A NUNG KA THINLUNGAH…

Rbt. H. Lalroluahpuia

Easter Sunday kan lo thleng leh ta, a va lâwmawm >m! A sawi ang ngeiin Isua chu a tho leh ta (Mt.
28:6b). “Pathian Biak In hi ṭhiat a, ni thum chhûnga sa leh thei ka ni,” (Mt. 26:61) a tih rêng kha! Kan
zîngah Pathian ram chu a lo thleng ta (Mt. 16:28); Ani chu a rinawm a ni (I Thes. 5:24).

Lal Isua thihna hneha a thawhlehna hi khawvêla thil thlengte zînga ropui ber leh lâwmawm ber a ni a.
Apostol-te khân a thawhleh thu hi sawi awihawm \ulah an ngai lova, a thawhleh dân chanchin chipchiar
pawh an sawi ngai lo; mahse a thawhleh ngei thu leh a thawhlehna avânga ringtute chanvo ropui takte chu
thupui berah an neih ta zâwk a ni. Tirhkoh Paula chuan, “Mitthi zîng ata a thawhlehna chuan Pathian
Fapa a nih nasa takin a hriattîr a,” (Rom 1:4) a ti a. Tirhkoh Petera pawhin, “Mitthi zîng ata Isua Krista
thawhlehna avângin beiseina nung hmu tûrin min hring leh a,” (1 Pet. 1:3) a ti mai a. Ni e, a thawhlehna
hriatpuitute an ni takzet a ni (Tirh. 2:32).

Isua Krista thawhlehna danglam êm êmna chu thihnain a hneh leh tawh ngai loh tûr nunna nêna a
thawhlehna hi a ni (Rom 6:9). Chu ngei chu Lal Isua thawhleh dân chu a ni a, mitthi zîng ata leh thihna
aṭangin kaihthawh a ni takzet a ni. Adama-ah mi zawng zawng kan thi ang khân, Kristaah chuan mi
zawng zawng chu amah angin nunna pêk kan lo ni leh ta a. Isua chu thawhlehna hmahruaitu niin, a lo kal
leh hunah Ama (Krista) tate chu kan tho ve leh dâwn a ni (1 Kor. 15:20-23, 45).

Hei hi Krista thawhlehna zâra beiseina nung, ringtute chanvo a ni (I Pet. 1:3). He beiseina nung avâng
hian Petera chuan, “Kan Lalpa Isua Krista Pathian leh Pa chu fakin awm rawh se,” a ti hial a; fak leh
chawimawi phu ber a ni rêng a; vawiin thlenga kan fakna ṭawngkam ber pawh a lo ni ta zêl a ni. Ringtute
tâna Pathian chu Pa tia koh theih khawpa hnai a nihzia pawh a lo lang nghal a. Chutiang chuan, tûn hun
leh nakin hun, Krista a inlâr huna ropuina hmabâk a la ni bawk a. Kan rochan tûr hi khawvêl lam thil ang
ni lovin, Israel faten an rochan anga an ngaih ramtiam, sawrkâr dangin a tihchhiat leh mai theih ang pawh
ni lovin; chhe thei lo, hmêlhem lo leh chuai ve thei ngai tawh lo tûr a ni dâwn a. Leilung siam ṭantirh ata
kan t^na buatsaih, chatuan atâna Pathian Lalna ram a ni tawh ang (Mt. 25:34).

Hetih lai hian, Isua ngeiin, “Ka ram chu he khawvêla mi hi a ni lo...” a ti a (Jn. 18:36). Rorêlna nî-a thiam
changa kan din hma pawh hian harsatna kârah te, tuarna leh hrehawmna thleng mêk kârah te pawh
Pathian thiltihtheihnaa venhim kan nih zêl theihna tûrin rinnaa innghata thlamuang taka awm tûrin Petera
hian min fuih bawk a, a thupui ber erawh chu chatuana nunna a ni (I Pet. 1:4-5).

Chu thawhlehna thiltihtheihna, beseina nung ang chuan ringtute chu kan ṭawih ral ve dâwn lo va, hnehtu
Isua avângin chatuan atân kan tho leh ngei dâwn a ni (Rom 8:11). Chatuan atâna nun neitute kan nih
avâng hian thi ve tawh lo tûrte chu kan inhre thei a (I Jn. 5:10): tûnah pawh hian Isua chu " 𝑨 𝒏𝒖𝒏𝒈 𝒌𝒂
𝒕𝒉𝒊𝒏𝒍𝒖𝒏𝒈𝒂𝒉," kan lo ti thei ta a ni. Chutiang mite tân chuan nun hi Krista a ni ang a, he taksa thihna
pawh hi hlâwkna t<r a lo ni tawh zâwk a (Phil. 1:21). Min kotu Isua chu a rinawm a, kan beisei thlâwn lo
vang...

Hetih lai hian Tirhkoh Paula chuan, Krista ruala thite chu Ama rual veka kan thawh leh thu min hriatt$r a
(Rom 6). Thihna ata nunnaa hruai luh m>k kan ni a, chhandam m>k kan ni tihna niin, a famkimna kan la
chang ngei d^wn a ni tih pawh a chiang hle mai, a va ropui >m (I Kor. 15:2, Eph. 2). Chutiang chuan, he
khawv>lah ngei pawh hian chatuan at^na nunna kumhlun t<r chu kan lo tem/ch>n l^wk thei reng a. Chu
nun chu, thihna hnehtu Isua ngeiin he khawv>la a lokal chhan a nih thu min hrilh a, thilsiam zawng
zawngte hriat thama tam taka nei t<rin min duh bawk. “A nung ka thinlungah,” titute av^ng hian
khawv>l hian Isua chu an hre thei t<r a ni a. A thup>k hnuhnung ber kha kan zavaia t^na hna \ul hmasa
ber lo ni thar leh \heuh rawh se (Mt. 28:19-20). Amen!