epektibo niyang maituro ang isang akdang pampanitikan?
Para sa akin, ituturo ko ang panitikan sa pamamagitan ng paggamit ng
estratehiya sa pagtuturo. Ayon kay Villafuerte, et al (2008) ay katulad din sa metodo, ang estratehiya ay isang planadong metodo tungo sa pagkakamit ng mga layuning pampagkatuto. Dapat ang isang guro ay handa sa kanyang ituturo at gagamit ng estratehaya upang masmakabuluhan at buhay ang patuturo ng panitikan. Marahil sa pamamagitan nito ay magkakaroon ng interes ang mga mag-aaral sa pakikinig o pag-unawa sa paksa. Maari ko itong simulan sa pagganyak na kung saan magbibigay muna ako ng mga katanongan na konektado sa paksang tatalakayin upang mabigyan ng ideya ang mga mag- aaral. Pagkatapos ng pagganyak ay maaari ko ng ilahad ang sa mga mag-aaral ang paksang tatalakayin at dito magsisimula ang aming talakayan. Pagkatapos ng talakayan ay magbibigay ako ng gawain upang masukat ko ang kanilang pag-unawa.
Sa panahon natin ngayon kung saan ang mga mag-aaral ay mahilig sa
makabagong teknolohiya ay kailangan natin sabayan ang kanilang nais upang mas epektibo ang pagtuturo ng guro sa akdang pampanitikan, maaari nating gamitin ang teknolohiya upang masmapadali ang pagtuturo. Bilang isang magiging guro balang araw, dapat ang guro ay may angking kasanayan sa akdang ituturo upang maging epektibo ang pagtuturo sa panitikan. Ang guro ay dapat may sapat na kaalaman sa kanyang ituturo upang maibahagi niya ng maayos ang kanyang mga natutunan at nalalaman. Dapat ang guro ay may mga nakahandang estratehiya sa pagtuturo upang maging makabuluhan ang kanyang pagtuturo upang magkaroon ng interes ang mga mag-aaral sa pakikinig at para masmaunawan nila ang tinatalakay na paksa at higit sa lahat dapat ang isang guro ay malikhain pagdating sa pagtuturo ng akdang pampanitikan para mapukaw ang interes ng mga mag-aaral.