8

Araling Panlipunan
Ikaapat na Markahan – Modyul 6:
Iba’t Ibang Ideolohiyang Politikal at
Ekonomiko

i
Araling Panlipunan – Ikawalong Baitang
Alternative Delivery Mode
Ikaapat na Markahan – Modyul 6: Iba’t Ibang Ideolohiyang Politikal at Ekonomiko
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.
Walang anumang parte ng materyales na ito ang maaaring kopyahin o ilimbag sa
anumang paraan nang walang pahintulot sa Kagawaran.
Inilathala ng Kagawaran ng Edukasyon
Kalihim: Leonor Magtolis – Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Wilson B. Quintao

Editor: Gemma F. Depositario EdD
Tagasuri: Marites A. Abiera
Tagaguhit: Typesetter
Tagalapat: Mila A. Reyes

Tagapamahala: Senen Priscillo P. Paulin CESO V Rosela R. Abiera

Joelyza M. Arcilla EdD Maricel S. Rasid
Marcelo K. Palispis EdD Elmar L. Cabrera
Nilita L. Ragay EdD
Carmelita A. Alcala EdD

Inilimbag sa Pilipinas ng ________________________

Department of Education –Region VII Schools Division of Negros Oriental
Office Address: Kagawasan, Ave., Daro, Dumaguete City, Negros Oriental
Tel #: (035) 225 2376 / 541 1117
E-mail Address: negros.oriental@deped.gov.ph

1
 Alamin
Pag-aralan mo sa araling ito ang iba’t ibang ideolohiyang politikal at ekonomiko na
umiiral sa daigdig. Inaasahang magbigay ka ng iyong sariling pananaw tungkol sa mga isyung
pampolitika at pang ekonomiya. Inaasahan din ang aral na mapupulot mo rito ay magiging
gabay mo upang masagot ang mga katanungang paano nakaapekto ang iba’t ibang
ideolohiyang pampolitika at pang ekonomiya sa kaunlaran ng mga bansang papaunlad pa
lamang? Halika at simulang basahin ang aralin.

Most Essential Learning Competency:

Nasusuri ang mga ideolohiyang politikal at ekonomiko sa hamon ng estabilisadong institusyon
ng lipunan. AP8AKD-IVi-9

Layunin:
K: Naihahambing ang mga bahaging ginampanan ng iba’t ibang ideolohiyang pampolitika
at ekonomiko sa buhay ng tao;

S: Nakagagawa ng isang larawan o isang guhit sa pamamagitan ng pagbibigay ng halimbawa

ng tugon ng mga ideolohiyang politikal at ekonomiko sa hamon ng matatag na institusyon ng
lipunan.

A: Nakabubuo ng tsart na nagpapakita ng pagpapahalaga ng mga katangian ng iba’t ibang

ideolohiyang political at ekonomiko.

Subukin
Panuto: Piliin ang wastong sagot. Isulat ang titik ng wastong sagot sa kwaderno.
1. Nakasentro sa paraan ng pamumuno at paraan ng pakikilahok ng mga mamamayan sa
pamamahala.
A. Ideolohiyang Panlipunan C. Ideolohiyang Pampolitika
B. Ideolohiyang Pangkabuhayan D. Wala sa nabanggit
2. Ang nagpakilala ng salitang ideolohiya bilang pinaikling pangalan ng agham ng mga
kaisipan o ideya.
A. Nostradamus B. Adam Smith C. Karl Marx D. Desttutt de Tracy

3. Anong uring pamahalaan ang sistemang diktatoryal?

A. Totalitaryan B. Demokrasya C. Republika D. Konstitusyunal

4. Ang kapangyarihang ng pamahalaang demokrasya ay nasa kamay ng ____________?

A. iilang mga tao B. mga tao C. Presidente D. Diktador

5. Ayon sa ideolohiyang ito, sa pamamagitan ng kompetisyon ng mga negosyante, higit na

mapahuhusay ang kalidad ng bawat produkto at serbisyo sa pamilihan.
A. Sosyalismo B. Kapitalismo C. Pasismo D. Marxismo

1
6. Isang aklat na isinulat ni Karl Marx na naglalarawan sa kanyang mga teorya sa
ekonomiya.
A. Pigafetta’s Chronicle C. Das Kapital
B. Wealth of Nations D. The Economist
7. Kilalang diktador sa ilalim ng pamahalaang totalitarian sa Germany.
A. Benito Mussolini C. Che Guevarra
B. Kim Jong-un D. Adolf Hitler
8. Sa ilalim ng pamahalaang demokrasya, bago maupo sa puwesto ang mga kandidato ay
magkaroon muna ng________________?
A. mayayamang tagasuporta C. Eleksiyon o Halalan
B. mga armas D. maraming pera

9. Sa ibaba ay may mga bansang yumayakap sa ideolohiyang sosyalismo maliban

sa____________?
A. North Korea B. Cuba C. Vietnam D. Pilipinas

10. Layunin ng ideolohiyang ito na tuluyang lansagin ang di-pagkapantay-pantay ng mga

mamamayan batay sa uri (class) na kanilang kinabibilangan.
A. Pasismo B. Komunismo C. Demokrasya D. Kapitalismo

Balikan
Panuto: Balikan mo ang mga pagsisikap ng mga bansa na makamit ang kapayapaang
pandaigdig at kaunlaran. Sagutin at isulat sa kuwaderno ang iyong sagot.

1. Ano ang ibig sabihin ng UN?

2. Magbigay ng pangunahing layunin na pinagkasunduan ng mga bansang nagkakaisa.
3. Bakit kailangan ng pangmatagalang kapayapaan sa buong mundo?

Tuklasin
Panuto: Tingnan at suriing mabuti ang mga larawan na iyong nakikita, at pagkatapos ay
sagutin ang mga tanong na nasa ibaba. Isulat ang sagot sa kwaderno.

https://www.google.com.ph/search?q=philippine+election https://www.google.com.ph/search?q=dictatorship
+symbol&tbm

2
https://www.google.com.ph/search?q=mayayaman+at+mahihirap https://www.google.com.ph/search?q=pagkapantay+pantay+sa+lipunan

Mga Gabay na Tanong.

1. Ano ang iyong masasabi tungkol sa mga larawan na iyong nakita?
2. Nagaganap kaya sa totoong buhay ang mga pangyayari ito sa kasalukuyan?
Ipaliwanag.
3. Nais mo bang maging isang pulitiko o di kaya’y isang mayaman at kilalang
negosyante? Oo o Hindi? Bakit?

Suriin
Ang Kahulugan ng Ideolohiya

Ito ay isang sistema o kalipunan ng mga ideya o kaisipan na naglalayong

magpaliwanag tungkol sa daigdig at sa mga pagbabago nito. Ang nagpakilala nito ay si Destutt
de Tracy.
Iba’t ibang kategorya ng Ideolohiya:

1. Ideolohiyang Pangkabuhayan – Nakasentro ito

sa mga patakarang pang-ekonomiya ng bansa
at paraan ng paghahati ng mga kayamanan para
mga mamamayan.
2. Ideolohiyang Pampolitika – Nakasentro naman ito
sa paraan ng pamumuno at sa paraan ng pakiki-
lahok ng mga mamamayan sa pamamahala.
3. Ideolohiyang Panlipunan – Tumutukoy ito sa pag-
kakapantay-pantay ng mga mamamayan sa tingin
ng batas at sa iba pang pangunahing aspeto ng
pamumuhay ng mga mamamayan.
Antoine Desttutt deTracy
https://tinyurl.com/cj3re433

3
Ang Iba’t Ibang Ideolohiya
1. Kapitalismo – Isang sistemang pangkabuhayan kung saan ang produksiyon,
distribusyon, at kalakalan ay kontrolado ng mga pribadong mangangalakal. Ayon sa
ideolohiyang ito, sa pamamagitan ng kompetisyon ng mga negosyante ay higit na
mapapahusay ang kalidad ng bawat produkto at serbisyo sa pamilihan.

2. Demokrasya – Ang kapangyarihan ng pamahalaan ay nasa kamay ng mga tao.

karaniwang pumipili ang mga tao, sa pamamagitan ng halalan o eleksiyon, ng mga
kinatawan na siyang hahawak sa kapangyarihan o pamahalaan sa ngalan nila.

3. Awtoritaryanismo – Isang uri ng pamahalaan kung saan ang namuno ay may lubos
na kapangyarihan. Mayroon namang tinatawag na konstitusyonal na awtoritaryanismo
kung saan ang kapangyarihan ng namuno ay itinakda ng Saligang Batas. Ito ang
tawag ng dating Pangulong Ferdinand Marcos sa kaniyang pamamahala sa ilalim ng
Batas Militar noong 1972 hanggang Pebrero, 1986. Pagkatapos nito ay naupo si
Corazon C. Aquino at nanumbalik ang demokrasya sa bansa.
Makikita sa ibaba ang larawan nina Dating Pangulong Corazon C. Aquino at Ferdinand Marcos .

Corazon c. Aquino Ferdinand E. Marcos

https://tinyurl.com/oazo8mzj https://tinyurl.com/1mmygmv4

4. Totalitaryanismo - Karaniwang pinamunuan ng isang diktador o grupo ng taong

makapangyarihan. Limitado ang karapatan ng mga mamamayan sa malayang
pagkilos, pagsasalita at pagtutol sa pamahalaan. Nasa kamay ng pamahalaan ang
pag-aari ng mga lupain, kayamanan ng bansa at mga industriya. Halimbawa nito ang
pamamahala ni Adolf Hitler sa Germany at ni Mussolini sa Italy bago at habang
nagaganap ang Ikalawang Digmaang Pandaigdig. Isang uri ng pamahalaang
totalitaryan ang sistemang diktatoryal kung saan kontrolado ng pamahalaan ang
ekonomiya, mass media, simbahan, at pati kaisipan ng mga mamamayan.

5. Komunismo – Layunin ng ideolohiyang ito na tuluyang buwagin ang di-pagkapantay-

pantay ng mga mamamayan batay sa uri (class) na kanilang kinabibilangan. Sa ilalim
ng komunismo, ang mga kagamitan sa produksiyon ay kolektibong pagmamay-ari at
pinangangasiwaan ng lahat ng mamamayan. Para kay Karl Marx na siyang may-akda
ng librong Das Kapital, ang komunismo ang pinakamataas na yugto na maaring abutin
ng ebolusyon ng lipunan. Lahat ay pantay-pantay ang katayuan sa buhay at sama-
samang nakikinabang sa produksiyon.
6. Sosyalismo – Isang doktrina na nakabatay sa patakarang pang-ekonomiya na kung
saan ang pamamalakad ng pamahalaan ay nasa kamay ng isang pangkat. Ang

4
 pangkat na ito ang nagtatakda sa pagmamay-ari at sa pangasiwa ng lupa, kapital, at
mekanismo ng produksiyon. Hangad ng sosyalismo ang pagkakamit ng perpektong
lipunan sa pamamagitan ng pantay na distribusyon ng produksiyon ng bansa.
Halimbawa ng mga ganitong pamahalaan ang namayani sa China, Cuba, North Korea,
Vietnam at ang dating Union Soviet. Subalit ang China at Vietnam ay yumakap muli
sa prinsipyo ng kapitalismo.

Ngayon suriin natin kung paano lumaganap ang Komunismo sa Russia, Fascismo sa Italy at
Nazismo sa Germany. Basahin ang texsto sa ibaba.
Mga Puwersang Pangkabuhayan sa Politika ng Bansa

Ang Pagsilang ng Komunismo sa Russia

Nag-ugat ang ideolohiyang komunismo sa Rusya noong panahon ng mga Czar. Ayon
sa nasusulat sa kasaysayan, ang Rusya sa ilalim ng Czar, ay naging makapangyarihan subalit
ang mga namuno ay naging despotic. Nagkaroon ng himagsikan kaya bumagsak ang
Dinastiyang Romanov noong Marso, 1947 sa dahilan ng mga kaguluhang pulitikal,
pangkabuhayan at sosyal. Sa tulong nina Trotsky at Stalin, binalak ni Lenin na magkaroon ng
pamahalaang komunismo sa Rusya base sa mga prinsipyo ni Karl Marx. Pagkatapos ng
himagsikan ng Bolshevik ay itinatag ni Lenin ang pamahalaang komunismo at dito na naitatag
ang Union Soviet Socialist Republic o USSR.

Vlademir Lenin Joseph Stalin Leo Trotsky

https://tinyurl.com/26e5rd9b

Mga prinsipyong pinaniniwalaan ng Komunismo ang mga sumusunod:

1. Pagtatag ng mga diktadturya ng mga manggagawa: manggagawa ang supremo;
2. Pamahalaan ang nangasiwa ng produksiyon at distribusyon;
3. Pagwawaksi sa kapitalismo;
4. Paghihiwalay ng estado at ng simbahan; at
5. Pagpalaganap ng komunismo sa buong daigdig.

5
Pagsilang ng Fascism sa Italy
Sa Italy namayani ang ideolohiyang tinatawag na fascism. Mga kondisyong nagbibigay
daan sa fascism sa Italy ang mga sumusonod:

 Nasyonalismo
 Paghihirap sa kabuhayan
 Kahinaan ng pamahalaan

Benito Mussolini

Ayon sa paniniwala ni Mussolini, bigo ang

demokrasya, kapitalismo at sosyalismo. Sa halip,
itinatag niya ang diktaduryang Totalitarian.
Corporate State. Pinagsama-sama niya ang
kapitalismo, sosyalismo at sistemang guild ng
panahong Midyibal.

https://www.onthisday.com/people/benito-mussolini

Mga prinsipyo ng Fascism:

1. Gumagawa lamang ang tao sa kapakanan ng estado.
2. Ang demokrasya ay mahina.
3. Lahat ng bibitawang opinyon, pasalita man o pasulat, ay kailangang naayon sa
gobyerno o pamahalaan.
4. Kontrolado ang sistema ng edukasyon upang ang mamamayan ay magsilbi sa
estado at makatulong sa paghahanda sa digmaan.
5. Sinesensor lahat ng pahayagan at publikasyon.
6. Lahat ng uri ng libangan ay sinusuri.
7. Hindi kinilala ang kalayaang sibil.
8. Binibigyang bonus ang malalaking pamilya
9. Hindi binigyan ng karapatang sosyal, politikal, at pangkabuhayan ang mga babae.
Ang Nazi ng Germany
Bilang isang ideolohiya, ang Nazism ay nangyari sa Germany simula noong 1930. Isa
sa pinakamalupit na diktaduryang totalitaryan sa makabagong panahon. Nakakahawig ito ng
fascism sa Italy at ng komunismo ng Russia.

6
 Si Adolf Hitler ang pinakamakapangyarihang
pinunong Nazi. Isinilang siya sa Austria at isang
panatikong nasyonalista. Pagkatapos ng Unang
Digmaang Pandaigdig, binuo niya ang Nationalist
Socialist Party na tinawag na Nazi.
Ang pagnanais na makabawi sa kahihiyan ng
pagkatalo sa World War 1 at ang paniniwala na ang
Aleman ang dapat mamuno sa daigdig ay ilan lamang
sa pangunahing layunin ng diktaduryang Nazism.

https://www.britannica.com/biography/Adolf-Hitler

Mga prinsipyo ng Nazismo na nakapaloob sa akdang “Mein Kampf, Ang Aking Labanan”, ni
Hitler ay ang mga sumusunod:
1. Ang kapanyarihang racial – Pinaniniwalaan ng mga Aleman o German na sila ang
nangungunang lahi sa daigdig.
2. Anti-Semitism – Ito ang naging dahilan ng holocaust o pagpatay sa mga Hudyo.
3. Ang pagbuwag sa Treaty of Versailles – Sinisi ng mga Nazista ang kasunduan na
kanilang pinaniniwalaan na sanhi ng mga suliranin sa Germany.
4. Pan-Germanism – Ayon kay Hitler, ang isang pinalawak ng Germany ay kailangang
maitatag, kasama ang teritoryong nawala sa kanila noong Unang Digmaang
Pandaigdig.
5. Ang pagwakas sa Demokrasya – Ayaw ng mga Aleman sa demokrasya at
pamahalaang Parliyamentaryo. Nanawagansilang was akin ang Republika at itatag
ang Third Reich na siyang estadong totalitaryan ng Nazismo.

Pagyamanin

Gawain A
Panuto: Subukan natin ang iyong kaalaman sa paksang binasa. Punan ng impormasyon ang
kasunod na data retrieval chart. Isulat ito sa inyong kuwaderno.

Mga Ideolohiya Katangian Bansang Nagtaguyod

Hal. 1. Demokrasya Ang kapangyarihan ng Amerika, Pilipinas

pamahalaan ay nasa kamay
ng mga tao sa pamamagitan
ng eleksiyon o halalan.

7
Gawain B
Panuto: Sagutin ang mga sumusunod na tanong batay sa iyong naunawaan sa binasang
teksto. Isulat ang sagot sa iyong kuwaderno.
1. Ano ang iba’t ibang uri ng mga ideolohiya sa daigdig?
2. Anu-anong mga bansa ang yumakap sa ideolohiyang sosyalismo?
3. Paano nakaapekto ang ideolohiya ng bansa sa pag-unlad ng kabuhayan nito?

Isaisip
Panuto: Punan ng wastong sagot ang mga patlang na nasa cloud callout upang mabuo
ang pahayag tungkol sa mga kilalang pinuno ng iba’t ibang ideolohiyang pampolitika at
ekonomiko. Isulat ang iyong sagot sa kuwaderno.

Sa pagsilang ng komunismo sa Rusya ay nanguna sina 1.______________________,

2._____________________ 3.____________________ na ayon sa kanila ay kailangan ng
dahas at pananakop para maitatag ang “Diktadurya ng mga Manggaga-wa”. Ang estadong
naitatag nila ay tinawag na Union Soviet Socialist Republic o USSR. Sa Italya ay pinamunan
ni 4.__________________ ang fascism, habang sa Germany naman ay nanguna si
5.__________________ para sa ideolohiyang Nazism na nagsimula noong 1930.

Isagawa

Pagguhit
Sundin ang mga sumusunod:
1. Sa isang short bond paper, iguhit ang simbolo ng demokrasya sa bandang itaas at
simbolo naman ng pagkadiktador o walang kalayaan sa bandang ibaba ng bondpaper.
2. Huwag kalimutan isulat ang pangalan at lagyan ng kulay para mas malinaw.
3. Gawing batayan ang kasunod na rubric para sa pagmamarka ng guhit.

KRAYTERYA NG PAGMAMARKA

Pamantayan Puntos
Pagkamalikhain 10
Kaangkupan sa Tema 5
Presentasyon 5
Orihinalidad 5
Kalinisan 5
Kabuuan 30

8
 Tayahin
Panuto: Upang masubok ang iyong kaalaman sa modyul na ito, subuking sagutin ang
pagsusulit sa ibaba sa pamamagitan ng pagpili ng tamang sagot sa bawat bilang. Titik
lamang ang isulat sa inyong kuwaderno.

1. Ang kapangyarihang ng pamahalaang demokrasya ay nasa kamay ng ____________?

a. Iilang mga tao b. mga tao c. Presidente d. Diktador

2. Ayon sa ideolohiyang ito, sa pamamagitan ng kompetisyon ng mga negosyante, higit na

mapahuhusay ang kalidad ng bawat produkto at serbisyo sa pamilihan.
a. Sosyalismo b. Kapitalismo c. Pasismo d. Marxismo

3. Isang aklat na isinulat ni Karl Marx na naglalarawan sa kanyang mga teorya sa

ekonomiya.
a. Pigafetta’s Chronicle c. Das Kapital
b. Wealth of Nations d. The Economist

4. Kilalang diktador sa ilalim ng pamahalaang totalitarian sa Germany.

a. Benito Mussolini c. Che Guevarra
b. Kim Jong-un d. Adolf Hitler

5. Sa ilalim ng pamahalaang demokrasya, bago maupo sa puwesto ang mga kandidato ay

magkaroon muna ng________________?
a. mayayamang tagasuporta b. mga armas c. Eleksiyon o Halalan d. maraming pera

6. Sa ibaba ay may mga bansang yumayakap sa ideolohiyang sosyalismo maliban

sa____________?
a. North Korea b. Cuba c. Vietnam d. Pilipinas

7. Nakasentro sa paraan ng pamumuno at paraan ng pakikilahok ng mga mamamayan sa

pamamahala.
a. Ideolohiyang Panlipunan c. Ideolohiyang Pampolitika
b. Ideolohiyang Pangkabuhayan d. Wala sa nabanggit

8. Ang nagpakilala ng salitang ideolohiya bilang pinaikling pangalan ng agham ng mga

kaisipan o ideya.
a. Nostradamus b. Adam Smith c. Karl Marx d. Desttutt de Tracy

9. Anong uring pamahalaan ang sistemang diktatoryal?

a.Totalitaryan b. Demokrasya c. Republika d. Konstitusyunal

10. Layunin ng ideolohiyang ito na tuluyang buwagin ang di-pagkapantay-pantay ng mga

mamamayan batay sa uri (class) na kanilang kinabibilangan.
a. Pasismo c. Demokrasya
b. Komunismo d. Kapitalismo

9
 Karagdagang Gawain

Sa mga natalakay na mga ideolohiyang pampolitika at ekonomiko sa iba’t-ibang parte ng

mundo, pumili ng isa na sa tingin mo ay higit mong pinaniwalaan, at ipaliwanag kung bakit
ito ang iyong napili. Isulat ito sa inyong kuwaderno.

Susi sa Pagwawasto

3. Upang maiwasan ang Ikatlong Digmaang Pandaigdig

B 10.
2. Mapanatili ang kaayusan at kapayapaan sa daigdig
D 9.
1. United Nations
C 8.
D 7. Balikan
C 6.
B 5.
B 4.
A 3. B 10.
D 2. Isaisip A 9.
C 1. D 8.
1. Vladimir Lenin
C 7.
Subukin 2. Joseph Stalin
D 6.
3. Leo Trotsky
C 5.
4. Benito Mussolini
D 4.
5. Adolf Hitler
C 3.
B 2.
B 1.

Tayahin

10
Sanggunian
Mga Aklat
Kasaysayan ng Daigdig
Araling Panlipunan – Modyul para sa mga Mag-aaral
Unang Edisyon 2014
Muling Inilimbag 2016
ISBN: 978-971-9601-67-8

Rosemarie C. Blando, Michael M. Mercado, Mark Alvin M. Cruz, Angelo C. Espiritu, Edna L.
De Jesus, Asher H. Pasco, Rowel S. Padernal, Yorina C. Manalo, at Kalenna S. Asis
Araling Panlipunan Serye III
Kasaysayan ng Daigdig
Batayang Aklat sa Araling Panlipunan para sa Ikatlong Taon

Grace Estela C. Mateo, Ph.D, Celestina P. Boncan, Ph.D, Rosita T. Tadena, Ph.D, Celinia E.
Balonso, Ph.D, Jerome A. Ong, M.A, Mary Dorothy dl. Jose, M.A, at John N. Ponsaran, M.P.M

Website
https://www.google.com.ph/search?q=philippine+election&tbm

https://www.google.com.ph/search?q=dictatorship+symbol&tbm

https://www.google.com.ph/search?q=mayayaman+at+mahihirap

https://www.google.com.ph/search?q=pagkapantay+pantay+sa+lipunan

https://www.google.com.ph/search?q=corazon+aquino+pep&tbm=isch&ved=2ahUKEwi0rryayaftAhUE9pQKHQK7A_IQ2-
cCegQIABAA&oq=corazon+aquino+pep&gs_lcp=CgNpbWcQAzoCCAA6BAgAEEM6BggAEAgQHjoECAAQGFC2jwFYjZYBYL
2hAWgAcAB4AIABrQGIAfIEkgEDMC40mAEAoAEBqgELZ3dzLXdpei1pbWfAAQE&sclient=img&ei=gXvDX_TpJ4Ts0wSC9o6Q
Dw

https://www.google.com.ph/search?q=ferdinand+marcos&tbm=isch&ved=2ahUKEwjQnaGmyaftAhVFA6YKHcyZBb4Q2-
cCegQIABAA&oq=ferd&gs_lcp=CgNpbWcQARgAMgcIABCxAxBDMgUIABCxAzIECAAQQzIECAAQQzIECAAQQzIECAAQQzI
ECAAQQzICCAAyBAgAEEMyBAgAEEM6BggAEAgQHjoECAAQGFD-
4wJYifgCYKmIA2gAcAB4A4AB8gOIAeIOkgEIMC4xMC40LTGYAQCgAQGqAQtnd3Mtd2l6LWltZ7ABAMABAQ&sclient=img&ei
=mnvDX9DoFsWGmAXMs5bwCw

https://www.google.com/search?q=image+of+vladimir+lenin%2C+joseph+stalin+and+leo+strotsky&tbm=isch&ved=2ahUKEwi2
wZ27uePuAhVUCKYKHUYNDEwQ2-
cCegQIABAA&oq=image+of+vladimir+lenin%2C+joseph+stalin+and+leo+strotsky&gs_lcp=CgNpbWcQAzoCCAA6BAgAEB5Q
oukTWPHDFmD5zBZoAHAAeACAAbsDiAGFQ5IBCjAuNDguMy4wLjGYAQCgAQGqAQtnd3Mtd2l6LWltZ8ABAQ&sclient=img
&ei=7vslYLaSDNSQmAXGmrDgBA

client=img&ei=h6_DX8nUOYT80QT7tYL4Dw&bih=625&biw=1366&rlz=1C1CHBF_enPH927PH929#imgrc=6LsXW3SOa4rh5M

https://www.google.com/search?q=hitler&tbm=isch&ved=2ahUKEwjYraX7-qftAhXVIqYKHRKRB7cQ2-
cCegQIABAA&oq=hi&gs_lcp=CgNpbWcQARgBMgQIIxAnMgQIABBDMgUIABCxAzIFCAAQsQMyBQgAELEDMgIIADICCAAyA
ggAMgUIABCxAzIFCAAQsQM6BwgjEOoCECdQisIFWNbUBWDx4gVoAXAAeASAAb0DiAGXDZIBCTAuMi40LjAuMZgBAKAB
AaoBC2d3cy13aXotaW1nsAEKwAEB&sclient=img&ei=rq_DX9ieAtXFmAWSop64Cw&bih=625&biw=1366&rlz=1C1CHBF_enP
H927PH929

11
Para sa mga katanungan o puna, sumulat o tumawag sa:

Department of Education – Schools Division of Negros Oriental

Kagawasan, Avenue, Daro, Dumaguete City, Negros Oriental

Tel #: (035) 225 2376 / 541 1117

Email Address: negros.oriental@deped.gov.ph
Website: lrmds.depednodis.net