TEKSTONG

PERSWEYSIB
O HALIMBAWANG
TEKSTO
EDUKASYON: SUSI NG TAGUMPAY
ni : Rona Jean M. Diaz

Maraming kabataan ngayon ang tinatamad ng mag-aral, may iilan naman nahinto dahil
sa kahirapan at pinili na lang magtrabaho para may makain. Isa ito sa problemang
kinakaharap ng ating bansa. Dumarami ang out-of-school youth sa mga lugar na hindi na
abot ng tulong ng pamahalaan.

Isa ka ba sa mga kabataan na iyon? Kung oo, isapuso ang bawat mababasa mo sa
tekstong ito. Edukasyon ang susi sa tagumpay mo sa buhay, kung mananatili ka lamang sa
sitwasyon mo ngayon walang uusbong na pagbabago sa ating bansa. Nahinto ka man sa
pag-aaral, maraming ahensya ang gobyerno na nagbibigay ng pagkakataon sa mga tulad mo
na makapag-aral ulit.

Edukasyon ang tanging sandata mo para magtagumpay sa buhay. Hindi ka

matatapakan at yuyurakan ng iba dahil alam mo sa sarili mo na may pinag-aralan ka at
ginagamit mo ito sa tama. Alalahanin mo na pagnakatapos ka magiging masaya ang mga
magulang mo. Mabibigay mo sa kanila ang gusto mo at mapapasyal mo sila sa
magagandang lugar.

Pagnatapos mo ang kursong iyong kinuha magiging madali sa iyo na makahanap ng

trabaho. Makakaipon ka at mabili ang gusto mo. Makakapaglaan ka ng pera para sa pagbuo
mo ng sarili mong pamilya. Isang paalala sa iyo ang naging karanasan mo noong bata ka pa,
mas mabuting makapagtapos ng pag-aaral ang magiging anak mo.

O ano? Nagising ko ba ang diwa mo? Mag-aral ka ulit kapwa ko kabataan, hindi pa huli
ang lahat. Magsikap ka at may tutulong sayo upang matupad mo ang iyong mga pangarap
sa buhay. Bangon kabataan, bangon para sa kinabukasan ng ating bayan.

PAHINA 09
TEKSTONG
PERSWEYSIB
O PAGSUSURI

PAKSA
 Kahalagahan ng Edukasyon o Pag-aaral

ETHOS
Ang may-akda ng sanaysay ay si Rona Jean Diaz. Siya ay isang propesyunal na guro
at isang manunulat. Ito ay nakadadag sa kanyang kredibilidad na maghatid ng
makakatohanang pahayag patungkol sa kanyang paksa

LOGOS
Ang teksto ay naging obhetibo kahit na ito ay nagkulang ng pagbibigay ng aktwal na
datos galing sa mga pag-aaral. Ito’y dahil naging direkta ang akda sa kanyang layunin na
makapanghikayat, at lahat ng nasabing dahilan ay nakabase sa reyalidad o walng bahid ng
sariling opinion ng may-akda.

PATHOS
Gamit ang sariling pamamaraan ng pananalita ng may akda, unti-unti nitong
pinapalabas at pinaparamdam ang damdamin na nais niyang maibigay sa mga mambabasa.

PANANAW SA TEKSTO
Isa itong halimbawa ng tekstong dapat na makita, mabasa o marinig ng bawat
estudyanteng nawawalan na ng gana o kaya naman tumigil na sa pag-aaral. Ito ay paalala at
panawagan sa bawat mag-aaral na sila’y magsikap na tapusin ang kanilang pag-aaral
sapagkat ito ang pwedeng makapagbigay sa’yo ng mas mataas na posibilidad sa pag-abot
ng tagumpay.

PANANAW SA MAY AKDA

Siya ay kakikitaan ng kahusayan sa pagsusulat partikular na sa paghihikayat base sa
kung paano niya binuo ang akdang ito. Siya rin ay isang magandang halimbawa ng
manunulat na ginagamit ang kanyang kahusayan upang magdulot ng magandang
pagbabago sa mga mambabasa. At higit sa lahat, mahihinuha sa tekstong ginawa niya na
siya ay isang tagapagtaguyod ng kahalagahan ng pag-aaral.

PAHINA 10