HENERASYON

“Ang ating bagay na patuloy na umiikot sa mundong ating kinalalagyan ay ang PAGBABAGO.”

Sa pagbabago ng ating henerasyon at panahon ay nagbabago rin ang wika na ginagamit natin. Kasabay
ng mga pagbabagong ito ay ang modernisasyong umosbong sa atin. Naapektuhan din ang pagbabago ng
ating wika dahil sa teknolohiya. Ang pagbabago sa wikang Filipino ay may malaking epekto na maaring
mabuti o masama sa ating sariling wika. Mabuti dahil mas napapabilis nito ang komunikasyon at
pagsasalin nang impormasyon sa ating wika. Isang halimbawa nang mabuting pagbabago ay ang pag-iksi
nang mga salita tulad nang KKB  na ibig sabihin ay kanya kanyang bayad, maiksi lang pero may
kahulugan. Mabuting pagbabago rin ang paglikha nang bagong salita na akma sa ating panahon tulad
keyk (cake), selfie (litrato), viral (bagong sikat na balita),keri (kaya yan) at marami pang iba.

Para naman sa masamang epekto nang pagbabago ng wika ay ang paghina na ating memorya sa spelling.
Pagkalimot o hindi na maintindihan ang mga salita na tinuturo noon, halimbawa na lang ng salitang
katipan(syota), kubyertos (kutsara o tinidor),katoto (kaibigan), batalan (lababo) at iba pa, na hindi na
alamng maraming Pilipino ang ibig sabihin.

Sa panahong ito na marami nang makabagong teknolohiya para sa komunikasyon at paghanap nang
impormasyon. Kailangan din nang wikang Filipino na makipagsabayan sa ibang Lenguahe na pumapasok
sa ating bansa. Nakakatulong ang pagbabagong ito para makasabay ang bagong henerasyon na maging
“Globally Competitive” sa larangan nang komunikasyon at pagkalap ng  impormasyon.Ngunit kaakibat
ng mga pagbabagong ito, dapat din natin isipin ang preserbasyon at paglilinang ng wikang Filipino sa
makabagong panahon. (Chua, 2018)

“Ang isyung ito ang lubhang makakaapekto sa kulturang kinagisnan sa oras na hindi natin gamitin ang
sariling wika. Sa pagsilang ng makabagong wika unti-unti ng hindi napagtutuunan ng pansin ang
wikang Filipino.”

Dahil sa pag-usbong ng makabagong henerasyon ay marami na ring pagbabago sa pamumuhay

ng nga Pilipino. Naging madali sa atin ang nakasagao ng impormasyon sa pamamagitan ng mga social
networking sites, mass media at iba pa. Dahil nga sa laganap na ang iba't ibang uri ng media mabilis
tayong magkaroon ng komunikasyon sa ibang tao sa loob at labas ng bansa.

Ito rin ang nagbunsod upang makagawa ng maraming baging salita na hindi nararapat na mabuo
sapagkat ito'y hindi angkop sa wikang nakasanayan.

Ang isyung ito ay magdudulot ng kalituhan sa ating pagkakakilanlan sa oras na ibaon natin ang wikang
kinagisnan.

Mga ilang wika na umusbong sa makabagong henerasyon.

Akronim- Paggamit ng mga titik na nagpepresenta sa isang salita o tumatayo bilang kapalit ng isang
salita. Tumutukoy sa pagpapaikli gamit ang mga inisyals ng pangalan ng mga kompanya, samahan, at iba
pang katulad nito. Hango ito sa mga inisyals o mga una’t huling pantig ng mga salita.

Halimbawa: UST- Unibersidad ng Santo Tomas

Deped - Department of Education

Balbal- Balbal o slang ang tawag natin sa isang salitang pang kalye o pang kanto. Ito ay mga salitang
ginagamit kapag ang kausap natin ay ating mga kaibigan, tropa o barkada. Ang wikang balbal ang
katumbas ng slang sa Ingles.

Halimbawa: Epal (mapapel)

Mayroong mga paraan para masabi nating balbal ang isang salita, unang paraan ay sa halip na
gamitin natin ang buong salita ay kinukuha lamang natin ang huling dalawang pantig halimbawa
nalamang ay ang salitang “Amerikano” na madalas kapag sa kalye lang ang usapan o ating mga
kabarkada “Kano” ang ating ginagamit. Ang dalawang huling pantig lamang ang ginagamit natin at hindi
ang buong salitang “Amerikano”. Tinatawag ang paraang ito na pagpapaikli.

Pagpapaikli- Ang prosesong ito ay ang pagbabawas ng mga salita na kadalasang ginagamit sa pasalitang
pamamaraan.

Halimbawa: Dok (Doktor) Kano (Amerikano)

Ikalawang paraan para masabing balbal ang isang salita ay kapag binabalibaliktad ang mga titik
sa loob ng isang salita. Halimbawa na lamang ang salitang ‘Astig’ na ito ay mula sa salitang ‘Tigas’ na
pinagbabalibaliktad lamang ang mga titik nito.

Pagbabaliktad- Pamamaraan ng pananalita kung saaan ang mga patinig ng mga salita ay binabaliktad.

Halimbawa: Petmalu (malupet), Werpa (pawer)

Kolokyal- Ang wikang kolokyal ay ang mga salitang ginagamit sa pang araw-araw na pakikipag-usap.
Kolokyal naman ang isang salita kung umaayon ito sa dalawang dahilan; una, kapag ang isang salita sa
halip na banggitin o isulat ng buo nagkakaroon ng pagkakaltas. Halimbawa na lamang sa salitang
‘mayroon’ na nagiging ‘meron’.

Halimbawa: Ewan, Kelan, Musta, Meron

Dahil likas na tayong mga Pilipino ay may kultura ng pakikipagkapwa, hindi natin namamalayan
na ang mga hindi pormal na salita na ito ay nadadala natin sa pormal na usapan dahil sa dalas naring
gamit nito sa kasalukuyan.

“ Panawagan ng KWF na huwag lamang humanga sa paggamit ng usong mga salita ang kabataan kundi
tuklasin rin ang mga dayalekto at iba pang wika sa Pilipinas.” Ito’y lalo’t may mga salita sa ibang bahagi
ng bansa na nanganganib ng mawala. Kaya mahalaga matutunan at tuklasin ng kabataan ang iba pang
wika sa bansa upang mapreserba ang kultura na isa sa mga sangkap ng pag-unlad.