Editor
JC Lalthanfala
HLIMKHawpuI
Estd 2005
N. Hlimen Branch Y.M.A. Kartin Chanchinbu Kum 16-na, Issue No. 20 Dt. 23.05.2021
 Hunawl hman \hat  Zofate hmasawnna ngaihtuah
YMA HUANG
Thingzai chungchang:
Kan khua leh a chhehvela ramngaw thingte
sumdawn nana zai phal loh a ni a. Mahni in leh lo din nana
thingzai turte chuan Branch YMA-ah an hriattir hmasa tur
a ni.
Group YMA buatsaih Article
inziahsiak:
Pualreng Group YMA chuan kumpuan ‘Zirna Uar’
tih thupui hmangin Article inziahsiak a buatsaih a. Article
hi Class X chhin leh YMA member a duh apiangin an ziak
thei a. Words 1500-2000 inkar a ni tur a ni. July 2021 thla
ral hmain Group Secretary hnenah a hard copy thawn tur
a ni. YMA Member leh Class X chin chunglam ten ziah
\heuh i tum ang u. Lawmman hetiang hian siam a ni.
Pakhatna : Cheng 2,500/- leh Citation
Pahnihna : Cheng 1,500/- leh Citation
Pathumna : Cheng 1,000/- leh Citation
YMA Ram chhunga thing leh mau:
YMA ram chunga thing leh mau hi a hring emaw a
ro emaw pawh lak, phurh leh zai khap tlat a ni a. Hetianga
lo tiru kan awm chuan YMA hruaitute hnenah i hrilh vat
\hin ang u. An chungah dan anga hmalak a ni ang.
BUKPUI PHC HRIATTIRNA
Bukpui PHC-ah karleh Thawhtanni (24/5/2021) atang
khian RAT hmangin Covid-19 test a tih theih tawh dawn
a, test dan tur leh a hun bitukte hetiang hian ruahman a ni.
Chawlhkar tin Thawhtanni chawhnu dar 2:00-3:00pm. Test
ti duh reng rengte chuan Pathianni ral hmain heng mite
hnenah hian inhriattir lawk tur a ni ang.
Pu F. Lalnuntluanga (Contact No. 7095884915)
Nl. T. Lalchhanhimi (Contact No. 8256974353)
Pu C. Laldinmawia (Contact No. 9862077559)
Mahni duhthu leh inringhlelte tan Test man Rs. 200/
- a ni a, Positive contact, quarantine laite tan test man a
awm lo thung. Test tura kalten face mask leh distancing
ngaih pawimawh tur a ni
Test ti turten test man Rs. 200/- pawisa inkir buai ngai lo
tura ken thin ni se
Sd/-
Medical Officer,
Bukpui PHC: Bukpui
Hlimkhawpui semtute : Anita Vanlallenpuii, Lalhruaitluanga, MaryVanlaldinpuii, Rebek Remsangpuii,
Elizabeth Lalnunpuii, Niangzokimi, Paulalvena, Lalruatfeli
Kumpuan : Zirna Uar Joint Editor
Laltlanmawia
News Editors
SR Ramngaihzuala
Lianhminghlua
K.Lalrinfela
Cir. Manager
Chhundinga
 Kristian nun dan \ha ngaihsan
PEN CHHUAH PHAWT A
PAWIMAWH
Mi \henkhat hi chuan kan nunah hian bul \an
\ha leh turin kan tlai lutuk tawha inhriat châng kan nei a.
Chu chuan kan tum ram thleng thei lo turin min vaw
chau fo mai. Mihring hi kan kalkawng leh kan nunkawng
paltlang hi a lo inang lo nasa khawp a, \henkhat an tluan
êm êm laiin \henkhat chuan harsatna hi an chhûngte
emaw tih mai turin an tâwk zûr zut lawi a. Mi hrisel
chhungkua an awm a, hrisel lo êm êm an awm bawk a,
mi vannei an awm a, mi vanduai tak an awm bawk a.
Mi \henkhat chu hlawhtling turin remchanna chi hrang
hrangin a hual vêl emaw tih tur an ni a, \henkhat erawh
chu hlawhchhamna hian a rawn um ngat ngat emaw tih
tur an ni bawk a. Chutiang chu kan ni, kan lo inang lo
thei khawp mai.
Mahse, he khawvelah hian eng dinhmunah pawh
ding ila, eng thil pawh lo paltlang tawhin, eng ang pawhin
lo tlusawp tawh mah ila a pawimawh ber chu bul \an
\ha leh tura kan thochhuak leh thei laia hi a ni. Kum tam
tak i lo hloh tawh a ni thei e, hun harsa tak hnuaiah i
awm a ni thei e, mi \henkhat chuan chung hun harsa chu
chhuanlama hmangin hahchawlh nan leh \hut mai mai
nan an hmang a, an hun hlu tak an khawhral a.
Hlawhtlinna hi an ta ni ve thei ngailo turah an dah hmiah
a. |henkhat chuan an nuna harsatna te, chhungkaw
harsatna te, mimal harsatna te chu chhuanlamah hmangin
hma lam pan thei lova inhriatna in a thut bet a, thawh
chhuah tum lovin an \hu reng mai bawk a.
Hma lam pan tura tumah an thawhchhuah ve
loh avang te, phurpuitu i neih loh avang te, tumahin an
bengkhawn loh avang te, mi zawh loh lam leh mi hriat
loh lam a nih avang te in i kalkawng a khawhar a ni thei
e. Mahse a pawimawh ber chu hei hi a ni. Tum nachang
hre lote ai chuan bul \an tlai deuh mah la hma i sawn
tawh sa hrim hrim a, an awmhmun a\anga la tho chhuak
ve lote ai chuan i thleng thui tawh hrim hrim. Chu beiseina
leh rinna nen chuan i kal chak emaw, i kal muang emaw,
hma lam pana i pen hrim hrim chuan chu chuan dinhmun
\ha zâwk leh duhawm zâwkah a la hruai thleng ngei
ngei ang che.
Khai le, kan tum ram thleng tur hian a hma
emaw a tlai emaw pawh ni sela, i kal chak emaw, i
kal muang emaw pawh ni sela pên chhuah hmasak
phawt a pawimawh a ni.
 N. Hlimen Branch Y.M.A. Kartin Chanchinbu Kum 16-na
Editorial...  PASAL|HA
Pasal\ha tih \awngkam hi kan hriat chian vek ni
siin a awmzia hrilhfiah hi thil awlai lo tak a ni ang. |henkhat
chuan sa kap thei niin an sawi a, \henkhat chuan sa
hrang hmaa zam ngai lo tiin an sawi anga, \henkhat chuan
kawng engkima mipa nih tlingte hi pasal a tan an \ha a,
pasal\ha an ni mai a lawm an ti thei ang. Pasal\ha hming
hrim hrim hian min thlamuan thei nghal nia. Kan pasal\hate
chanchin thlirin Pasal\ha tih hi tluang tlam taka hrilhfiah
ngawt chi ni in a lang lo.
Nuna lang fiah chi, huaisenna, tlawmngaihna leh
midangte tana malsawmna leh thlamuantu an nih avangin
pasal\ha te khan 'pasal\ha ka ni' an ti ngai miah lo nia.
Pasal\ha te zia kha a lo ropui ngawt mai. Mizo nih hi an
ti nuam a, nunau te hlei hlei khan an lo thlamuanpui \hin a
sin. Mi chimawm an ni lova, \anpui ngaite puitu an ni
zawk a. An huaisen avangin an uangthuang lova, tumah
an chaldelh lo. Thim leh var sawi lovin midangte \anpui
turin an inkau reng \hin a sin.
Sa leh ral lakah an tlanchhe ngai lova,
hlauhawmah pawn mahni inphatin lu an rawlh ngam, tlan
ai chuan \hian chhan thih an thlang daih nia. Ngaihtuahna
fim tak hmangin ral a rel a, a hma a tih tur awmte chu
hlen chhuak duh mi a nihna chu a cheziaah a ti lang \hin.
Hmelhriat loh pawh nise, \anpui an ngaih chuan a \anpui
mai \hin.
Ramin harsatna a tawk a, tute nge kan pasal\ha,
nunau thlamuan a, \anpui \hintu chu ni ta ang le? Hri
hlauhawm tak a lo leng a, tunge mahni inphat a, midangte
tan nun hlan ta le? Fing taka rorel a, an hma tih tur awm
te \ha taka hlen chhuak duh mi chu tunge ni ta ang le?
Vanapa, Zampuimanga, Taitesena leh midang
an awm tawh lo. Kei leh nang kan awm e, zam lovin,
huai takin he hripui hi hneh turin insangmar ang le.
NATIONAL DENGUE DAY
16th May, 2021 Pathianni
1. Dengue hi Mizoramah Malaria angin lar lutuk lo mahse,
a bikin Aizawlah a vei engngemawzat hmuh chhuah tawh
a ni.
2. Dengue transmission period (May-September) a lo
in\an leh tak avangin mitinte i fimkhur ang u.
3. Dengue chu natna hrik thosi chi khat, \ial rik rek (Aedes
Aegypti) virus paiin mi a seh a\anga kai a ni a, mi a seh
a\anga ni 5-6 velah a langchhuak \hin.
A lanchhuah dan: Khawsik sang tak, lu leh chal bawr
na, thil ei tui lo, mitmu chhung na, tihrawl na, ruh chuktuah
na, pumna, bawl, luak chhuak, tuihal, thawk harsa, etc.
Hetianga kan awm a nih chuan Doctor rawn vat tur a ni.
A inven dan: Thosi pian theihna tui tling tih bo, tuizem
phui taka chhin, chhunah min seh theih avangin
kawrbantlawn hak, naupang / nausen mu te thosilen zar
tur a ni. Ram kalnaah thosi hlo Odomos cream in chulh
\hin tur a ni.
Published by : Young Mizo Association, N. Hlimen Branch, 196 Copies,
Issue No. 20 Dt. 23.05.2021
LawRKHawM
Kum 18-44 inkar ten Covid Vaccine la dawn:
Mizoram sorkar chuan kum 18-44 inkarte tan
Covid-19 Vaccination chu ni 17.5.2021, thawh\anni
a\angin kalpui \an a. Vaccine la tur te hi mahniin inziahluh
tur a ni a. Tun a\angin inziahluh hi tih lawk nghal theih niin
inziaklut chauh ten vaccine hi an la thei dawn a ni. Mahni
inziahluh theihna tur link chu: https://
selfregistration.cowin.gov.in/ Kan khua tan erawh he
vaccine lak tan theih hun tur erawh hriat a la ni lo. Kum
18 tling chin chuan mahniin lo in register vek ang u.
COVID-19 hri kai Mizoram State Health
Care Society hnuaia inziaklut ten inenkawlna
senso (ei leh in man telin) bill thei dawn:
May ni 19, 2021 a sorkar thuchhuah angin
Sawrkar recognised Hospital, Dedicated Covid Health
Centre (DCHC), Covid Care Centre (CCC) leh Com-
munity Covid Care Centre (CCCC/4C) hnuaia COVID-
19 hri kai enkawl, Mizoram State Health Care Scheme
hnuaia in register te chuan an inenkawlna senso (ei leh in
man telin) an bill thei dawn tih a tarlang a, Mizoram State
Health Care Scheme hmanga Bill tur te chuan 'Claim
Form' hmangin Health Care Society ah an bill thei dawn
tih a tarlang tel bawk a ni.
'Claim Form' hi COVID-19 hri kaite enkawlna
hmunah hian dah vek a ni.
Kolasib Sub-Hqrs YMA in thuchhuah siam:
Kolasib Sub-Hqrs. YMA chuan thuchhuah siam
in, District chhunga Covid-19 leh a kaihhnawih a boral
palh an awma invui dan tur Ieh sawngbawl dan tur
ruahmanna Kolasib DC in a siam chu Branch tin te ngai
pawimawh turin an ngen.
Mitthi invui dan siam a No. 6 na - 'Thlan laih
chungchang' ah YMA kan nihna a tlawmngaih chhuah
a thlan luh kan inchuh \hin leh, in hnaih taka kan in tlar
\hin chungchangah hripui len chhung chuan physical dis-
tancing vawng hram hram turin hmalak ni thei se an duh
thu Kolasib Sub-Hqrs. YMA chuan sawiin, thlan khur hi
hripui inkaidarhna hmun \ha tak anih theih avangin, thlan
lai tura kal leh thlan a lut apiang ten Mask vuah ngei ni
thei se an duh thu an sawi bawk.
Kolasib Sub-Hqrs YMA thuchhuah siam hma
hian Central YMA Office Bearers leh Medical Operation
Team (MOT) on Covid - 19-te chuan Covid - 19 vanga
thite ruang sawngbawl dan chungchanga rualkhai zawka
kan kal theih dan tur thuchhuah lo siam tawh a. An
thuchhuaha tarlan danin Covid - 19 vanga thite,
Damdawiin a sawngbawl vek tawh hnua kuanga dah tawh
chu a hlauhawm tawh loh. Covid - 19 vanga thite
sawngbawl tawhte hi natna dang vanga thite ang thovin
zahawm takin In/Hall-ah vuina hun hman theih a ni. Kuang
buaipuitu ten Gloves leh Mask vuah a him tawk a, Full
PPE hak kher a ngai lo. Mitthi vuituin Full PPE hak kher
a ngai lova, Mask vuah mai a tawk.
Contact No. 8787561967