Aylluypa riqsichikuynin

Ñuqam Rebelde Huayrana llaqtapi tiyakuni taytamamaykunawan. Kay

llaqtaypim achka kawsaykunata tarpuniku. Kaymi kanman sara, trigo,
hawas, ulluku, papa, huk kunapiwan, chaymantapas, aymuray killapim
achka kawsaykuna huñuchikuchkan, ullukuta, hatun tarpuy papata,
allamuchkankuña llaqtaypiqa. Qinallataqmi yachaykunapas kan, sutinmi
yarqa aspiypiy, chaypim llapan runakuna llamkamunku urqupa
ñawinnimpi, sumaq sumaq raymin chay punchaw kan, llapallan
runakunam tusunku aqakunata upllaykuspa, miski mikunakunata
yanukuspankum chisllakunku. Chaynallataqmi kay uku pachakunaqa
qipa hamuy irqikuna manaña llumpaytañachu kay yachayta qispichinku,
manaña sunquwanchu qatarichinku raimitapas, aswanqa taytakukuna
mamakunallañam ruwanku.

Hinaspataq, llaqtaypiqa rimaniku iskay simita, kaymi: kastillasimi,

kichwasimipas. Ichaqa, kanan pachakunapim achka warmakuna manaña
rimayta munachkankuñachu ¿Imarayku? Taytamamankunam manaña
kichwasimipi rimankuchu, nitaq yachachiytapas munankuchu.
Paykunam ninku: kichwasimita rimaptikiqa hayñikipas, hamutaynikipas
sarunchasqam kanqa, kawsaynikipas mana allin qawasqam chaymi
aswan pinqakunku hinaspanku qawamanta simi qamuqkuna aswan
yachayta munanku.

Hinaspataq, ima unquy hapiptipas, qurakunata pallamunku

timpuchispa upllanankupaq; chaykunawanmi allinllanku.
Chaynallataqmi wakisnin runaqa, hampina wasikunata rinku.

Tukunapaq, kanan pachapim warmakuna wasillanpi yachapakuchkanku

aprendo en casa nisqampi, ichaqa manam allinniraqtachu yachaykunata
qatipachkanku, aswanmi wakisnin warmaqa sasachakuypirar
tarikuchkan.

 QILLQAQ: NAGELY LAGOS PALOMINO.