Republic of the Philippines

Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

KABANATA I

ANG SULIRANIN AT KALIGIRAN NITO

INTRODUKSYON

Ang pag-aaral na ito ay nagsasabi at nagpapaalala sa mga mag-aaral at

guro tungkol sa benepisyong naibibigay ng multimedia sa paghasa ng
kasanayang teknikal ng mga mag-aaral upang makatulong sa kanilang
kakayahang pang-akademiko. Ang pag-aaral na ito ay patungkol sa tulong na
hatid ng impormasyong multimedia at ang pagpapaunlad ng kasanayang teknikal
ng mga mag-aaral ng ABM na nasa ikalabing-isang baitang ng San Jose Litex
Senior High School.

Ang gamit ng multimedia at ang impormasyong makukha dito ay lubhang

nakatutulong upang mapaunlad ang kakayahan ng bawat mag-aaral ng ABM lalo
na sa mga gawaing pang digital. Sa pamamagitan ng kompyuter o iba pang
aparato, ang lipon ng mga ideya ay makakapagpabilis sa abilidad ng isang mag-
aaral sa komplikasyon ng kanilang gawain o pag-aaral.

Ayon kay Mayen (2001) ang multimedia ay isang medyum na may sama-
samang teksto, grapiko, awdyo at sining na pinagpakahulugan ng Turkish
Language Society. Ang multimedia rin ay maaaring maraming nagpapakilala sa
mga materyal na larawan o teksto.

Ayon kay Lardizabal (1995), ang pagtuturo ay isang proseso ng

komunikasyon ng guro at mag-aaral. Ang pagtuturo ay hindi na nakasalig lamang
sa berbal na komunikasyon ng guro at mag-aaral. Maraming kagamitan ang
pagtuturo at pagkatuto. Ang kagamitan pampagtuturo o kagamitang
instruksyonal ay anumang karanasan o bagay na ginagamit ng guro bilang
pantulong sa paghahatid ng impormasyon, kasanayan, saloobin, palagay,
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

katotohanan, pag-unawa at pagpapahalaga sa mga mag-aaral upang lalong

maging konkreto, tunay, dinamiko at ganap ang pagkatuto.

Ayon naman kay Enriquez (2016), sa panahong tinatawag na digital,

nagiging mahalaga ang kakayahan at talento ng bawat indibidwal lalo na kapag
nagbabago na ang mga pamamaraan sa pag-oorganisa ng mga bagay. Ang
teknolohiya ay nakapag-aambag na rin sa inaasahang pagbabago sa larangan
ng pagtuturo at pagkatuto. Ang teknolohiya ngayon ay nagbibigay na ng
malawak na opurtunidad para sa pagkatuto ng mag-aaral, lalo na access sa
media. Sa panahon ngayon na tinatawag na digital napaka-importante na
mayroon kang sapat na kaalaman upang magawa ang mga gawain sa paaralan.
Malaki na rin ang naibibigay na tulong ng multimedia sa mabilisang pagkatuto
tulad na lamang ng mga digital na libro o e-book na kung saan ay maaring
mabitbit ng mga mag-aaral gamit lamang ang kanilang cellphone o tablet.

Makikita sa mga gumagamit ng multimedia ang totoong mundo na gusto

ng mga kabataang mag-aaral kagaya ng tunog, mga larawan, bidyo at iba pa na
maaring hindi nararanasan ng mga mag-aaral sa tradisyunal na paraan. Sa
kasalukuyang panahon ang multimedia ay dinisenyo upang mapagaan ang pag-
aaral ng mag-aaral napapadali rin nito ang proseso ng pagtuturo at pagkatuto.
Sa pamamagitan nito nagiging kapanabik, nakakaganyak at mas natutulungan
ang mga mag-aaral na matuto sa makabagong paraan.

Ayon kay (Maddux et al., 2001) sa kabuuan, sinasabi na ang multimedia

ay binubuo ng kompyuter platforms na kung saan ang mga nakasulat ang mga
teksto ay maaaring ipresenta sa pamamagitan ng visual, audial at animation
media na may mataas na pagkakaayos ng grapiks.

Ayon kay Jonassen (2008), “Knowledge is embedded in the technology

and technology presents that knowledge to student.” May kaugnayan ito sa
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

ipinahayag nina Halal and Liebowitz (1994) na, “as the technological key to
future education, multimedia is defined as “a powerful combination of earlier
technologies that constitutes anextraordinary advance in the capability of
machines to assist the educational process.” Sinasabi na malaki ang maitutulong
ng mga makabagong kagamitang pampagtuturo sa mga guro upang magbigay-
daan sa motibasyon ng kanilang mga mag-aaral.

Ayon nga kay Hidalgo (2000), sa modernong pagtuturo at teknolohikal na

pagbabago sa ika-21 siglo, nakatuon sa kumpetisyon ang mga paaralan ngayon.
Kaya naman maraming paaralan at institusyon ang gumagamit na ng mga
makabagong kagamitan sa kanilang pagtuturo. Ang simpleng yeso at pisara na
gamit noon ng mga guro sa pagtuturo ay napapalitan na ng kompyuter at LCD
projector sa pagtalakay ng kanilang paksa.

Ang layunin ng pag-aaral na ito ay maipaalam ang iba’t-ibang benepisyo

ng impormasyong multimedia na nakatutulong sa pag-unlad ng kasanayang
teknikal ng mag-aaral ng ABM lalo na sa mga baguhan pagdating sa trak na ito
na kung saan, kinakailangan ng mabisang kasanayang teknikal.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

PAGLALAHAD NG SULIRANIN

Upang malaman ang benepisyong naibibigay ng impormasyong

multimedia sa paghasa ng kasanayang teknikal ng mga mag-aaral ng ABM na
nasa ikalabing-isang baitang sa San Jose Litex Senior High School
kinakailangang masagot ang mga sumusunod na katanungan:

1. Ano ang demograpikong profayl ng mga mag-aaral ng ABM pagdating sa:

1.1 Edad

1.2 Kasarian

1.3 Ginagamit na multimedia

2. Ano ang benepisyong naibibigay ng impormasyong multimedia sa paghasa ng

kasanayang teknikal ng mga mag-aaral ng ABM na nasa ikalabing-isang baitang
sa SJLSHS?

3. Ano ang epekto ng teknolohiya sa kasanayang teknikal ng isang mag-aaral ng

ABM na nasa ikalabing-isang baitang?

4. May kaugnayan ba ang benepisyong naibibigay ng impormasyong multimedia

sa paghasa ng kasanayang teknikal ng mga mag-aaral ng ABM na nasa
ikalabing-isang baitang sa San Jose Litex Senior High School?
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

KAHALAGAHAN NG PAG-AARAL

Ang kahalagahan ng pag-aaral na ito ay para sa mga sumusunod:

PARA SA MGA MAG-AARAL

Ang pag-aaral na ito ay makatutulong sa mga mag-aaral sa pamamagitan

ng paghahasa ng kanilang mga abilidad at kasanayang teknikal gamit ang mga
impormasyong multimedia na nakaaapekto sa kanilang pagganap bilang mag-
aaral.

PARA SA ADMINISTRADOR

Ang pag-aaral na ito ay makatutulong upang mahikayat ang mga

administrador na bumili ng mga kagamitang pang-multimedia katulad ng
telebisyon, kompyuter, mga sound system, CCTV at iba pa upang mas
mapalawak ang kaalaman at lalo pang malinang ang kakayahan ng mga mag-
aaral.

PARA SA MGA GURO

Makatutulong ito sa persepsyon ng mga guro upang magkaroon sila ng

mga panibagong ideya sa modernong mundo na makasasabay sa mga mag-
aaral at makakakuha pa sila ng mga bagong teknik kung paano mas lalong
mapapaunlad ang kanilang pagtuturo gamit ang mga multimedia na akma sa
kakayahan ng mga mag-aaral.

PARA SA MGA MAGULANG

Makatutulong ang pag-aaral na ito sa mga magulang sa pamamagitan ng

pagkakaroon ng sapat na kaalaman patungkol sa mga naglalabasang
makabagong multimedia at mabibigyan pa ng pagkakataon ang bawat magulang
upang magabayan ang kanilang anak sa tamang paggamit nito.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

PARA SA MGA KAPWA MANANALIKSIK

Ang pag-aaral na ito ay makatutulong sa pamamagitan ng pagbibigay ng

ideya sa sulating pananaliksik at maaaring magbigay ng gabay sa paksang nais
talakayin.

SAKLAW AT LIMITASYON SA PAG-AARAL

Ang pag-aaral na ito ay nakapokus sa mga mag-aaral ng ABM na nasa

ikalabing-isang baitang sa San Jose Litex Senior High School tungkol sa
benepisyong naibibigay ng impormasyong multimedia sa paghasa ng
kasanayang teknikal. Ang mga respondents sa pananaliksik na ito ay piling mga
mag-aaral lamang ng ABM na nasa ikalabing-isang baitang.

Ang mga mananaliksik ay magsasagawa ng sarbey at mayroong labinlima

(15) na respondents na sasagot mula sa strand ng ABM na nasa ikalabing-isang
baitang. Pipiliin ang mga mag-aaral sa pamamagitan ng random sampling at ang
mga nalikom at pinagsama-samang sarbey ang syang magiging kalalabasan ng
pag-aaral.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

KONSEPTUAL NA BALANGKAS

 Benepisyong  Paghasa ng
naibibigay ng kasanayang
impormasyong teknikal ng mga
multimedia mag-aaral ng
ABM

Independent Variable Dependent Variable

Ang mga mananaliksik ay gumamit ng IV-DV sa konseptual na

balangkas upang ipinapakita ang kaugnayan ng mga elemento sa kanilang
pananaliksik. Ang unang kahon ay nirerepresenta bilang independent variable,
ang ikalawang kahon naman ay ang dependent variable at ang arrow ay
sumisimbolo ng kung anong relasyon at koneksyon ng dalawang variable sa
isa’t-isa.

Ang unang kahon bilang independent variable ay ang benepisyong

naibibigay ng impormasyong multimedia at ang ikalawang kahon bilang
dependent variable ay ang paghasa ng kasanayang teknikal ng mga mag-aaral
na kung saan, ang mga ito ang paksa ng mga mananaliksik sa kanilang
paglalahad ng suliranin na dapat makuhanan ng sagot mula sa mga piling
respondents.

Angkop ang IV-DV bilang modelo na gagamitin sa pag-aaral dahil

ipinapakita dito ang relasyon ng mga benepisyong naibibigay ng impormasyong
multimedia sa paghasa ng kasanayang teknikal ng mga mag-aaral ng ABM.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

KAHALAGAHAN NG TERMINO

ABM – ito ang isa sa mga strand na nakapaloob sa academic track sa

ikalabaing-isang at ikalabing dawalang baitang; Accounting and Business
Management.

Benepisyo – ito ay ang dulot o matatanggap mula sa isang mabuting bagay o

gawain.

Impormasyong Multimedia – ito ay ang pinagsamang mga kagamitan na

kinakailangan sa pagtala at paghatid ng impormasyon o datos.

Kasanayang Teknikal – terminong ginagamit sa mga kasanayang may

kinalaman sa mga teknolohiya na kadalasang ginagamit ay kompyuter,

Multimedia – mga kagamitan katulad ng kompyuter, telebisyon, speaker,

projector at iba pa na ginagamit upang mapagaan ang proseso ng pagtuturo at
pagkatuto na nakakagalak sa makabagong paraan.

Teknolohiya – ito ay ang mga makinarya o kagamitan na ginagamit upang

mapadali ang produksyon, komunikasyon, transportasyon at iba pang gawain na
naglalayong mapadali ang buhay ng mga tao.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

BENEPISYONG NAIBIBIGAY NG IMPORMASYONG MULTIMEDIA SA

PAGHASA NG KASANAYANG TEKNIKAL NG MGA MAG-AARAL NG ABM NA
NASA IKALABING-ISANG BAITANG SA SAN JOSE LITEX SENIOR HIGH
SCHOOL

Isang Proyekto ng Pananaliksik na iniharap sa

Kaguruan ng San Jose-Litex Senior High School

Bilang bahagi ng Pagtupad sa mga Pangangailangan sa Pagbasa at

Pagsusuri ng Iba`t ibang Teksto Tungo sa Pananaliksik

nina:

OLIVEROS, JAYMARK PANTUAN, ANGYLEN

RENTA, AERON ALDRICH LOPEZ, XIUMIE

SOTTO, RAMIL RIVERA, DENNIFER

ARBOLIDA, NIKKI TAMAYO, JONALISA

CADAG, FAITH KAYE TEODORO, ANTHONETTE

LEYNES, SHANE VIÑAS, DIANA

MANCERA, HEZEL
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

KABANATA II

MGA KAUGNAY NA LITERATURA AT PAG-AARAL

Ang bahaging ito ay naglalaman ng akademiko at propesyonal na mga

babasahin na may kinalaman sa mga benepisyong naibibigay ng impormasyong
multimedia sa paghasa ng kasanayang teknikal ng mga mag-aaral.

BANYAGANG LITERATURA

Ang teknolohiya ay mabilis na nagpapabago sa maraming aspekto sa

lipunan at higit na malaki ang epekto nito sa mga kabataan (Castrodes et. al.,
2012). Patunay lamang ito na malaki ang maiaambag ng teknolohiya upang
mapaunlad ang kaalaman ng mga kabataan.

Batay sa pag-aaral ni Beichner (1994), nalaman nya na ang multimedia ay

may mabuting epekto sa kaisipan at emosyon ng mga mag-aaral na nag-aaral
patungkol sa pag-oorganisa, pag-aayos, pagbuo at pag-aanalisa ng mga bagay-
bagay.
Ayon pa sa libro nina Sampath et. al. (2007), “Learning usually involves
both a student and a teacher. But in some of the recent innovations of the
educational system, the teacher needs not be physically present to teach.” Kung
kaya’t gumagamit na rin ang mga guro ng mga makabagong kagamitan na
bunga ng teknolohiya bilang kagamitang pampagtuturo. Ngunit hindi pa rin
maiaalis na may malaking gampanin pa rin ang guro sa mabilis na pagkatuto ng
mga mag-aaral. Kabilang sa mga kagamitang pantulong sa pagtuturo ang
paggamit ng LCD projector, kompyuter, lapel at marami pang iba. Ang nabanggit
na mga bagay ay makatutulong upang mapaunlad ang paglinang ng kaalaman
sa mga mag-aaral.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

Dagdag pa ng American Academy at Pediatrics (AAP): “ang kabataan ay

naiimpluwensiyahan ng media- natututo sila sa pamamagitan ng pagmamasid at

panggagaya. Ang impluwensiya ng media sa kabataan ang naging dahilan para

mabigyang pansin ito ng mga magulang, guro at propesyonal”.

Binanggit naman nina Silivius at Curry (2002), na kailangan pagtuunan ng

pansin ang teknik sa pagtuturo na dapat sinasanay at pinung-pinong inilalahad
ng guro upang ang pamamaraan ay mas maging epektibo kapag ginagamit ang
tiyak na kagamitang pampagtuturo.

Batay naman sa imbestigasyon nina Angel at Viswanathappa (2013)

patungkol sa epekto ng computer-assisted instruction sa kakayahang pang-
akademiko sa Matematika, sinasabing malaki ang naitutulong ng kompyuter sa
pag-unlad ng pagkatuto sa kakayahan sa matematika at ang pagpasok ng
impormasyon at komunikasyon ay lubhang nahahasa ang abilidad ng mga mag-
aaral sa pag-aaral na nagreresulta ng magandang kalidad ng edukasyon para sa
kanila. Kaugnay din nito ang pag-aaral ni Khasnis (2013) na tungkol sa paghasa
ng abilidad sa matematika gamit ang kompyuter na nagpakita ng magandang
epekto upang umangat ang kaalaman ng isang mag-aaral sa matematika.
Sinasabi rin sa kanyang pag-aaral na dapat isama na ang kasanayang pang-
kompyuter sa asignaturang matematika.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

LOKAL NA LITERATURA

Sinabi ni Aguilar (2001), ang paglinang ng mga guro ng mga kagamitang

pampagtuturo ay makatutulong nang malaki sa pagtuturo ng hindi gaanong
napakahirap na gawain. Subalit ito ay nangangailangan ng pagtitiyaga, pagtitiis,
lakas ng loob at pagiging maparaan ng guro. Kailangang pinag-iisipang mabuti at
hindi lamang sariling kapakanan ang iniisip sa paggamit ng mga kagamitang
pampagtuturo. Isa sa pinakamahalagang tungkulin ng isang guro ay ang
masiguro na may matututuhan ang mga mag-aaral sa itinuturo gamit ang mga
kagamitan.
Ayon nga sa pananaliksik, mas higit na natututo ang mga bata kung
buhay ang talakayan sa loob ng silid-aralan. Nakakatulong dito ang magandang
estratehiya ng pagtuturo gamit ang makabagong teknolohiya. Ilan sa maituturing
na makabagong teknolohiya na ginagamit sa pagtuturo ay ang telebisyon, radyo,
projector, lapel at iba pang elektronikong bagay na maaaring gamitin sa
pagtuturo.

Ayon nga kay Sen. Edgardo J. Angara (2011), magagamit ang mga
makabagong teknolohiya sa edukasyon sa Pilipinas at maaaring maging
solusyon sa mga problemang kakulangan sa classrooms, guro at mga libro.
Dagdag pa, magiging maganda ang epekto ng mga makabagong kagamitan sa
pagtuturo dahil mapupunan nito ang mga kakulangang matagal nang hinaharap
ng edukasyon sa bansa.

Ayon din kay Riel (2013), ang teknolohiya ay mabilis na nagbabago sa

maraming aspekto sa lipunan at higit na malaki ang epekto nito sa mga kabataan
kaya nararapat lamang na pag-aralang mabuti ang mga pagpaplano ng paggamit
ng multimedia sa loob ng klase upang maibigay sa mga mag-aaral ang mainam
na edukasyon. Malaki man ang tulong ng teknolohiya sa pagkatuto ng mga mag-
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

aaral ngunit malaki rin ang magiging epekto nito kung hindi magagamit at
maipapakilala nang maayos sa mga mag-aaral.

Dagdag pa, ayon kay Pingol (2011), ang teknolohiya ay may kakayahan
na gawing mas produktibo pa ang kalidad ng edukasyon sa isang lipunan. Mas
napapabilis ng bawat estudyante at titser sa impormasyon saan mang dako ng
daigdig.

Ang teknolohiya ay isang mahalagang kasangkapan sa pagtuturo at

maging sa pag-aaral ng isang estudyante. Ngunit anumang taas ng antas ang
abutin ng teknolohiya kung walang sapat at wastong kaalaman tungkol dito na
maaaring magpakalat nito, ito ay balewala rin. Dito pumapasok ang mahalagang
papel ng isang guro bilang eksperto at may malawak na kaalaman sa
teknolohiya. Sa pagtuturo ay kailangang makita na ang guro ay may malaking
kakayahan, mataas na kaalaman, at handang sumabay sa pagbabago ng
teknolohiya upang hindi maiwan sa mabilis nitong pagsulong. Kinakailangan din
maging huwaran ang guro sa responsableng paggamit ng teknolohiya sa
edukasyon tulad ng internet, upang hindi ito makasira ng kabutihang asal at
moralidad sa kabila ng napakaraming mararahas at malalaswang materyal na
lantad na makikita rito. Ang isa pang mahalagang tungkulin ng isang guro ay ang
pagbibigay ng “human touch” o aspekto ng damdamin upang maiparating sa
kanyang mag-aaral na sa kabila ng pag-angat ng teknolohiya ay tao pa rin ang
dapat mangibabaw at magkontrol sa teknolohiya at hindi ang kabaligtaran
(Pitagan, 2012).
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

SINTESIS

Lahat ng mga nakalap na literatura at pag-aaral ay nagpapakita ng

kahalagahan ng makabagong teknolohiya sa panahon ngayon. Isinasaad ng
mga mananaliksik na ang multimedia ay lubhang nakakatulong sa abilidad ng
isang mag-aaral pati na rin sa mga guro bilang pagbibigay ng panibagong
estratehiya sa pagtuturo.

Ayon nga kay Pingol (2011), mas napapaganda ng teknolohiya ang

kalidad ng edukasyon sa larangan ng pagiging produktibo sa isang lipunan.
Bukod sa napapabilis ng teknolohiya ang isang Gawain, nahahasa din nito ang
abilidad ng isang mag-aaral. Mas natutuon ang atensyon ng isang bata sa mga
makabagong pamamaraan ng pagtuturo kumpara sa tradisyunal na istilo dahil sa
nakakasabay na ang mga guro sa gusto ng isang mag-aaral.

Maraming epekto ang multimedia sa isang mag-aaral lalo na ang

paggamit ng kompyuter. Nagiging aktibo ang isip ng isang mag-aaral sa
kasanayang may kinalaman sa pag-aanalisa, pag-oorganisa, o pagbubuo ng
mga bagay-bagay gamit ang makabagong pamamaraan. Sa pamamagitan ng
medya, natututo ang bata na magmasid at gumawa ng isang bagay.

Maraming naitutulong sa pang-araw-araw na gawain ang paggamit ng

multimedia at pagkalap ng impormasyon mula rito. Sabi nga sa mga pag-aaral,
nahahasa ng multimedia ang abilidad ng isang mag-aaral sa iba’t-ibang aspekto
at isa na dito ay ang kagalingan ng mag-aaral sa matematika pati na rin sa pag-
oorganisa. Ilan lamang ito sa mga benepisyong nalikom mula sa mga naunang
pag-aaral na may kaugnayan sa pananaliksik na ginagawa.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

KABANATA III

METODOLOHIYA NG PANANALIKSIK

Sa kabanatang ito matatagpuan ang pamamaraang ginamit ng mga

mananaliksik, paraan ng pagpili ng mga tagatugon, instrumentong ginamit, at
pagtitipon ng mga datos. Masusing pinili ng mga mananaliksik ang mga ginamit
na instrumento at pamamaraan upang maging mas kapaki-pakinabang ang
pananaliksik na isinagawa.

Pamamaraang Ginamit

Ang mga mananaliksik ay gumamit ng deskriptibong paraan ng

pananaliksik. Layunin nitong ilarawan ng mga mananaliksik ang mga pananaw
ng guro sa paggamit ng mga makabagong kagamitan sa pagtuturo.

Ipinakita sa pag-aaral na ito ang mga benepisyong naibibigay ng

impormasyong multimedia sa paghasa ng kasanayang teknikal ng mga mag-
aaral ng ABM na nasa ikalabing-isang baitang sa San Jose Litex Senior High
School.
Ang Descriptive Survey Research Design na gumagamit ng talatanungan

ang uri ng descriptive method na piniling gamitin ng mga mananaliksik upang

mas lalong mapagtibay ang mga datos na nakalap sa pag-aaral.

Naniniwala ang mga mananaliksik na angkop ang ganitong uri ng

metodolohiya sapagkat mas mapapadali ang pagkuha ng mga datos sa

maraming tagatugon. Samakatuwid, makakakuha ang mga mananaliksik ng mas

malinaw at maayos na datos mula sa mga respondante.

 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

Paraan ng Pagpili ng mga Tagatugon

Sa kadahilanang may kabuuang limang seksyon ang mga mag-aaral na

nasa ikalabingp-isang baiting na ABM, ginamit ng mga mananaliksik ang random

sampling sa pamamagitan ng lottery technique upang mapili ang mga

respondanteng sasagot sa mga talatanungan.

Sa ganitong paraan ng pagpili ng taga-tugon ay maiiwasan ang

matagalang pagpili bagkus, ang mga nabunot na pangalan sa lottery ay sya

nang magiging kinatawan ng buong klase. Dahil sa ganitong teknik, mas

mapapadali ang pagkuha ng tugon.

Instrumentong Ginamit

Ang mga mananaliksik ay gumamit ng talatanungan bilang patunay at

mapagkukuhanan ng datos. Ang mga benepisyong naibibigay ng impormasyong
multimedia sa paghasa ng kasanayang teknikal ng mga mag-aaral ng ABM na
nasa ikalabing-isang baitang sa San Jose Litex Senior High School ay napalitaw
sa pamamagitan ng paggawa ng talatanungan. Kabilang dito ang iba’t ibang
kagamitang multimedia na kadalasang ginagamit ng mga mag-aaral upang
mahasa ang kanilang abilidad.
Sa pamamagitan ng talatanungan ay mas mapapadali ang pagkalap ng
datos at matitiyak pa ang kaayusan ng kanilang mga kasagutan. Mas magiging
organisado ang pagkuha ang impormasyon.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

Pangangalap ng mga Datos

Gamit ang talatanungan na binuo, humingi ang mga mananaliksik ng

permiso sa mga gurong nasa klase para kumuha ng datos ngunit bago iyon ay

una munang hiningi ang pahintulot ng punongguro at ang guro ng San Jose Litex

Senior High School sa pananaliksik upang mangalap na ng mga impormasyon

sa pamamagitan ng pagsasarbey. Napahintulutan ang mga mananaliksik at

ginawang batayan ang naging mga tugon ng mga respondante na mag-aaral ng

ABM na nasa ikalawang-baitang at kinuha ang impormasyon na nagmula sa

kanila.
 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal

BENEPISYONG NAIBIBIGAY NG IMPORMASYONG MULTIMEDIA SA

PAGHASA NG KASANAYANG TEKNIKAL NG MGA MAG-AARAL NG ABM NA
NASA IKALABING-ISANG BAITANG SA SAN JOSE LITEX SENIOR HIGH
SCHOOL

Pangalan (Opsyunal): Edad:

Ginagamit na multimedia: Kasarian:

PANUTO: Ibigay ang hinihinging sagot sa sumusunod na katanungan.

1. Ano ang naitutulong sa iyo ng multimedia?

2. Saan mo kadalasang ginagamit ang mga ito?

3. Paano nakakatulong sa’yo ang multimedia sa mga gawaing

pampaaralan?

4. Ano ang mga benepisyong makukuha sa paggamit multimedia?

 Republic of the Philippines
Department of Education
Region IV-A CALABARZON
Division of Rizal
San Jose-Litex Senior High School
Rodriguez, Rizal