November 25 2020

Mga Agos Sa Disyerto / Kwento ni A. Hernadez

ANG AKING REPLEKSYON SA ``AGOS SA DESYERTO``

Ang mga kuwento sa "Mga Agos sa Disyerto" ay sumasalamin sa totoong nangyari sa lipunan nang
nakalipas na panahon, at ang mga katotohanang iyon ay tumatagos hanggang sa kasalukuyan. Kalimitang
paksa ang kahirapan, kung paano ito pinalalala ng maraming makapangyarihan at mayayaman sa
lipunan. Ang mga pangunahing tauhan ay mga api, mga mahihina, mga dehado, mga biktima ng mga
depekto sa sistema. Ang mga manunulat ay walang takot na winasak ang magandang maskara ng pangit
na mukha ng buhay. Nagpapasaring, kumukutya, tumutuligsa. Sa kabuuan, epektibo ang mga manunulat
sa paghikayat sa mambabasa na gumawa ng pagpapasya: Dapat may gawin tayo bilang tao para sa sarili
natin at sa kapuwa upang matamasa ang tunay na kalayaan sa maraming aspeto ng buhay.