Intelektuwalisasyon ng Wikang Filipino at Integrasyon ng Lipunan
Higit pa sa ambag ng wikang Filipino sa ating pagkakilanlan, ito ay susi sa pag-uugnay
ng mga mamamayang Filipino. Isa sa mga dahilang iminumungkahi ng ilang siyentistang panlipunan sa mabagal na pagsulong ng lipunan ay ang kahinaan ng integrasyong panloob (Boeke,1953; Tullao, 1994). • Ang pagtanggi sa paggamit ng wikang Filipino ay nakabatay sa mababang antas ng pagiging intelektuwalisado nito kahit ito ay nauunawaan ng nakararaming Filipino. • Isang panukala ng maraming lider at intelektuwal ng ating bansa na gamitin ang wikang Ingles bilang wikang pamagitan na magbubuo sa ating lipunan. • Batay sa lumalakas na pagtanggap ng wikang Filipino at lumalaking bahagi ng bansa ay nakauunawa nito, mabigat ang potensyal ng wikang Filipino na maging wikang mapag-ugnay at mapagbuo. • kinakailangan ang intelektuwalisasyon upang ang potensiyal nitong maging instrumento sa pagbubuo ng ating lipunan ay maisakatuparan. Hindi kukulangin sa 100 taon bago maging intelektuwalisado ang wikang Filipino. Isa sa matinding problema sa pagpapatupad nito ay ang pagtanggi ng maraming iskolar, propesor, intelektuwal, at pinuno ng ating bansa sa paggamit ng wikang Filipino sa kanilang disiplina at sektor dahil sila ay mga aral sa wikang Ingles at higit na magaan itong gamitin sa kanilang mga komunikasyon at transaksiyon. (Bonifacio SIbayan, 1999).