KRAWS THU

Engnge Kraws chu le? Thing kawkalh a ni. He Thing kawkalh hian
keini Mihringte nunah engnge Pawimawhna/Hlutna leh Nghawng a neih em em?He
Thingkawkalh ngawt hian Mihringah Pawimawhna/Hlutna leh Nghawng a nei reng reng
lo, he Kraws hi chu miten an hlauh leh endawng, thihnan ah phei chuan tuma duh loh
Misual te thihna tur a siam, Suam hmang, Tualthat Rukru te thihna hmun, A Mihringpui
te pawhin, mihring thih pawh a thi tlak lo khawp a tenawm leh sual a an ngaih te thihna
ani. Anchhedawng Thing a ni.

Engvang nge Lei Mihring tan thil pawimawh ber a lo nih chhoh tak?
Chu Thing Anchhedawng a an khenbeh Pathian/Mihring Fapa avang chuan Thing
Anchhedawng chu a nihna Thlakin NUNNA THING a lo ni ta! A va Ropui em!. He
Kraws leh Krista chu lo inzawmin an lo inbelhbawm ta a. Hetiang ang chiah hian Nang
Pathian Anchhedawng! Roluahtu nihna lak ata thi tawh hnu, Kan pa diabola
hnen(Hremhmun) a liam ngei ngei tawh tur a chu he anchhedawng thinga an khaikan Lal
Isua Krista nen a in zawm in Chatuan Roluahtu tur Pathian Fa a vuah kan lo nih tak ni.

He Mihring Anchhedawng ngei mai leh Pathian/mihring fapa,

Thianghlimna famkima inthuam, sual reng reng hre lo a chu Kraws ah ngei chuan kan lo
in belhbawm ta a ni. “lei hi nangmah avângin ânchhe dawngin a awm ta a ni” titu
Pathian ngei Khan, “Hmangaih” tiin Hmingthar min lo vuah na hmun chu Kalvari Kraws,
Golgotha(luruh hmun) a lam hawi thil ei pawh an duh loh hmun tawp ngei hi a ni!. A va
Ropui tak em!! Aw! Kraws ka va ngaisang tak che em!. Thil zawng zawng in lingkhup na
hmun chu Kraws hi a ni.

He Kan Lalpa Kraws ngei mai hi Lei Mihring chihnih in thlir dan chi
hnih in an thlir a, Tisa atanga thlir leh Nunna kawng atang a thlir an awm a, Tisa mi
chuan mahni a in hmu lo. Kraws a han thlir a, Lei leh Van Lalber a hmu a, avang a
khenbeh leh Krista ruala khenbeh ve a ni tih a in hmu lo. Mahni a in hmu thei ngang lo a
ni. Thlir dan dik lo a a thlir vang leh Hmu thei tura a thlarau nit tihvar a a awm loh vang a
ni.

Nunna kawng zawh tu te chuan Lei leh Van Lalber an hmu a, avanga
tuar ani tih an hria a, a rual a khenbeh in an awm ta thin a ni. Misual Bawlhhlawh boral
tur chauh a ni tih in hria in, “Isu, i ram i thlen hunah mi hre reng ang che” an ti ngam
awrh chauh a ni. Mihring in “Misual mai ka ni” ti a saruak a Lalpa hneh a an inpum pek
chiah hian Kan Pathian Ropuia chuan Ropuina sihpuan mawi ber “Tlawm Silpuan” in a
lo tuam ta thin a ni. Chu chuan Chhandamna, Tisa leh Thlarau Damna a keng tel ani.
 He ka Lalpa Thihna Kraws ngei mai hi amah Ringtute Thinlungah
chuan rawn phun in Pa Pathian lam a kan Nunna leh kan felna a lo ni a. Kan Nunna
Thuhruk na pawh chu Kraws leh Krista inzawmna hmun ah ngei mai chuan a lo ni. Chu
Kraws hlu tak mai ah chuan Krista rual a khen beh ka nih ve chin ah chuan kan tisa
atanga lo to chhuak Itsikna, Huatna, Khakna, Duhamna, Hlemhletna leh Mit chakna
hrang hrang te min khen beh sak a, chu tisa chakna hrang hrang te lak atang chuan Ka
Lalpa Kraws zarah Mi hrang ka lo ni ta! a va ropui em! Chu Tisa atang lo chawr chhuak
hrang hrang te keimahni ah hnathawh tuma min rawn beih apiang in Mihring
Hlui(Adama Hmasa), Kraws a khenbeh tawh I ni! Tiin hnehna Hlado, Krista vangin kan
lo chhamchhuah hnan theih ta thin a ni.

Engnge chhuan tur awm ang le!? Ka thawhchhuah nilo in Lei leh
Van Lalber zara ka neih mai a ni.Chu Kraws ah ngei mai chuan ka tan Khawvel khenbeh
in a awm a, Khawvel tan khenbeh ka lo ni ta bawk ani chu!. Tisa atang chhuak sualna dan
mai min khen beh sak a lo ni lo, he mihring atanga chhuak hrim hrim Krista tello a fel leh
tha ka lo intihna, tling ve riau a ka lo in ngaihna chenin min lo khenbeh sak a lo ni.
Mihring hlui hi a lo ching ral fel vek thin a ni. Chu chinralna Kraws a mi a kal tak tak
tawh chuan mahni lam inchhuanna min chinral sak a, Engmah lo mai ka ni Lalpa tih in
min thuam thin. Engmah lo mai kan nih chauh hian engkim a engkim a lo che chhuak
theih chauh a ni. Kan thusawi thiamna te, Kan hriat ve na ram zawng zawng min chinral
sak hnu ah chauh a ni keimahni a awm Krista ah miin chawlhna an lo hmuh theih ni.
Chhuan dang reng kan nei thei tawh lo a, Kan chhuan ber Krista Kraws chauh kan tan a
lo hlu ta a ni. Kraws kal tlang a kan hring nun min chhun tlang sak tu Krista Isua chu
fakin awm rawh se! Kei erawh chuan ka Lalpa Kraws chauh a ni ka chhuan dawn ni! Ti a
hring nun ralna Kraws hi chhiartu duh tak I nun lo chingral ve mawlh rawh se! Amen!