Konseptong Papel

Paano Nakakatulong ang Pagkakaroon ng K-12

Curriculum sa Pagpapataas ng Kalidad ng Edukasyon sa
Pilipinas

Mga mananaliksik:
Genato, Christopher Angelo A.
Cañero, Zaneta Zabdielle O.
Magon, Nelia A.
Felismenia, Laurenz Cristian L.

Hunyo 9, 2021
I. Rasyunal
Ang K+12 ay ang karagdagang grades 11 at 12 na nagnanais
ihanda ang mga mag-aaral pagkatapos ng high school, kung nais
na nilang magtrabaho at hindi agad magtuloy ng kolehiyo, o
upang maging handa sa mundo ng pagnenegosyo, o ang mas
maging handa para sa kolehiyo mismo.

Ayon kay Kalihim Bro. Armin Luistro ito ay ibibigay ng libre sa mga
nais pumasok sa pampublikong paaralan. Bagaman magiging isang
puhunan o investment ng mga magulang sa edukasyon ng
kanilang mga anak. Sa kasalukuyan ay kinakailangan magtapos
ang ating kabataan o mag-aaral ng kolehiyo para
makapagtrabaho. Ngunit para kay Kalihim Bro. Armin Luistro at
Pangulong Noynoy (Aquino III) ang K+12 ay ang pagbibigay ng
basic competencies na kailangan upang makapagtrabaho ang mga
kabataan. Junior high school pa lamang, maaari ng makakuha ng
certificate of competency level 1 basta ma-satisfy lang ang
requirements ng TESDA. Senior high school, level 2, naman ay
maaari na silang magtrabaho matapos ito.
II. Layunin

Ang layunin ng pananaliksik na ito ay para malinawan at

mabigyang kaalaman ang mga mag-aaral ng Lagro Senior High
School upang mabatid ang nila ang maganda at masamang dulot
nito sa edukasyon naten.
 Tukuyin kung anong karaniwang dahilan kung bakit
nagpalaganap ng K-12 curriculum.
 Ano ang epekto nito sa Sistema ng edukasyon sa bansa?
 Paano nakakatulong ang K-12 Curriculum sa paghahanda sa
mga estudyante sa kolehiyo?
III. Metodolihiya
Ang napili naming paksa ay isang Qualitatibong pananaliksik na
kung saan ang mga mananaliksik ay nangalap ng mga
impormasyon sa paraan ng pag-iinterbyu. Ang interbyu ay
naganap sa Senior High School Faculty Office ng National College
of Business and Arts Fairview. Ang aming interviewee ng aming
case study ay si Bb. Charlene Mae P. Palma, isang Social Science
Coordinator ng Senior High School Department. Ang mga
nainterbyu ay sina Job Miguel Makinano, Hannah May Añasco,
Mary Kristine Aning at Ma. Cristel Belialba. Ang nakalap na
impormasyon ay gagamitin lamang para sa nakuhang case study
ng grupo.

Mga tiyak na katanungang gagamitin sa pangangalap ng

impormasyon:
a) Ano ang masasabi mo sa pagpapalaganap ng K-12 curriculum
na ngayon ay tayo ang naapektuhan nito?
b) Anu-ano ang mga suliranin ng iyong kinakaharap sa K-12
curriculum ngayon ikaw ay Grade 11 o 12 na?
c) Maayos ba ang naging pamamalakad ng K-12 curriculum sa mga
estudyante?
d) Ayon sa sarili mong opinion o pananaw ano ang ikinahalaga at
ikinaganda ng K-12 na programa sa ating bansa?
IV. Inaasahang Bunga
Inaasahang bunga ng pananaliksik na ito ay mas magiging
malawak ang kaalaman ng guro at ng estudyante sa sistemang ito.
Kabilang na rito ang mga magaganda at masasamang epekto nito.
Inaasahan din na sa pamamagitan ng pananaliksik na ito ay ang
pagkakaroon ng adjustments sa sistemang ito na kung saan ang
mga nasabing masamang epekto nito ay mawawala at
mapapalitan ng maganda. Inaasaahan rin na magagabayan nito
ang mga nasasakop nito na makita kung ang nasabing sistema na
k to 12 ay talagang epektibo ba o hindi.