Lina S.

De Vera May 27, 2021

BSEFIL-3C Ma’am Kristine Benito

GAWAIN 2: PAGLALARAWAN

Ang Rizal Park ay isa sa mga makasaysayang pook sa Pilipinas. Ito ay matatagpuan sa lungsod
ng Maynila. Mayroon itong lawak na 60 hektarya at isa rin itong parke kung saan pwedeng pasyalan ng
mga pamilya. Mayroon itong monumento ng ating pambansang bayani na si Jose Rizal kung saan ito ang
sentro ng atraksyon dito.

Makasaysayan at pinahahalagahan ang Rizal Park.Ito ay nagsilbing huling hantungan ni Rizal,ang

ating pambansang bayani,sapagkat dito siya binaril at pinatay noong Disyembre 30,1896 (panahon pa
noon ng mga Espanyol). Nirerespeto ang makasaysayang pook na ito. Sapagkat mataas ang kalidad ng
seguridad sa lugar na ito. May mga sundalo mula sa ating militar na nakatayo sa tabi ng monumento upang
ipakita na tunay na nirerespeto at pinahahalagahan ang monumentong ito upang maiwasan ang paninira
ng mga masasamang loob sa pook na ito. Ipinagtanggol ng mga mamamayan ang Rizal Park.Isang
halimbawa nito ay ang isyu ukol sa isang gusali na makikita sa likod ng monumento. Sagabal ito sa mga
turista sapagkat tuwing kumukuha sila ng larawan ng Rizal Park ay parati naroroon ang imahe ng Torre de
Manila o kumbaga nagiging “photo bomber”, kung kaya’t nagreklamo ang mga taga-Maynila na nasisira
ang magandang imahe ng makasaysayang pook na ito dahil gusto lang nila ang imahe ng monumento at
wala nang iba . Sinisisi rin nila ang lokal na pamahalaan ng Maynila ukol sa pagapruba ng permiso upang
ipatayo ang Torre de Manila at ngayon ay nakasisira sa imahe ng pook.

Ang Rizal Park ay tunay na pinahahalagahan ng mga Pilipino. Sapagkat may respeto sila rito at
talagang ipinagmamalaki ang pambansang bayani. Ipinagtanggol na rin ito ng mga mamamayan laban sa
mga isyung nakasisira rito.Ang Rizal Park ay hindi isang ordinaryong monument, dahil kapag pumunta dito
ay malalaman mo na kaagad ang kasaysayan ng ating bayani at hindi ka uuwing wala pa ring alam tungkol
kay Rizal.