Malawani, Sittie Rainee M.

FIL101 Yy
PRELIM EXAM

“Muslim man o Kristiyano, ating isapuso ang wikang Filipino

sapagkat ito ang nagpapatatag sa ating pagka Pilipino”

Ang bawat bansa ay may kani-kanilang wika na ginagamit. Sa ating

bansang Pilipinas, idineklara ni dating Pangulong Manuel L. Quezon ang
Tagalog bilang wikang pambansa. Itinatag ang wikang pambansa dahil ang
Pilipinas, bilang isang archipelago, ay nahahati sa iba’t ibang komunidad.
May iba-iba ring wikang sinasalita ang mga ito kaya hindi nagkakaunawaan
ang iba’t ibang wika. Kaya naman bilang solusyon, ginawang pambansang
wika ang Filipino upang maging batayan ng pakikipag-usap ng bawat
mamamayan sa bansa. Ang wikang Filipino ang nagsisilbing tulay sa bawat
Pilipino upang magkaunawaan pa rin, iba man ang kinalakihang wikang
sinasalita.

Maraming tanong sa isipan ng isang tao, mga tanong na nakakaapekto

sa bawat galaw, kilos, at desisyon nito. Sa paaralan nalalaman natin ang
kahalagahan ng mga bagay-bagay katulad nalang ng wikang pambansa.
Ang isang bansa na may sariling wika ay nangangahulugang malaya ito.
Ang wika ay isang paraan ng komunikasyon. Dahil sa wika
nagkakaintindihan ang lahat ng tao. Iba’t-ibang wika sa bawat lugar,
komunidad, at bansa. Mahalaga ang wika ng isang bansa katulad ng
Wikang Filipino. Ang Wikang Filipino ay sumisimbolo sa kultura ng mga
Pilipino kung sino, ano, at meron sila.

Ayon sa Wikipedia, ang wika ay isang bahagi ng pakikipagtalastasan na

ginagamit araw-araw. Ang wika ay isang instrumento na ginagamit sa
pakikipagkomunikasyon upang maipahayag ang mga ideya, damdamin o
saloobin. Ang wika ay mahalaga sapagkat ito ang pangunahing
kasangkapan sa pakikipag-usap. Sapagkat mahihirapang magtagumpay
ang komunikasyon kapag walang wikang ginagamit. Ang wika ay isa sa
mga bumubuo ng partikular na bansa.

Ang wika ang dahilan kung bakit nagkakaisa-isa ang mga miyembro sa
lipunan o ang mga naninirahan sa isang bansa. Kung walang wika, walang
magagamit na pantawag sa tradisyon at kalinangan, paniniwala, pamahiin,
at sa iba pang bagay na kaugnay ng pamumuhay at paraan ng
pamumuhay ng mga tao. Ipinakilala ang kultura dahil sa wika. Isang
mahalagang yaman ng isang bansa ang wika. Ito ang nagsisilbing salamin
ng kultura, kasaysayan, at pagpapahalaga ng isang bansa.

Ang relihiyon ay malaking bahagi ng kultura at tradisyon ng Pilipinas.

May iba’t ibang uri ng relihiyon sa Pilipinas: Katolisismo, Kristiyano, Islam,
at iba pa. Ang kultura ay ang pagsasalin ng mga tradisyon ng isang grupo
ng tao o komunidad. Ang lahat ng lugar sa mundo ay mayroong pansariling
kultura at tradisyon. Pero, sa bawat kultura na ito, ang wika ay masasabing
pinakamahalagang aspeto ng komunidad. Ito’y dahil ang kultura ay siya
ring nakabatay sa kultura ng isang komunidad. Atin ring masasabi na ang
wika ay siyang nagbibigay ng kasarinlan sa lahat ng mga kultura.
Alam naman nating lahat na ang kultura at tradisyon ay ang mga katangian
at mga gawain na naipapasa ng henerasyon papunta sa bagong
henerasyon. Subalit, hindi ito magagawa kapag wala ang wika. Bukod dito,
ang isang kultura ay hindi rin mabibigyan ng kasarinlan, diwa at saloobin
kapag walang wika. Dahil ang wika ay ang pangunahing instrumento ng
komunikasyon, ito ang nag-uugnay sa mga tao sa isang kultura. Gayundin,
ang wika ay nagsasalarawan at nagbibigay kahulugan sa mga kaisipan,
saloobin, at damdamin ng isang kultura. Ito rin ang nagsisilbing instrumento
ng pagpapahayag ng opinyon, ideya, pananaw at lohika. Kapag wala ang
mga aspetong ito, hindi maaaring magkaroon ng isang kultura.

Ang wika ay nakakaapekto sa kultura, sapagkat matutukoy o makikilala

natin ang isang tao sa kung ano ang wikang kanyang ginagamit, gayun din
malalaman natin kung ano ang kultura o etnikong kanyang pinagmulan.
Hindi maitatangging, hindi mapaghihiwalay and wika at kultura, dahil
sumasalamin sa kultura ng isang tao ang kanyang ginagamit na wika, may
mga salita din kasing pag-aari lamang ng isang bansa. Halimbawa na lang
nito ay sa pilipinas, dito lang sa atin ang may salitang “Po”,”Opo” at “Oho”
na naglalarawan sa kaugalian ng mga plipino bilang sa pagiging magalang.
Sa ibang probinsiya naman gumagamit sila ng “Manong” at “Manang”
kapag mas nakakatanda sa kanila ang isang tao na sa ibang lugar
partikular sa mga taga maynila, ay hindi na ito ginagamit o paminsan-
minsan na lang ginagamit dahil para sa karamihan hindi ito maganda
pakinggan.
 Bilang isang muslim na naninirahan sa Pilipinas, mapapahalagahan ko
ang ating wikang Filipino sa pamamagitan ng; palagiang gagamitin ang
wikang tagalog at maging prayoridad kaysa anumang wika. Sa paggamit
ng wikang Filipino sa paaralan at komunidad pinalagan natin at ipinapakita
natin ang kahalagahan ng wikang Filipino sa ating buhay. Ikalawa,
ipaglaban lagi ang wika sa mga nais itong patayin. At panghuli, hikayatin
ang mga kakilala na gamitin ang wikang ito.Ang pagpapalaganap ng
kaalaman tungkol sa wikang Filipino ay makakatulong sa maraming
paraan. Kailangan natin itong ipalaganap upang maraming tao ang
nakakaalam at para maraming mag papahalaga ng wikang Filipino sa ating
bansa.