EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

Epekto ng Paggamit ng Mother Tongue Bilang Midyum ng Instruksyon

sa Pagkatuto ng mga Mag-aaral sa Panahon ng Pandemya

Boa, Alexandra Alleya Nicolle S.

Endaya, Rosyen M.

Garcia, Manuel Jr. T.

Lucido, Vivian Q.

Mendoza, Karen Arlaiza O.

Pelago, Khristel Jade A.

First Asia Institute of Technology and Humanities

Batsilyer ng Agham sa Sekundaryang Edukasyon sa Larangan ng Ingles

Lungsod ng Tanauan, Probinsya ng Batangas

Gng. Emelita D. Flores

Mayo 10, 2021

EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

Ang Problema at Pagtanaw sa Literatura

Introduksyon

Sa pagtahak sa landas ng karunungan at kaunlaran ay kaakibat ang mga pagbabago na

makikita sa paligid. Kaugnay nito, sa panahon ng pandemya kung saan naging malaki ang

pagbabago sa larangan ng edukasyon, naging mabigat din ang hamon sa mga magulang upang

patuloy na matuto ang kanilang mga anak. Bunsod nito, ang pananaliksik na papel na ito ay ukol

sa “Epekto ng Paggamit ng Mother Tongue bilang Midyum ng Instruksyon sa Pagkatuto ng mga

Mag-aaral sa Panahon ng Pandemya.”

Ayon sa pag-aaral na ginawa ng United Nations Educational, Scientific and Cultural

Organization o UNESCO (2018), ang mga batang mag-aaral ay higit na natututo gamit ang

kanilang Mother Tongue bilang midyum ng instruksyon sa paaralan na umaabot sa 65%.

Gayunpaman, nasa 35% pa rin ng mga mag-aaral sa primaryang antas ang hindi natuturuan

gamit ang kanilang Mother Tongue sa Pilipinas. Dahil dito, mayroong dahilan upang maniwala

na ang paggamit ng mother tongue ay tumutulong sa proseso ng pag-aaral ng mga bata sa

murang edad.

Nakasaad sa papel na pananaliksik na ito na ang paggamit ng mother tongue bilang

midyum ng instruksyon ay walang direktang positibong epekto sa pagkatuto ng mga mag-aaral

sa panahon ng pandemya. Naglalayon ang papel na pananaliksik na ito na malaman ang epekto

ng paggamit ng mother tongue bilang midyum ng instruksyon sa pagkatuto ng mga mag-aaral sa

panahon ng pandemya. Makatutulong ito upang matukoy ang ang positibo at negatibong epekto

ng paggamit ng mother tongue bilang midyum ng instruksiyon sa pagkatuto ng mga mag-aaral.

Makatutulong din ito upang mabatid ang ilan sa mga suliraning kinakaharap ng mga magulang
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

sangkot sa pagpapatupad ng edukasyon sa gitna ng pandemya bilang sila ang katulong ng mga

guro sa pagtuturo.

Pagtanaw ng Literatura

Ayon sa datos mula sa Kagawaran ng Edukasyon (2016), ang Mother Tongue-Based

Multilingual Education o MTB-MLE ay isang instrumentong nagpapalakas sa pagbuo ng

naaangkop na kasanayan sa pag-iisip at pangangatuwiran na siyang nagbibigay-daan sa mga bata

na kumilos nang pantay-pantay sa iba't ibang mga wika — nagsisimula sa katutubong wika.

Noong taong 2009, binigyang pansin din ng Kagawaran ng Edukasyon o Department of

Education (DepEd) ang pagsusulong ng paggamit ng bernakular na wika sa pagtuturo ng iba't

ibang asignatura sa primaryang antas sa elementarya. Ito ay sa bisa ng Kautusan Blg. 74, s. 2009

ng Kagawaran ng Edukasyon na naglayong maipatupad ang MTB-MLE sa mababang paaralan sa

bansa.

Noong 2013, naging opisyal na wikang panturo na ang mga inang wika na buhat sa iba't

ibang rehiyon mula baitang 1 hanggang 3 dahil sa kurikulum na MTB-MLE sa ilalim ng Seksyon

5 (f) ng Batas Republika Blg. 10533 o ang Batas sa Pinabuting Batayang Edukasyon o mas kilala

bilang K-12 Curriculum. Sa ilang taon nitong pagpapatupad, masasabing ang repormang ito ng

pamahalaan ay naging mabisa upang maitaas pa lalo ang kalidad ng edukasyon sa bansa.

Kaugnay nito, ipinahayag ni Bb. Regina ng Pasig Elementary School na siya ay hindi

natakot gamitin ang inang wika bilang midyum ng instruksyon sa pagtuturo ng Matematika sa

Baitang 3. Nawala ang kanyang pag-aalala nang makita niya ang aktibong pakikilahok ng mga

bata nang magsimula silang gumamit ng katutubong wika sa kanyang klase. Bukod dito ay

napansin niya rin na ang mga bata ay naging mas komportable sa pagpapaliwanag ng nilalaman,

at higit na naipapapahayag ang kanilang mga ideya sa klase. Ang mga obserbasyon na ito ay
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

nagbigay liwanag sa kanya na ang paggamit ng katutubong wika ay nagbibigay-daan sa kanyang

mga nag-aaral upang mabilis na makabumuo ng mga ideya, ipaliwanag nang walang takot na

magkamali, at magdagdag ng mga bagong konsepto at kaalaman sa mga bagay na alam na nila

(DepEd, 2016).

Ayon naman sa resulta ng pag-aaral ni Franciso (2017) na pinamagatang “Magandang

Epekto ng MTB-MLE sa mga Kabataang Pilipino,” ang paggamit ng mother tongue ay may

mabuting epekto sa mga mag-aaral. Ito ay nakakapagpabago sa kung paano nag-iisip ang isang

mag-aaral base na lamang sa paraan nila ng pagsasalita at pagkatuto sa mga itinuturo ng guro.

Sinasabi na mas epektibo ito sa karamihan ng mga mag-aaral dahil mas naiintidihan nila ang

kanilang pagsusulit, pagbabasa at pagsasagot sa mga takdang aralin. Naging aktibo ang mga

mag-aaral sa pagsagot sa klase at naging mabuti ang kanilang pakikipag-komunikasyon sa bawat

isa. Isa pa, nakakatulong ang paggamit ng mother tongue upang umiwas ang mga mag-aaral sa

pagliban sa kanilang pag-aaral. Samakatuwid, ang paggamit ng mother tongue ay susi sa

pagkabuo ng tiwala ng isang mag-aaral sa kaniyang sarili. Mas na-eengganyo ang mga mag-aaral

na gamitin ang wikang kanilang sinasalita sa bahay at nababawasan ang kanilang hiya sa

pagsagot sa klase. Ang mga mag-aaral ay umunlad sa pagkatuto at pananalita dahil mas

naipapresenta nila ang kanilang nais sabihin. Bunsod ng mga kadahilanang ito, nasasabi ng mga

bata ang kanilang nais matutunan, hindi naintindihan, at pangangailangan.

Sinasabi ng DepEd (2016) na mayroong apat na aspeto ng pag-unlad ang MTB-MLE. Ito

nagpapalakas sa pag-unlad ng naaangkop na kasanayan sa pag-iisip at pangangatuwiran na

nagbibigay-daan sa mga bata na gumana nang pantay-pantay sa iba't ibang mga wika na

nagsisimula sa katutubong wika ng mga mag-aaral.

EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

Pag-unlad ng Wika. Ang mga mag-aaral ay magtatatag ng isang matibay na pundasyong

pang-edukasyon gamit ang wikang kinagisnan na kung saan sila ay magtatayo ng isang matibay

na "tulay" patungo sa wikang ginagamit sa paaralan, at magiging handa rin silang gamitin ang

lahat ng mga wikang kanilang nalalaman para sa tagumpay sa paaralan at gaanoon na rin sa sa

panghabambuhay na kaalaman.

Pag-unlad ng Kamalayan. Ang mga aktibidad sa paaralan ay makatutulong sa mga nag-

aaral na lumipat upang sumagot sa mga pangunahing tanong na sino, ano, kailan, at ganoon na

rin ang mataas na antas ng kasanayan sa pag-iisip gamit ang wika ng mga nag-aaral.

Ang mga pagkakasunud-sunod mataas na antas ng kasanayan ng pag-iisip ay: (1)

pagsasalin sa ibang mga wika sa sandaling sapat na nakuha ang Filipino o Ingles upang magamit

ang mga kasanayang ito sa pag-iisip at pagpapahayag ng kaisipan; at (2) magamit sa proseso ng

pagsasalin ng Ingles at Filipino nang mas mabisa.

Pag-unlad ng Aspetong Pang-akademiko. Makakamit ng mga mag-aaral ang mga

kinakailangang kakayahan sa bawat paksa at, sa pagtatapos ng programa, handa silang pumasok

at makamit nang maayos sa tulong ng pangunahing sistema ng edukasyon.

Pag-unlad ng Sosyo-Kultural. Ipinagmamalaki ng mga mag-aaral ang kanilang wikang

pamana at kultura, at tiyak na igagalang nila ang mga wika at kultura ng iba; bukod dito ay

handa rin silang magbigay ng produktibong ugnayan sa kanilang sariling pamayanan at sa mas

malaking lipunan. Bukod dito, kapag ang mga mag-aaral ay unang natuto sa wikang pinaka-alam

nila, nakakagawa silang isang mahusay na "tulay" patungo sa pag-aaral ng ibang wika.

Ayon naman sa mga nauna ng pananaliksik hinggil sa MTB-MLE, ang kurikulum na ito

ay naging matagumpay sa paghuhubog ng isip at kumpiyansa ng mga mag-aaral sapagkat ang

wikang ginagamit sa talakayan ay ang lengguwaheng alam na alam nila (Mariano & Gime,
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

2020). Sinabi naman ni Flagne (2017) na ang katagumpayan ng programang ito ay nakasalalay

sa mga guro sa kadahilanang sila ang gumagamit ng midyum ng instruksiyon.

Hindi rin maitatanggi na ang paggamit ng mother tongue ay may kinakaharap pa rin na

mga suliranin. Isa na rito ay ang kakulangan sa kagamitan na maaaring gamitin ng mga mag-

aaaral upang mas lalong mahasa ang pagkatuto at paggamit ng sarili nilang wika (Francisco,

2017). Bukod pa rito, ang isa mga pangunahing suliranin na ikinabahala patungkol sa paggamt

ng mother tongue ay ang pagsasalin sa mga katutubong wika ng mga konsepto at termonolohiya

sa Matematika (DepEd, 2016).

Sa kabilang banda ay nakasaad sa pag-aaral ni Pimentel (2017) na sa patuloy na paggamit

ng inang wika bilang midyum ng instruksyon ay patuloy na pagbaba rin ng pagkakataon upang

umunlad ang pakikipagkomunikasyon ng mga mag-aaral. Ito ay sa kadahilanan na sa pagdami ng

wikang ginagamit upang makipag-ugnayan sa kapwa ay ang pagkakaroon ng problema

patungkol sa pag-intindi ng mensahe.

Bukod dito, kapansin-pansin na hindi na nabibigyan ng halaga ang wikang tinagurian ng

mundo ganoon na rin ang wikang sumisimbolo sa ating pagka-Pilipino. Sinabi sa pag-aaral na isa

sa dahilan ang paggamit ng inang wika kung bakit hindi masyadong nabibigyan ng pansin ang

wikang Ingles at Filipino. Ito ay kabilang sa mga negatibong epekto sapagkat ito ang mga wika

na ginagamit ng mga mag-aaral mula sekondarya hanggang kolehiyo kaya naman nararapat na

bihasa rin sila sa paggamit ng mga wikang ito sa murang edad pa lamang upang magsilbing

matibay na pondasyon.

Ayon kay Hernandez (2016), kapag ang inang wika na isang lugar ay hindi tugma sa

wika na mismong sinasalita ay mas lalong nahihirapan ang mga mag-aaral na matutunan at

maintindihan ang paksang tinatalakay. Ito ay sinabing hindi lamang nakapokus sa problema ng
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

mga mag-aaral kundi maging sa mga guro na kung saan nagreresulta upang mawalan ng gana sa

iba’t-ibang asignatura.

Ngunit tayo ngayon ay humaharap sa isang pandemyang dulot ng Corona Virus Disease-

2019 (COVID-19) kung saan ang midyum ng pag-aaral ay nagkaroon ng pagbabago. Mula sa

utos ng nakatataas, inilunsad ng DepEd ang pagkakaroon ng iba’t ibang learning modalities

upang magpatuloy ang pag-aaral ng mga estudyante. Bunsod nito, mula face-to-face na klase ay

lumipat ang midyum ng instruksyon sa Modular Distance Learning at Online Distance Learning.

Dahil dito, humaharap ngayon ang mga mag-aaral sa higit na mas malaking hamon na matuto at

mag-aral sa loob ng kanilang bahay sa tulong at gabay ng kanilang mga magulang. Sa usaping

ito ay malaki ang gampanin ng MTB-MLE upang talakayin ng mga batang mag-aaral ang mga

leksyon sa gabay ng mga magulang at mga modyul na ipinamamahagi ng paaralan.

EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

TALATANUNGAN (ONLINE)

Pangalan (Opsyonal): _________________________________

Baitang ng Anak:

€ Unang Baitang

€ Ikalawang Baitang

€ Ikatlong Baitang

Epekto ng Paggamit ng Mother Tongue bilang Midyum ng Instruksyon

sa Pagkatuto ng mga Mag-aaral sa Panahon ng Pandemya

Panuto: Punan ng angkop na impormasyon o datos ang mga sumusunod na pangungusap.

Lagyan ng tsek (/) ang kolumn na nagsasaad ng antas ng pagsang-ayon.

4 - Lubos na Sumasang-ayon

3 - Sumasang-ayon

2 - Hindi Sumasang-ayon

1 - Lubos na Hindi Sumasang-ayon

Mga Pahayag 1 2 3 4
1. Nakakuha ang mga mag-aaral ng pansariling kasiyahan sa
pagkatuto ng mga aralin gamit ang mother tongue

2. Natutulungan ang mga mag-aaral sa pagpapalago at

pagpapaunlad ng kanilang sarili.
3. Nakakamit ang layunin na mapalago ang kaalaman gamit
ang mother tongue.
4. Mas na-e-engganyo na matuto ang mga mag-aaral gamit
ang mother tongue bilang midyum ng instruksyon.
5. Mas higit na nagkakaroon ng kakayahanan ang mga mag-
aaral na tapusin ang mga gawain ng aralin sa sipnayan.
6. Mas higit na nauunawaan ng mga mag-aaral ang mga aralin
dahil mother tongue ang gamit bilang midyum ng
instruksyon.
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

7. Ang mga mag-aaral ay umunlad sa pagkatuto at pananalita

dahil mas naipapresenta nila ang kanilang nais sabihin.

8. Naging susi ang paggamit ng mother tongue sa pagkabuo ng

tiwala ng isang mag-aaral sa kaniyang sarili.
9. Mas naiintidihan ng mga mag-aaral ang kanilang pagsusulit,
pagbabasa at pagsasagot sa mga takdang aralin.
10. Mas higit na nagkaroon ng pagkakaunawaan sa pagitan ng
magulang at mag-aaral dahilan upang maging madali para
sa mag-aaral ang pag-aaral.
11. Mas higit na napauunlad ng paggamit ng mother tongue ang
isipan ng mag-aaral.
12. Nakatutulong ang mga kaalaman at kasanayang natatamo sa
pamamagitan ng MTB-MLE sa pagpapataas ng kalidad ng
edukasyon sa bansa.
13. Mas nahikayat ang mag-aaral na magpatuloy sa pag-aaral sa
tulong ng paggamit ng mother tongue sa kanyang pag-aaral.
14. Sa paggamit ng mother tongue, naasasabi ng mag-aaral ang
kanyang nais matutunan, hindi naintindihan, at
pangangailangan.
15. Pinananatili ang pagbibigay ng halaga sa ibang wika at
tinaguriang wika ng mundo, ang wikang Ingles.
16. Naging mas madali ang pag-aaral sa mga asignaturang
nakasanayan ng tinuturo sa wikang Ingles kagaya ng
Agham at Matematika.
17. Naging mas magana ang pag-aaral kahit na nasa bahay dahil
itinuturo ang mga leksyon sa nakasanayang mother tongue.
18. Umunlad ang pakikipag-komunikasyon ng mag-aaral sa
tulong ng paggamit ng mother tongue.
19. Ang paggamit ng mother tongue ay nakatulong upang
makapagpapatibay sa kamalayang soyso-kultural ng mag-
aaral.
20. Umunlad ang kakayahan sa pakikipag-usap gamit ang
wikang Inges.
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

Mga Sanggunian

Department of Education. (2016). Mother Tongue-Based Learning Makes Lessons More

Interactive and Easier for Students. Retrieved from:

https://www.deped.gov.ph/2016/10/24/mother-tongue-based-learning-makes-lessonsmore-

interactive-and-easier-for-students/

Eslit, E. (2015). Mother Tongue Based Multilingual Education Challenges: A Case Study.

Edelweiss Publication. Retrieved from:

http://edelweisspublications.com/articles/44/96/Mother-Tongue-Based-Multilingual-

Education-Challenges:-A-Case-Study

Flagne, M. (2017). Mother Tongue Based-Multilingual Education (MTB-MLE): Saloobin at

Kabisaan ng Pagtuturo. Retrieved from:

https://www.academia.edu/40931327/Mother_Tongue_Based_Multilingual_Education_MT

B_MLE_Saloobin_at_Kabisaan_ng_Pagtuturo

Francisco, L. (2017). Magandang Epekto ng MTB-MLE sa mga Kabataang Pilipino. Retrieved

from: https://leyannfrancisco.blogspot.com/2017/03/magandang-epekto-ng-mtb-mle-sa-

mga.html?m=1

Hernandez, K. (2016). Mother Tongue Based-Multilingual Education. Retrieved from:

https://performancetaskinfilipino.wordpress.com/2016/08/29/mother-tongue-based-

multilingual-education/

Kagawaran ng Edukasyon. (2009). Institutionalizing Mother Tongue-Based Multilingual

Education (MLE). Retrieved from: https://www.deped.gov.ph/2009/07/14/do-74-s-2009-

institutionalizing-mother-tongue-based-multilingual-education-mle/
EPEKTO NG PAGGAMIT NG MOTHER TONGUE BILANG MIDYUM NG INSTRUKSYON

Mariano, L. & Gime, A. V. (2020). Ang pagtataya sa implementasyon ng polisiya sa MTB-MLE

ng mga pribadong paaralan sa rehiyon sa Pilipinas. Retrieved from:

https://www.google.com/url?

sa=t&source=web&rct=j&url=http://consortiacademia.org/wp-

content/uploads/2020/v9i3/5821_ijrse_final.pdf&ved=2ahUKEwjM-

aeigIzwAhWSwosBHYjjB34QFjANegQICBAC&usg=AOvVaw0-

BRDJia1S1c0MVuSVq3NN

Official Gazette. (2013). Batas sa Pinabuting Batayang Edukasyon ng 2013. Retrieved from:

https://www.google.com/url?

sa=t&source=web&rct=j&url=https://www.officialgazette.gov.ph/2013/05/15/batas-

republika-blg-

10533/&ved=2ahUKEwjZkMa9gozwAhUkCqYKHTPQB4MQFjAAegQIBBAC&usg=A

OvVaw1qUmEtvnaEfVP9w1lsA96S

Pimentel, J. (2017). Filipino research paper. Retrieved from:

https://www.academia.edu/36077756/Filipino_research_paper_docx

Taeza, J. (2014). Ang Suliranin at Pag-aangkop ng mga Guro ng Pampribadong Paaralan sa

Pagtuturo Gamit ang Di-kinagisnang Wika sa Programang MTB-MLE. Retrieved from:

https://www.academia.edu/36354433/Ang_Suliranin_at_Pag_aangkop_ng_mga_Guro_ng_

Pampribadong_Paaralan_sa_Pagtuturo_Gamit_ang_Di_kinagisnang_Wika_sa_Programang

_MTB_MLE

UNESCO. (2018). Mother Tongue Based-Multilingual Education. Retrieved from:

https://bangkok.unesco.org/theme/mother-tongue-based-multilingual-education