BANGHAY ARALIN SA EDUKASYON SA PAGPAPAKATAO

GRADE 7

APRIL 19, 2016

I. LAYUNIN:

Sa araling ito, ang mga mag-aaral ay inaasahang;

a. Mailalahad ang mga paraan sa paglinang ng kakayahan

b. Maibabahagi ang karanasan sa pagpapakita ng talento o kakayahan
c. Magpakita ng aktibong pakikilahok at maipapamalas sa klase ang pag-unawa sa angking
talento o kakayahan

II. PAKSANG ARALIN:

a. Paksa; “Paglinang ng Talento o Kakayahan”

b. Sanggunian Aklat; Edukasyon sa Pagpapakatao, Google
c. Kagamitan; Cartolina, marker, mga larawan ng mga Pilipinong may angking talento
at kakayahan
d. Pagpapahalaga; Bilang isang mag-aaral, paano mo maipapakita ang kahalagahan ng
iyong talento o kakayahan sa loob ng ating:
1. Tahanan
2. Eskwelahan
3. Pamayanan

III. PAMARAAN:

a. Pagbati
b. Panalangin
c. Pagtsek ng kaayusan ng silid-aralan at attendance (alamin kung sino ang lumiban)
d. Balik-Aral; Ano-ano ang mga angkop na inaasahang kakayahan at kilos sa panahon
ng pagdadalaga/pagbibinata sa loob ng:

1. paaralan 2. lipunan
IV. PAGLINANG SA ARALIN:

a. Pagganyak:
1. Pagpapakita ng bawat isang larawan ng mga Pilipinong may angking Talento
2. Ipaunawa kung saang larangan nakilala ang mga Pilipinong nasa larawan.
3. Hayaang magbigay ng reaksyon at opinion ang mga mag-aaral tungkol sa
naipakitang larawan ng mga Pilipinong may angking talent o kakayahan.
b. Paliwanag:
Ipaliwanag kung bakit mahalaga na maipakita at malinang ang talento o kakayahang
taglay ng isang tao.
c. Paglalahat:
Pagtatanong sa kung ano ang kabutihang naidudulot ng pagkilala o pagtanggap
sa sariling angking kakayahan.

d. Paglalapat:
Magbigay ng mga paraan kung paano mo maibabahagi sa iyong kapwa ang paghasa
o paglinang sa talento o kakayahang tinataglay.
e. Ebalwasyon
Maikling pagsusulit;
1. Magbigay ng isang kilalang Pilipino na lubos mong hinahangaan sa kanyang
talento at bakit mo siya iniidolo?
2. Naniniwala ka ba na ang bawat isa sa atin ay may angking talento o kakayahan?
Ipaliwanag ang iyong kasagutan.
3. Gumawa ng slogan na nanghihikayat na ipakita at ibahagi sa iba ang angking
talento o kakayahan.

V. TAKDANG-ARALIN:

Basahin at unawain ang susunod na aralin:

MGA HILIG O INTERES NG MGA KABATAAN NGAYON

Prepared By:
Veronica Grachelle A. Hernandez