Rev.

Palawng Seng Myat Naw

1 KORINHTU LAIKA
Shingdu labau
Kasa 18 hta Korinhtu Nawku Hpung de ai lam ka da ai. Kasa Pawlu gaw shi ga No.2
sasana hkrunlam hta Yesu a lam shachyen da ya ai. Shi pru hkawm mat ai hpang, Korinhtu
Hpung masha ni hta manghkang byin nga ai hpe na ai. Dai majaw, Korinhtu ni kaw shagun dat
ai laika gaw, shanhte hta byin nga ai manghkang ni hpe Kabu Gara Shiga Mungga hte bai
shadum jahprang sharin ai lam rai nga ai. Korinhtu Mare gaw dai aten mungkan hta ahkyak
dik re ai mare ni hta na langai re. Roma mungkan hta hkik hkam dik ai mare kaba ni hta na
langai mung rai nga ai. 146 BCE hta Roma ni Korinhtu hpe shang gasat nna masha law law
hpe sat kau nna mare hpe jahten kau ai. 46 BCE hta Julius Ceaser gaw Korinhtu hpe bai gawgap
ai. Korinhtu a lamu ga law law hpe Roma hpyen magam gun usa ni hpe jaw ai majaw masha
law law wa htawt shang wa ma ai. Korinhtu mare gaw Athen mare hta htam (5) daram kaba ai
mare kaba re. Adrian panglai the Aegean panglai lahkawng a panglai sanghpaw daru re.
Korinhtu gaw makam masham wanglu wanglang re ai mare muklung re. Nat hparah htingnu
ni hta nat shawa num ni nga nna shanhte hte tang pyaw shalai ai gaw htung langai hku byin
nga ai. Nawku Hpung kata hta mung masha hpe mahta ai wuhpung ni hka garan nga ai mabyin
ni nga ai. Dai majaw 1 Korinhtu Laika gaw, shi a Hpung masha ni hpe, kabu gara shiga hte
sharin shading sharai ai Kasa Pawlu a mungga laika rai nga ai.
1. Nawku Hpung kata hka wa bra wa ai lam ni (1 – 4)
Mabyin Pawlu a sharin shaga ga
a. Nawku Hpung gaw ‘mying gumhkawng shingjawng hkat na
Kasa Pawlu, Apawlu hte shara nre’
Petru a hpang hkan ai ni b. Nawku Hpung gaw Madu Yesu hpe ka-ang tawn ai Karai a
shada shingjawng hkat ai, masha ni hpawwng de ai shara.
garan ginghka hkat ai. c. Nigbaw Ningla ni hte Hpung woi ai ni gaw Madu a mayam
ni re.
d. Nawku Hpung a baw gaw Madu Yesu re.

2. Ngang gayut ai lam (5 – 7)

Mabyin Pawlu a sharin shaga ga
a. Hkum shan kanawn ai lam wanglu a. Madu Yesu si hkam ai gaw anhte a Yubak a
wanglang byin ai, tinang a hpang majaw re.
kanu hte nga sha ai ni du hkra nga wa b. Dai Yubak hta Dinghku kata tang pyaw shalai
ai. ai, nse nsa tam ai a majaw hten za mat ai
b. Aphrodite nat hpara htingnu na dinghku ni hpe bai shading sharai gaw ga na
shawa num ni hte tang pyaw shalai ai matu re.
ni nga wa ai.

1
 Rev. Palawng Seng Myat Naw

c. Hpung masha ni hta ‘Hkristu hta lawt c. Dai majaw Hkristan asak hkrung lam hta
lu sai ni a matu ndai lam ni gaw hpa ahkyak dik ai madung tara langai gaw, hkum
mara n nga sai, wanglu wanglang rai shan myit hpe dang kau ai lam re.
sai’ ngu nna hkap la ai ni nga wa ai. d. Yesu a hkumhkrang gaw si ai kaw nna hkrung
rawt ai zawn anhte a hkum hkrang hpe mung
Yubak hta si ai kaw nna sharawt la sai re. Dai
majaw anhte a hkum hkrang hta galaw ai lam
ma hkra gaw Karai Kasang hte seng ai.
e. Hkristu a hpang hkan ai wa a matu nse nsa lam
hta ngang gayut ai hkan nang ai hpe ahpa
atang n mai myit ai.

3. Lusha (8 – 10)
Mabyin
a.
Yuda Hkristan ni hte Yuda n
re ai Hkristan ni a lapran hta b.
Nat Hpara htingnu ni hta
nawng jau ngut ai shan hpe
sha mai ai/n mai ai hte seng c.
nna ningmu shai nna
dangrang hkat ai lam byin ai. d.
e.
Pawlu a sharin shaga ga
Anhte a makam masham n’pawt gaw Madu Yesu Hristu
re. Lusha hta n re.
Lusha a jaw e tinang a makam masham hta hkra machyi
wa ai, masha yu yang kataw hpa byin ai rai yang HKUM
SHA!
Karai Kasang gaw anhte sha na matu hpan da ai hpe sha
ai shaloi kade matu kataw hpa n byin rai rai yang SHA U!
Anhte gaw Hkristu a jaw e LUSHA kaw nna lawt sai ni
re majaw hpa n ra ai.
Madung tara gaw TSAW RA MYIT re.

4. Hpawng de ai lam (11 – 14)

Mabyin Pawlu a sharn shaga ga
a. Bat shagu na nawku dawjau a. Nawku dawjau hpawng de ai lam gaw masha
ai hta, wenyi lam mahkrup dinghkrai shagu hta Karai a Wenyi du pru na matu re.
madup kaba ai ni gaw ‘Ga Dai zawn du pru ai lam mung dumbru dumbra byin ai
amyu myu’ shaga nna akyu lam n re ai sha, yawng hte langai sha byin na matu re.
hpyi ma ai. b. Masha langai a hkumhkrang hta daw shan ni yawng
b. Nkau gaw sharin achyin ai gaw hkumhkrang a akyu matu mara re. Dai hte maren
hpe galaw ai, langai mi sharin achyin ai ni, dawjau ai ni, kasa ni, uphkang ai
sharin nga yang langai mi ni, myihtoi ni yawng gaw Nawku Hpung ngu ai Yesu
gaw rawt nna shi chye da ai Hkristu a hkumhkrang hpe gaw gap na matu sha re.
lam hpe kashun sharin ya ai
lam ni byin ai.

2
 Rev. Palawng Seng Myat Naw

c. Dai zawn re ai lam ni a c. Nawku Dawju ai hta ahkyak madung gaw TSAW RA
majaw, shang lawm ai MYIT re. Nawku Hpung hpe tsaw ra ai myit hte gaw
Hpung masha ni hte malet gap na matu re.
nhprang sa du ai manam ni d. Dai majaw tinang a myithoi htoi ai lam, ga amyu myu
hta ungang ai lam ni byin wa shaga ai lam, sharin achyin ai lam ni gaw hpunau wa
ai. hpe sharu shatsang ai rai yang dai lam hpe jahkring
kau ra ai.
e. Nawku Dawjau ai gaw ‘lamang a ginlam ni htuk
hkrak’ rai ra ai. Yawng gaw si mani ai hte gran da ai
lamang kata hta shang lawm ra ai. Kasu Kabrawng n
mai ai.

5. Hkrung rawt ai lam (15)

Mabyin Pawlu a sharin shaga ai ga
a. Bai hkrung rawt ai lam gaw kabu gara shiga hta ahkyak madung
Korinhtu Hpung re ai. Hpa majaw nga yang, Madu Yesu hpe myi chyaw mu ai
masha n kau mi hta, sakse ni law law nga ai. Wudang ntsa si hkam ngut ai hpang,
‘bai hkrung rawt ai’ jahkrung hkum hkrang hpe nan mu ga ai sakse ni nga ai. Madu
ngu ai sharin achyin ai Yesu gaw si ai kaw nna n hkrung rawt ai rai yang, si hkam ai lam
lam gaw Hkristan gaw lachyum n pru byin na re. Dai hte maren anhte mung Yubak
asak hkrunglam hta hta naw si nga na re. Dai majaw Hkristan tai ai mung hpa akyu
ahkyak madung n re n nga sai.
ngu nna hkap la wa b. Madu Yesu a hkrung rawt ai lam gaw, Yubak hte Satan hpe dang
ma ai. kau ai lam, anhte asak hkrung lu na matu hpung shingkang hte
mungkan masha yawng a matu myit mada shara lam rai nga ai.

Hkrung Rawt Ai Gaw

1 Kahkyin Gumdin shangun ai (1 – 4)
2 Tinang hkum hpe jasan jaseng na atsam jaw ai (5 – 7)

3 Manang wa hpe tsaw ra, hkungga, manu shadan chye ai hte (8 – 10 ; 11 – 14)
4
5 Si du hpe awng dang ai atsam jaw ai (15)

6. Shagram ga
Yesu Hkristu a kabu gara mungga aw kamsham ai wa hpe ningnan nan hpan shalat dat sai
lam ndau ai laika rai nga ai. Dai majaw asak hkrunglam yawng hpe ‘Kabu Gara Mungga
Myi’ hte mu mada chye lu na matu rai nga ai.

3
 Rev. Palawng Seng Myat Naw

2 Korinhtu Laika
1 Korinhtu hta tang madun da sai Nawku Hpung kata na manghkang ni a ntsa Kasa
Pawlu shadum sharin ai hpe law law wa n hkap la ma ai. Nawku Hpung a ntsa Kasa Pawlu woi
awn ai ahkang aya hpe mung gumlang magang wa ma ai. Kasa pawlu gaw shi a majaw Hpung
masha ni myit yawng nga yang shi bai n sa na ngu nna dawdan ai. Dai majaw Laika ndai hpe
myit yawn let sa shagun dat ai lam tsun dat ai (2:1; 1:3 – 4; 7:8 – 12). Laika lu la ai hpang,
nkau gaw shanhte a myit masin shaja nna shut shai ai lam hpe yin la wa ma ai. Kasa Pawlu
gaw, shi a laika gaw shut ai wa hpe mara shagun na matu n re ai lam, Nawku Hpung masha ni
a ntsa shi a tsaw ra myit grin nga ai lam hpe tsun ai. 2 Korinhtu Laika hta ahkyak madung daw
masum rawng nga ai.
1. Korinhtu Hpung masha ni hte htinglu htinglai lam (1 – 7)
a. Dkb.1 – 2 Nawku Hpung kata n hkrum n ra ai lam ni law nga ai lapran hta Karai Kasang
gaw shalan shabran lam jaw ai majaw chyeju shakawn akyu hpyi ai.
b. Korinhtu Hpung masha ni hpa majaw Kasa Pawlu hpe ninghkap wa ai rai ta? Kasa Pawlu
gaw lusu nga mai ai Korinhtu Hpung masha ni a man e matsan ai wa re. Janghpang galaw
sha ai wa re. Hkristu a jaw e tsinyam hkrum nga ai wa re. Nta n lu ai wa re. Shawa Hpawng
hta shawa myit gang mungga tsun lu ai wa n re. Dai majaw Hpung masha ni gaw lusu nga
mai ai hte ga tsun pyaw ai Hpung ningbaw ningla ni hpe kamhpa wa ma ai. Pawlu gaw
shanhte a ningbaw ningla re ngu na hpe gaya wa ai. Ndai zawn byin ai lam gaw Nawku
Hpung a manu hte namnak hpe shayawm kau ai lam hte ahtu hkra shangun ai lam rai nga
ai.
c. Kasa Pawlu sharin ai lam; tengman ai Hkristan ningbaw ningla gaw shi a tsang, madang
(Status) hte n seng ai. Shi gaw awngdang lam de woi shadu nga ai Madu Yesu Hkristu
hpang de du hkra woi sa ai mayam ningbaw she rai nga ai. Shi a bungli gaw, ‘madat pyaw
mungga’ hkaw tsun na matu n rai, Madu Yesu Hkristu hpe htawng madun na matu she rai
nga ai.
d. Dkb.3 – Pawlu hpe n ra sharawng ai ni gaw, Nawku Hpung a ntsa shi ningbaw ningla tai
nna woi awn ging ai ngu ai ‘marai dan laika’ (madi shadaw laika) hpyi ma ai. Dai gaw
Pawlu a matu mauhpa byin shangun ai. Dai majaw Kasa Pawlu gaw, Korinhtu Hpung
masha ni nan Chyoi Pra ai Wenyi hte ka tawn ai shi a marai dan laika nan rai sai lam hpe
sanglang tawn ai (3:2 – 4). Yeremia 31 hte Ezekela 36 hta tsun da ai zawn masin salum hta
tawk ka tawn ai ga shaka ningnan masha ni re nga ai.
e. Ga Shaka Dingsa hta Karai Kasang hte Israela a lapran Mawshe a marang e Sina Bum hta
jaw ai ga shaka gaw anhte a ntsa hpung shingkang rawng nga ai. Mawshe gaw Karai Kasang
kaw nna nhtoi shingkang lu la sai. Rai timung, Ga shaka dingsa gaw, Israela a matu tang
du ai ga shaka n tai ai sha hpoi wa sai. Lapran kasa tai ya ai Mawshe mung si wa sai. Yaq,
Karai Kasang hte Korinhtu Hpung masha ni a lapran Madu Yesu a marang e tawn da ai ga
shaka ningnan gaw Madu Yesu hkristu hkrung rawt ai a marang e Karai a hpung shingkang
hpe grau nna shadan dan lu nga ai. Mawshe gaw si wa sai rai tim, Madu Yesu gaw htani
htana asak hkrung nga ai. Dai majaw Madu Yesu hpe azi yu nna ga shaka ningnan hta asak
hkrung na matu rai nga ai.

4
 Rev. Palawng Seng Myat Naw

f. Wudang a mahtai (Dkb.4 – 7): Madu Yesu gaw Wudang ntsa nni nkru hkrum ai, si hkam
ai hte si ai kaw nna bai hkrung rawt wa ai majaw mau hpa hpung shingkang arawng aya lu
la sai. Wudang ntsa (1) Karai Kasang a hkye hkrang la ai magam bungli, (2) Karai Kasang
a ask hpe apnawng kau ai du hkra tsaw ra chye ai arawn alai hte Wudang yu nna asak
hkrung lam hta tatut apnawng dawjau ai machyi hkam ai kasi kaja hpe madun sai. Kasa
Pawlu gaw shi a sasana magam mung Wudang hpe kasi la nna galaw ai nga ai. Shi a kaya
hkrum ai, machyi hkrum ai hte matsan jamjau ai ni yawng gaw Korinhtu Hpung Masha ni
a matu re ai lam hpe tsun ai. Lama mi na, Korinhtu Hpung masha ni gaw Kasa Pawlu a
matsan jamjau ai, tsinyam hkrum ai hte, gaya hkrum ai lam ni hpe n gawn n sawn di ai rai
yang, dai gaw Madu Yesu Hkristu a tsinyam hkrum ai , gaya hkrum ai, matsan jamjau
hkrum ai hpe manu n shadan ai, n sawn ai de du na re. Kasa Pawlu a makam hte shi a
magam bungli nan yuMadu Yesu Hkristu a Wudang ntsa jen hkam ai hte bai hkrung rawt
wa ai hpe sakse madun nga sai.

2. Gam jaw gam ya ai lam hpe malap mali re ai (8 – 9)

Yerusalem kaw nga ai Yuda Hkristan ni gaw hku hku ai a majaw kaw si hpang gara
hkrum nga ai aten re. Yerusalem Hpung masha ni hpe karum na matu Kasa Pawlu gaw shi
gaw de ai Nawku Hpung ni hta nga ai malawng maga Yuda n re ai Hkristan ni kaw nna alu
gumhpraw karum hpyi ai (Roma 15:23 – 33; 1 Korinhtu 16: 1 – 3). Makedoni, Ahkaia ,
Galati mung na Hkristan ni hte shara shagu na Hpung masha ni gaw Yerusalem Hpung
masha ni a matu dang lu ai made karum jaw let Hkristu hta kahkyin gumdin ai lam hpe
madun ma ai.
Rai timung, Korinhtu Hpung masha ni gaw Kasa Pawlu n hkap la lu ai manghkang byin
nga ai majaw karum kahtau jaw ya ai lam n galaw ma ai. Yerusalem Hpung masha ni hpe
n karum ai gaw ja gumhpraw manghkang n rai, Korinhtu Hpung masha ni Kabu Gara
Mungga hte galai shai ai lam n nga ai kumla re. Madu Yesu Hkristu gaw sut su nga ai rai
timung, anhte a majaw matsan mayan hkrum nna shi a matsan mayan ai hta anhte sut su lu
ai chyeju hpe chyena ra ai ngu nna Kasa Pawlu tsun ai (8:9).
Madu Yesu Hkristu gaw shi a arawng sadang hpe kau tawn da let, shi hkum hpe shagrit
kau nna anhte a yubak a matu mayam langai zawn si wa sai. Yubak hte si ai a majaw matsan
mayan hkrum nga ai ni gaw Karai Kasang chyeju a majaw lusu nga mai ai de shatsaw
shagrau hkrum lu sai. Dai majaw, Hkrsitan langai gaw gam jaw gam ya ai, karum kahtau
ai hta shawang tsaw ra myit grau nna dam lada na matu mai nga ai.

3. Hpungdim daw (11 – 12)

Hpungdim daw de Kasa Pawlu gaw Korinhtu Nawku Hpung kata byin nga ai
manghkang ni hpe madung dat tsun mat wa ai. Korinhtu Hpung masha ni gaw shanhte a
myitra Kasa ni a hpang hkan nna wuhpung dawhka lam byin ai. Shanhte hkan ai kasa ni
hpe Kasa Pawlu gaw ‘kaba htum ai kasa’ (super apostles) (11:5; 12:11) ngu nna shamying
jaw ai. Dai kasa ni gaw tinang a mying gumhkawng na matu Korinhtu mare de du shang
wa nna Kasa Pawlu gaw matsan ai wa, awngdang ai ningbaw ningla n re ai lam jahpoi
asawng tsun ma ai. Dai majaw Kasa Pawlu gaw dai ‘kaba htum ai kasa’ ni kaja wa nan

5
 Rev. Palawng Seng Myat Naw

marai ningja (credentials) shakawng mayu ai rai kun? Shing rai yang shi a maga de jin jin
re ai lam tsun ai.
Shanhte gaw Yuda Chyum Laika kung kyang ai ni rai ma ai kun? Shi gaw Hparishe
langai rai nna chyum laika ting hpe hti matsing yu sai wa re, Madu Yesu hpe chye chyang
ai lam hta shakawng mayu ai kun? Shi gaw hkrung rawt ai Madu hpe myi chyaw mu ai wa,
rau hkawm sa yu ai wa sumsing lamu tingnyang hta dung nga ai hpe shingran mu ga ai wa
re. Shi a prat ting hpe Madu Yesu Hkrsitu a sasana hta ap nawng ai wa re. Shi a prat hta
nga mu nga mai ai (comfort) hte amu sha nga lu na lam (stability) hpe shagawm kau ai.
Korinhtu Hpung masha ni kaw nna ja gumhpraw n hpyi la yu ai. ‘Kaba htum ai kasa’ ni
gaw shanhte hpe saw shaga ai ni kaw nna alu gumhpraw law law hpyi la chye ma ai. Kasa
Pawlu gaw shi a kanbau bungli hpe shi nan galaw nna shi a sasana hpe shingdep shingtau
galaw ai.
Rai timung, kasa Pawlu gaw lahta na shi a marai ningja ni hpe shakawng na hpe
ningdang kau ai. Hpa majaw nga yang dai lam ni gaw Hkrsitan langai a matu ahkyak
madung n rai nga ai majaw re. Shi a shakawng ai lam gaw shi a gawng kya ai lam hte ra
rawng ai lam hpe rai nga ai. Hpa majaw nga yang, shi a gawng kya ra rawng ai kata hta
Madu Yesu Hkristu a tsaw ra myit hte chyeju tara hpe tam mu ai majaw rai nga ai. Madu a
chyeju gaw shi a matu ram nga ai; masha a gawng kya ai hta Mau a n-gun atsam hkum tsup
nga ai (12:9).
Dai majaw Kasa Pawlu gaw, Korinhtu hpung masha ni gaw ‘dai makam masham hta de
nga myit dai kun, tinang dai chyam yu’ na matu ra sharawng nga ai (13:5). Kasa Pawlu a
sasana magam hpe n gawn n sawn di ai lam ni hte tinang a mying gumhkawng na matu
shakut nga ai ‘kaba htum ai kasa ni’ hpe tsaw ra kamhpa ai lam ni gaw, Madu Yesu Hkristu
hpe makam n pawt n shatai ai kumla rai nga ai. Korinhtu Hpung masha ni gaw Hkristu hta
ningnan galai shai ai asak hkrung lam hku nna n hkawm sa ai. Dai majaw Kasa Pawlu gaw
Korinhtu Hpung masha ni hpe Madu Yesu Hkristu a man e shagrit shanem ai hte sit shang
na matu kalang mi bai saw shaga ai.

Hpungdim
2Korinhtu Laika gaw Kasa Pawlu a asak hkrung lam hpe asan sha mu mada shangun ai
hku-wawt rai nga ai. Dai hta n-ga Yesu Hkristu a wudang hte seng ai manu hte lachyum
hpe mung chye na shangun lu nga ai. Wudang gaw Hkristan langai mi mungkan hpe mu ai
ningmu hte asak hkrung lam hta tinang manu shadan nga ai lam ni hpe galai shai shangun
ai ningmu jaw ya nga ai. Awngdang ai lam, hpaji, lu su nga mai lam hpe shinggyim masha
gaw manu shadan chye nga ai. Karai Kasang gaw shagrit shanem ai hte gawng kya ai ni
hpe manu shadan nga ai. Shi a tsaw ra ai myit hte hpung shingkang gaw Madu Yesu Hkristu
a si hkam ai hte hkrung rawt ai hta shadan dan nga ai. Wudang gaw galai shai lu ai atsam
hpe Chyoi Pra ai Wenyi a majaw lu la shangun nga ai. De a jaw e, Yesu Hkristu a Wudang
hta jen hkam ai kasi gaw Hkristan ni hta ta tut byin wa sai.