SHS

Filipino
Pagbasa at Pagsusuri ng Iba’t Ibang
Teksto Tungo sa Pananaliksik
MODYUL 1: Pagsusuri ng Pananaliksik
Filipino – SHS
Pagbasa: Kwarter 2/4– Modyul 1: Pagsusuri ng Pananaliksik

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anumang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa anumang
paraan nang walang pahintulot sa Kagawaran.

Inilathala ng Kagawaran ng Edukasyon

Panrehiyong Direktor: Gilbert T. Sadsad

Kawaksing Panrehiyong Direktor: Ronelo Al K. Firmo

Mga Bumuo ng Modyul

Manunulat: Albert F. Escobedo

Editor: Vanesa M. Lopez
Tagasuri ng Nilalaman: Sharon A. Vito
Ana Maria B. Gojar Emma D. Gonzales
Gumuhit ng Larawan: Jotham D. Balonzo
Tagalapat ng Pahina: Ara S. Manata; Brian Navarro
Paunang Salita
Bilang tugon sa makabagong tunguhin sa pagkatuto ay binuo ang serye ng
modyul na ito. Nilalaman nito ang mga pinakamahahalagang kasanayang
pampagkatuto o Most Essential Learning Competencies (MELC) sa ilalim ng
kasalukuyang kalagayan ng edukasyon. Upang matugunan ang hamong kinakaharap
sa edukasyon, kalusugan at kaligtasan malaking tulong ang modyul na ito sa patuloy
na pag-aaral ng kabataan sa loob at labas ng paaralan sa pakikipagtulungan ng mga
magulang at tagagabay
Inaasahan na ang modyul na ito ay higit na makatutulong sa paglinang ng
kasanayan at kakayahan ng mga mag-aaral.

Para sa Tagagabay:
Upang lalong kagiliwan ng mag-aaral at maging kapaki-pakinabang
ang modyul na ito, tiyaking makapagbigay ng oryentasyon sa mga mag-
aaral, magulang, o sinomang miyembro ng pamilya kung paano gagamitin
at iingatan ang modyul na ito.
Ipabatid na kailangang magkaroon ng sariling sagutang papel ang
bawat mag-aaral para sa paunang pagsubok, mga gawain sa bawat bahagi
at panapos na pagsubok. Kung tapos nang sagutin ang modyul na ito,
ipaalala sa mag-aaral na kaagad itong ibalik sa guro para sa kaukulang
tunguhin.

Para sa mag-aaral:
Inihanda ang modyul na ito para sa iyo.
Kailangan mong sundin at saguting mag-isa ang mga
gawaing nasa loob nito. Huwag kang mag-alala,
kayang-kaya mo ito. Tiniyak kong matutuwa
ka habang natututo.
Ingatan mo ang modyul na ito. Huwag mong
susulatan at iwasang mapunit ang mga pahina.
Gumamit ka ng sagutang papel o ang iyong
kuwaderno. Sige, simulan na natin!

ii
 PAGSUSURI SA
PANANALIKSIK
PANIMULA:
Magandang araw!

Buong lugod kitang binabati sapagkat marami ka nang napagtagumpayang

aralin. Alam ko na ang iyong mga karanasan at mga natutuhan sa mga nakaraang aralin ay
nakalinang sa iyong mga kakayahan. Kaya naman, napakasaya ko para sa iyo! Kaugnay nito,
malaki ang tiwala ko na magiging madali para sa iyo ang aralin sa modyul na ito, ang pagsusuri
ng pananaliksik batay sa layunin, gamit, metodo, at etika sa pananaliksik.
Handa ka na? Tara, simulan na natin ang pagsusuri!

Sa aralin na ito, inaasahan na nasusuri mo

ang ilang halimbawang pananaliksik sa Filipino
batay sa layunin, gamit, metodo, at etika sa
pananaliksik
Layunin

May mga bagong salita na dapat mong kilalanin para sa araling ito.
Magagamit mo ang mga ito upang ganap mong maunawaan ang mga
susunod na talakay tungkol sa ating paksa.

Talasalitaan

Basahin natin.
* pagsusuri
ito ay ang matalinong pagtingin sa isang teksto na walang kinikilingan, maaari magbigay ng
positibo o negatibong puna (https://www.merriam-webster.com/dictionary/critique)

* pagsulat
isa sa mga makrong kasanayan na dapat malinang sa isang indibidwal; proseso ng paggamit ng
mga simbolo para maipahayag ang kaisipan at ideya sa pormang nababasa.
(https://www.englishclub.com/writing/what.htm)

* gabay
ito ay isang kagamitan para bigyan ng linaw kung ano ang sunod-sunod na hakbang na gagawin
o kung paano gagawin ang isang bagay (https://www.dictionary.com/browse/guide)

1
 * pananaliksik
isang malayuning imbestigasyon na may sinusunod na mga hakbang na humahantong sa
pagkakadiskubre ng mga bagong impormasyon o konsepto (Sanchez, 1999)

* layunin
mithiin o tunguhin. Ito ang nais makamit sa isang
gawain(https://www.dictionary.com/browse/objective)

* metodo
ito ay proseso o hakbangin sa pagkamit ng layunin ng isang gawain (https://www.merriam-
webster.com/dictionary/method)

* gamit

ito ay estratehikong instrumento sa pangangalap ng impormasyon para masagot ang layunin ng

pananaliksik. Ito ay sumusukat din sa iba’t ibang varyabol kaugnay ng paksa. (Baraceras, 2016)

* etika
ang nagdidikta kung ano ang dapat gawin ng tao bilang kaniyang obligasyon, karapatan, katuwiran, at
halaga (https://quizlet.com/273039187/filipino-sa-piling-larangan-etika-at-pagpapahalaga-sa-pagsulat-sa-
akademiya-flash-cards/)

Ano ba ang alam mo na sa ating aralin?

Panimulang Pagsubok

subukin
Panuto: Suriin ang isinasaad ng bawat talatangmo
halawnga?
sa mga nagawang pag-aaral. Lagyan
ng letra ang patlang sa unahan ng talata ng L kung layunin, M kung metodo, G kung gamit, at
E kung etika ang isinasaad nito.

____1.
Gabay na talatanungan at video recorder ang dalawang pangunahing
instrumento ng pag-aaral na ito.
Ang mga tanong sa talatanungan ay nakaayos ayon sa tamang daloy ng
pagsasagawa ng panayam. Sinuri muna ito at dumaan sa validation para sa kabisaan
nito.
Ang video recorder naman ay inihanda bago isagawa ang mga panayam sa
bawat kalahok. Humingi muna ng pahintulot para sa pagkuha ng record ang
mananaliksik.
Halaw sa pag-aaral ni Fungo (2015)

2
____2.
Ang pag-aaral na ito ay sasagutin ang mga sumusunod na katanungan ayon
sa:
1. Ano ang pagkakakilanlan ng mga batang ina ayon sa:
1.1 Antas ng Edukasyon;
1.2 Edad ng Unang Panganganak;
1.3 Marital Status; at,
1.4 Tumigil o Pinagpatuloy ang Pag-aaral.
2. Ang mga pinagdadaanang karanasan ng mga batang ina ayon sa iba't ibang salik.
2.1 Emosyonal;
2.2 Espiritwal;
2.3 Mental;
2.4 Pinansyal;
2.5 Relasyonal; at,
2.6 Sosyal.
3. May pagkakaiba ba ang mean score ng mga respondente kapag grinupo ayon sa
pagkakakilanlan.
3.1 Antas ng Edukasyon;
3.2 Edad ng Unang Panganganak;
3.3 Marital Status; at,
3.4 Tumigil o Ipinagpatuloy ang Pag-aaral.

Halaw sa pag-aaral ni Averion, et al. (2015)

____3.
Ang pag-aaral na ito ay sumailalim sa Quantitative method sapagkat mas
angkop itong gamitin dahil sa laki ng sample size na kailangan ng pag-aaral. Ginamit
din ang Sarbey method sa pag-aaral na ito upang malikom ang panayam ng mga
respondent ukol sa mga katanungang nakasaad sa survey questionnaire. Nakalikom
ng siyamnapu’t walong (98) tugon ang sarbey. Sa bilang na ito, apatnapu’t apat (44)
ay babae, at limampu’t lima (55) naman ang lalaki. Ang mga tumugon naman na mula
sa labingdalawang baitang ay apatnapu’t isa (44), at limampu’t pito (57) ang sumagot
mula sa ikalabing-isang baitang.
Halaw sa pag-aaral ni Carillo, et.al. (2019)

_____4.
Ang ilang mga hakbang na ginawa sa pag-aaral ay una, humingi ng
pahintulot ng pananaliksik ang mananaliksik sa administrador, mga magulang ng
kalahok, tagapangasiwa, at mga gurong kasangkot sa isinagawang pag-aaral.
Sumunod ay binuo ang talatanungan tungkol sa pananaw ng mga mag-aaral hinggil
sa espasyo ng wikang Filipino sa klase ng Matematika at talatanungan para sa
panayam sa mga piling mag-aaral ng baitang 9 sa pamamagitan ng focus group
discussion (FGD). Matapos mabuo ang mga talatanungan ay ang pagpapakita at
pagpapabalido sa mga eksperto. Nagsagawa ang mananaliksik ng dalawang ulit na
tiglilimang pagmamasid sa klase ng Matematika.

Halaw sa pag-aaral nina Broadway at Zamora (2018)

3
_____5.
Nangolekta ang mananaliksik ng mga sulatin ng mga mag-aaral mula sa
Pamantasan ng Ateneo de Manila na kumukuha ng klaseng Filipino for Non-Filipino
Speakers. Labinlimang mga mag-aaral na mula sa antas ng intermediate o
panggitnang lebel ang mga kalahok sa pag-aaral na ito. Sa pagtatapos ng
ikalawang semestre (akademikong taong 2015-2016), pinasulat ang mga mag-aaral
ng maikling sanaysay sa wikang Filipino tungkol sa paglalarawan sa kanilang sarili,
ginawa noong nakaraang bakasyon, mga balak sa darating na bakasyon at mga
ginagawa sa pang-araw-araw. Pinili ang mga tanong upang makakuha ng mga
pangungusap na magtataglay ng mga pang-uri at iba’t ibang aspekto ng pandiwa.

Halaw sa pag-aaral ni Laranjo (2016)

Binabati kita. Natapos mo ang unang pagsubok.

Alamin natin sa pahina 18 ang wastong sagot sa mga tanong.
Saang antas ng kaalaman ka nabibilang?
5- Mahusay na mahusay 2- Kailangan ng pagsasanay
4- Mahusay 1- Nangangailangan ng gabay
3- Konting motibasyon pa

Wow!!! Galing!!!

O, di ba kayang-kaya mong tukuyin ang mga konsepto sa

pagsusuri ng layunin, gamit, metodo, at etika sa pananaliksik.

Halika, may inihanda pa akong mga dapat mong matutuhan at

ilang gawaing mas lalong magpapaunlad sa iyong pagkatuto.

Mga Gawain sa Pagkatuto:

Basahin at sagutin mo.

PAGSUSURI NG PANANALIKSIK

Ano ang pagsusuri ng pananaliksik?

Tumpak! Ang pagsusuri o rebyu ng pananaliksik ay isang akademikong sulatin na

may layuning tingnan o sipatin ang nilalaman ng isang pananaliksik. Ito ay pag-aanalisa sa
kalakasan at kahinaan ng isang pananaliksik. Ito ay sistematikong paraan ng pagtataya sa
pananaliksik at sa mga resultang natuklasan nito. (https: education.nova.edu)
Ang layunin ng pagsusuri ng pananaliksik ay para malaman kung ang mga natuklasan
ay kapaki-pakinabang para sa iyo. (Brink & Wood, 2001)

4
 Bakit kailangan ang pagsusuri ng pananaliksik?

Hindi lahat ng mga pananaliksik na nagawa ay “scientifically sound” o hindi

makaagham ang tunog. Maaari ding ang mga resulta ay hindi nabigyan ng suporta ang
kanilang pagiging balido at maaaring magpahiwatig ng pagiging bias. Kaya kailangan ng
pagsusuri para maitama at mapaunlad ang pananaliksik. (Polit at Beck, 2006)

Ano ang aspekto ng pagsusuri ng pananaliksik?

_________________________________________________________________________

Magaling! May apat na pangunahing aspekto ng pagsusuri ng pananaliksik. Ito ay ang

mga sumusunod:

1. Pag-unawa sa layunin at suliranin, habang tinitiyak kung ang disenyo at

metodolohiya ay tumutugma sa layunin.
2. Pag-alam sa kung ang metodo ay tamang nai-apply.
3. Pag-aanalisa kung ang resulta at kongklusyon ay kapani-paniwala at
sinusuportahan ng mga natuklasan
4. Pagtingin sa pangkalahatang kalidad, kalakasan at mga limitasyon. (Holder, 2003)

________________________________________________________________________
Ano ang mga hakbang sa pagsusuri ng pananaliksik?

Mahusay! Ang pagsusuri ng pananaliksik ay hindi basta-bastang ginagawa. Ito ay may

sinusunod ng mga hakbang sa paraan ng paggawa. Kailangan munang ibuod ng tagasuri ang
pananaliksik, bago gawin ang pagbibigay ng puna sa mga detalye nito. Nararapat ding ang
gagawa ng rebyu ay may kaalaman sa pagbuo ng pananaliksik upang maging maganda ang
pagsusuri.

Maliban sa mga nabanggit, may dalawang napakamahalagang hakbang sa pagsusuri

ng pananaliksik. Ito ay ang mga sumusunod:
1. Basahin ang buong artikulo ng pananaliksik para maintindihan kahalagahan at ambag
nito sa pagdebelop ng kaalaman.
2. Basahin ulit ang artikulo, pagtuunan ng pansin ang katanungang umaangkop sa bawat
bahagi ng proseso ng pagsusuri. (Holder, 2003)

Mahalagang Ideya!
“Ang mga mahahalagang elemento sa
pagsusuri ng pananaliksik ay mapagsasama-
sama sa magkakasunod na mga tanong para sa
proseso ng pagsusuri ng pananaliksik.” (Boswell at
Cannon, 2009)

5
__________________________________________________________________________________
Ano ang uri ng mga tanong sa pagsusuri ng pananaliksik?

Nakuha mo! Ang mga tanong sa pagsusuri ng pananaliksik ay nahahati sa iba’t ibang
uri (Burns at Groove, 2001):
1. Suliranin at Layuning mga Tanong
Suliranin: Ano ang suliraning inilalahad sa pananaliksik? Ano ang suliraning
nais bigyan ng solusyon?

Layunin: Ano ang layunin ng pananaliksik? Malinaw ba ito? Ang

pananaliksik ba ay maaaring idagdag bilang literatura?

2. Metodolohiyang Tanong
Respondents: Ano ang target na populasyon para sa pananaliksik? Paano
pinili ang mga respondents? Sino ang mga kasali? Sino ang hindi? Gaano
karami ang sample?

Instrumento: Ano ang instrumento o gamit sa pananaliksik? Sino ang

gumawa ng instrumento? Gaano kabalido at kapani-paniwala ang
instrumento? Ang instrumento ba ay sumusukat sa mga varyabol? Ang
mananaliksik ba ay naglarawan kung paano kukunin ang kahulugan at iskor
mula sa instrumento?

Disenyo: Ano ang ispesipikong disenyong ginamit? Paano nilikom ang

datos? Ano ang mga hakbang sa panahon ng pananaliksik? May mga
potensya na limitasyon ba ang nakilala at nabigyan ng karampatang
aksyon?

Pag-aanalisa ng Datos: Ang mga estratehiya ba sa pag-aanalisa ay angkop

sa pananaliksik? Ang mga paraan ba sa paglikom ng datos ay kapani-
paniwala?

3. Interpretasyon at Pagtatalakay na mga Tanong

Interpretasyon: Ang mga interpretasyon ba ay batay sa nakuhang datos?
Malinaw bang nakikilala ng mananaliksik ang aktuwal na resulta at
interpretasyon?

Pagtatalakay: Ang mga natuklasan ba ay tinalakay kaugnay sa mga

nakaraang pananaliksik at sa konseptuwal/teoretikal na batayan? Ang mga
datos ba na tinatalakay ay ang aktuwal na nakalap? May mga hindi ba
kanais-nais na paglalahat na ginawa na lagpas sa simple ng pag-aaral?
Ang mga limitasyon ba ng resulta ay tiniyak? Nabigyan ba ng katwiran ang
kongklusyon?
6
_________________________________________________________________________
Paano isusulat ang pagsusuri ng pananaliksik?

Ang pagsulat ng pagsusuri ng pananaliksik ay nakaangkla sa mga tanong na inilahad

sa unahan. Ngunit, ito ay may sinusunod na pangunahing hakbangin ayon sa San Jose State
University (2005). Makikita ito sa talahanayan sa ibaba.

Sanayang Papel sa Pagkritik

Paksa Talakay
Pamagat ng Pananaliksik
Impormasyon ng Mananaliksik
Sariling paglalahad ng layunin ng
pananaliksik
Paglalahad ng mga kaugnay na
teorya/literatura
Paglalahad ng mga suliranin
Instrumentong ginamit (validity at
realibility)
Paglalarawan ng sample
Paglalarawan ng etika sa
pananaliksik
Método sa pangangalap at pag-
aanalisa ng datos
Pagtalakay sa paglalahad ng resulta,
rekommendasyon at konklusyon ng
pananaliksik

Matapos na mapunan ang sanayan, maaari ng isulat sa patalata ang pagsusuri.

Bumuo muna ng burador bago ang pinal na sulatin.
_________________________________________________________________________

MAHAHALAGANG PUNTO

1. Ang mga elemento sa pagsusuri ng pananaliksik ay pinagsama-sama sa mga magkakasunod na

mga tanong para sa proseso ng pagsusuri ng pananaliksik.
2. Ang pagsusuri ay dapat balanse, kinikilala ang kalakasan at kahinaan ng pananaliksik.
3. Ang pagsusuri ng pananaliksik ay isang kakayahan na nadedebelop sa pauli-ulit nan pag-eensayo.
4. Ang pagsusuri ng pananaliksik ay dapat kinokonsidera ang aplikabiliti ng resulta ng pananaliksik
sa larang.

Yehey!!! Nasundan mo ba ang talakay kung paano suriin ang

pananaliksik batay layunin, gamit, metodo, at etika ng pananaliksik.

7
 Mabuti kung ganoon. Natutuwa akong unti-unting nagiging malinaw sa iyo ang
pagsusuri ng pananaliksik batay sa layunin, gamit, metodo, etika gayundin sa mga dapat
pang isalalang-alang sa pagsusuri nito.

Ano’ng mahahalagang impormasyon ang iyong nalaman?

Makatutulong kaya ang mga ito sa iyong pag-aaral?

Markahan sa ibaba ang antas ng iyong pagkaunawa:

Lubos na naunawaan
Naunawaan
Naguluhan

Simulan mo na ang iba’t ibang gawain.

___________________________________
SIPATIN MO!

Panuto: Basahin ng maigi ang pananaliksik ni Asst. Professor

Raymond M. Pasion ng Davao Oriental State College of Science
and Technology, Mati City, Davao Oriental (sipi mula sa oaji.net) Pagsasanay
at pagkatapos sagutin ang mga sumusunod tanong sa inyong
sagutang papel.

1. Tungkol saan ang pananaliksik?

2. Ano ang layunin ng pananaliksik? Tama ba ang pagkakalahad nito? Umangkop ba sa
pamagat? Ano ang kahalagahan sa pagtuklas nito?
3. Ano ang ginamit na instrumento sa pangangalap ng datos? Tugma/akma ba ang
instrumento? Natiyak ba nito ang layunin ng pag-aaral? Masasabi bang balido ang
instrumento sa pangangalap ng datos?
4. Paano kinalap ang mga datos? Anong mga hakbang ang isinagawa ng mananaliksik?
Angkop ba ang mga ito? May bias ba sa pangangalap ng datos?
5. May isinasalang-alang ba sa pangangalap ng datos? Ano ang mga ito? Mahalaga
bang isaalang-alang ito? Patunayan.

8
9
10
11
12
13
 Dahil madali mo lang nasagutan ang unang pagsasanay,
heto pa ang isa pang gawaing magpapatibay ng iyong
kaalaman.

COMPLETE ME!

Panuto: Balikan ang pananaliksik na inilahad sa unang pagsasanay, basahin itong

muli at ilagay ang iyong mga puna sa talahanayan kaugnay ng binabanggit na bahagi
ng pananaliksik. Gamitin ang rubrik na nasa pahina 21.

Gabay sa Pagsusuri ng Pananaliksik

(Hango sa https://www.ausmed.com/cpd/articles/critique-a-research-article)
Paksa Talakay

Pamagat ng Pananaliksik

Impormasyon ng Mananaliksik

Sariling paglalahad ng layunin ng

pananaliksik

Paglalahad ng mga kaugnay na

teoría/literatura

Paglalahad ng mga suliranin

Instrumentong ginamit (validity at

realibility)

Paglalarawan ng sample

Paglalarawan ng etika sa
pananaliksik

Método sa pangangalap at pag-

aanalisa ng datos

Pagtalakay sa paglalahad ng
resulta, rekommendasyon at
konklusyon ng pananaliksik

14
Balikan ang mga nagawa sa mga naunang pagsasanay. Ihanda ang iyong mga
nagawa para sa susunod na gawain.

WRITE, RIGHT!

Pagsasanay Panuto: Gamit ang naitalang pagsusuri sa

3 pananaliksik na nasa talahanayan mula sa
kasagutan sa Pagsasanay 2, isulat nang maayos
ang suri sa patalatang paraan upang mabuo ang
isang suring-papel pananaliksik. Gumamit ng malinis na papel para dito. Sundin
ang format na inilalahad sa ibaba. Gamitin ang rubrik sa pahina 21.

Pangalan: ____________________ Paaralan: ___________________

Kurso/Seksyon: ________________ Petsa: ____________________

(Pamagat ng Sulatin)

____________________________________________________________
__________________________________________________________________
__________________________________________________________________
________________.

____________________________________________________________
__________________________________________________________________
__________________________________________________________________
___________.

____________________________________________________________
__________________________________________________________________
________________________________.

____________________________________________________________
__________________________________________________________________
___________________.

15
 Nasagutan mo lahat na pagsasanay.

Anong naramdaman mo matapos malaman ang

resulta ng iyong pagsisikap?

 ☺ 

Ang bahaging ito ng modyul ay susukat sa mga natutuhan mo sa loob

ng aralin. Huwag kang matakot dahil alam kong kayang-kaya mo
ito. Huling pagsubok na lamang ito na kailangan mong gawin.

Panapos na Pagsubok

EXCHANGE PAPER!

Panuto: Ikaw at ang iyong kapangkat ay may ginawang pananaliksik sa

Komunikasyon at Pananaliksik sa Wika at Kulturang Pilipino sa iyong kamag-aral. Balikan ito
at Suriin upang makagawa ng suring-papel ng pananaliksik. Gamitin ang gabay na
talahanayan bago isulat ang pinal na suri.
Gamitin ang RUBRIK sa ibaba upang maging patnubay para maging epektibo ang
gagawin.

Pamantayan sa Pagbuo ng Pagsusuri ng Pananaliksik Puntos

Ang pagsusuri ay malinaw at madaling maintindihan. 5

Ang suri ay matapat at walang bahid ng kasinungalingan. 5

Ang suri ay nakatuon lamang sa dapat na suriin na detalye sa 5
pananaliksik.
Ang suri ay nagtatampok ng mga puna sa kalakasan at 5
kahinaan ng pananaliksik.
Ang suri ay naglalahad kabuuang larawan ng pananaliksik 5
batay sa layunin, metodo, gamit, at etika ng pananaliksik.
Kabuoang Puntos 25

16
KARAGDAGANG GAWAIN:
• Makipagpalitan ng ginawang pananaliksik sa Komunikasyon at Pananaliksik sa Wika
at Kulturang Pilipino sa iyong kamag-aral. Suriin ito at gumawa ng suring-papel ng
hiniram na pananaliksik. Sa may access sa internet, maaaring pumili ng isang
pananaliksik sa Filipino na makikita sa isang website at gawan ng suring papel.
• Maging gabay pa rin ang rubric sa pahina 21. Isumite ang iyong suring papel sa
susunod na linggo na maaaring computerized, type-written o handwritten.

Yehey!

Malapit mo nang matapos ang araling ito. Iwasto ang

iyong mga sagot sa pahina 18.
Ilang bituin kaya ang iyong matatanggap? Suriin sa ibaba.

 nagawa lahat  1 hindi nagawa

 2 hindi nagaw  3 pataas hindi nagawa

Ganoon pala ang

pagsusuri ng
pananaliksik.

Mabusisi ito pero

na-enjoy ko ang
mga gawain sa
pagsasanay.

Sa wakas ay narating mo ang

dulo ng aralin. Ang saya-saya ko
at napagtagumpayan mo ang
mga pagsasanay at gawain.

Epic di ba!!!?
Oh, hanggang sa muli!

17
 18
Panimulang Pagsubok
1G
2L
3M
4E
5G
Pagsasanay 1, 2, & 3 Panapos na Pagsubok
Magkakaiba ang kasagutan ng mga mag-aaral.
Gagamitin ang Rubrics sa pagmamarka ng awtput.
Susi sa Pagwawasto
Sanggunian

Averion, Gisella et.al. (2015). Karanasan ng batang ina: isang pananaliksik. LPU Laguna
Journal of Arts and Sciences: Psychologival Research Journal Vol. 2, No. 2 September 2015.
Research and Staticstics Center LPU Laguna. lpulaguna.edu.ph/.../KARANASAN-NG-ISANG-
BATANG-INA-ISANG- PANANALIKSIK.pdf
1. Balunsay, Jovert R. (2020). Maunlad na pananaliksik sa Filipino. 61 Murralla St., Intramuros,
Manila: Mindshapes Co., Inc.
2. Baraceras, Esther l. (2016). Practical Research 1 (First Edition). Quezon City: Rex Bookstore.
3. Boswell, C., & Cannon, S. (2009). Critique process. In C. Boswell & S. Cannon (Eds.),
Introduction to nursing research: Incorporating evidencebased practice (pp. 291-316).
Retrieved from http://samples.jbpub.com/ 9780763794675/Critique_Process.pdf
4. Brink, P. J., & Wood, M. J. (2001). Basic steps in planning nursing research from question to
proposal (5th ed.). Boston, MA: Jones and Bartlett.
http://virtual.clemson.edu/group/odce/summer1_03/nursT807/pdf
5. Broadway, M. & Zamora, C. (2018). Ang Filipino Bilang Wika sa Matematika: Isang
Palarawang Pagsusuri sa Kaso ng isang Pribadong Paaralan (Filipino as a Language of
Mathematics: A Descriptive Analysis in the Case of a Private School in the Philippines)
Philippine Normal University. The Normal Lights Volume 12, No. 1
(2018)https://pdfs.semanticscholar.org/.../
cd3e951c82c11bc0890a386bf77a6a3f3bee.pdf
6. Carillo, RC. et.al (2019). Epekto ng paggamit ng social media sa paggamit ng wika. Mapua
Univeristy.
https://www.researchgate.net/.../340953850_Epekto_ng_Paggamit_ng_Social
_Media_sa_Paggamit_ng_Wika
7. Fungo, Charina.(2015). Information and Computer Technology gamit sa pagtuturo ng florante
at laura. Unpublished Masteral Thesis. Sorsogon State College, Sorsogon City.
8. Holder, B. (2003). The research critique. Available at
http://virtual.clemson.edu/group/odce/summer1_03/nursT807/pdf
9. Pasion, Raymond M. (2014). Varyasyong Leksikal sa mga Dayalektong Mandaya.Davao
Oriental State College of Science & Technology. Mati City, Davao Oriental, Philippines.
Published Thesis. Asia Pacific Journal of Multidisciplinary Research. Vol. 2, No.6 (December
2014). oaji.net
10. Polit D. Beck C (2006) Essentials of Nursing Care: Methods, Appraisal and Utilization. 6th
edn. Lippincott Williams and Wilkins, Philadelphia
https://www.unm.edu/~unmvclib/cascade/handouts/critiquingresearchpart1.pdf
12. https://www.ausmed.com
13. https://www.dictionary.com/browse
14. https://www.englishclub.com
15. https://www.merriam-webster.com/dictionary
16. https://quizlet.com

19
Para sa iba pang tanong at puna, maaaring sumulat o tumawag sa:

Kagawaran ng Edukasyon Rehiyon V

Regional Center Site, Rawis, Legazpi City 4500

Mobile Phone: 0917 178 1288

Email Address: region5@deped.gov.ph