“Posle mande ka aven tumenge manuša taro durutne krajija, hem ka pučen

tumen aso me hadisija hem aso mo sunneti, pa oven ljubezna premalo

lende.”

Akava hadisi privlečini jeke arife te rodel e Resulese hadisija hem

sunnetija, pa zar nane li suština ko pendžariba e Allahe ko adava so keda
laja e Resulese hadisija hem keda deluinaja lese sunnete zar on na
smirinena o nefsi?!

Džan, kaj te pendžare e nefse tano jek taro osnovno robovanje, a but tane
hari adala kola so pendžarena ole, a but da tane hari okola kola so
nadinena pes kaj ka pendžaren le.

O Uzvišeno Allah ko solduj svetija na stvoringja aso jek arifi odobor

tesno, korkorutno hem khandunalo zatvori sar so stvoringja lese o zatvori
e nefseso, pa koj ka pendžari le hem ka suprostavini pes lese, svakoja
phuv ka ovel lese sar bari strašno kula.
A okova so ka zanemarini pes nane te pendžari ov tano ko baro opasnost
hem nane te kurtulini pes taro lesoro (nefseso) bilačipe, sose sar šaj te
suprostavini pes aso po nefsi ako na pendžari le prvo.

Ahmed b. Harb, phengja: “Mangava tena merav sa dok na pendžarava mo

nefsi hem na suprostavinava man lese.”
Muhammed b. El-Fadl, phengja: “Ko ka pendžari o nefsi svakova vazduh
so ka dišini le ka dišini le ko stalno trud, ko poviše ibadeti, nane te zanesini
pes dali ispravno vremeja, dali šuže halencar, dali iskreno deluibaja, zbog
adava so ov več pendžari o nevolje e nefsesere, lese spletke, leso lošno
narav hem leso potpulno savršeno lošnipe. Me celo mo životo
razmisljingjum hem diklum o stanje me nefseso, agjarte da ko mo životo
na inumle zadovoljno oleja ni jek trunka.”
El-Antaki, phengja: “Ko pendžari pe nefse, ov tano srekjno”
Ibrahim b. Edhem, phengja: “Boraingjum maškaro manuša 70 berš, hem
na araklum ni jeke manuše kova so na sledini po strasti, pa keda bi ine
grešini, mangela bi ine sabene te grešinen, a ov na. A mange tano po milo
te kuvavle bičeja palo pike, nego te penel pes kaj jek taro muslimanija
grešingja.
Ibrahim Et-Tejmi, phengja: “Ked god bilo te kerav ine lafi taro nesavo
miro delo, araklum adava lafi hovavno.”
Omer b. el-Hattab, phengja: “Ja Allah rodava tutar zaštita taro lošnipa
mire nefseso.”
Zunnun, phengja: “Koj ka dikel e pendžarutne jakjaja ki vladavina pe
Gospodaresi, ka izgubini I vladavina pe nefsesi, a koj ka dikel ki Moč pe
Gospodaresi, ka smanini pes leste I moč lese nefsesi hem ka pokorini pes
aso Veličanstveno Gospodari.”
O Malik b. Dinar keda muli lesiri romni Ummu Jahja, predložimo ine lese
ponovo te ženini pes, pa phengja lenge: “Keda bi šaj ine, bi ine
razvedinava man hem taro mo nefsi, sose keda bi ine ko udara e džamijake
vikinena te iklol okova soj o najlošno amendar, Allaha mi nane te resen
man nikoj osim okovo soj tano po brzo mandar.”
Ebu Jezid el-Bistami, phengja: “Ja rabbi! Sar te resav dži tute?” Pa Ov
odgovoringa lese; “o Ebu Jezid, muk te nefse, pa ava!”
Jek mudro manuš resla pes avere mudro manušeja, pa vakeri lese: “Mo
Pral, me čače mangava tut radi o Allah” a akava odgovorini lese, “e mo
pral, te džane mandar odova so me džanava mandar, Allaha mi ko akava
trenuti bi ine zamrzineja man.”
Bekr b. Abdullah el-Muzeni hem o Muttarif b. Abdullah ine ko jek halka
pa o Muttarif phengja: “Ja Allah, ma odbin akalen manušen zbog miro.”,
a o Bekr phenjga: “Kozom bi ovela ine akava than mubareko hem akala
manuša, samo keda na bi ovava ine me maškaro lende. Ja Allah, ma
skratin Tiro oprost lendar zbog mire lošnipaso, hem ma odbin len zbog
miro.”
Musa b. el-Kasim phengja: “Jek puti khugja amen zemjotres hem jako
bavlal, pa gelum ko Muhammed b. Mukatilu hem phengjum lese: “O, Ebu
Abdullah, molin tut aso Allah amenge, sose tu inan amaro imami.”
Pa ov vakergja: “Molinava e Allahe tena ovav me o uzrok aso tumaro
propast.” Adaja rat diklum ko suno e Pejgambere, salallahu alejhi ve
sellem, pa ov phengja mange: “ O Allah cidinga tumendar I bela e Ibn
Mukatilese dovaja.”
O Ata’ es-Sulemi, rovela ine ked god bi ine avela jako bavlal hem penela
ine: “Akavaj tano zbog mande akaleja kazninena pes o stvorenija. Kaj bi
ine o Ata te merel, pa o stvorenja te odmorinen pes taro bele so anela lenge
ov.” Ov ine but rovela upro peste hem penela ine: “O, Ata’, šaj tu inan
adava so ka ovel frdimo ki jag prvo, a nemarno inan aso adava.”
El-Fadl, bešela ine ko Arafat pa dikla jek grupa manuša pa phengja:
“Kozom bi ovela ine mubareko akaja grupa keda bi me na ovava maškaro
lende.” Posle ine rungja dolindor piri brada vakergja: “Kozomi ladžavo,
savo tano miro nefsi. Ki zabluda tano hem srekjno tano keda avera
falinena le. Srekjno kraj e nefseso tano keda bi jek polovina lestar merela,
pa I tegani I dujto da nane te popravini pes.”
O Ebu Sulejman, phengja: “Te keden pes sa o stvorenija te ladžaren man,
ka našti te ladžaren man sar so ladžari man miro nefso. Blago adale robose
koleso o Allah sikavi o lošnipa lese nefseso, pa ov pendžari le osnovno,
pendžari lesere potrebe, pendžari premalo so osetini pharipe, so mangela,
so holankeri le, so ponižini le, pa posle adava robo keda pendžari adava,
optužini le hem odbacini le.”