Ako si Charlemagne Darwin Peraja y Gutierrez, may sapat na taong
gulang, kawani ng Oriental Mindoro Electric Cooperative at naninirahan sa Calapan City, Oriental Mindoro, ay kusang loob na nagbibigay ng salaysay base sa itinadhana ng batas. Na, noong Nobyembre 14 taong kasalukuyan ay may nagchat sa aking social media account sa facebook at nag pakilalang si Jekka Reyes. Gusto daw niyang makipag-kaibigan, makipagkita at magkakilala kami ng personal. Inimbita din nya ako sa kanyang staff house sa CARD Bank Victoria Branch kung saan siya nagtatrabaho. At dahil hindi ko naman siya personal na kilala ay tumugon lang ako ng isang pasasalamat sa kanyang imbitasyon. Na, noong araw ding iyon ay kausap din pala niya ang aking asawa na si Mary Ann D. Peraja sa facebook kung saan ay puro paninira naman ang sinasabi ni Jekka tungkol sa akin sa hindi ko malamang kadahilanan. Ganon pa man ay nag usap kami ng aking asawa ng maayos at nagkasundo na wag na lamang pansinin itong Jekka at inisip namin na wala lang siyang magawa at gusto lang sirain ang aming pagsasama at na wag naming hayaang magtagumpay siya. Na, noong Desyembre 7 taong kasalukuyan ay muling nagpost itong si Jekka sa aking facebook na nagaakusa sa akin ng kung ano anong paninira at akusasyon na wala naman akong kinalaman. Na, noong araw ding iyon ganap na alas dose ng tanghali ay napagpasyahan kong puntahan na itong si Jekka sa kanyang opisina upang kumprontahin at kausapin at malinawan tungkol sa kanyang paninira na ginagawa sa akin sa hindi ko malamang kadahilanan. Na, pagdating ko sa kanyang opisina ay agad kong kinausap ang kanyang Branch Manager para maging maayos ang aming paguusap at paghaharap. Na, sa mga oras na iyon ay ipininatawag na niya itong si Jekka para kami ay pagharapin. Na, sa aming paghaharap sa unang pagkakataon ay labis na ikinagulat ni Jekka ang kanyang mga nalaman tungkol sa akin at wala daw siyang kinalaman sa lahat ng nangyari. Na, sa mga oras na iyon ay humingi sya ng paumanhin at pasensya sa akin at ako ay naliwanagan. Na, ayon sa kanya ay may gumawa lang din daw nang isang dummy or fake account sa facebook at gamitin ito sa paghihiganti laban sa kanya para siraan sya sa kanyang sariling kompanyang pinagtatrabahuhan at sa mga taong nakakakilala sa kanya. Na, ayon sa kanya ay ang taong gumawa daw ng dummy or fake account na iyon ay ang kanyang dating kasintahan na si PO1 Mario S. Perez, isang pulis na kawani ng Pambansang Kapulisan Ng Pilipinas. Na, ginawa ko ang salaysay na ito sa kahilingan ni Jekka Blanca Reyes y Tolentiono para sa katotohanan at para sa pagsasampa ng kaso sa hinaharap.