8

FILIPINO
Kagamitan sa Pinatnubayang
Kasanayang Pampagkatuto
Paghahambing ng mga Binasang Teksto
Ikatlong Markahan - Unang Linggo

1|Pahina
FILIPINO – 8
Kagamitan sa Pinatnubayang Kasanayang Pampagkatuto
Paghahambing ng mga Binasang Teksto
Ikatlong Markahan - Unang Linggo

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng kagamitan. Hindi inaangkin ng mga tagapaglathala
at mga may-akda ang karapatang-aring iyon. Ang anomang gamit maliban sa modyul na ito
ay kinakailangan ng pahintulot mula sa mga orihinal na may-akda ng mga ito. Walang
anomang parte nito ang maaaring kopyahin o ilimbag sa anomang paraan nang walang
pahintulot sa Kagawaran.

Bumuo sa Pagsusulat ng Gawaing Pagkatuto

Manunulat: Dianne D. Movilla- Estuesta

Editor: Name
Tagasuri: Name
Tagaguhit: Name
Tagalapat: Name
Tagapamahala: Name
Name
Name
Name

Inilimbag sa Republika ng Pilipinas ng Kagawaran ng Edukasyon

Rehiyon III
Schools Division of Zambales
Zone 6, Iba, Zambales
Tel./Fax No. (047) 602 1391
E-mail Address: zambales@deped.gov.ph
Website: www.depedzam
 Paghahambing ng Binasang
Teksto sa Iba pang Teksto

Panimula

Paghahambing ang tawag sa paglalahad ng detalye tungkol sa dalawa

o higit pang bagay, tao, pangyayari upang mabigyang-linaw ang kanilang
pagkakaiba at pagkakatulad ayon sa mga batayan. Isinasagawa ito upang
masuri nang mas malalim ang dalawang tekstong inihahambing.
Sa kagamitan sa pinatnubayang kasanayang pampagkatutong ito,
higit mong mapapaunlad ang iyong kakayahan sa paghahambing sa tulong
ng mga batayan.
Tara na at alamin ang tamang paghahambing!

Kasanayang Pampagkatuto

Naihahambing ang tekstong binasa sa iba pang teksto batay sa

paksa, layon, tono, pananaw, paraan ng pagkakasulat, pagbuo ng salita,
pagbuo ng pangungusap at pagbuo ng talata. F8PB-IIIa-c-29

Mga Layunin

Sa pagtatapos ng kagamitan sa pinatnubayang kasanayang

pampagkatutong ito, ikaw ay inaasahang:

1. natutukoy ang mga popular na babasahin: ang mga layunin, uri at

halimbawa nito;

1|Pahina
2. naibabahagi ang kahalagahan ng paghahambing ng mga teksto ayon sa
mga batayan;
Balik Aral
3. nakapaghahambing ng mga binasang teksto.

Sa pagtatapos ng ikalawang markahan ay napag- aralan natin ang

pagbuo ng wakas ng maikling kuwento.
Ngayon ay alamin natin kung natatandaan mo pa ang nakaraang
aralin sa pamamagitan ng pagsagot sa mga sumusunod na tanong:

1. Paano nagiging maganda ang wakas ng maikling kuwento?

2. Kung ikaw ang magbibigay ng wakas sa teleseryeng “Ang
Probinsyano”, ano ang magiging wakas ito?

Pagtalakay sa Paksa

MGA POPULAR NA BABASAHIN SA PILIPINAS

1. Pahayagan
Naglalaman ng balita, impormasyon at patalastas, kadalasang
naimprenta sa mababang halaga. Ito ay maaaring pangkalahatan o may
espesyal na interes, at kadalasan itong inilalathala ng araw-araw o
lingguhan.

LAYUNIN
a. Magpaalam- Tungkulin nitong ipahayag sa madla ang
nararamdaman, nakikita at naiisip ng tao. Ang pagpapahayag ng
katotohanan ang dapat umiral.

b. Impluwensya- Mabigyan ng sapat na impormasyon ang mga

mambabasa upang sila’y makagawa ng sariling opinyon ukol sa mga isyu
na kinakaharap ng lipunan.

c. Pagpapalaganap ng Komersyo at Industriya- Ang advertising ang

nagsisilbing lifeblood ng mga pahayagan ngunit kailangang mag ingat ng

2|Pahina
tauhang editorial ng isang pahayagan upang hindi maituring na balita ang
isang advertisement.

URI
a. Tabloid- Maituturing na impormal na uri ng pahayagan. Ito ay mas
maliit at mas kaunti ang nilalaman kumpara sa broadsheet. Ang
pangunahing wika na ginagamit ay Tagalog. Dito ay maaari kang makabasa
ng mga salitang balbal.
Halimbawa: Abante, Balita, Bistado, Filipino Mirror, Remate

b. Broadsheet- Ito ay pormal na uri ng pahayagan, karaniwang

nakaimprents sa malaking papel at nakasulat sa Ingles na wika. Bukod sa
mga balita sa loob ng bansa, naglalaman din ang broadsheet ng mga
internasyonal na mga kaganapan. Ang target reader nito ay ang mga taong
may mga kaya sa buhay.
Halimbawa: Manila Bulletin, Philippine Daily Inquirer, The Philippine Star

2. Komiks
Isang grapikong midyum na ang mga salita at larawan ay ginagamit
upang ihatid ang isang salaysay o kuwento.
Halimbawa: Darna na isinulat ni Mars Ravelo at iginuhit ni Nestor Redondo.
Unang Nakita sa Pilipino Komiks (Ace Publications, Inc.) #77 noong May 13,
1950.

LAYUNIN
Magbigay- aliw sa mga mambabasa, magturo ng iba’t ibang
kaalaman, at magsulong ng kulturang Pilipino.

URI
a. Alternative comic books-karaniwang naglalahad ng istorya base
sa realidad.
b. Horror- mga istoryang katatakutan.
c. Manga- komiks na nanggaling sa Japan.
d. Action- ito ay naglalahad ng mga istorya ng mga “superhero”.
e. Romance/Adult- naglalahad ng istorya ng pag- ibig.
f. Science fiction/ fantasy- naglalaman ng mga bagay na mula sa
imahinasyon.

3. Magasin
Peryodikong publikasyon na naglalaman ng maraming artikulo, kuwento,
larawan, anunsyo at iba pa. Ito ay may sukat na mas malaki kaysa aklat
ngunit mas maliit kaysa pahayagan.

3|Pahina
LAYUNIN
Magbigay ng impormasyon tungkol sa iba’t ibang usapin sa lipunan.
Maaaring naglalaman ng mga larawan ng mga produkto na iniindorso ng
mga sikat na tao sa bansa.

HALIMBAWA
a. Lipang Kalabaw (1907) ni Lope K. Santos, Telembang (1922) at
Liwayway(1922)- mga sinaunang magasin ng Pilipinas.
b. Candy-tinatalakay nito ang mga kagustuhan at suliranin ng mga
kabataan.
c. Cosmopolitan- ito ay isang magasing pangkababaihan.
d. Entrepreneur- naglalaman ng ng mga artikulong makatutulong sa
mga taong may negosyo at nais magtayo ng negosyo.
e. FHM (For Him Magazine)- naglalaman ng usaping
pangkalalakihan.
f. Good Housekeeping- para sa mga abaláng ina.
g. Metro- naglalaman ng fashion, shopping at kagandahan.
h. T3- ipinapakita rito ang mga pinakahuling pagbabago sa
teknolohiya.
i. Yes!- naglalaman ng balitang showbiz, mga detalye tungkol sa mga
pinakasikat na artista sa bansa.

4. Kontemporaryong Dagli
Anyong pampanitikang maituturing na maikling- maikling kuwento. Sa
kasalukuyan ay tinatawag na anekdota, spice of life, day-in-the-life.

LAYUNIN
Maghatid ng maikling impormasyon sa mga mambabasa. Maaari
itong makita sa tabloid, feature story, pangunahing balita at telebisyon.

MGA BATAYAN SA PAGHAHAMBING NG MGA NABASANG TEKSTO

Ang mga sumusunod ay maari mong gamitin bilang batayan sa
paghahambing ng dalawang teksto.
1. Paksa- tema o pangunahing ideya na pinag- uusapan sa teksto.
2. Layon- naisin o hangarin ng sumulat ng teksto para sa mga mambabasa
nito.
3. Tono- tumutukoy sa saloobin ng may- akda sa paksa na kaniyang
isinulat. Ito ay maaaring mapagbiro o mapanudyo, masaya o malungkot,
seryoso at satiriko.
4. Pananaw- ito ay tinatawag ding punto de vista. Sa maluwag na
pagtuturing, masasabing ito ay paraan ng pagtanaw ng manunulat sa

4|Pahina
kaniyang akda. Gayunman, sa pagtalakay ng anomang akda o teksto, ito
ang sumasagot sa tanong na “Sino ang nagsusulat o nagkukuwento?”
Ang pananaw ng awtor ay makikita sa pamamagitan ng mga panghalip na
ginamit sa teksto:

a. Unang panauhang pananaw- ako, ko, akin, atin, natin, tayo, kami
b. Ikalawang panauhang pananaw (tagamasid)- ikaw, mo, ka, iyo,
kanila, kita, kayo, inyo, ninyo
c. Ikatlong panauhang pananaw- siya, niya, kaniya, sila, nila, kanila

5. Paraan ng pagkakasulat- tumutukoy sa istilo ng may- akda sa pagsulat

ng teksto. Paano niya ito sinimulan? Ano ang ginamit niyang paraan upang
maging maayos ang paglalahad ng paksa?
6. Pagbuo ng salita- pagpili ng mga salitang ginamit. Gumamit ba ang
awtor ng mga pormal at di- pormal na mga salita?
7. Pagbuo ng pangungusap – maayos na binuo ang mga pangungusap na
angkop sa paksa.
8. Pagbuo ng talata-ang mga pangungusap ay angkop sa paksa at maayos
na nailahad upang mabuo ang talata.

Nalaman mo na ang mga popular na babasahin at mga batayan sa

paghahambing ng teksto. Ngayon ay ihanda mo ang iyong papel at panulat
para sa mga sumusunod na gawain.

5|Pahina
 Gawain

Pinatnubayang Pagsasanay 1

Panuto: Punan ang sumusunod na talahanayan upang makumpleto ang

impormasyon tungkol sa popular na babasahin sa bansa. Isulat ang sagot,
pangalan at asignatura sa sagutang papel.

POPULAR NA LAYUNIN URI HALIMBAWA

BABASAHIN
Pahayagan 1. 2. 4.

3.
5. Magbigay- aliw sa 6. 7.
mga mambabasa,
magturo ng iba’t
ibang kaalaman,
at magsulong ng
kulturang Pilipino.

Magasin 8. ----------------------- 9.

Kontemporaryong 10. ----------------------- -----------------------

Dagli

Pinatnubayang Pagsasanay 2
Panuto: Pumili ng dalawa sa iyong mga kaibigan o miyembro ng pamilya na
maaari mong tanungin tungkol sa sumusunod na katanungan. Gamitin ang
matrix sa ibaba. Ilagay ang mga sagot sa iyong sagutang papel.

1. Bakit mahalaga ang paghahambing ng mga binasang teksto ayon

sa kanilang paksa, layon, tono, pananaw, paraan ng pagkakasulat, pagbuo
ng salita, pagbuo ng pangungusap at pagbuo ng talata?

6|Pahina
Ang aking kasagutan

Sagot ng aking
kaibigan/myembro ng pamilya

Sagot ng aking kaibigan/

myembro ng pamilya

Pang-isahang Pagsasanay
Itama Mo Ako
Panuto: Ang mga sumusunod na mga salitang nakasalungguhit sa bawat
bilang ay hindi tama. Isulat ang angkop na mga salita sa bawat bilang sa
iyong sagutang papel.

1. Tono - tema o pangunahing ideya na pinag- uusapan sa teksto.

2. Pagbuo ng salita - naisin o hangarin ng sumulat ng teksto para sa mga
mambabasa nito.
3. Paksa - tumutukoy sa saloobin ng may- akda sa paksa na kaniyang
isinulat. Ito ay maaaring mapagbiro o mapanudyo, masaya o malungkot,
seryoso at satiriko.
4. Paraan ng pagkakasulat - ito ang sumasagot sa tanong na “Sino ang
nagsusulat o nagkukuwento?”
5. Pananaw - tumutukoy sa istilo ng may- akda sa pagsulat ng teksto.
6. Layon - pagpili ng mga salitang ginamit. Gumamit ba ang awtor ng mga
pormal at di- pormal na mga salita?
7. Kontemporaryong Dagli- ito ay may sukat na mas malaki kaysa aklat
ngunit mas maliit kaysa pahayagan.
8. Komiks- naglalaman ng balita, impormasyon at patalastas, kadalasang
naimprenta sa mababang halaga. Kadalasan itong inilalathala ng araw-araw
o lingguhan.
9. Pahayagan- isang grapikong midyum na ang mga salita at larawan ay
ginagamit upang ihatid ang isang salaysay o kuwento.
10. Magasin - anyong pampanitikang maituturing na maikling- maikling
kuwento.

7|Pahina
 Pagsusulit

Panuto: Basahin at unawain ang mga sumusunod na kuwento at

paghambingin ito ayon sa mga batayan na nasa ibaba.

Si Joas, ang Munting Hari

Pitong taong gulang lang si Joas nang ang kaniyang tiyuhing pari na
si Jeoiada ay kinoronahan siya bilang hari. Si Haring Joas ay isang
matalino at mabuting batang lalaki na nagmamahal sa Diyos. Nais niyang
purihin ang Diyos parati at nagbayad upang maipaayos ang templo. Dahil
mahal na mahal niya ang Diyos, pinili siya ng Diyos para mamuno sa mga
tao.
Maraming tao ang nag- akala na hindi makakagawa ng kakaibang
bagay ang isang kasing-bata ni Joas ngunit nagtrabaho nang maigi si Joas
sa paglilingkod nang maayos sa Diyos.

Bawat isa sa atin ay tinawag ng Diyos upang maglingkod sa kaniya

gaanoman tayo kabata. Maglilingkod ka rin bas a Diyos gaya ng batang
Haring Joas?

8|Pahina
 Si Jonas at ang Malaking Isda

Inutusan ng Diyos si Jonas na sabihan ang mga tao sa Nineve na

ihinto ang kasamaan ngunit ayaw ni Jonas na gawin ito kaya tumakas siya
mula sa Diyos. Nang nasa barko na siya, nagkaroon ng nakakakilabot na
bagyo. Natakot ang mga mandaragat.
Si Jonas ang dapat sisihin, naisip nila. Kaya kinuha nila siya at
itinapon sa malalim at madilim na dagat. Habang lumulubog si Jonas,
isang malaking isda ang lumulon sa kaniya. Nanalangin si Jonas habang
nasa tiyan ng malaking isda. Sinabi ng Diyos sa isda na lumangoy patungo
sa pampang. Iniluwa nito si Jonas doon. Alam ni Jonas na iniligtas siya ng
Diyos at nagtungo siya sa Nineve dala ang mensahe ng Diyos.

Halimbawa:
Si Joas, ang Munting Hari Si Jonas at ang Malaking
Isda

Ang paksa ng tekstong ito ay Paksa Ang paksa ng tekstong ito

ang paglilingkod sa Diyos ay ang bunga ng pagsuway
anoman ang ating edad. sa Diyos.

9|Pahina
Gawain:
Si Joas, ang Munting Si Jonas at ang
Hari Malaking Isda

Paksa

Layon

Tono

Pananaw

Paraan ng
pagkakasulat

Pagbuo ng salita

Pagbuo ng
pangungusap

Pagbuo ng talata

10 | P a h i n a
 Pangwakas

Panuto: Dugtungan ang mga sumusunod na parirala. Isulat ito sa

iyong sagutang papel.

1. Sa aking sariling opinyon, naging popular na babasahin ang pahayagan,

komiks, magasin at kontemporaryong dagli dahil
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
______________________________________________________.

2. Bilang isang mag- aaral, ang kahalagahan ng paghahambing ng mga

nabasa kong mga teksto ay
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
_________________________________________________________.

Mga Sanggunian

11 | P a h i n a
Julian, Ailene, Mary Grace del Rosario, Nestor Lontoc, and Alma Dayag.
2015. Pinagyamang Pluma 8. 1st ed. Quezon City: Phoenix Publishing House, Inc.

Bible Stories From The Old Testament. 2019. 1st ed. Quezon City: DuyanBooks Bookware
Publishing.

"Pahayagan". n.d. Tl.M.Wikipedia.Org. https://tl.m.wikipedia.org/wiki/Pahayagan.Carlo,

Brian.

"List Of Newspapers In The Philippines". n.d. En.M.Wikipedia.Org.

https://en.m.wikipedia.org/wiki/List_of_newspapers_in_the_Philippines.

"Ano Ang Pahayagan? Kahulugan, Uri, At Mga Bahagi | Pinoy Newbie". Pinoy Newbie.
https://www.pinoynewbie.com/ano-ang-pahayagan/.

Simeon, Lyn. n.d. "KOMIKS Ppt". Academia.Edu.

https://www.academia.edu/37863808/KOMIKS_ppt.

"Darna". n.d. En.M.Wikipedia.Org. https://en.m.wikipedia.org/wiki/Darna

Magasin?, Ano. n.d. "Ano Ang Magasin?". Aralingpilipino.Com.

http://www.aralingpilipino.com/2019/06/ano-ang-magasin.html?m=1

"Pagtiyak Sa Damdamin, Tono, Layunin At Pananaw Ng Teksto". n.d. Thesilentlearner.

https://thesilentlearner2014.blogspot.com/2014/06/filipino-2-pagtiyak-sa-damdamin-
tono.html.

12 | P a h i n a
 Susi sa Pagwawasto
10. Maghatid ng maikling
impormasyon sa mga mambabasa.
Maaari itong makita sa tabloid,
feature story, pangunahing balita at
telebisyon.
Pinatnubayang Pagsasanay 2
Ang sagot ng mga mag- aaral ay
maaaring magkakaiba
Pang-isahang Pagsasanay
1. paksa
2. layon
3. tono
4. pananaw
5. paraan ng pagkakasulat
6. pagbuo ng salita
7. magasin
8. pahayagan
9. komiks
10. kontemporaryong dagli
Pagsusulit
Ang sagot ng mga mag- aaral ay
maaaring magkakaiba.
Pangwakas
Ang sagot ng mga mag- aaral ay
maaaring magkakaiba.
Balik-aral
Ang sagot ng mga mag- aaral ay
maaaring magkakaiba.
Pinatnubayang Pagsasanay 1
1. Magpaalam/ Impluwensya/
Pagpapalaganap ng Komersyo at
Industriya
2. Tabloid
3. Broadsheet
4. Abante/ Balita/ Bistado/ Filipino
Mirror/ Remate/ Manila Bulletin/
Philippine Daily Inquirer/ The
Philippine Star
5. Komiks
6. Alternative comic books
Horror
MangaAction
Romance/Adult
Science fiction/ fantasy
7.Darna
8. Magbigay ng impormasyon
tungkol sa iba’t ibang usapin sa
lipunan.
Maaaring naglalaman ng mga
larawan ng mga produkto na
iniindorso ng mga sikat na tao sa
bansa.
9. Lipang Kalabaw /Telembang/
Liwayway/ Candy/ Cosmopolitan/
Entrepreneur/FHM/Good/
Housekeeping/Metro/T3/Yes!
13 | P a h i n a
 Pasasalamat
Ipinaaabot ng Pansangay na Tanggapan ng mga Paaralan ng Zambales ang
taos-pusong pasasalamat sa mga sumusunod, na nakapag-ambag ng tagumpay
para sa paghahanda, pag-unlad, pagtiyak ng kalidad, paglimbag at pamamahagi
ng Ikalawang Markahang Kagamitan sa Pinatnubayang Kasanayang Pampagkatuto
sa lahat ng asignatura sa iba’t ibang antas bilang tugon sa pagbibigay sa mag-
aaral ng naaangkop na kagamitang pampagkatuto hango sa Pinakamahalagang
Kasanayang Pampagkatuto (MELCs) - ayon sa mga pagsasanay na nakabatay sa
mga pamantayan ng pinatnubayang kasanayan at tuwirang pagtuturo:
Una, ang Learning Resource Development Team na binubuo ng mga
manunulat at tagaguhit, sa kanilang iginugol na panahon at kakayahan upang
makabuo ng iba’t ibang kinakailangang kagamitang pampagkatuto.
Ikalawa, ang mga tagapatnugot sa nilalaman, tagasuring pangwika, at mga
tagasuring pandisenyo na maingat na nagwasto at bumuo sa lahat ng Kagamitan
sa Pinatnubayang Kasanayang Pampagkatuto upang matiyak ang kawastuhan at
katugunan sa mga pamantayan ng Kagawaran ng Edukasyon;
Ikatlo, ang Panlalawigang Pamahalaan ng Zambales sa kanilang patuloy na
paglalaan ng tulong-pinansyal upang mapunan ang gugugulin sa paglilimbag ng
mga kagamitang pampagkatuto na magagamit ng mga magulang at mag-aaral sa
tahanan.
Ikaapat, ang mga gurong tagapatnubay at mga guro sa bawat asignatura sa
kanilang malapit na pakikipag-ugnayan sa mga punongguro, sa kanilang
lingguhang pamamahagi at pagbabalik ng mga Kagamitan sa Pinatnubayang
Kasanayang Pampagkatuto at sa kanilang madalas na pagsubaybay sa pag-unlad
ng mag-aaral sa lahat ng paraan; at
Panghuli, ang mga magulang at iba pang pantahanang tagapagdaloy sa
kanilang pagbibigay sa mag-aaral ng kinakailangang patnubay at gabay upang
maisagawa ang mga gawain at upang patuloy na matulungan ang bawat mag-aaral
na maging responsableng indibidwal sa hinaharap.
Sa inyong patuloy na paghahatid ng kaalaman sa mapanghamong panahon
ay lubos na makamit ang sama-samang pagpupunyagi at matibay na malasakit na
pagsilbihan ang ating mag-aaral na Zambaleño.
Muli, ang aming walang hanggang pasasalamat!

Tagapamahala

14 | P a h i n a