PARTURENA

PESTA PARNINGOTAN ARI HANANAEK NI TUHAN JESUS

HKBP DISTRIK VIII DKI JAKARTA

Topik:
GABE SITINDANGI NI KRISTUS
(Lukas 24:44-53)

KAMIS, 13 MEI 2021

1. JOUJOU TU PARSAORAN TU TUHAN I (L: Liturgis; R: Ruas)
L : Huria na hinaholongan ni Tuhan Jesus Kristus. Gok las ni roha do
saluhut halak Kristen sadari on, manghalashon Pesta Parningotan
 Ari Hananaek ni Tuhan Jesus tu banua ginjang. Hananaek ni Tuhan
Jesus patoguhon panghirimonta tu Kristus, paboa ndang portibi on
ujung ni pardalanan ni angka na porsea di Ibana, alai surgo
hasonangan i do. Alani i, tangkas do hatindanghononta:

J : ALE JESUS KRISTUS, DI HO MA TAMA PUJIPUJIAN, HASANGAPON

RO DI SALELENG NI LELENGNA

L : Hananaek ni Tuhan Jesus pahothon rohanta do i asa tongtong

margogo di bagasan panghirimon paboa na so ditadingkon Jesus
angka ruasNa mangadopi hamaolon lumobi ma pandemi Covid- 19.
Alani, di bagasan unduk dohot serep ni roha, tapahibul ma rohanta
marparsaoran tu Tuhanta Jesus Ulubalang na gogo i. Marende ma
hita.

2. Marende No. 99:1,3 “O Ulubalang na gogo”

O Ulubalang na gogo songon sadari on do Ho manaek tu hasangapon.
Naung sidung do ulaonMi na ringkot patupaonMi humophop hajolmaon.
Sabam, tongam do Ho muli tu na uli marhabangsa di siamun ni Jahowa..
-------------------jongjong -------
O Jesus Ho do Ulu ni luhutna na porsea i ruasMu anggo hami. Ho
hangoluannami on Ho hasonangannami on Ho hagogoonnami. Suru, togu
rohanami, asa hami mangalehon tu Ho nasa hasangapon

3. VOTUM INTROITUS DOA

L : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on, amen. Songon on do didok Tuhan i: BahenonKu do sogot na
monang i rap dohot Ahu hundul di habangsangKi, songon Ahu na
monang i jala hundul rap dohot Damang di habangsaNa i haleluya

R : (mangendehon) HALELUYA, HALELUYA, HALELUYA

L : Martangiang ma hita! Ale Tuhan Debata Pargogo na so hatudosan. Sai

pargogoi ma hami manghaporseai AnakMu na Sasada i, Sipangolu
hami, na manaek tu surgo, asa huparrohahon hami roha banua ginjang

2|
 marhitehite Anak haholongan ni rohaM, Tuhan Jesus Kristus,
Tuhannami. Amen. ----hundul-----

4. Marende No.98:1 “Naung Manaek do Ho”

Naung manaek do Ho lao tu surgo do. Ale Jesus Rajanami Ho do
ihuthononnami. Ho Partogi i lao tu surgo i.

05. PATIK:
L : Tangihon hamu ma patik ni Debata di Pesta Parningotan Ari
Hananaek ni Tuhan Jesus sadari on, ima na tarsurat di Rom 12:11:
“Unang ma sumurut ringgas ni rohamuna. Partondi na girgir ma
hamu, oloi hamu ma Tuhan i”. Antong rap mangido gogo ma hita
tu Tuhanta laho mangulahon patikNa i.

L+R : Ale Tuhan Debata, sai pargogoi ma hami mangulahon na hombar tu

patikMi, Amen.

6. Marende No. 101:1,3 “Taiti Gogo Ihut tu Ho”

Taiti gogo ihut tu Ho palungun rohanami tu surgo i ingananMi o Jesus
Tuhannami.
----jongjong---
Alai tahe suraon be so oloanMu hami? PinorsanMi do dosa i lao paluahon
hami.

7. MANOPOTI DOSA
L : Tatopoti ma dosanta tu adopan ni Debata, martangiang ma hita.
Ale Tuhan Debata Amanami, Parasiroha na sumurung. Na pungu
do hami di joloM martangiang tu Ho; ndada mangasahon
hatigorannami, na mangasahon asi ni rohaM na godang i do.

R : Sai asi ma rohaM mida sandok bangsonami, sesa ma dosanami

saluhutna.

L : Nunga manaek Ho tu banua ginjang, gabe Raja ni angka raja, asa tu

ho pamusatan ni panghirimonnami. Alai, sipata do tartait
rohanami mambahen angka na di portibi on gabe pamusatan ni

3|
 panghirimonnami. Ndang satia hami tu Ho di sude tingki dohot na
masa.

R : Asi ma rohaM di hami ale Tuhan, urupi ma hami, asa humolong jala
umpos rohanami tu Ho sian angka na asing.

L : Sai sungguli ma rohanami, asa muba roha dohot pangalahonami,

ala ni Tuhan Jesus Kristus Tuhannami, Sipangolu hami. Amen
------------------hening-----elekton....BE. No.88--------

Bagabaga ni Debata taringot tu hasesaan ni dosanta:

Songon on do Hata ni Tuhan Jahowa: Unang ho mabiar, ai Ahu do
Siluluhon ho; nunga pola hujou goarMu, Ahu nampuna ho.
Hasangapon ma di Debata na di ginjang!

L+R : Amen.-

8. Marende No. 666:4 “Ingkon do Boanonta Barita”

Ingkon do hita manghatindanghon Jesus Kristus Partobus i. Asa tu toropna
na olo manjanghon na sintong i, manjanghon na sintong i. Ai naung binsar
do hatiuron nunga salpu na holom i. Huaso ni Kristus hot tongtong
salelenglelengna i.

9. EPISTEL:
L : Hata ni Debata turpuk di Pesta Parningotan Ari Hananaek ni Tuhan
Jesus sadari on, ima Epesus 1:15-23 : Asa ahu pe, dung hubege,
naung porsea hamu di Tuhan Jesus jala holong rohamuna di
saluhut angka na badia,

R : Ndang mansadi ahu mandok mauliate siala hamu, marningot hamu,

di na martangiang ahu:

L : Anggiat dilehon Debata ni Tuhanta Jesus Kristus, Ama ni

hasangapon i, tu hamu Tondi hapistaran dohot pangungkapon
mananda Ibana.

4|
 R : Dipatiur ma mata ni rohamuna, asa diboto hamu rumang ni arta
sihirimon sian panjouonna i ro di surung ni hasangapon, siteanon ni
angka na badia i.

L : Asa ditanda hamu nang hagogok ni gogoNa na sumurung i na tu

hita, angka na porsea sian pangkorhon ni hagogoonNa na
marmulia i.

R : Ai di Kristus do i diulahon Debata, di na pinaheheNa i Ibana sian na

mate jala pinahundulNa i tu siamunNa di bagasan banua ginjang i,

L : Tu ginjang ni nasa harajaon dohot huaso, nang hagogoon dohot

hamuliaon, nang tu ginjang ni nasa goar na tarhatahon, ndada
holan di hasiangan on, dohot do di na ro sogot.

R : Saluhutna do dipatunduk tutoru ni patna, jala dipabangkit do Ibana,

na mangatasi sasude, gabe ulu ni huria i.

L : I do pamatangna na manggohi Ibana, asa gohanna sasude di

bagasan saluhutna. Ima sahatna. Martua do angka na
tumangihon Hata ni Debata jala na umpeopsa, Amen.

10. Marende No. 769:1 “Tu Debata do Panghirimon” (Jongjong)

Tu Debata do panghirimonhi, di tano laut nang awangawang i. Ibana do
haposanhi tongtong do diramoti langkangki. Torop pe mara manahopi au,
Debatangki do sumarihon au. Pos rohangki sonang do au. Ibana do na
mandongani au.

11. MANGHATINDANGHON HAPORSEAON

L : Tahatindanghon ma haporseaonta i, songon na hinatindanghon ni
donganta di sandok portibi on, rap ma hita mandok:
L & R : Ahu porsea........d. u....amen.
---- hundul ---
12. Marende No. 519:1---“Tarbege do Panjou ni Kristus” (Pelean Ia,Ib)
Tarbege do panjou ni Kristus torus di tano Batak i: Ise na sumeahon hosa, ise
mangkophop dongan i? Ref: Hita sude, naeng marade nang dilele, da,
haposanma di Debata.

5|
 Na olo hita paboahon holong do Jesus Tuhan i. Naung saut malua do dibahen
ama nang ina Batak i. Ref: Hita……
Antong, ringgas ma lao mamboan barita ni Tuhanta i. Tu angka marga di na
holom, asa dapotan dohot i. Ref: Hita……

Ulahon ma mangkatindangkon Kristus nampuna hita on, Asa torop dope

barani marsomba tu Rajanta on. Ref: Hita……

13. Jamita: Lukas 24:44-53

14. Marende No 670:1-- “Tarbege Soara na Joujou”(Pelean tu Pengmas
HKBP)
Tarbege soara na joujou, tongos ma sondangmi. Tung torop parbegu di na
holom i, tongos ma sondangmi. Ref: Tongos ma barita na uli mandungoi na
modom i. Tongos ma Barita na uli mandungoi na modom i.
Tarbege ma angguk na joujou, tongos ma sondangmi. Taurupi ma angka na
lilu i, tongos ma sondangmi,
Ref: Tongos ma ………
Unang sai tarhinsu pintu ni roham, tongos ma sondangmi, Baritahon Hata
Hangoluan i, tongos ma sondangmi.
Ref: Tongos ma ………

Holong ni roham ma na mangonjar ho, tongos ma, sondangmi. Tumpal

hangoluan i rade di ho, tongos ma sondangmi.
Ref: Tongos ma………

16. PARSURUON (P: Parjamita)

P : Nunga manaek Jesus Kristus tu habangsaNa di Surgo, habangsaNa
na tumimbo sian angka surusuruan. Alani i, tu Ibana ma
panghirimonta, jala porsea ma hita tu Ibana di sude tingki dohot na
masa.

R : Ai anggo holan di tano on do hita manghirim di Kristus i, hita ma

jolma na dumangol.

P : Taulahon ma parsuruon ni Tuhan Jesus, margurasa ma rohanta

mamaritahon Barita na Uli tu portibi on marhite gulmit ni

6|
 ngolunta, ai taboto do urupan ni Tondi Parbadia do hita
patulushon lomo ni roha ni Tuhanta.

R : (mangendehon) BE. No. 672:3 ”Tung Godang situtu”

Alani boan ma sondang na tiur i, boan ma hata ni Tuhan i. Sai urupi
na pogos na mardangol i asa ro tu Jesus Tuhanta i. Sai patupa ma i
ala ni Tuhan i so manghirim balosna tu ho. Debata do marnida na
niulami manang na adong parbue ni i.

17. TANGIANG: PELEAN, ARI HANANAEK, ALE AMANAMI, PASUPASU

7|