MODYUL 3: PARAAN NG PAGWAWAKAS SA PAGSULAT NG SANAYSAY

Paraan sa Pagbuo ng Pangwakas ng isang Komposisyon

Layunin

Matapos ang araling ito ang mag-aaral ay inaasahang;

1.Natutukoy ang mga paraan sa pagwawakas ng isang sanaysay;

2. Nakapagsusulat o nakakapagbuo ng sariling komposisyon;

3. Mapahahalagahan ang mga angkop na paraan ng pagwawakas sa pagsulat ng sanaysay.

Panimula

Kung dapat isaalang-alang sa pagsulat ng isang makabuluhang sulatin ang wastong pagsisimula,
nararapat ding pagtutunan ng pansin ang maayos na pagwawakas, Mawawalan ng saysay ang
kagandahan ng komposisyon kung ang sumulat nito ay nakalimot sa katangian ng isang maayos na
pagwawakas. Ang maayos na pagwawakas ay lumalagom sa mga kaisipang inilahad ng komposisyon.

Ilang mungkahing paraan sa pagbuo ng wakas ng komposisyon ay ang mga sumusunod:

1. Tuwirang Sinasabi
- Ang tuwirang pahayag ay tumutukoy sa istilo ng pagsulat kung saan isinusulat ang eksaktong
sinabi ng ispiker Ginagamitan ito ng panipi .

Halimbawa:

“The Us Presidential election teaches us to become more aggressive and make an intensive
drive to continue with our efforts to modernize the country’s electoral system, “ ani Rosales na
nagsabing susuruin ang kamara de Reperesentantes ang anumang butas upang ipatupad ang
batas modernisasyon.

- Taliba (Nobyembre 5, 2004)

2. Panlahat sa Pahayag
- Nagtataglay ng kahalagahang unibersal na maaaring hanguin sa mga salawikain, sa mga
kawikaan. at mga pamilyar at pang araw-araw na makatotohanang kaalaman ng lahat na
nagtataglay ng diwa o aral.
 Halimbawa:

…Kung ano ang bawal, iyon ang masarap.Subalit ang masarap ay pumapalit din kalaunan, wika
nga.

3. Pagbubuod
- Ito ay ang pagkuha ng pinakamahalagang detalye sa ginawang sanaysay,

Halimbawa:

Marami pang humihingi ng hustisya Walang nakaaalam kung kalian nila iyon makakamtan.

4. Pagpapahiwatig ng Aksyon

Halimbawa:

….. Kung hindi na madadagdagan ang papulasyon, maaaring wala nang gaanong magugutom. Kung
ganoon, dapat na magkaroon nang masidhing kampanya ang pamahalaan para mapigil ang pagdami
ng mga tao.

5. Pagtatanong
- Winawakasan ang sanaysay sa pamamagitan ng retorikal na tanong

Halimbawa:

Ngayon sa oras ng matinding pagsubok ng hinaharap ng ating bayan at karamihan sa ating

kababayan ay lugmok sa kahirapan, ano ang pwede mong gawin para makatulong? Ano ang
dapat gawin ng mga pinuno ng ating bayan para maibsan ang matinding pagdurusa? Ano sa
palagay ninyo?

6. Pagsisipi
- Kumukopya ito ng isang linya o mahigit pa sa isang akda, patula man o tuluyan,na angkop sa
tinatalakay na paksa,

Halimbawa:

Isang magalang na manunulat ang nagsabi: “Pagkatiwalaan ang kapwa mo at sila’y magiging
matapat sa’yo. Puruhin mo sila at sila ay magiging kapuri-puri.”
Pagsasanay

Panuto: Gumawa ng balangkas ng isang di- pormal na sulatin. Gamitin batayan ang mga gabay
na katanungan sa pagsulat at mga hakbang sa gagawing pagsulat.

PAKSA: “BAKIT MAHALAGA ANG EDUKASYON?”

Pamantayan:

Husay ng paglalhad ng impormasyon 10 puntos

Kaugnayan sa Talakayan 15 puntos

Kabuuan 25 puntos

Abstraksyon

Ang wakas ay dapat na maikili dahil kung ito’y pahahabain, di na ito mabisa at di kasiya-
siya. Ito ang pangkahalahatang palagay o pasya tungkol sa paksa batay sa mga katibayan at mga
katwirang iniisa-isa sa gitnang bahagi. Kailangang mang-iwan ito ng kakintalan o bisang
pangmatagalan sa mga mambabasa.

Ebalwasyon

“Heto na nga, subukin natin ang natutunan mo”

Panuto: Piliin ang tamamg sagot.

1. Ito ay kumukopya ito ng isang linya, patula man o tuluyan,na angkop sa tinatalakay na paksa.
a.tuwirang sinasabi b. pagsisipi c.paghihiwatig ng aksyon d.pagbubuod

2. Ito ay winawakasan ang sanaysay sa pamamagitan ng retorikal na tanong.

a.tuwirang sinasabi b. pagsisipi c. pagtatanong d. pagbubuod

3. Nagtataglay ng kahalagahang unibersal na maaaring hanguin sa mga salawikain. Sa mga kawikaan, at

mga pamilyar at pang araw-araw na makatotohanang kaalaman ng lahat na nagtataglay ng diwa o
aral.

a.panlahat na pahayag b. pagsisipi c. pagtatanong d. pagbubuod

4. Ito ay tumutukoy sa istilo ng pagsulat kung saan isinusulat ang eksaktong sinabi ng ispiker.
Ginagamitan ito ng panipi.
a.panlahat na pahayag b. pagsisipi c. pagtatanong d.tuwirang sinasabi

5. Ito ay ang pagkuha ng pinakamahalagang detalye sa ginawang sanaysay,

a.panlahat na pahayag b. pagsisipi c. pagtatanong d.pagbubuod