Gaano nga ba kahalaga ang edukasyon? Ano nga ba ang
kaugnayan nito sa ating kinabukasan? Sa araw araw nating pamumuhay mula paggising ng umaga hanggang matapos ang buong araw di natin maitatangi na tayo ay minsan napapatanong kung ano nga ba ang kahalagahan ng edukasyon…
Maraming nagsasabi “ang kabataan ang pagasa ng bayan”
at “ kabataan ang babangon sa kahirapan” ngunit mahirap isipin na mas marami sa mga kabataan ngayon ang hindi nakapagaral at hindi makapagtapos ng pagaaral dahil sa ibat ibang dahilan. Ang isa sa pinakadahilan ay ang kinakaharap natin ngayong pandemya. Dahil sa nakakamatay na covid 19 maraming bagay ang nagbago kabilang na ang sistema ng edukasyon sa ating bansa. Ang ating mga pamahalaan at ang kagawaran ng edukasyon humanap ng paraan upang may matutunan pa rin ang mga magaaral. Mula sa face to face classes ngayon ay blended learning gamit ang mga modyuls at online classes. Noong buwan ng Agosto ng ipatupad ng kagawaran ng edukasyon ang pagbubukas ng klase, napaisip ako kung ako ba ay mageenroll dahil negative agad ang pumasok sa isip ko na baka hindi ko kayanin ang bagong sistemang ito dahil walang internet connection at gadgets na number 1 na kailangan mo. Paano nga ba nagbago ang nakagawain ko bilang isang magaaral ngayon sa bagong sistema ng edukasyon? Bilang isang magaaral masasabi kong hindi ako sanay sa bagong sistemang ito ngunit kailangan kong magpatuloy sa agos ng buhay. Napili ko itong online class o blended learning dahil kung makakapakinig pa rin ako sa mga guro na handang magturo kahit na nasa ganitong sistema ay makakapagtapos ako at matutupad ko ang pangarap ko kahit nasa ganitong kalagayan. Dahil ang edukasyon ang magiging solusyon sa kahirapan kahit napapagod, napupuyat,nagkakaroon ng problema sa internet kailangan natin itong pahalagahan kahit na ito ay modular o online man na paraan. Nakakatuwang isipin nga na kahit sa kabila ngn hirap na ating nararanasan nmgayon tayo ay nagpapatuloy at may natutunan. Ito ay malaking kasiyahan para sa ating magulang na tayo ay makapagtapos kaya kahit sila ay nagpupursigido. Tayo ay makiisa sa pagtitiis ng ating mga magulang, mga guro, mga organisasyon at kagawaran ng edukasyon dahil palagi natin tatandaan na ang edukasyon ang magpapahubog sa ating isipan, edukasyon ang magpapatayo sa ating mga paa. Hindi magiging hadlang ang pandemya upang tayo ay magpatuloy aniya nga nila “ kung gusto mo may paraan kung ayaw maraming dahilan” huwag nating antaying mawala ang lahat ng mga pagkakataon para sa ikauunlad natin. Sama-sama nating yakapin at tanggapin ang mga aspektong makapagbibigay sa atin ng lakas na makakatulong sa ating ikauunlad. Nasa ating kamay ang pag-unlad na inaantay ng ating bayan. Sapagkat tayo ang tinaguriang pag-asa ng bayan.