamagitan ng internet ang isang tao ay maaaring
makapaghatid ng impormasyon, makipagbalitaan gamit ang chicka at messenger.
Madaling makipagkomunikasyon dahil sa mga naturang program.
P. Scanner- napaparami ang isang larawan at impormasyong nais mabasa at
magamit muli.
 Paghahanda at Ebalwasyon ng Kagamitang Panturo

Pangalan: _______________________ Instruktor: _________________________

Kurso at Antas: __________________ Koda ng Kurso: _________________

MGA GAWAIN

I. PAGTUKOY
Panuto: Basahin at unawaing mabuti ang bawat katanungan. Tukuyin at isulat ang
tamang sagot espayong nakalaan sa bawat aytem.

____________________ 1. Ito ay eye catching graphics at sa pamamagitan nito, madaling

makuha ang mensahe mula sa nakasaad na larawan o ilustrasyon.
____________________ 2. Ito ay flat picture na binubuo ng tuldok, guhit o larawan gaya ng
circle, bar, line, pie, area at picto.
____________________ 3. Ang mga mag-aaral ay lumalabas sa klasrum upang makakuha ng
“firsthand” na impormasyon tungkol sa bagay, lugar, tao at proseso upang lalong
lumawak ang kanilang karanasan sap ag-aaral.
____________________ 4. Ito ay isang kagamitang namamasid na maaaring matagpuan ang
mga impormasyong hindi karaniwan o hindi nararanasan – maaaring mga bagay na
sinauna tulad ng lumang coins, gamit, damit, larawan, bato at iba pa.
____________________ 5. Ang ____________________ ay ginagamit upang pag-ugnayin at
ikategorya ang mga konsepto at pangyayari sa binasa.
____________________ 6. Ang sumusunod ay mga kagamitang namamasid MALIBAN sa
isa:
Chalkboard Display OHP
Graps Tsart o Graphic Organizer
____________________ 7. Ito ay mabisa at mabilis na pinagkukuhanan ng lahat ng
impormasyong kailangan ng mga mag-aaral sa kanilang pananaliksik at pag-aaral.
____________________ 8. Ang ____________________ ay kagamitang pinagsusulatan ng mga
impormasyon at kaalaman upang madaling maisaayos.
____________________ 9. Ang ____________________ ay isang materyal na pinagmumulan at
pinagkukunan ng mga sanggunian.
____________________ 10. Ito ay isang kagamitang panturo na sumusukat kung gaano ang
natutuhan ng isang mag-aaral. Ito ay ginagamit ding pagganyak upang ang mag-aaral ay
maging atentibo sa pagtalakay ng aralin.
____________________ 11. Ito ay isang kit sa pansariling pagkatuto na binubuo ng iba’t
ibang gawaing pagkatuto na kadalasan ay nasa anyong pamphlet o babasahin.
____________________ 12. Ito ay kinapapalooban ng mga gawaing pagsasanay ng mga
mag-aaral kaugnay sa mga paksang tinatalakay mula sa teksbuk. Maaaring kapalooban
ito ng maikling teksto at maraming gawain o pagsasanay.
____________________ 13. Ang ____________________ ay kalipunan ng mga araling nakaayos
ayon sa layunin at mga mungkahing paraan o istratehiya kung paano itong ituturo sa
mga mag-aaral.
____________________ 14. Ito ay mga set ng impormasyong mula sa ibang materyales na
idinadagdag sa tinalakay na aralin.
____________________ 15. Ito ay anumang karanasan o bagay na ginagamit ng guro bilang
pantulong sa paghahatid ng mga katotohanan, kasanayan, saloobin, palagay, kaalaman,
pag-unawa at pagpapahalaga ng mga mag-aaral upang maging konkreto, tunay,
dynamic at ganap ang pagkatuto.

II. PAG-IISA-ISA
Panuto: Ibigay o isa-isahin ang sumusunod:

1-7. Ano-ano ang pitong (7) kategorya ng KAGAMITANG PANTURO?

8-10. Ano-ano ang mga halimbawa ng KAGAMITANG NARIRINIG?

ASSESSMENT

I. PAGPAPALIWANAG
Panuto: Sumulat ng pagpapaliwanag ukol sa mga Katangian ng Mabuting
Pamaraan. (10 puntos bawat aytem)
 Pamantayan sa Pagmamarka:
 Nilalaman/Pagkakabuo -5
 Katumpakan ng sagot -5
KABUUAN - 10

1. Ang kagamitang panturo ay espesyal na dinisenyong pansilid-aralang kagamitan

na binubuo ng mga panuto para sa mga guro o sa mga mag-aaral, at nakasaad
ang mga layon ng pagkatuto; ang paksang dapat na matutunan, mga teknik ng
presentasyon ng aralin, kasanayan at gamit ng paksa/aralin at mga modal ng
pagtuturo gamit ang mga naturang teknik. (F.C. Johnson. RELC, vol. 3)
__________________________________________________________________________________________
__________________________________________________________________________________________
__________________________________________________________________________________________
_____________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
____________________________________________________________________________________
2. Isa itong tanging gamit sa pagtuturo na nagtataglay ng gabay para sa mag-aaral
at mga guro at tumitiyak sa bawat karagdagang pagkatuto ng nilalaman, teknik ng
paglalahad, pagsasanay at paggamit ng nilalaman at paraan ng pagtuturo gamit
ang mga teknik na ito. (Johnson, 1972)
__________________________________________________________________________________________
__________________________________________________________________________________________
__________________________________________________________________________________________
_____________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_____________________________________________________________________________________
 3. Ang kagamitang panturo ay anumang karanasan o bagay na ginagamit ng guro
bilang pantulong sa paghahatid ng mga katotohanan, kasanayan, saloobin,
palagay, kaalaman, pag-unawa at pagpapahalaga ng mga mag-aaral upang
maging konkreto, tunay, dynamic at ganap ang pagkatuto. (Abad, 1996)
__________________________________________________________________________________________
__________________________________________________________________________________________
__________________________________________________________________________________________
_____________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_____________________________________________________________________________________

4. Bakit mahalagang pag-aralan ang Filipino 17 (Paghahanda at Ebalwasyon ng

Kagamitang Panturo?
BILANG MAG-AARAL:
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_____________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_______________________________________________________________________________________
BILANG GURO SA HINAHARAP:
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
____________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
REPLEKSYON (30 puntos)
Sumulat ng repleksyon/reaksyon na may sampu o higit pang pangungusap hinggil sa
mga paksang natalakay sa modyul na ito.
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_______________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_______________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
_______________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________