MARIANO MARCOS STATE UNIVERSITY

UNIVERSITY
College of Teacher Education

Yunit I – Introduksyon sa Kurso at Pangkalahatan ng mga Konsepto

Aralin I – ANG GURO AT ANG PAGTUTURO

Inihanda ni. Janeth M. Luis

Ang Guro

Ayon kay Primrowe(2018), ang guro ay tao na ang responsibilidad at hanap buhay ay
magbahagi ng kaalaman sa mga estudyante at hubugin sila upang maging kapakipakinabang
na mamamayan balang araw.

Binanggit naman ni Belvez (2000), na ang isang guro ay humuhubog sa katauhan at kaisipan
ng mga mamamayang siyang bubuo ng isang bansa, kayat siya ay nagtatatag ng isang bansa.
Siya’y katulong sa pagtatatag ng isang bansang binubuo ng mga mamamayang mulat,
matalino, kapaki-pakinabang, makabuluhan, may mataas na pagpapahalagang moral at
angkop manirahan sa lipunang kanyang kinaaaniban.

Dahil sa malaking pananagutang ito, ang guro ay nararapat magtaglay ng isang libo’t isang
mabubuting katangian at mag-angkin ng pupong libong mga kakayahan.

Una sa lahat ang isang guro ay dapat magtaglay ng kahandaang propesyonal. Siya ay dapat
magtaglay ng katibayan ng pagtatapos ng kurso sa pagtuturo o di kaya’y nakakuha siya ng
mga asignatura sa Edukasyon na nagdudulot ng kaalaman sa “simulain ng Edukasyon, mga
simulain sa pagtuturo, sikolohiyang edukasyunal at iba pang kaugnay na aralin.”

Ang Sining at Agham ng Pagtuturo

Ang pagtuturo ay isang sining. Isang larangan din naman ng ito ng agham. Ano nga ba ang
pagtuturo? Bakit ito sining? At bakit masasabi rin itong isang larangan ng agham? Ito’y
isang sining pagkat ito ay maayos na paraan ng pagsasagawa ng pagkikintal ng kaalaman.

Ang pagtuturo ay sangay ng karunungang nauukol sa paglikha ng maririkit na bagay,

magagandang kaganapan. Sa masining na pananaw at pamamaraan ng isang guro
nakasalalay ang mabisang pagtuturo. Ang pagiging malikhain (creative) at pagka-resourceful
ay nagbubunga ng mabisang pagtuturo.

Ang pagtuturo ay nasa larangan ng agham. Hindi ba’t ito ay sangay ng karunungan, lalo na
ng kaalaman kung paanong ang isang pangyayari ay nagbibigay-daan sa pinagmumulan ng
iba sa lipunan? Ito’y umaalinsunod sa mga simulain o prinsipyo. Ang mga teknik at
istratehiya sa pagtuturo ay umaalinsunod sa maayos, sistematikong pagkakasunod-sunod ng

Castro Ave., Laoag City, 2900 Ilocos Norte, Philippines

 cte@mmsu.edu.ph  (077) 600-2014 www.mmsu.edu.ph
 MARIANO MARCOS STATE UNIVERSITY
UNIVERSITY
College of Teacher Education

mga hakbang. Ang pagtuturo ay may mga batayan at saligan. Mga batayang pilosopikal,
sikolohikal ay sosyolohikal.

Kayat kung ikaw ay isang guro, ikaw ay manggagawa at alagad ng sining at siyensya.

Laging nasasabi-sabi: Kailangan ay mabisang pagtuturo, kalian ito matutugunan? Paano

natin mapipili ang mabuti at epektibong paraan ng pagtuturo? Katulad ng iba pang larangan
ng sining at agham, may mga baryabol (variables) na nakaaapekto sa gagawing pagpili,
implementasyon at ebalwasyon ng kabisan ng isang pamaraan ng pagtuturo. Pangunahin
dito’y ang (1) layunin o ang nilalayong matamo; (2) ang paksa o ang aralin(subject matter)
ng pagtuturo; (3) ang mga mag-aaral; (4) ang guro; (5) mga kagamitan at (6) ang kaligiran
ng paaralan.

1. Layunin. Ang uri ng layunin sa pagtuturo ay siyang tumutukoy sa uri ng pamaraang

isasagawa sa pagtuturo. Depende sa kung anong domeyn ng layunin ang
binibigyang-pokus; kung ito’y kognitibo, saykomotor, pandamdamin o apektibo.
2. Paksa. Ang uri o kalikasan ng paksang ituturo, ng asignatura at ng paksang-aralin ay
baryabol sa pagpili ng angkop na paraan ng pagtuturo. Alin ang higit na epektibong
gamitin para sa partikular na paksa, o para sa asignaturang itinuturo? Ang uri ng
paksang-aralin o subject matter ay nagpapasya rin sa kung alin sa tatlong kategorya
ng paraan ng pagtuturo ang angkop gamitin.

Ang iba-ibang paraan ng pagtuturo ay napapangkat sa tatlong kategorya gaya ng (1)

pamaraang pakikinig-pagsasalita (listening-speaking methods); (2) pamaraang
pagbasa-pagsulat (reading-writing methods); at (3) pamaraang pagmamasid-
pagsasagawa (watching-doing methods).

Kabilang sa unang kategorya ang paraang palektyur, ang talakayan, pamaraang

tanong-sagot, pa-recitation, pagbibigay/pagsunod sa panuto, gayon din ang
brainstorming method. Ilang pagtuturo halimbawa naman sa ikalawang kategorya
ay ang pinalatuntunang pagtuturo, pagtuturong individualized, problem method o
pamaraang paglutas ng suliranin, at ang workbook o textbook method. Sa ikatlong
kategorya ay kabilang ang paraang pabalak (project method), lakbay-aral (field trip),
paraang pakitang-gawa (demonstration method) at iba pang paraang hands-on – at
paraang panlaboratoryo.
3. Mag-aaral. Mahalagang baryabol sa pagpili ng pamaraang gagamitin ay ang mga
mag-aaral. Mahalagang salik ang kanilang kakayahan, kawilihan, karanasan at mga
pangangailangan. Angkop ba at makatutugon ang pamaraang gagamitin sa kanilang
kakayahan, sa kawilihan, sa karanasan, sa pangangailangan?

Castro Ave., Laoag City, 2900 Ilocos Norte, Philippines

 cte@mmsu.edu.ph  (077) 600-2014 www.mmsu.edu.ph
 MARIANO MARCOS STATE UNIVERSITY
UNIVERSITY
College of Teacher Education

4. Guro. Ang guro na siyang magsasagawa ng pipiliing paraan ng pagtuturo ay

mahalaga, syempre pa, sapagkat siya ang magbibigay ng buhay at sigla sa kung ano
mang paraan ang mapili. Mahalagang salik sa eksena ng pagtuturo sa silid-aralan
ang mga katangiang personal, kasanayang propesyunal, ang kaalaman ng guro sa
mga simulain sa pagtuturo at ang kanyang kakayahan sa pamumuno at pamamahala
sa silid-aralan ay mahalagang salik sa kabisaan ng paraan ng pagtuturo.
5. Kagamitan. Ang pagkakaroon o availability ng iba’t ibang instrumento, mga
kagamitan ay dapat na isaalang-alang sa pagpili ng paraan ng pagtuturong gagamitin.
Mayroon bang mga aklat sa pagsasanggunian, mga babasahin, maayos na aklatan,
kagamitang panalaboratoryo, overhead projector at iba pang instrument sa
pagtuturo? Ang pagkakaroon o kawalan ng mga ito ay makaaapekto sa kabisaan ng
pagtuturo.
6. Kaligiran ng Paaralan. Nasa rural o urbang pamayanan ba ang paaralan? Ang
kaligiran ba ay nakagaganyak ng aktibong pakikilahok ng mga mag-aaral sa halos
lahat ng mga gawain sa pagkatuto. Ang kaligiran ng aba ay nakapag-uudyok sa
pagkatuto? Ang pipiliing paraan ng pagtuturo ay batay din sa kaligiran sa lalong
ikapagiging mabunga at mabisa ng pagtuturo.

Castro Ave., Laoag City, 2900 Ilocos Norte, Philippines

 cte@mmsu.edu.ph  (077) 600-2014 www.mmsu.edu.ph