D.

Insights

Ang pananaliksik na, “Pagsusuri sa Epekto ng Paggamit ng Isinakomiks sa Filipino Klasiks (Ibong Adarna, Florante at Laura,
Noli Me Tangere, at El Filibusterismo) ay tungkol sa pagiging epektibo ng paggamit ng isinakomiks sa apat na Filipino Klasiks sa
pagtuturo ng Panitikang Pilipino sa mga mag-aaral sa kolehiyo sa puntong sosyal at moral.

Ang layunin ng mananaliksik ay mabatid kung ang paggamit ng isinakomiks sa apat na Filipino Klasiks ay epektibo at
makabuluhan sa mga mag-aaral ng Panitikang Pilipino sa kolehiyo. Ginamit sa pananaliksik na ito ang mga mag-aaral na kumuha ng
Panitikang Pilipino sa Pamantasan ng Adamson bilang respondents. Sa pag-aaral na ito, natuklasan ng mananaliksik na ang
isinakomiks ng apat na Filipino Klasiks ay epektibo at isang mabisang paraan upang maiparating sa mga mambabasa, lalo na sa mga
kabataan, ang mga pagpapahalagang moral na mababakas sa ating tradisyon at kultura.

Sa Kabanata I, wala sa tamang format ang buong bahagi ng Panimula. Hindi magkakatugma ang mga spacing sa bawat talata.
Kinakailangan sa paggawa ng pananaliksik, sundin ang nararapat na format na gagamitin upang mas maayos itong tignan. Sa bawat
talata, hindi rin ito nilagyan ng sanggunian o reference kung saan nila ito binatay kaya lumalabas na isa itong opinyon na hindi dapat
isinasali o inilalagay sa pananaliksik. Nararapat na itala lahat ang sanggunian na ginamit upang di makasuhan ng plagiarism. Sa
Saligan ng pag-aaral, hindi naka italize ang mga salitang Ingles na ginamit tulad ng “summer”. Sikaping mag-italize o gumamit nalang
ng panipi sa paggamit ng Ingles lalo na dahil isa itong Filipino na pananaliksik. Sa parte naman ng Balangkas Teoretikal, hindi
binanggit ang kahulugan at pagpapakli o abbreviation ng salitang “S-M-C-R-E”. Wala ring caption ang pigura na inilagay. Ang
caption ang nagsasaad kung ano ang pinapahiwatig ng mga pigura kaya dapat itong lagyan. Sa paradigma ng pag-aaral sa Balangkas
Konseptuwal, hindi na kinakailangang maglaglagay pa ng mga arrows sa taas. Mas maayos tignan kung sa gitna lamang ang ito
nakalagay. Samantalang maayos namang naipahayag ang mga parte ng Paglalahad ng Suliranin, Kahalagahan ng Pag-aaral at ang
saklaw ng Delimitasyon. Nagkulang lamang ito sa spacing dahil hindi rin ito magkakatugma. Sa Kahulugan ng mga katawagan,
gumamit sila ng “raw” na salita kung saan pinapahayag nito na may binagbatayan sila. Dahil doon, hindi ito naging kumpleto sapagkat
hindi naman sila nagtala ng sanggunian. Hindi rin wasto ang spacing na ginamit tulad ng salitang Kulturang Popular. Masyado itong
malawak kumpara sa ibang salitang nakatala.

Sa Kabanata II, mas maiintindihan ng mga mambabasa kung ang inilagay sa unang talata ay ang mismong paksa ng
pananaliksik. Sa pangalawang talata naman ay hindi malinaw at kumpleto ang pagpapahayag ng buong talata sapagkat hindi naman
tinukoy ang sanggunian kung bakit nasabi nilang “wala pang gaanong pag-aaral ang nagbigay-tuon o pokus sa mga puntong sosyal at
moral”. Sa parte naman ng Kaugnay na Literatura at ang Kaugnay na Pag-aaral, sapat at kumpleto ang mga kinakailangang
impormasyon.

Ang Pamamaraan ng Pananaliksik sa Kabanata III naman ay sapat at kumpleto din ang mga impormasyon. Maayos din ang
format nito at madaling intindihin ng mga mambabasa. Ang ginamit sa Teknik sa Pagsusuri ay pinaghalong makabago at makalumang
paraan na mas kawili-wiling basahin. Tulad ng nasa Kabanata I, hindi rin naka italize ang mga salitang Ingles sa pormula ng
Pagbibigay-halaga sa mga Datos tulad ng “percentage”, “frequency count”, at ang “total frequency”. Sa ibang natitirang bahagi ng
Kabanata III, walang naging problema dahil tama at maayos naman ito.

Sa Paglalahad at Pagsusuri ng Datos ng Kabanata IV ay may maayos, organisado at lohikal na pagpapahayag ng mga nasabing
impormasyon at ang mga talahnayang itinala. Mayroong caption ang bawat talahanayan at tamang pagkalkula sa bawat datos. Ang
problema lamang ay ang hindi pagiging pare-pareho o consistent ng mga naka italize na Ingles na salita tulad ng “Architecture”,
“Business Ad.”, “Engineering”, “Mass Comunication”, at “Psychology”.
 Sa huling bahagi ng pananaliksik na ang Kabanata V, ito ay organisado at puno ng impormasyong makakatulong sa atin bilang
mga mag-aaral. Masususi ang ginawang pagpapahayag sa bawat talata mula sa Lagom ng mga Natuklasan nginit hindi rin naka italize
ang mga Ingles na salita. Sa Konklusyon, maayos at matalino ang paraan na ginamit sa paggawa. Sa mga Rekomendasyon naman,
hindi maaaring i-shortcut ang mga mahahalagang salita o pamagat ng mga nobelang ginamit tulad nalang ng nasa pangatlong numero.
Sinabi doon na “bukod sa Noli at Fili”, hindi dapat ito pinuputol. Nararapat na ilagay ang buong pamagat nito upang mas
maintindihan ng mga mambabasa.

Sa pananaliksik na ito, maayos at organisado naman ang pagkakagawa. Sa bawat Kabanata, nagbibigay ng mga importanteng
impormasyon na nakakatulong at nakakadagdag kaalaman sa ating mga mag-aaral. Sa kabuoan, epektibo at makabuluhan ang
pananaliksik na ito.