9

Filipino 9
Ikaapat na Markahan – Modyul 1
KALIGIRANG PANGKASAYSAYAN
NG
NOLI ME TANGERE
Filipino – Ikasiyam na Baitang Alternative Delivery Mode
Ikaapat na Markahan – Modyul 1: KALIGIRANG PANGKASAYSAYAN NG NOLI
ME TANGERE

Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anumang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa

anu mang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: CARLA MAE D. REGALA, LORAINE M. YAP

Editor: Venicar P. Eltanal
Tagasuri: Roshelle G. Abella, Lucille T. Folio, Janeth A. Celin, Vincent Gee R.
Abrasado, Crispina P. David
Tagalapat: Jerry Mar B. Vadil
Tagapamahala: Senen Priscillo P. Paulin, CESO V Rosela R. Abiera
Joelyza M. Arcilla, Ed.D. Maricel S. Rasid
Marcelo K. Palispis, JD, Ed. D. Elmar L. Cabrera
Nilita L. Ragay, Ed.D.
Renante A. Juanillo, Ed.D.

Inilimbag sa Pilipinas ng ________________________

Department of Education –Region VII Schools Division of Negros Oriental

Office Address: Kagawasan, Ave., Daro, Dumaguete City, Negros Oriental

Tel #: (035) 225 2376 / 541 1117
E-mail Address: negros.oriental@deped.gov.ph
Paunang Salita
Para sa tagapagdaloy:

Malugod na pagtanggap sa asignaturang Filipino 9 ng Alternative Delivery

Mode (ADM) Modyul para sa araling KALIGIRANG PANGKASAYSAYAN NG NOLI ME
TANGERE.

Ang modyul na ito ay pinagtulungang dinisenyo, nilinang at sinuri ng mga

edukador mula sa pampubliko at pampribadong institusyon upang gabayan ka,
ang gurong tagapagdaloy upang matulungang makamit ng mag-aaral ang
pamantayang itinakda ng Kurikulum ng K to12 habang kanilang pinanagumpayan
ang pansarili, panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at

malayang pagkatuto na mga gawain ayon sa kanilang kakayahan, bilis, at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.

Bilang karagdagan sa materyal ng pangunahing teksto, makikita ninyo ang kahong

ito sa pinakakatawan ng modyul:

Mga Tala para sa Guro

Ito'y naglalaman ng mga paalala,
panulong o estratehiyang magagamit sa
paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang magaaral

kung paano gamitin ang modyul na ito. Kinakailangan ding subaybayan at itala
ang pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.

Para sa mag-aaral:

Malugod na pagtanggap sa Filipino 9 ng Alternative Delivery Mode (ADM)

Modyul ukol sa KALIGIRANG PANGKASAYSAYAN NG NOLI ME TANGERE.

Ang kamay ay madalas gamiting simbolo ng kakayahan, aksyon at layunin. Sa

pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral, ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.

ii
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa
pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga dapat mong

matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng modyul. Kung nakuha mo ang
lahat ng tamang sagot (100%), maaari mong laktawan ang
bahaging ito ng modyul.

Balikan Ito ay maikling pagsasanay o balik-aral upang matulungan

kang maiugnay ang kasalukuyang aralin sa naunang leksyon.

Tuklasin Sa bahaging ito, ang bagong aralin ay ipakikilala sa iyo sa

maraming paraan tulad
ng isang kuwento, awitin, tula, pambukas na
suliranin, gawain o isang sitwasyon.

Suriin Sa seksyong ito, bibigyan ka ng maikling pagtalakay sa aralin.

Layunin nitong
matulungan kang maunawaan ang bagong
konsepto at mga kasanayan.

Pagyamanin Binubuo ito ng mga gawaing para sa malayang

pagsasanay upang mapagtibay ang iyong pang-unawa at mga kasanayan
sa paksa. Maaari mong iwasto ang mga sagot mo sa pagsasanay gamit ang
susi sa pagwawasto sa huling bahagi ng modyul.
Isaisip Naglalaman ito ng mga katanungan o pupunan ang patlang ng
pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing makatutulong sa iyo

upang maisalin ang bagong kaalaman
o kasanayan sa tunay na sitwasyon o realidad
ng buhay.

Tayahin Ito ay gawain na naglalayong matasa o masukat

ang antas ng pagkatuto sa pagkamit ng natutuhang kompetensi.
Karagdagang Sa bahaging ito, may ibibigay sa iyong

ii
i
 Gawain
panibagong gawain upang pagyamanin ang
iyong kaalaman o kasanayan sa natutuhang
aralin.

Susi sa Pagwawasto Naglalaman ito ng mga tamang sagot sa lahat ng

mga gawain sa modyul.

Sa katapusan ng modyul na ito, makikita mo rin ang:

Ito ang talaan ng lahat ng pinagkuhanan sa

Sanggunian paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lagyan ng anumang
marka o sulat ang anumang bahagi ng modyul. Gumamit ng hiwalay na
papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari ka
ring humingi ng tulong sa iyong mga magulang, sa nakatatanda mong kapatid o
sino man sa iyong mga kasama sa bahay na mas nakatatanda sa iyo. Laging itanim
sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!

i
v
 ALAMIN

Magandang buhay! Kumusta ka na? Binabati kita sapagkat

matagumpay mong natapos ang unang tatlong markahan sa ikasiyam na
baitang. Ngayon ay maglalayag ka na sa huling markahan sa
taongpanuruang ito. Sa markahang ito ay pag-aaralan mo ang tungkol sa
isa sa pinakatanyag na nobela sa buong kasaysayan ng panitikang
Pilipino. Sisimulan natin sa modyul na ito.
Ang modyul na ito ay tungkol sa Kaligirang Pangkasaysayan ng Noli Me
Tangere. Nakapaloob dito kung paano at bakit nabuo ang isang
dimalilimutang nobela ng ating pambansang bayani. Mahalagang pag-
aralan mong mabuti ang modyul na ito sa tatlong pangunahing
kadahilanan: una, upang mas makilala mo pa ang ating pambansang
bayani; pangalawa, upang mas mapayaman mo ang dati mo nang
kaalaman tungkol sa Noli Me Tangere at; pangatlo, upang maging handa
ka sa pag-aaral ng kabuuan ng nobela sa mga susunod na modyul. Alam
kong makakaya mo ito.
Sa modyul na ito, ikaw ay inaasahang:

• Batay sa napakinggan, natitiyak ang kaligirang pangkasaysayan ng

akda sa pamamagitan ng:
- pagtukoy sa layunin ng may- akda sa pagsulat nito; at
- pag-isa-isa sa mga kondisyon ng lipunan sa panahong isinulat
ito;
- pagpapatunay sa pag-iral pa ng mga kondisyong ito sa
kasalukuyang panahon sa lipunang Pilipino. F9PN-IVa-b-56
• Nailalarawan ang mga kondisyong panlipunan bago at matapos
isinulat ang akda. F9PB-IVa-b-56
 MGA TIYAK NA
LAYUNIN

Sa araling ito, inaasahang

ikaway:
1. Nakatutukoy sa mga layunin ng may-akda sa pagsulat ng nobelang
pag-aaralan;
2. Nakapagtatala ng mga kalagayang panlipunan bago at matapos
naisulat ang akda;
at
3. Nakapagpapakita ng pagmamalasakit sa bayan sa pamamagitan ng
pagtatala ng mga sitwasyong nagpapatunay na ang kalagayang
panlipunan ng Pilipinas noong naisulat ang akda ay umiiral pa rin
hanggang sa kasalukuyan.

SUBUKIN

Panuto: Basahing mabuti ang bawat aytem at isulat sa kwaderno ang titik ng iyong
napiling sagot.

1. Ito ay isang anyong pampanitikan na kinilala bilang isang modernong pag-aanyo

ng klasikong epiko na naglalaman ng mga kabanata.
A. Talambuhay C. Talaarawan
B. Nobela D. Pabula
2. Sa kasaysayan ng Pilipinas, ano ang unang nobelang naisulat ni Jose Rizal?
A. Noli Me Tangere C. Sa Aking Mga Kabata
B. El Filibusterismo D. Florante at Laura
3. Anong uri ng akdang pampanitikan ang Noli Me Tangere?
A. Nobela C. Maikling Kuwento
B. Parabula D. Alamat
4. Ang nobelang gumising sa mundo sa pang-aabuso ng pamahalaang Espanya sa
Pilipinas at naging daan upang makamit ang kapayapaan sa isang mapayapang
paraan imbes na sa madugong labanan.
A. Noli Me Tangere C. Uncle Tom's Cabin
B. Iliad at Odyssey D. El Fuego
5. Sa anong taon nailathala ni Rizal ang Noli Me Tangere?
A. 1884 B. 1887 C. 1885 D. 1886
6. Saang lugar sinimulan ni Jose Rizal ang pagsulat ng Noli Me Tangere?
A. Berlin C. Madrid
B. Paris D. Manila
7. Ang Noli Me Tangere ay mula sa wikang Latin. Ano ang salin nito sa wikang
Filipino?
A. Uncle Tom’s Cabin C. Touch Me Not B. Panlipunang
Kanser D. Huwag Mo Akong Salingin
8. Para kanino isinulat ni Rizal ang Noli Me Tangere?
A. Para sa tatlong paring martir C. GOMBURZA
B. Para sa mga Pilipino D. Para sa mga Espanyol
9. Anong nobela ang naging inspirasyon ni Rizal upang maisulat ang Noli Me
Tangere?
A. Uncle Tom’s Cabin C. Moby Dick
B. A Time To Kill D. The Lawyer
10. Sa anong sakit inihalintulad ni Rizal ang sitwasyon ng lipunang Pilipino noong
panahon ng mga Espanyol?
A. Hika C. Ulcer
B. High Blood D. Kanser
11. Kaninong aklat sa Bibliya hango ang istorya ng Noli Me Tangere?
A. San Juan C. San Mateo
B. San Lukas D. San Markus
12. Anong bansa ang sumakop sa Pilipinas noong panahong isinulat ni Rizal ang Noli
Me Tangere?
A. Japan C. Spain
B. China D. Germany
13. Ano ang tanyag na katawagan sa Tatlong Paring Martir ng Pilipinas?
A. GomBurZa C. BurGomZa
B. GomZaBur D. Plaridel
14. Alin sa mga sumusunod ang sagisag-panulat ni Jose P. Rizal?
A. Plaridel C. Joseng Sisiw B. Laong-Laan D.
Joseng Batute
15. Ano ang petsa ng kamatayan ni Jose Rizal?
A. Hunyo 19, 1861 C. Nobyembre 30, 1896
B. Disyembre 30, 1896 D. Hulyo 19, 1861
 TUKLASIN

Gawain 1: Kaalaman Mo, Ilahad Mo!

Panuto: Pamilyar ba sa iyo ang Noli Me Tangere? Gayahin ang dayagram sa iyong
kuwaderno at isulat sa mga biluhaba sa paligid ang alam mo tungkol sa
salitang nasa gitnang biluhaba.

NOLI ME TANGERE

Gawain 2: Larawan Ko, Suriin Mo

Panuto: Suriin ang mga larawan. Isulat sa iyong kuwaderno ang iyong nalalaman o
obserbasyon sa bawat larawan.
Larawan 1 Larawan 2
Larawan 3

https://images.app.goo.gl/apYzrX5hokHmae3N8 https://images.app.goo.gl/Q66kv1oHk2WaEsgK6

Larawan 4 Larawan 5
 https://images.app.goo.gl/GGuxhNQHVTH21hoA9 https://images.app.goo.gl/342H3tn3H2Xy8YRy8

Larawan Sagot

1 -
________________________________________________
2 -
________________________________________________
3 -
________________________________________________
4 -
________________________________________________ 5 -
________________________________________________

SURIIN

Ang Noli Me Tangere ay isang halimbawa ng nobela. Ano ba ang nobela?

Ang nobela ay isang genre o uri ng panitikan ng modernong panahon. Sa

isang pagkakataon, kinilala ito bilang isang modernong pag-aanyo ng klasikong
epiko, kung saan madalas may bayaning dumaraan sa mga pakikipagsapalaran. Sa
literal na pagpapakahulugan, ang ibig sabihin ng nobela ay “bago” (novel or new sa
Ingles, novella sa Latin).
 Kaligirang Pangkasaysayan ng Noli Me Tangere

Alam mo ba na ang nobelang Noli Me Tangere ay isinulat ni Dr. Jose Rizal hindi rito
sa Pilipinas?
Unang nobela ni Rizal ang Noli Me Tangere. Inilathala ito noong 26 taong gulang
siya. Makasaysayan ang aklat na ito at naging instrumento upang makabuo ang mga
Pilipino ng pambansang pagkakakilanlan. Sa di-tuwirang paraan, nakaimpluwensiya
ang aklat ni Rizal sa rebolusyon subalit si Rizal mismo ay nananalig sa isang
mapayapang pagkilos at isang tuwirang representasyon sa pamahalaang Kastila.
Sinulat sa wikang Kastila ang Noli, ang wika ng mga edukado noong panahong
yaon.
Sinimulang sulatin ni Dr. Jose P. Rizal ang mga unang bahagi ng "Noli Me Tangere"
noong 1884 sa Madrid noong siya ay nag-aaral pa ng medisina. Nang makatapos ng
pag-aaral, nagtungo siya sa Paris at doon ipinagpatuloy ang pagsusulat nito. At sa
Berlin natapos ni Rizal ang huling bahagi ng nobela.
Ang pagsusulat ng "Noli Me Tangere" ay bunga ng pagbasa ni Rizal sa "Uncle
Tom's Cabin" ni Harriet Beacher Stowe, na pumapaksa sa kasaysayan ng mga
aliping Negro sa kamay ng mga panginoong puting Amerikano. Inilarawan dito ang
iba't ibang kalupitan at pagmamalabis ng mga Puti sa Itim. Inihambing niya ito sa
kapalarang sinapit ng mga Pilipino sa kamay ng mga Kastila.
Sa simula, binalak ni Rizal na ang bawat bahagi ng nobela ay ipasulat sa ilan niyang
kababayan na nakababatid sa uri ng lipunan sa Pilipinas at yaon ay pagsasama-
samahin niya upang maging nobela. Ngunit hindi ito nagkaroon ng katuparan, kaya
sa harap ng kabiguang ito, sinarili niya ang pagsulat nang walang katulong.
Ipinaliwanag ni Rizal sa kanyang liham sa matalik niyang kaibigang si Dr. Ferdinand
Blumentritt ang mga dahilan kung bakit niya isinulat ang Noli Me Tangere. Ang lahat
ng mga ito ay maliwanag na inilarawan sa mga kabanata ng nobela.
Ang pamagat ng "Noli Me Tangere" ay salitang Latin na ang ibig sabihin sa Tagalog
ay "Huwag Mo Akong Salingin" na hango sa Ebanghelyo ni San Juan Bautista.
Itinulad niya ito sa isang bulok o kanser sa lipunan na nagpapahirap sa buhay ng
isang tao.
 Sa simula ng nobela, magandang pag-ukulan ng pansin ang siniping epigrape ni
Rizal, maging ang kaniyang paghahandog. Ang epigrape ay mula sa “Anino ni
Shakespeare” ng manunulat na Aleman na si Freidrich Von Schiller. Mahalaga ang
tanong na iniwan nitong epigrape hinggil sa abang bansang ito, na kinakatha ni Rizal
sa kaniyang nobela: “Ngunit ang tanong ko, Kaibigan/ sinong Dakila ang lilitaw/ Sa
ganitong mga Hamak? Anong/ Kadakilaan ang mangyayari/ sa pamamagitan nila?”
Sa kaniyang paghahandog naman, inilalarawan niya na ang “nakasulat sa
kasaysayan ng pagdaralita ng sangkatauhan ay isang kanser na may katangiang
napakalubha kaya nagpupuyos sa galit. Munting masaling ay nanggigising ng
matatalim na kirot.” Marubdob ang pagnanasa ni Rizal na itanghal ang sakit na itong
dinaranas din ng bansang lagi’t lagi niyang nililingon, lalo na nang nasa Europa siya
at binabata ang lamig at pangungulila: “Nilulunggati ko ang iyong kalusugan, na
kalusugan din namin, at hinahanap ang pinakamabuting panlunas.”
Ginamit niya ang talinghaga ng mga sinaunang tao na naglalantad ng mga maysakit
sa “baitang ng templo, upang makapangmungkahi ng lunas ang sinumang dumating
na mananawagan sa Bathala.” Malinaw ang nasa ni Rizal sa pagsulat ng nobela.
Nais niyang “ilarawan” ang kalagayan ng bayan “nang buong tapat at walang
pangingimi.” Sa pagkasangkapan ng imahen ng lambong na “tumatabing sa
karamdaman,” sinisikap na ibunyag ni Rizal ang mga pagdurusa ng kaniyang bayan.
Sa buod ng mga kabanatang ito sa nobela, mamamalas ang ganitong pagtatanghal
ng kalagayang-bayan, lalo na ang paghahari ng iilan sa mga sangay ng lipunan.

-http://mcshukbalahap.jigsy.com/kasaysayan
Mga Gabay na Tanong:
1. Anong kalagayang panlipunan mayroon ang Pilipinas sa kamay ng mga
dayuhang iyon?
2. Bakit kaya isinulat ni Rizal ang nobelang Noli Me Tangere?
3. Kung ang paraan ni Rizal ay sa pamamagitan ng pagsulat ng nobela, sa paanong
paraan mo naman maipakikita ang pagmamahal mo sa bayan? Patunayan.

PAGYAMANIN

Panuto: Isa- isahin ang mga kondisyong panlipunan ng Pilipinas bago at

pagkatapos naisulat ang Noli Me Tangere. Gayahin ang pormat ng talahanayan sa
ibaba sa iyong kuwaderno.

KONDISYONG PANLIPUNAN NG PILIPINAS

 Bago Isinulat ang Noli Me Tangere Pagkatapos Maisulat ang Noli Me Tangere

ISAISIP

Ang nobelang “Noli Me Tangere” ay isang nobelang

panlipunan na naglalayong gisingin ang natutulog na
damdamin ng mamamayang Pilipino sa malubhang “kanser sa
lipunan”. Ito’y sumasalamin sa mga pangyayari sa lipunan sa
panahon ng mga Kastila. Hindi naging madali ang
pagsasakatuparan sa pagsu lat nito gaya ng hirap at
pagsasakripisyo ng ating mga ninuno makamit lamang ang
kasarinlan.

ISAGAWA

Katulad ka rin ba ni Jose Rizal pagdating sa pagmamahal sa bayan?

Narito ang Panatang Makayaban na sabay-sabay nating binibigtas tuwing Flag
Raising Ceremony sa ating paaralan. Tumayo ka muna sandali, itaas ang kanang
kamay at bigkasin nang malakas ang tula. Batid kong saulado mo na ito ngayon.

Panatang Makabayan

Iniibig ko ang Pilipinas

Aking lupang sinilangan
Tahanan ng aking lahi
Kinukupkop ako at tinutulungan
Upang maging malakas, masipag, at marangal
 Dahil mahal ko ang Pilipinas
Diringgin ko ang payo ng aking magulang
Susundin ko ang tuntunin ng paaralan
Tutuparin ko ang tungkulin ng isang mamamayang makabayan
Naglilingkod, nag-aaral, at nagdarasal nang buong katapatan
Iaalay ko ang aking buhay, pangarap, at pagsisikap sa bansang Pilipinas.

GAWAIN

Magaling! Sa wari ko’y sa pagbabasa mo nang madamdamin sa “Panatang

Makabayan” ay mas lumalim pa ang pagpapahalaga mo sa Inang Bayan. Ngayon,
gumawa ka ng sarili mong panunumpa sa ating bayan. Gawin ito sa isang talata
lamang.

Rubrik para sa pagbibigay ng marka sa gagawing panata sa bayan:

KRAYTERYA NAPAKAHUSAY KATAMTAMAN HINDI

PUNTO
(5) (3) MAHUS
S
AY (1)
NILALAMAN Napakahusay ng Mahusay ang Hindi malinaw ang
pagkalahad ng pagkakalahad ng pagkakalahad ng
mga nilalaman at mga nilalaman at mga nilalaman at
impormasyon impormasyon. impormasyon.

ORGANISAYO Napakaayos ang Maayos ang Hindi maayos ang

N pagkakasunodsun pagkakasunodsun pagkakasunodsun
od ng mga od ng mga od ng mga
detalyeng inilahad. detalyeng inilahad. detalyeng inilahad

GRAMATIKA Lahat ng ginamit Karamihan sa mga Kaunti lamang sa

na mga salita at ginamit na mga mga ginamit na
bantas ay akma sa salita at bantas ay mga salita at
tema ng susulating akma sa tema ng bantas ang akma
Panata sa Bayan susulating sa tema ng
Panata sa Bayan susulating
Panata sa
Bayan
KABUUANG
PUNTOS
 TAYAHIN

Panuto: Unawaing mabuti at ibigay kung sino o ano ang hinihingi ng bawat pahayag.
Kopyahin sa kuwaderno at isulat ang sagot sa patlang bago ang bawat bilang.

__________1. Ako ay isang nobela na di-direktang tumutuligsa sa kalupitan ng mga

Espanyol noon.
__________2. Ang salin sa akin sa Filipino ay “Huwag Mo Akong Salingin”.
__________3. Ako ay nobela na naging inspirasyon sa pagkakasulat ng Noli Me
Tangere.
__________4. Ako ang sumulat ng Noli Me Tangere.
__________5. Ipinanganak ako noong Hunyo 19, 1861.
__________6. Edad ni Jose Rizal noong nailathala ang kanyang Noli Me Tangere.
__________7. Ito ay isang anyong pampanitikan na kinilala bilang isang modernong
pag-aanyo ng klasikong epiko, kung saan madalas may bayaning dumaraan sa
mga pakikipagsapalaran.

8-10. Ano-ano ang tatlong lugar kung saan isinulat ni Jose Rizal ang Noli Me
Tangere?
(simula)  (pagpapatuloy)  (nalimbag)

11-15. Isulat sa kuwaderno ang titik ng tamang sagot sa bawat bilang.

11. Ang Noli Me Tangere ay mula sa wikang Latin. Ano ang salin nito sa Filipino?
A. Uncle Tom’s Cabin C. Touch Me Not B. Ang Panlipunang
Sakit D. Huwag Mo Akong Salingin
12. Anong uri ng akdang pampanitikan ang Noli Me Tangere?
A. Nobela C. Maikling Kuwento
B. Parabula D. Alamat
13. Sa anong sakit inihalintulad ni Rizal ang sitwasyon ng lipunang Pilipino noong
panahon ng mga Espanyol?
A. Hika C. Ulcer
B. High Blood D. Kanser
14. Anong nobela ang naging inspirasyon ni Rizal upang maisulat ang Noli Me
Tangere?
A. Uncle Tom’s Cabin C. Moby Dick B. A Time To Kill
D. The Lawyer
15. Para kanino isinulat ni Rizal ang Noli Me Tangere?
A. Para sa tatlong paring martir C. GOMBURZA
B. Para sa mga Pilipino D. Para sa mga Espanyol
 REFLEKSIYON

Binabati kita sapagkat kaunti na lang at matatapos mo na ang modyul na ito.

Ngayon, dugtungan mo ang bawat pahayag sa ibaba.
Ang natutuhan ko ___________________________________________________
___________________________________________________________________.
Dahil sa mga nalaman ko, napagtanto ko na____________________________
___________________________________________________________________.

SUSI SA PAGWAWASTO

.B 15
.A 14
.D 13
.A 12
.D 11

Berlin Paris . Madrid 8- 10

Nobela 7.
taong gulang 6. 26
Jose P. Rizal 5.
Jose P. Rizal 4.
Uncle Tom’s Cabin 3.
Noli Me Tangere 2.
Noli Me Tangere 1.
Pangwakas na Pagtataya •

.B 15 .D 10 5 .A

.B 14 .A 9 .A 4

.A 13 .B 8 .A 3

.C 12 .D 7 .A 2

.A 11 .C 6 1. B

Paunang Pagtataya •
 MGA SANGGUNIAN

http://mcshukbalahap.jigsy.com/kasaysayan https://www.google.com/search?
ei=U3rtXvWNA4jAoASCh4yQDw&q=ang+awit+ni+
maria+clara+lyrics&oq=awit+ni+maria+clara+lyric&gs_lcp=CgZwc3ktYWIQAxgBMgII
ADIGCAAQFhAeMgYIABAWEB4yBggAEBYQHjIGCAAQFhAeOgQIABBHUJTIA1iB
0gNg6PwDaABwAngAgAH8BIgB9Q6SAQswLjEuMy4xLjAuMZgBAKABAaoBB2d3cy
13aXo&sclient=psy-ab https://rexinteractive.com/UserFiles/IM/Pointers -Filipino-
2/Supplemental%20Filipino%20High%20School%20Grade%209%204rth%20Q.pdf
De Leon, J.R., https://www.kapitbisig.com/philippines/songs-written-by-dr-jose-
rizalang-awit-ni-maria-clara-ni-dr-jose-rizal-tagalog-version-of-canto-de-
mariaclara_549.html © 2009-2020 KapitBisig.com Philippines
https://www.slideshare.net/images/jmpalero/filipino -9-kaligirang-pangkasaysayan-
ngnoli-me-tangere\
Para sa mga katanungan o puna, sumulat o tumawag sa
:

Department of Education
– Schools Division of Negros Oriental
Kagawasan, Avenue, Daro, Dumaguete City, Negros Oriental

Tel #: (035) 225 2376/ 541 1117

Email Address:negros.oriental@deped.gov.ph
Website: lrmds.depednodis.net