Department of Education

Region III
DIVISION OF CITY OF SAN FERNANDO
Self-Instructional Packets (SIPacks)
Edukasyon sa Pagpapakatao 9
Ikatlong Markahan
Ikalawang Linggo

Mungkahing Timeline sa Paggawa ng SIPacks sa ESP

BAWAT LINGGO
A. Balik-aral sa nakaraang aralin at/o pagsisimula ng Alalahanin
bagong aralin Sagutan
Unang B. Paghahabi ng layunin sa aralin
Araw Basahin
(Ano ang inaasahang Maipamalas Mo?)
C. Pag-uugnay ng mga halimbawa sa bagong aralin
Sagutan
(Pagtuklas ng Dating Kaalaman)
D. Pagtatalakay ng bagong konsepto at paglalahad ng
bagong kasanayan #1 (Paglinang ng Kaalaman, Sagutan
Ikalawang
Kakayahan at Pag-unawa)
Araw
E. Pagtatalakay ng bagong konsepto at paglalahad ng
Sagutan
bagong kaalaman #2 (Integration of GMRC)
Ikatlong
F. Paglinang ng Kabihasaan (Pagpapalalim) Basahin
Araw
G. Paglalapat ng aralin sa pang-araw-araw na buhay
Sagutan
Ikaapat (Pagsasabuhay)
na Araw H. Paglalahat ng Aralin (Paghinuha ng Batayang Basahin o
Konsepto) Sagutan
Ikalimang I. Pagtataya ng Aralin (Pagganap/Pagninilay) Sagutan
Araw J. Karagdagang gawain para sa takdang-aralin Sagutan

*maaaring sagutin ang mga gawain sa EsP ayon sa itinakdang oras ng inyong
paaralan

PANGKALAHATANG PANUTO
Sa mag-aaral:
Sa iyong pagbabasa, isaisip mo na ang mga ginawang SIPacks na ito ay
makapagbibigay ng dagdag-kaalaman at impormasyon sa iyo bilang mag-aaral.
Lilinangin din ng mga aralin ang iyong kasanayan na nakabatay sa
Pinakamahahalagang Kasanayang Pampagkatuto o MELCs. May mga nakatakdang
gawain na iyong sasagutin sa bawat pahina para sa isang linggong aralin.

i
Para malubos ang paggamit sa mga kagamitang pagkatuto (SIPacks),
isaalang-alang ang mga sumusunod na paalala:
1. Huwag madaliin ang pagbabasa. Unawaing mabuti ang aralin.
2. Alamin sa iyong guro kung sa mga SIPacks sasagot o gagamit ng sagutang
papel.
Kung hindi susulatan ang mga SIPacks sundin ang panuto 3 & 4
3. Isusulat ang lahat ng iyong sagot sa ISANG BUONG PILAS NG PAPEL ng PAD
PAPER (one whole sheet) bilang SAGUTANG PAPEL (Answer Sheet)
4. HUWAG KALIMUTANG isulat ang mga sumusunod na impormasyon sa iyong
SAGUTANG PAPEL bago sumagot sa mga gawain.

a. Ang Iyong Buong Pangalan (mag-aaral) e. Bilang ng Kwarter

b. Ang Iyong Antas at Pangkat f. Linggo ng Pagsagot
c. Asignatura at Petsa ng Pagsagot g. Bilang ng Gawain, Pamagat at
d. Pangalan ng Iyong Guro sa Nasabing Asignatura Bilang ng mga Aytem

Buong Pangalan: (Hal. Juan P. Dela Cruz) Asignatura: (Hal. ESP 9) Kwarter: (Hal. 3)
Antas at Pangkat: (Hal. 9 Bonifacio) Pangalan ng Guro: (Hal. Lucia Santos)
Linggo ng Pagsagot: (Hal. Unang Linggo) Petsa ng Pagsagot: (Hal. Nov 9-13,2021)

Gawain no. __

1.
2.
3.
4.

Gawain no. __

1.
2.
3.
Narito ang isang halimbawang ilustrasyon ng mga panuto sa itaas:

5. Tandaan na ang lahat ng mga gawaing iyong sasagutin ay magsisilbing awtput

at ibibigay sa iyong guro sa nasabing asignatura para iwasto at itala sa class
record.
6. Kapag nahihirapan o mayroong hindi maintindihan makipag-ugnayan sa iyong
guro sa EsP.
7. Higit sa lahat, ialay sa Panginoon ang lakas at talino na ibibigay mo sa pagsagot
sa mga aralin.

ii
 Edukasyon sa Pagpapakatao 9
Ikatlong Markahan – Ikalawang Linggo

I. LAYUNIN
A. Pamantayang Pangnilalaman (Content Standard)
Naipamamalas ng mag-aaral ang pag unawa sa konsepto ng katarungang
panlipunan.

B. Pamantayan sa Pagganap (Performance Standard)

Natutugunan ng mag aaral ang pangangailangan ng kapuwa o pamayanan sa
mga angkop na pagkakataon.

C. Pamantayan sa Pagkatuto (MELCs)

1. Napatutunayan na may pananagutan ang bawat mamamayan na ibigay sa
kapuwa ang nararapat sa kanya. (EsP9KPIIIc-9.3)
2. Natutugunan ang pangangailangan ng kapuwa o pamayanan sa mga angkop
na pagkakataon. (EsP9KPIIIc-9.4)

II. NILALAMAN
Paksa: “Katarungang Panlipunan”
Kaugnay na Pagpapahalaga: Pagiging Patas

III. KAGAMITANG PANTURO

A. Sanggunian
Gayola, Sheryll T., et. al. 2015. Department of Education. Edukasyon sa
Pagpapakatao – Ikasiyam na Baitang, Modyul para sa Mag-aaral: DepEd
5th Floor Mabini Bldg. DepEd Complex Meralco Avenue, Pasig City.

Most Essential Learning Competencies (MELC) K to Grade 12 S.Y. 2020-2021

B. Iba pang sanggunian

https://citywise.org/importance-fairness/

IV. PAMARAAN
A. Balik-aral sa Nakaraang Aralin at/o Pagsisimula ng Bagong Aralin
Sa nakaraang aralin, ating natalakay ang unang bahagi ng araling
“Katarungang Panlipunan” kung ano ba ang kahulugan at palatandaan ng
Katarungan, gayundin ang pangunahing prinsipyo nito na maaaring gawing gabay ng
tao upang magkaroon ng makatarungang ugnayan sa kapuwa.

1
 Ngayon naman, sa araling ito, mabibigyan ka ng sapat na kaalaman kung bakit
mahalaga sa ating pakikibahagi sa lipunan ang pagkakaroon ng katarungang
panlipunan at kung paano ka tutugon sa hamon ng pagsasabuhay ng katarungang
panlipunan.

SUPREME COURT

Makikita sa isa sa mga gusali ng Supreme Court of the Philippines na nasa

Padre Faura St., Manila ang dalawang estatwa na nakatayo sa portal. Isa sa mga
estatwa ay si Moses na hawak ang sampung utos ng Diyos at si Lady Justice, ang
imahen ng babaeng nakapiring na may dalang timbangan at hawak na espada.

Ano sa palagay mo ang kaugnayan ng dalawang persona na ito sa katarungan?

B. Paghahabi ng Layunin sa aralin

(Ano ang Inaasahang Maipamalas Mo?)
Sa araling ito, inaasahang malilinang sa’yo ang mga sumusunod na kaalaman,
kakayahan at pag-unawa:

1. natutukoy ang kahalagahan ng katarungan at batas na makakatulong sa

pagpapairal ng katarungang panlipunan;
2. nakapagsusuri ng larawan tungkol sa pagpapahayag ng saloobin upang
makamit ang nararapat;
3. nakapagninilay sa sarili kung naisasagawa ang pagiging patas sa kapuwa; at
4. nakapagsasagawa ng collage gamit ang mga magasin, dyaryo o iba pang print
media o sa pamamagitan ng pagguhit nang isang ideyal o ninanais na larawan
ng isang makatarungang lipunan.

Inaasahan na masasagot mo ang mahalagang tanong na: Paano makipag-

ugnayan ang bawat mamamayan sa kanyang kapuwa sa kanilang pagkakasamang-
pag-iral?

2
C. Pag-uugnay ng mga Halimbawa sa Bagong Aralin
(Pagtuklas ng Dating Kaalaman)
Gawain 1: Kahalagahan ng Katarungan at Batas sa Katarungang Panlipunan

Panuto: Magbigay ng mga kahalagahan na naidudulot ng pagkakaroon ng

katarungan at batas na ipinapatupad upang mapairal ang katarungang panlipunan.
Magbigay ng 2-3 kahalagahan. Isulat iyong sagutang papel ang iyong mga sagot sa
talahanayan.

KAHALAGAHAN NG KATARUNGAN KAHALAGAHAN NG BATAS

Mga Gabay na Tanong:

1. Ano ang nakikita mong kaugnayan ng pagkakaroon katarungan at batas upang
mapairal ang katarungang panlipunan?
2. Sa mga kahalagahan na iyong naisip, maipapairal ba nang maayos ang
katarungang panlipunan? Paano?
D. Pagtatalakay ng Bagong Konsepto at Paglalahad ng
Bagong Kasanayan #1
(Paglinang ng Kaalaman, Kakayahan at Pag-unawa)
Gawain 2: Ipaglaban Mo!

Panuto: Suriin ang larawan at sagutin ang mga gabay na tanong sa iyong
sagutang papel.

3
Mga Gabay na Tanong:

1. Sa iyong palagay, ano ang sanhi ng mga rally o mga pagtitipong gaya ng nasa
larawan?

2. Paano nakatutulong ang mga ganitong pagkilos sa pagkamit ng katarungan

para sa sarili at sa kapuwa?

3. Paano dapat mamuhay at makipag-ugnayan ang mga tao sa lipunan upang

hindi na umabot sa ganitong mga pagtitipon?

E. Pagtatalakay ng Bagong Konsepto at Paglalahad ng

Bagong Kasanayan #2 (Integration of GMRC)
Pagiging Patas
Sa pagkamulat natin sa pagiging patas, natututo tayo na tratuhin ang iba nang
may paggalang, kabaitan at pagpapahalaga sa pagbibigayan, pagtatanggol sa ibang
tao, at katapatan. Kailangan ding matuto na ilagay ang sarili sa sitwasyon ng iba.

Pagiging Patas sa mga Taong Nakakasalamuha

Patas sa Pananalita
Ang pagiging patas sa pananalita ay nakaangkla sa pagpapahalaga sa
katotohanan. Nararapat na tayo ay magsalita lamang ng may katotohanan sa ating
kapuwa upang maipakita ang paggalang oras na inilaan nila sa pakikinig sa atin.
Nararapat na tumbasan natin ang tiwalang
ibinigay nila ng mga salitang batay lamang sa katotohanan. Kasama rin sa pagiging
patas sa pananalita ang hindi paglilihim ng katotohanan lalo na sa mga taong may
karapatan dito.

Patas sa Pagkilos
Ang pagiging patas sa pagkilos at pakikisalamuha sa kapuwa ay nagpapakita
ng pagpapahalaga sa pagkatao nila. Ang mismong buhay ng tao ang ating dapat na
isaalang-alang sa ating mga desisyon at kilos. Nararapat na hindi ibinabatay sa kulay,
relihiyon, o katayuan sa buhay ang pagtratong ibinibigay sa kapuwa. Ibigay lamang
kung ano ang nararapat sa isang tao bilang tao.

Ang pangunahing kahalagahan ng paghubog sa sarili upang maging patas ay

nagdudulot ng paghubog din sa pagnanais na kumilos tungo sa kabutihang panlahat
at makapag-ambag sa lipunan tungo sa mas maayos na pamumuhay at sa pagkamit
ng katarungang panlipunan.

Gawain 3: Patas Ako, Patas sa Iba!

Panuto: Magbigay ng 3 sitwasyon na naranasan mo kung saan ipinakita mo ang
pagiging patas sa ibang tao. Isulat sa sagutang papel ang iyong sagot sa talahanayan.

4
 Sitwasyon/Pangyayari Ano ang ginawa o nagawa mo?

Mga Gabay na Tanong:

1. Sa tingin mo, nagpapakita ba ng pagiging patas ang mga sagot mo? Bakit mo
ito nasabi?

2. Ano ang kabutihang naidudulot ng pagiging patas?

F. Paglinang ng Kabihasaan (Pagpapalalim)

Sa unang gawain ay natukoy mo kung ano ang kahalagahan na naidudulot ng
pagkakaroon ng katarungan at batas na ipinapatupad upang mapairal ang
Katarungang Panlipunan. Sa ikalawang gawain naman ay nasuri mo ang isang
larawan tungkol sa pagpapahayag ng saloobin upang makamit ang nararapat. Ikaw
ay nakapagnilay sa iyong mga karanasan tungkol sa pagiging patas sa kapuwa.
Ngayon naman, iyong basahin at unawain ang kasunod na mga konsepto tungkol sa
katarungang panlipunan at mga kaugnay na pagpapahalaga dito na maaari mong
maisabuhay upang makatugon sa pangangailangan ng kapuwa at pamayanan.

ANG MORAL NA KAAYUSAN BILANG BATAYAN NG LEGAL NA

KAAYUSAN NG KATARUNGAN

Bakit batayan ng legal na kaayusan ang moral na kaayusan?

Ayon sa tunay na diwa ng pagpapakatao, ang batas sibil ay nararapat na
nakabatay sa batas moral. Ibig sabihin na ang mga legal na batas ay kailangang
nakaangkla sa moralidad ng kilos. Kung hindi, ang legal na kaayusan ay mawawalan
ng kahulugan. Ang legal na batas ay ang panlabas na anyo ng moral na batas. Ang
legal na kaayusan ay nararapat na maging tulay ng moral na kaayusan ng lipunan.

Ang batas moral ay maituturing na isang panloob na aspeto ng katarungan.

Ang batas sibil ay ang panlabas na aspeto ng katarungan. “Ang batas ay para sa tao
at hindi ang tao para sa batas.” Ang sistemang legal ng lipunan ng Pilipinas ay
nararapat na nagbibigay ng proteksyon sa karapatang pantao ng bawat mamamayan
nito. Sa mata ng batas nararapat na walang mahirap o mayaman, mahina o
makapangyarihan, ang lahat ay magkakapantay. Kapag ang sistemang legal ay
nagagamit ng mga mayayaman at makapangyarihan sa kawalan ng hustisya at pang-
aapi, nagiging malinaw na hindi ito makatarungan dahil hindi nito sinusunod ang batas
moral. Nilalabag niya ang pangunahing batas ng pagpapakatao – ang Likas na Batas
Moral.

5
KATARUNGANG PANLIPUNAN
Ang katarungan ay isang mahalagang pundasyon ng panlipunang
pamumuhay. Umiiral ito kung tinatanggihan ng mamamayan ang pandaraya sa
negosyo, pangungurakot sa pribado at publikong institusyon, at hindi makatarungang
pasahod sa mga empleyado. Isinasaalang-alang ng katarungan ang ugnayan ng
bawat isa sa lipunan. Mabisang paraan ito upang mapangalagaan at mapanatili ang
kabutihang panlahat.

Ano ang Katarungang Panlipunan?

Ayon ka Dr. Manuel Dy Jr. ito ay nauukol hindi lamang sa ugnayan ng tao sa
kanyang kapuwa kundi sa ugnayan din niya sa kalipunan.

Ang kapuwa ay personal o interpersonal na ugnayan mo sa ibang tao.

Halimbawa, sa batang nasa lansangan, sa matandang babaeng nagtatanong ng
direksyon sa daan, o sa kaibigan na nagpapatulong sa kanyang problema.

Samantala, ang kalipunan (socius) ay ang ugnayan ng tao sa isang

institusyon o sa isang tao dahil sa kanyang tungkulin sa isang institusyon. Halimbawa
nito ay ang guro o mag-aaral sa paaralan, ang konduktor sa bus o ang empleyado sa
opisina.

Magkaiba ngunit hindi magkahiwalay ang kapuwa at kalipunan, ang kalipunan

ay para sa paglilingkod sa kapuwa.

Ang katarungang panlipunan ay namamahala sa kaayusan ng ugnayan ng

tao sa kanyang kapuwa at sa ugnayan niya sa kanyang kalipunan. Inilalagay nito sa
ayos ang panlipunang ugnayan ayon sa kraytirya ng pagsunod sa batas. Isinasaalang-
alang nito ang mga panlipunan, pampolitika at pang-ekonomiyang aspeto ng tao.
Isinasaalang-alang din ang mga problema ng lipunan at mga maaaring solusyon ng
mga ito tungo sa kabutihang panlahat.

Mga Katangian ng Katarungang Panlipunan

1. Paggalang sa karapatan ng bawat tao
2. Paglampas sa sariling interes
3. Pagsasaalang-alang sa kabuuang sitwasyon upang tunay na makamit ang
4. Kabutihang panlahat

MGA KAUGNAY NA PAGPAPAHALAGA SA KATARUNGANG PANLIPUNAN

Dignidad ng tao
Ang katarungang panlipunan sa tunay na kahulugan nito ay kumikilala sa
dignidad ng tao. Ang bawat tao ay may dignidad hindi dahil sa kanyang pag-aari,
posisyon sa lipunan o mga nakamit sa buhay, kundi dahil sa kanyang pagkatao. Wala
siyang katulad sa buong kasaysayan at hindi siya mauulit. May dignidad ang tao dahil

6
mahalaga siya. At dahil mahalaga ang tao, makatarungan na ibigay ang nararapat sa
kanya.
Ang pagbibigay ng kung ano ang nararapat ay hindi nakadepende sa kanyang
sitwasyon, kundi sa kanyang hindi malalabag na karapatang kaugnay sa kanyang
dignidad bilang tao. Ang katarungang panlipunan ay nakatuon sa kabutihan ng mga
tao, ang mga istruktura ng lipunan ay nabubuo at nararapat na umiiral para sa
kabutihan ng lahat ng tao.

Katotohanan
Sa paghahanap ng katotohanan, kinakailangang tignan ang kabuuan ng isang
sitwasyon. Bilang isang pagpapahalaga, ito ay nag-uudyok sa iyo na handa mong
ibigay ang iyong buong sarili dahil ito ay may kabuluhan sa iyong buhay at sa iyong
kapuwa. Kaya ito ay hindi isang simpleng opinyon lamang dahil hindi mo maitataya
ang iyong pagkatao at buhay para sa isang opinyon lamang. Ang katotohanan ay ang
pag-unawa na may iba pang apektado sa sitwasyon, hindi lamang ikaw. Inuunawa at
pinagninilayan mo ang sitwasyon upang makita ang katotohanang nakakubli.

Pagmamahal
Ang pagmamahal bilang isang pagpapahalaga ay isang aktibong pagkalinga
sa kapuwa na nagpapaunlad sa kanyang kakayahan bilang tao. Kung ang
katarungang panlipunan ay ginagabayan ng diwa ng pagmamahal, hindi lamang ang
pag-iwas na makasakit o makapinsala sa kapuwa, kundi ito ay isang positibong
paglapit sa kanya upang samahan at suportahan siya.

Pagkakaisa
Ang pagmamahal ay siyang puso ng pagkakaisa. Makakatulong ang
pagkakaisa na matanggap ang katotohanan na tayong mga Pilipino ay sama-samang
namumuhay sa iisang bansa lamang. Sinabi ni Santo Papa Juan Pablo II, ang bunga
ng pagkakaisa ay kapayapaan.

Kapayapaan
Ang kapayapaan ay hindi nangangahulugan ng kawalan ng kaguluhan, o sa
pagkakaroon ng parehong kapangyarihan ng mga bansa. Ang kapayapaan ay ang
pagkakaisa sa puso ng mga tao at sa panlipunang kaayusan ng katarungan.

Sa huli, maitataguyod mo ang katarungang panlipunan sa pamamagitan ng

pagbibigay mo sa iyong kapuwa ng nararapat sa kanya. Ito ay tanda ng paggalang
mo sa kanyang dignidad bilang tao.

G. Paglalapat ng Aralin sa Pang-araw-araw na Buhay

(Pagsasabuhay)
Gawain 4: Larawan ng Makatarungang Lipunan (Kabuuan: 20 puntos)
Panuto:

7
 ● Kung mayroong sapat na materyales sa bahay, gumawa ng picture collage
o pinagsama-samang larawan sa iyong sagutang papel gamit ang mga
magasin, dyaryo o iba pang print media na nagpapakita ng ideyal o ninanais
na Makatarungang Lipunan. Magpakita ng 5 o higit pang mga ideya o konsepto
na natalakay tungkol sa katarungang panlipunan.
● Kung wala namang materyales, maaaring gumuhit na lamang ng larawan na
nagpapakita ng ideyal o ninanais na Makatarungang Lipunan kasama ng iyong
iba pang kasagutan. Maaaring kulayan ang iyong iginuhit para ipakita ang
pagkamalikhain. Gumuhit ng 5 o higit pang mga ideya o konsepto na natalakay
tungkol sa katarungang panlipunan.
● Gawing batayan sa pagtataya ang rubrik sa kasunod na pahina.

Mga Gabay na Tanong:

1. Ipaliwanag ang ginawang picture collage o iginuhit na larawan. (5 puntos)

2. Bilang mamamayan, paano mo tutugunan ang mga pangangailangan ng iyong

kapuwa at pamayanan upang makamit ang iyong ideyal na Makatarungang
Lipunan? (5 puntos)

Rubrik
Picture Collage / Iginuhit

NILALAMAN (5 puntos)
Iskor Bilang ng Ideya o Konseptong may Kaugnayan
sa Katarungang Panlipunan
5 Napakahusay sa paksa
puntos May 5 o higit pang ideya o konsepto
3-4 May pag-unawa sa paksa
puntos May 3-4 ideya o konsepto
1-2 May katamtamang pag-unawa sa paksa
puntos May 1-2 ideya o konsepto

PAGKAKAGAWA (5 puntos)
Iskor Kalinisan at Kaayusan ng Picture Collage or
Iginuhit
5
Malinis at maayos ang pagkakagawa.
puntos
3-4 May ilang bahagi ang di malinaw o maayos ang
puntos pagkakagawa.
1-2
Wala sa ayos ang halos lahat ng bahagi.
puntos

8
H. Paglalahat ng Aralin (Paghinuha ng Batayang Konsepto)
Gawain 5: Ako ay may Pananagutan
Panuto: Bigyang kahulugan batay sa iyong pag-unawa sa aralin ang sumusunod na
pangungusap. Magbigay ng 2-3 ideya sa iyong sagutang papel.

“May pananagutan ang bawat mamamayan na ibigay sa kapuwa ang

nararapat sa kanya.”
___________________________________________________________________
___________________________________________________________________
___________________________________________________________________
___________________________________________________________________
___________________________________________________________________

I. Pagtataya ng Aralin
Gawain 6: Maikling Pagsusulit
Panuto: Isulat ang titik ng tamang sagot sa iyong sagutang papel.
1. Batayan ng legal na kaayusan ang moral na kaayusan dahil _____________.
a. Maaaring mawala ang dignidad ng tao.
b. Kailangang sundin ang pagnanais ng tao sa pagsunod sa batas.
c. Tayo ay may kalayaan ng kilos.
d. Ang mga legal na batas ay kailangang nakaangkla sa moralidad ng kilos.

2. Ito ang panlabas na anyo ng moral na batas.

a. batas militar
b. batas trapiko
c. legal na batas
d. mortal na batas

3. Kapag ang sistemang legal ay nagagamit ng mga mayayaman at makapangyarihan

sa kawalan ng hustisya at pang-aapi, nilalabag nila ang __________________.
a. batas ng pagpapahalaga
b. edukasyon sa pagpapakatao
c. legal na batas
d. likas na batas moral

4. Ang mga sumusunod ay patunay na umiiral ang katarungang panlipunan maliban

sa:
a. May makatarungang pasahod sa mga empleyado.
b. Tinatanggihan ng mamamayan ang pandaraya sa negosyo.
c. Pagkuha ng maliit na porsyento lamang sa budget ng isang proyekto.
d. Pagbibigay ng patas na pagkakataon sa mga tao na mabigyan ng ayuda sa
panahon ng pandemya.

9
5. Ito ay ang ugnayan ng tao sa isang institusyon o sa isang tao dahil sa kanyang
tungkulin sa isang institusyon.
a. kapuwa
b. kalipunan
c. kababayan
d. kumpanya

Panuto: Isulat sa sagutang papel kung Tama o Mali ang mga sumusunod na
pangungusap.
_______ 6. Magkaiba ngunit hindi magkahiwalay ang kapuwa at kalipunan. Ang
kalipunan ay para sa paglilingkod sa kapuwa.

_______ 7. Isinasaalang-alang ng katarungang panlipunan ang mga problema ng

lipunan at mga maaaring solusyon ng mga ito tungo sa kabutihang
pansarili.

_______ 8. Makatarungan na ibigay ang nararapat sa tao dahil ito ay tanda ng

pagkilala sa kanyang dignidad.

_______ 9. Ang pagbibigay kung ano ang nararapat sa tao ay nakadepende lang sa
kanyang sitwasyon sa buhay.

_______10. Ang katotohanan bilang kaugnay na pagpapahalaga sa katarungang

panlipunan ay hindi isang simpleng opinyon lamang.

J. Karagdagang Gawain para sa Takdang Aralin

Gawain 7: Makatarungan Ako

Panuto: Sa iyong sagutang papel, magbigay ng sitwasyon o pangyayari sa iyong

buhay na iyong naipapakita ang pagiging makatarungang tao. Ito ay maaaring bilang
mag-aaral, miyembro ng pamilya o mamamayan ng ating bansa.

Halimbawa: Pagsasauli ng hiniram na gamit sa kaklase.

1.___________________________________________________
2. ___________________________________________________
3. ___________________________________________________
4. ___________________________________________________
5. ___________________________________________________

10
 11
Maaaring magkaiba-iba ang sagot ng mga
mag-aaral sa kanilang karanasan sa
Maaaring magkaiba-iba ang sagot ng mga mag-
pagiging makatarungan.
aaral batay sa kanilang karanasan sa pagiging
Makatarungan Ako patas sa kapuwa.
Gawain 7:
Patas Ako, Patas sa Iba!
Gawain 3:
1. D
2. C
3. D Mga posibleng sagot:
4. C 1. Nagtitipon, nagpo-protesta, nagwewelga,
5. B nag-aaklas, strike Gawain 4:
6. Tama 2. Maaaring magkaiba-iba ang sagot ng mag-
7. Mali
aaral sa nararamdaman.
8. Tama
9. Mali 3. Maaaring magkaiba-iba ang sagot ng mga
10. Tama mag-aaral, ngunit mainam kung ang mga ito ay
may kinalaman sa anumang indikasyon ng
Maikling Pagsusulit
Gawain 6: kawalan ng katarungan o paghingi ng
katarungan o nararapat sa kanila.
4. Maaaring magkaiba-iba ang sagot ng mag-
Maaaring magkaiba-iba ang sagot ng mga aaral sa epekto ng kawalang katarungan.
mag-aaral sa pakahulugan nila sa pagkakaroon 5. Maaaring magkaiba-iba ang sagot ng mag-
ng pananagutan sa kapuwa. Mainam kung ang aaral sa naitutulong ng mga pagkilos na ito.
mga sagot ay may kinalaman sa pagbibigay ng 6. Maaaring magkaiba-iba ang sagot ng mag-
nararapat sa kapuwa o pamayanan na angkop aaral, ngunit mainam kung ang mungkahing
sa sitwasyon, pagiging patas sa pagkilos, at paraan ng pamumuhay ay may kaugnayan sa
pagkilala dignidad ng tao at mga karapatan pagiging patas, makatarungan, responsible, o
nito. mapanagutan
Mahalaga na ang mga sagot ay nakatutulong Mainam kung ang mga kasagutan sa hanay ng
sa pagkamit ng katarungang panlipunan. “Social Justice” ay mga positibong kilos o may
epektong nakabubuti sa kapuwa at ang nasa
Ako ay may Pananagutan
hanay ng “Social Jus-tiis ay mga negatibong
Gawain 5:
kilos o may hindi mabuting epekto sa kapuwa.
Ipaglaban Mo!
Gawain 2:
Maaaring magkaiba-iba ang paraan at
ekspresyon ng mga mag-aaral sa hinihinging
larawan. Maaaring magkaiba-iba ang sagot ng mga mag-
aaral tungkol sa kahalagahan ng batas at
Mainam kung ang mga kasagutan sa mga gabay katarungan.
na tanong ay may kaugnayan sa mga tinalakay
na konsepto sa aralin gaya ng legal at moral na Mainam kung ang mga kasagutan ay may malapit
batas, pagiging patas, mapanagutan, at o may kaugnayan sa pagkilala ng mga
pagbibigay ng nararapat sa kapuwa, o malapit karapatang pantao at papel ng batas sa
sa mga pagpapahalagang kaugnay sa katarungan sa pagbibigay ng nararapat sa tao.
katarungang panlipunan.
Katarungang Panlipunan
Larawan ng Makatarungang Lipunan sa Batas at Kahalagahan ng Katarungan
Gawain 4: Gawain 1:
SUSI SA PAGWAWASTO:
 Grupo ng Tagapaglinang ng SIPacks
Manunulat: Ma. Theresa Q. Payduan
Patnugot: Jean R. Canlas, Ph.D
Tagasuri ng Nilalaman: Jean R. Canlas, Ph.D
Rosalinda S. Ibarra, Ph.D
Edgardo S. Nunag
Maria Carmen M. Evangelista
Melody S. Oreña
Patnugot ng Wika: Edelwiza Cadag
Tagapagguhit: Allkhem C. Moran

Grupo ng Tagapaglinang: Imelda P. Macaspac, Ph.D

Rosalin S. Muli, Ph.D
Remedios D. Sitchon
Rodel D. Lintag

13