SPOKEN POETRY
CBA DEPARTMENT
Narito ako sa inyong harapan
Upang maglahad ng nalalaman at ng
nararamdaman
Para ito sa mga taong tulad ko na
Nananatiling bilanggo ng kalungkutan
Para ito sa mga indibidwal na inaalipin ng
emosyon at ng sariling isipan
Para ito sa mga estudyanteng tagapakinig ko
Na sa kasalukuyan ay nanghihina at nawawalan
ng motibasyon dahil sa walang kasiguraduhang
kalakaran ng edukasyon
Narito ako, na tulad niyong gusto nang
makawala
Sa silid na puno ng pag-aalinlangan at pag-aalala
Kaya’t makinig ka
At intindihin ang mga salitang aking sasambitin
Kaya’t humawak na
Pagka’t ang mga katotohanan ay akin nang
ibubuking
Lumaki akong may pangungulila
Lahat ng nararamdaman ay pinapasan ng mag-
isa sa loob ng kwartong tila puno ng mga
salitang nangangambala
Lumaki ako sa luha na walang nakakakita at
bawat paghikibi ay hindi ipinaririnig sa iba
Lumaki akong mayroong ngiti sa mga labi
Kahit ang kalooban ay dinudurog ng
kalungkutan at pagkadismaya gabi-gabi
Alam ko, na hindi lang ako ang nakaranas ng
mga pighating ito
Alam ko na hanggang ngayon, napakarami sa
inyo ang nahihirapan
At walang ibang sandata kundi pag-intindi at
pagsawalang bahala ng mga nararamdaman
Gumigising sa umaga na masama ang timpla
Dulot ng mga negatibong kaisipan na mismong
utak ang gumagawa
Mga stress at trauma
Labis na pagdududa
Sinabayan pa nitong nakakapanlumong
pandemya
Ang isip ng tao ay hindi pangkaraniwan
Nagpapatakbo sa buong katawan
Sa memorya at kaalaman
Responsable ito sa pag-iisip at nararamdaman
Kaya’t wag itong hayaang lamunin ng mga boses
na iyong pagkalugmok ang layunin
Sa puntong ito ay nais kong magbahagi
Ng mga mensaheng yayakapin ka’t papainitin
tuwing nanlalamig ang gabi
Mga salitang pupunas sa iyong mga luha
Mga wikang magsasabing “Sana ayos ka,
mahalaga ka, kaya mo pa”
Mental Health Awareness
Ito ay pagkilala sa kahalagahan ng
pangkalusugang kaisipan
Ito ang panahon at paraan upang imulat ang
ating mga mata
Sa katotohanang kahit tayo ay nakakulong sa
selda ng kalungkutan,
Tayo pa rin ay mahalaga
Isa, dal…, isa lang kahit wala nang pangalawa
Isang taong nakikinig at nakakaintindi ay okay
na
Kaya ikaw, oo ikaw
Makinig ka
Sa mga problemang sinasabi nila
Makinig ka
Sa mga bagay na hindi naririnig ng tenga
Pakiramdaman sila
Bilang kapatid, kaibigan, kapuso’t kapamilya
Sa ganitong paraan
Naiibsan mo ang bigat at hirap
At masasamahan silang salubungin ang
mapaghamong hinaharap
Oo nga pala, muntik ko nang makalimutan
Ang tema ng tulang aking binitawan
“Rising above challenges: Promoting Mental
Health for all Dameans.”