KRISIS SA TUBIG MAY SOLUSYON PA BA?

Hindi na bago sa lahat ang senaryong ukol sa patuloy na paglaganap ng mainit

na panahon kaya unti-unti ring humuhupa ang suplay ng tubig sa bawat lugar. Isa sa
mga suliranin sa maraming tao at lugar ang krisis sa paghina at kakulangan sa suplay
ng tubig para sa pang araw-araw na pangangailangan.

Isa sa labis na naapektuhan sa paghina ng suplay ng tubig ay ang Mababang

Paaralang Sentral ng Socorro, nagtitiis sa mahina at kulang na suplay ng tubig na
pagunahing pinagkukunan sa araw-araw na pangangailangan ng paaralan tulad na
lamang ng pagdidilig ng mga halaman, panggamit sa bawat banyo, at iba pa. Dahil sa
sobrang init ng panahon unti-unti ring humihina ang suplay ng tubig para lumaganap sa
buong bayan, kung kaya’t hirap at nagsasakripisyo ang mga bata sa pag-iigib ng tubig
sa mga kalapit na poso o kaya’y deep wheel. Halos taon-taon ito ang naranasan ng
mga bata at guro dahil sa mainit na panahon.

Ayon sa Socorro Water District mahigit kalahating porsyento ang nawawala sa

dam kung saan hindi na sapat ang suplay ng tubig upang matugunan ang pangunahing
pangangailangan ng bawat pamilya. Sa dami ng protesta sa mga tao gumawa na ng
paraan ang ahensya upang masolusyunan ang nasabing suliranin. Naghuhukay sila ng
deep wheel para sa karagdagang suplay ngunit ikinabahala naman ito ng maraming tao
dahil sa hindi kaaya-ayang lasa at amoy. Hindi pa rin ito kayang umabot sa mataas na
lugar.

Ano nga bang dahilan sa ganitong suliranin? Kakahoyan o watershed ito ang isa
sa dahilan kung bakit humuhupa ang mga pinanggagalingan ng tubig epekto sa patuloy
na pagkasunog ng maraming puno sa mga bukirin na kumakalbo sa mga watershed
area na tanging nakakatulong sana upang hindi nawawala ang suplay ng tubig.

Sana sa pabalik balik na suliraning ito, bawat isa sa atin ay gigising sa

katotohanang ang lahat ng problemang ating kinakaharap ay kagagawan nating lahat –
Ang ating kapabayaan…