Gawain Blg.

1
Repleksyong Papel

Ang polusyon ay patuloy na tumataas at naging pangkaraniwan na sa atin.

Kapag pinag-uusapan natin ang tungkol sa polusyon, tinutukoy nito ang
kontaminasyong nangyayari sa likas na yaman. Ang lahat ng ito ay pangunahing sanhi
ng mga aktibidad ng tao na nakakasama sa kapaligiran. Ito ay nakakasira ng labis sa
ating mundo at kailangan nating mapagtanto ang mga epekto nito at maiwasan ang
pinsala dulot nito.

Ang polusyon sa plastik ay naging isa sa mga pangunahing isyung pang

kapaligiran, dahil ang mabilis na pagtaas ng produksyon ng mga disposable na
produktong plastik na nagdudulot ito ng pinsala sa ating mundo. Ang polusyon sa
plastik ay nakikita sa Pilipinas, kung saan ang sistema ng pagkolekta ng basura ay hindi
nagiging mabisa. Ang mga tao ay gumagamit ng milyun-milyong toneladang plastik
bawat taon. Kapag hindi naitapon nang maayos, makikita nalang natin ito sa ating
kapaligiran. Milyun-milyong toneladang plastik ang itinatapon sa ating karagatan sa loob
ng isang taon.

Ang Pilipinas ay tinatamaan ng higit sa sampong bagyo sa isang taon. Hindi

maiiwasan ang baha at pinalala ang problema dahil ang pagtatapon ng basura sa ilog.
Isa ito sa ugali na ginagawa ng maraming Pilipino. Nakikita naman natin gamit ng ating
mga mata at gamit ang social media ang mga patong patong na basura na lumulutang
sa mga daanan ng tubig.

Ang ilang mga plastik ay hindi parin nabubulok ilang taon man ang nakalipas at
kapag ito ay nabulok, naghihiwalay ito sa mas maliliit na mga piraso. Ang mga piraso ng
plastik ay matatagpuan sa mga baybayin at sa ating mga karagatan at nakakain ng mga
hayop sa dagat. Ang mga plastik ay binubuo ng may mapanganib na kemikal at
mayroong posibilidad na pumasok sa katawan ng tao sa pamamagitan ng pagkonsumo
ng mga lamang dagat na nakakain din ng plastic. Ang mga implikasyon sa katawan ng
tao ay maaaring magresulta sa mga problema sa kalusugan.

Bilang isang propesyonal ay nais kong hilingin sa gobyerno ang striktong

pagpapatupad ng Ecological Solid Waste Management sa buong bansa, higpitan ang
pagbabawal at pagmumulta. Nais kong anyayahan ang mga tao na makisama at bigyan
sila ng kaalaman kung ano ang dulot ng hindi tamang pagtapon ng basura at kung
paano natin ito masusulusyonan. Nais ko rin ibahagi ang magandang dulot ng pag ban
ng plastic at mga hindi nabubulok na materyales sa palengke o sa pamilihan na
maaaring bumara sa daanan ng tubig dahilan ng pagbaha at magdulot ng pinsala sa
kapaligiran at sa kalusugan ng tao.

Lahat sana tayo ay maging responsable sa pagtatapon ng basura. Gaya nga ng

kasabihan, ang basurang itinapon mo ay babalik din sa iyo.