Local September 6SOLACITO (hotline)

Indi na pagpatuman ang unnumbered order sang National Task Force Against COVID-19
may kaangtanan sa pag-manage sa mga returning overseas Filipinos..//
Nabutang sa section 6.16 sang unnumbered order sang NTF nga ang tanan nga ROFs nga
‘in good health’ kag may testing document nga nagapakita sang negatibo nga RT PCR result sa
COVID-19, indi na kinaghanglan i-subject sa dugang nga 14-day quarantine sang receiving
LGUs..//
Suno kay Regional Task Force Against COVID-19 spokesperson Maria Aletha Nogra,
sundon ang Inter-Agency Task Force Resolution No. 67 sa diin nabutang sa B.3 nga gilayon
ibutang sa facility-based quarantine ukon isolation ang returning citizens, suspect kag probable
cases..//
Gin-athag niya nga pinakaulihi ginpaguwa ang nasambit nga resolution sang IATF
kumparar sa unnumbered order sang NTF..// Ang IATF man suno sa iya ang policy making-
body..//
Ginpahayag pa ni Nogra nga ang resolution 67 na ang basehan sang ila operatios kag
aksyon nga ginahimo agud mapunggan ang paglapta sang COVID-19..//
Sa B.3 sang IATF Resolution 67, sakop sini ang tanan nga ROFs, locally stranded
individuals kag mga APOR..// I-define man ini suno sa iya kag i-reconcile ang tanan nga
rekomendasyon sang mga local chief executives agud makadihon sang konkreto nga polisa ukon
operation guidelines nga ipatuman sa rehiyon..//
VC: NOGRA OUT AT :.// si RTF spokesperson Ma. Aletha Nogra sa interview ni Aksyon
Aljohn Torreta..//

Local September 6 SOLACITO (hotline)

Arestado ang 21-anyos nga lalaki sa Drug Buy Bust operation sa Brgy. Binaliuan
Mayor, Tigbauan sang Setyembre 3 sang gab-i..//
Suno kay Police Major Rolando Araño, hepe sang Tigbauan Police Station, ginkilala
ang subject kay Arjohn Bibanco sang amo man nga barangay..// Ginpahayag ni Araño
nga 2017 pa sang nag-umpisa gamit sang illegal drugs ang subject bangud man sa
impluwensya sang mga barkada tubtob nga nagbaligya..//
Second year college na si Bibanco, dugang pa ni Araño..// Na-recover sa subject
ang apat ka dalagko, 10 ka gagmay nga sachet sang suspected shabu, drug
paraphernalia kag P3,200 nga buybust money..//
Gintinguhaan sang Aksyon Radyo nga makuhaan statement ang subject pero
nagpamalibad magpa-interview..//
Preso subong si Bibanco sa Tigbauan Police Station..//
Local September 6 SOLACITO (DSWD)
Wala untat ang pagbulig sang Department of Social Welfare and Development
ukon DSWD 6 sa mga locally stranded individuals ukon LSIs nga nagapauli sa Western
Visayas..//
Tubtob Agosto 31, masobra na 5.6 million pesos nga balor sang ayuda ang
nahatag sang DSWD sa mga LSIs..// Sa amo nga kantidad, masobra 3.63 million pesos,
ginhatag sa 4, 713 ka benepisyaryo bilang Assistance to Individuals in Crisis
Situations..// Nakahatag naman sa 1,196 ka mga LSIs sa trasportation allowance nga
nagabalor sang masobra 803 mil pesos..//
Ang masobra 2.5 million pesos nga balor sang iban pa nga sahi sang ayuda ang
ginhatag sang ahensiya sa 1,284 ka benepisyaryo..//
Nagapadayon subong ang pag-transport sa mga LSIs papuli sa Western
Visayas..//

Local September 6 SOLACITO (hotline)

May mabulig man ang Maritime Industry Authority ukon MARINA kun may magluntad
nga trahedya sa kadagatan sa iban nga pungsod nga nadalahig ang pila ka Filipino
seafarers..//
Kasunod ini sang pag-capsize sang Panamian cargo ship sa kadagatan sang Japan sa
diin sakay ang 43 ka mga crew lakip ang 39 ka mga Filipinos kag may mga Ilonggo pa sa
ila..//
Suno kay MARINA 6 Director Jose Venancio Vero, ang Department of Foreign Affairs
ukon DFA ang may may daku nga papel diri..// Pwede suno sa iya nga i-retrieve sang
MARINA ang tanan nila nga impormasyon agud mahatag sa DFA pananglitan mag-request
ang ahensiya..// Paagi sini suno kay Vero mapahibalo ang dapat pahibaluon sa insidente
lakip ang pamilya sang mga involved sa insidente..//
VC: MARINA OUT AT: ..// si MARINA 6 Director Jose Venancio Vero sa interview ni
Aksyon Aljohn Torreta..//
Ginpaathag man ni Vero nga tatlo ka mga pungsod ang may interest sa trahedya kun
may himuon nga imbestigasyon ang Japan sa diin nagluntad nga trahedya..// Dapat mangin
kabahin sa investigating body ang Pilipinas bangud may mga Filipinos nga involved, Panama
sa diin naka-rehistro ang barko kag Japan sa diin natabu ang trahedya..//
VC: TRAGEDY OUT AT: .// si MARINA 6 Director Jose Venancio Vero..//
Local September 6 SOLACITO (FACEBOOK)

Nakaguwa na sa ospital si Iloilo City Vice Mayor Jeffrey Ganzon matapos na ospital
kag nag-positibo sa COVID-19 kahapon..//
Ini ang ginpahibalo ni Ganzon paagi sa iya Facebook post..//
Gindala sadto sa ospital ang bise alkalde bangud nagpalanuka kag ginhalinat kag nag-
positibo sa COVID-19 pero nag-negatibo na sa pinakaulihi nga RT PCR test..//
Ginpasalamatan man niya ang mga nagpangamuyo para sa iya madasig nga pag-
ayo..//

Local September 6 SOLACITO (farrah)

Patay ang 39-anyos nga lalaki matapos nasapwan nga nagabitay sa isa ka
barangay sa Buenavista, Guimaras..//
Suno kay Police Corporal Jemar Gonzaga, imbestigador sang Buenavista Municipal
Police Station, naabtan sang iya iloy nga nagabitay si Alyas Toto..// Gilayon siya nga
nagpangayo sang bulig sa mga tupad balay agud madala sa ospital si Toto..//
Base sa pag pangusisa ni Corporal Gonzaga sa iloy ni Toto, antes nakit-an nga
nagabitay ang iya bata, nakabaton siya sang text messages nga nagapangayo sang
pasensiya ang lalaki kag kasubong nga nagapamilin-bilin..//
Na-notisyahan man niya nga masubo si Toto kag wala man nagapanugid sang iya
problema..// Kumbinsido ang pamilya nga wala sang foul play nga natabo..//
National September 6 SOLACITO (gma)
Nagsaka sa 64 ang kaso sang COVID-19 sa House of Representatives lakip ang 13
ka active cases kag duha ka bag-o nga kaso..//
Suno kay House Secretary General Jose Luis Montales, empleyado nga assigned sa
Oversigh Committee ang una nga kaso nga katapusan nag-report sa trabaho sang
Setyembre 1 kag 2..// Nagpaidalom siya sa RT PCR test matapos nakitaan sang pila ka
sintomas sang COVID-19..//
Ang isa naman ka kaso ang empleyado sang Information and Communications
Technology Service nga katapusan nag-report sa trabaho sang Agosto 24 kag 26..//
Nagpaidalom man siya sa test matapos naka-eksperiensiya sang sintomas sang
COVID-19..//
Gin-athag ni Montales nga indi sang close contact sang mga COVID-19 cases sa
House of Representatives ang duha ka bag-o nga kaso..// Nagapadayon ang contact
tracing, dugang pa ni Montales..//

Business September 6 SOLACITO (philstar)

Gina-welcome sang Malakanyang ang na-record nga inflation sang Pilipinas sang
Agosto sa diin nagnubo ini sa 2.4% halin sa 2.7% sang Hulyo..//
Suno kay Presidential Spokesman Harry Roque, makabig ini nga positive
development..// Nagapati si Roque nga bangud ini sa gradual reopening sang ekonomiya
sa diin nagnubo ang presyo sang mga pagkaon..//
Ginpasiguro man niya nga prayoridad sang gobyerno ang pagbantay sa presyo
sang mga nagapanguna nga balaklon sa panahon sang global health crisis kag economic
uncertainty..// Indi man suno sa iya maatrasar ang hulag kag delivery sang mga
nagapanguna nga balaklon..//
Samtang ginpahayag naman ni acting Socioeconomic Planning Secretary Karl
Kendrick Chua nga mabuligay ang gobyerno sa pribado nga sektor para mapabaskog
ang paggamit sang digital technologies nga magasiguro sa stability kag supply chain..//

SA FOREIGN EXCHANGE RATE: P48.53 ANG ISA KA US DOLLAR