CHUE AM WALDRAND – Mani Matter

Intro:
|Em | | | |

|Em |D |C H7 |Em |
Är isch mit sire Staffelei am Sunntig über Land und het äs Süschee gsuecht won är chönnt male.
|Em |D |C H7 |Em |
Da trifft si Künschtleblick ufene Chue am Waldesrand, är gseht, das git es Meischterwärk nid z zahle.

|EmD |EmD |EmH7 |Em |

Är schtellt sech uf und malt zersch dr Wald im Hintergrund, ä Hügel rächts chli Himmel no derzue
|EmD |EmD |EmH7 |Em |
druf macht er vorne s Graas mit villne Blueme drinn und chunnt, am Schluss zur Houptsach, nähmlech zu dr Chue.

|Em |D |C H7 |Em |
Är mischt uf sir Palette zarti Bruun mit gschickter Hand und tunkt dr Pinsel drii und setzt nä aa!
|Em |D |C H7 |Em |
Doch woner itz ä letschte Blick wirft uf si Gägeschtand isch plötzlech o herrje d Chue nümme da

|EmD |EmD |EmH7 |Em |

das uferschamte Tier isch usegloffe us sim Bild, ke Mönsch weis was vo dert itz het vertribe,
|EmD |EmD |EmH7 |Em |
sisch nümm zrügg cho ou wo när grüefft u gwunke het wi wild,ä wiisse Fläck isch uf dr Liinwand blibe

|Em |D |C H7 |Em |
No lang a säbem Sunnti, isch är gsässe a der Schtell, het gwartet vor sir Staffelei das da,
|Em |D |C H7 |Em |
äs bruuchti nid die gliichi z sii, ä Chue dert häre well, wo ihn no würd sis Bild vollände laa,

|EmD |EmD |EmH7 |Em |

doch d Wält isch so perfid, das si sech sälte oder nie, nach Bilder wo mir vore gmacht hei richtet,
|EmD |EmD |EmH7 |Em D Em |
so hei ou uf der Matte die banousehafte Chüe, dä aasatz zum ne Meischterwärk vernichtet