E-PORTFOLIO

(Pagbasa at Pagsusuri ng Iba’t ibang

Teksto tungo sa Pananaliksik)

Atasha Nicole G. Bahande 11- ABM Maxwell

 MABUHAY!
Sa presentasyon na ito, ating lakbayin
ang pitong modyul na tinalakay ng
pitong linggo sa asignatura na Pagbasa
at Pagsusuri ng Iba’t Ibang Teksto
Tungo sa Pananaliksik. Sana ay marami
kayong matutunan mula sa aking
pananaw o insights sa kada modyul .

MARAMING SALAMAT!
TALAAN NG NILALAMAN
PAHINA NG PABALAT 1
PANIMULA 2
TALAAN NG NILALAMAN 3
MODYUL 1 4
MODYUL 2 5
MODYUL 3 6
MODYUL 4 7
MODYUL 5 8
MODYUL 6 9
MODYUL 7 10
KATAPUSAN 11
MODYUL 1: KAHULUGAN AT KATANGIAN NG PAGBASA
PANANAW / INSIGHTS
Sa unang paksa ay tinalakay ang kahulugan at katangian
ng pagbabasa, kung saan ito ay isang kognitibong proseso na
maaari kang makabuo ng kahulugan. Gaya na lamang sa mga
pasulit mula elementarya hanggang ako ay nakatungtong sa
senior high school meron akong ginagamit na iba’t ibang istilo ng
pagbabasa gaya na lamang ng scanning at skimming pero ito ay
nakadepende kung anong klaseng tanong ang aking sasagutin.
Ginagamit ko ang scanning kung meron akong hinahanap na
tiyak na impormasyon habang ginagamit ko naman ang
skimming kung ang layunin ng aking pagbabasa ay upang
makuha ang kabuuang kahulugan ng tekstong binasa. Masasabi
ko na ito ay gumaganap ng isang makabuluhang papel sa kung
ano ang ating layunin ng ating pagbabasa. Ang pagbabasa ay
hindi lang hihinto diyan, dapat mayroon kang pag-unawa sa wika
at pag-unawa sa nilalaman upang ganap na maintindihan ang
tekstong binasa.
MODYUL 2: KAHULUGAN AT KATANGIAN NG PAGBASA
PANANAW / INSIGHTS

Para sa modyul 2, ito ang pagpapatuloy mula sa nakaraang

paksa. Habang tayo ay nagbabasa mayroon tayong iba't ibang
proseso na ginagamit. Mula sa aking karanasan noon hanggang
ngayon, habang ako ay nagbabasa ng mga kwento base sa
aking nagugustuhan, hindi ko namalayan na gumagamit pala
ako ng metakognitibong proseso ng pagbasa kung saan ako ay
nag-iisip kung ano ang mangyayari sa kwento at meron akong
kontrol sa kung paano ko inuunawa ang teksto na aking
binabasa. Sa paggamit nito, mas lalo kong naintindihan ang
aking binabasa at mas lalo akong nasasabik sa aking pagbasa.
Bukod sa aking nabanggit na proseso, meron pang dalawang
proseso ng pagbasa at ito ay ang iskema at interaktibo. Sa
iskema binibigyang halaga ang dating kaalaman, pag-unawa sa
pahayag at kaalaman sa gramatika at bokabularyo habang ang
interaktibong proseso naman ay may kaugnayan sa mambabasa
at mayroon itong modelong top-down at modelong bottom-up.
MODYUL 3: IBA’T IBANG PARAAN NG PAGLALAHAD
PANANAW / INSIGHTS

Sa pagsusulat ng teksto ang una nating isipin ay ang

layunin natin. Sa modyul na ito tinalakay ang iba't ibang
uri ng paglalahad at ito ay ang tekstong impormatibo,
deskriptibo, at ang panghuli ay ang persuweysib na
teksto. Para sa akin, mahalaga na alamin ang paraan ng
paglalahad bago ka magsulat dahil dito mo itutuon ang
iyong mensahe na nais mong makuha ng iyong
mambabasa. Mabibigyan ng kalinawan ang iyong
mambabasa tungkol sa tekstong isinulat mo. Halimbawa,
ang layunin mo ay makapagbigay ng impormasyon pero
naglahad ka ng opinyon mo, ito ay magreresulta ng
kalituhan para sa iyong mga mambabasa kasi tinalo mo
ang iyong layunin.
MODYUL 4: IBA’T IBANG
PARAAN NG PAGLALAHAD
PANANAW / INSIGHTS
Para sa ikaapat na modyul ito ay karugtong mula sa nakaraang paksa
na tungkol sa iba't ibang paraan ng paglalahad, sa halip, tinalakay ang
tekstong naratibo, argumentatibo, at prosidyural. Bibigyan ko ng diin muli
ang kahalagahan sa pagpili ng paraan ng paglalahad, dahil ito ay
makatutulong lumikha ng mas mabisang mensahe at ito ay nakaangkop sa
tono na nais mong maipahayag. Ito ay mahalaga upang mapanatili ka sa
iyong timeline sa proseso ng iyong pagsusulat.
MODYUL 5: KOHESYONG GRAMATIKAL
PANANAW / INSIGHTS

Sa modyul na ito binigyang diin ang koheysong

gramatikal na kung saan ating bibigyang pansin ang
ating ginagamit na salita. Masusubaybayan natin ang
kahulugan at bisa ng paraan ng paglalahad gamit ang
kohesyong gramatikal. Ito ay mahalaga sapagkat ito ay
nagbibigay ng impormasyon na makatutulong sa pag-
unawa ng mambabasa. Ito ay naglalahad ng tumpak na
kahulugan mula sa manunulat hanggang sa mga
mambabasa. Dito natalakay ang anapora na kung saan
inuuna ang pagbanggit ng panggalan habang ang
katapora ay ang kabaligtaran nito.
 MODYUL 6: MABISANG PAGPAPAHAYAG
PANANAW / INSIGHTS
Ang pagpapahayag ay ang pagsisiwalat sa
kanyang nalalaman hanggang sa kanyang saloobin. Sa
pagpapahayag mayroon pa rin tayong dapat na
isasaalang-alang upang makapagbigay ng mabisang
pagpapahayag upang maintindihan naman ito ng ating
madla. Naipahayag ng modyul na ito ang mga
katangian ng mabisang pagpapahayag at ito ay ang
malinaw na layunin, akademikong tono, kongkretong
batayan ng impormasyon o datos, at ang panghuli ay
tukoy ang framework. Gaya na lamang ng pagsasalin
dapat natin isasaalang-alang ang mabisang
pagpapahayag upang maging tumpak ang ating sinalin
na mga salita. Ang pagsasalin ay kinasasangkutan ng
dalawang wika ito ay ang source language at target
language. Dapat maging maingat sa pagsalin upang
hindi ito mabigyang ng maling interpretasyon ng mga
madla.
MODYUL 7: MGA BATAYANG KAALAMAN SA PANANALIKSIK
PANANAW / INSIGHTS

Sa paghahanda ng aming paggawa ng

pananaliksik tinalakay ang konsepto ng pananaliksik,
kahulugan, katuturan, at kahalagahan nito. Sa
pamamagitan ng pananaliksik mas pinapalawak nito
ang ating kaalaman at bagong impormasyon.
Ipinakikilala ng pananaliksik ang mga bagong ideya
na maaaring maging solusyon sa mga problema.
Binubuo ng pananaliksik ang iyong kredibilidad.
Panghuli, ito ay nagtuturo sa atin ng mas mahusay na
pag-unawa.
MARAMING SALAMAT!
DITO NAGTATAPOS ANG AKING
PRESENTASYON TUNGKOL SA AKING
NATUTUNAN PARA SA IKATLONG
QUARTER. UPANG BALIKAN
MAAARING I-SCROLL UP ANG
PRESENTASYON.