INTAYON KENNI JESUS
Intayon kenni Jesus
Iruknoy daytoy bagi
Pusona a naayat
Dayawen di agressat
Jesus kenka iserbimi
Daytoy puso ken bagimi
Jesus ken
ka iserbimi
Daytoy puso ken bagi mi
O Jesus mannakabalin
Ditoy daga sika’t taklin
A mangted ti nawadwad
A pigsa iti peggad
Jesus kenka iserbimi
Daytoy puso ken bagi mi
Jesus kenka iserbimi
Daytoy puso ken bagi mi
AGBABAWIKAYO
Koro:
Agbabawikayo kadagiti basbasolyo
ket mamatikayo, sumurotkayo iti dalanko
Kuna ti Apo.
1. Saanak a nagtalek kenka
Intangsitko bukodko a pigsa
Ket sinangok nga agmaymaysa
Ti lubong ken ti awisna.
(Koro)
2. Iti kabsatko dika nakita
Nagimbubulsek kadagiti masapulda
Nagintutuleng kadagiti as-asugda
O Jesusko, linisiak ida.
(Koro)
3. Insukatka kadagiti didiosen
Ragsak, pirak, dayaw a makatitileng
Kinadalus, kinalinteg, innak inbelleng
Kinapudno diko maperreng.
(Koro)
DIKA NAGBUTENG ITI KRUS
O Apomi a Jesus
Dika nagbuteng iti krus
Dika impaidam ti ayatmo
Nangiwaragawag kinapudno
Koro:
Ikkannakam kadi tured, ayatmo a nasudi
Punasem kad ti kinadakesmi
Iti krusmo sumurotkami.
O Apomi a Jesus
Agbutengkami iti krus
Narigat nga awaten ti ayatmo
Mangiwaragawag kinapudno
(Koro)
MANGISALAKAN
Mangisalakan Kristo Dios
Amin ti langit, dayawendaka.
Ibunannagda’t dakkel nga ayatmo
Ti dagup amin a pinarsuam
Koro:
Kristo nga Ari
Siksika ti pagtamdanmi ditoy daga
Aridaka nga agnanayon
No iti lubong ken derrep
Kayatnakam nga isina kenka
Idta aywanmo inkam italek
Toy sinubbotmo a kararua.
(Koro)

JESUS A NAIMBAG UNAY
Koro:
Jesus a naimabag unay nagbasolak kenka
Pakawanennak Apo, Apo mangaasika
Asino’t saan nga agsangit
a makakita kenka
Ti tengnga’t daga ken langit
nga iti krus silalansa
Bato a pamulinawen
Ti naglas-ud ken limmukong
Iti tukok ti barukong
Ti addaan kasta rikna.
(Koro)
DITA ARPADMO
Koro:
Idi umayka Jesusko
Ditoy arpadko
Tapno isalakanmo
Dakami nga adipenmo
Pakawanennakam kadi
Ti nagkuranganmi
Ugasam toy pusomi
Tapno kenka maikari
Linuktam toy barukongko
Pinalintegmo toy biagko
Sinilawam toy isipko
Nga agturong kinapudno. (Koro)
Linuktam toy panunotko
Sinilawam toy dalanko
Nga agturong kinapudno. (Koro)
JESUS PAKAWANENNAK
Jesus pakawanennak iti nagbasolak
Dinak kad baybay-an a sumiasi’t dalan
Siakon ti agbabawi iti nagbasolak
Jesus pakawanennak iti nagbasolak
Jesus pakawanennak iti nagbasolak
Kadagiti kaaduan, kabusor ken pagayam
Siakon ti agbabawi iti nagbasolak
Jesus pakawanennak iti nagbasolak
Jesus pakawanennak iti nagbasolak
Kada ama ken ina, annak ken asawa
Siakon ti agbabawi iti nagbasolak
Jesus pakawanennak iti nagbasolak.
PUSO A NAPAKUMBABA
Puso a napakumbaba
managayat, naasi ti parsua
puso ti Apo mangisalakan
Kristo Jesus nasantoan
koro
Natalged ti biag
no adda tulongmo
Dinakam isina dita arpadmo
Denggem kad apo
toy asugmi
Ta pusom Jesus isu’t kamangmi
Aywanannak Jesus a kas kukuam
Pusok, karuruak, bagik ikutam
Ket no addaak pagpeggadan
dinak Jesus baybay-an.
Koro
Natalged ti biag
no adda tulongmo
Dinakam isina dita arpadmo
Denggem kad apo
toy asugmi
Ta pusom Jesus isu’t kamangmi
APO JESUS NGA ARIMI
Apo Jesus nga Arimi
Puon biag ken salakanmi
Sika ti pagrukbabanmi
Sika ti pagyamananmi.