PINAL NA PROYEKTO

PAGBUO NG
MALIKHAING
PORTFOLIO

LAYUNIN

Nakabubuo ng portfolio ng mga produktong

sulatin. (CS-FA11/12PU-0s-t-96)

Inihanda ni: Bb. GERALDINE MAE B. DAPYAWIN

FILIPINO SA PILING LARANG (AKADEMIK)

PORTFOLIO
PAGPAPAKAHULUGAN
Sa pag-aaral ng pagsulat, ang Portfolio ng mga sulatin ay isang koleksiyon ng
mga komposisyong o awtput (takdang-aralin, proyekto,ginamit sa report, mga
eksamen at iba pa). Layunin nitong ipakita ang pag-unlad ng kaalaman at kasanayan
sa pagsulat ng mga mag-aaral-manunulat sa loob ng isang semester o taong-
aralan.

Taong 1980 pa ng magsimulang ang paggawa/pagpapagawa ng mga portfolio

bilang isang popular na anyo ng asestment ng mga mag-aaral sa mga kurso sa
Pagsulat sa mga kolehiyo at unibersidad sa Estados
Unidos(http://grammar.about.com). Dito sa ating bansa naging popular na rin itong
kulminasyon ng mga kurso sa Wika at iba pang asignatura sa kasalukuyan.

MGA BAHAGI NG PORTFOLIO

Para sa layunin ng asignaturang Filipino sa Baitang 12, iminumungkahi nina
Bernales et.al. ang mga bahagai na dapat matagpuan sa isyong gagaing
portfolio:

1. Pabalat
2. Pamagating Pahina
3. Prologo
4. Talaan ng Nilalaman
5. Mga Sulatin
6. Epilogo
7. Rubriks
8. Bionote
FILIPINO SA PILING LARANG (AKADEMIK)

PORTFOLIO
ANG PROSESO NG PAGGAWA NG PORTFOLIO

Ang mga hakbang sa paggawa ng portfolio ay iminungkahi nina Bernales et.al. ay

nararapat na sundin upang maging matagumpay ang gawain.

1. Pamagatan ang iyong Portfolio.

Mag-isip ng isa o ilang salitang iyong gagamiting pamagat ng iyong portfolio.
Tiyaking ang pamagat na mapipili ay kumakatawan sa nilalaman ng iyong
portfolio, sa iyong karanasan sa pagsulat, at maging sa iyong mga natutunan.
Halimbawa, LIKHA: Isang Portfolio ng mga Sulatin. Maaari ring gumamait ng
mga salitang katutubo o kaya naman ay lumikha ng bagong salita.

2. Gawin ang Pamagating Pahina.

Ilagay sa pamagating pahina ang pamagat ng iyong portfolio, ang iyong
pangalan at kinabibilangang pangkat, pangalan ng iyong guro, at araw ng
pagpapasa.

3. Isulat ang iyong Prologo.

Introduktoring talataan ito. Ipaliwanag dito ang napili mong pamagat ng iyong
portfolio, kung bakit mo iyon pinili. Ilarawan ang mga nilalaman ng portfolio.
Maaari ring maglahad dito ng Pag-aalay at Pasasalamat. Iminumungkahing
gumamit dito ng ikatlong panauhan( Halimbawa: Ang may-akda…Ang manunulat.
Siya.Niya, Kanya), sa halip na unang panauhan (Ako, KO, Akin, Kami, naming
Amin). Pansinin ang kasunod na halimbawa ng Prologo ng isinulat ng isang mag-
aaral sa kursong PAGSASALIN.

(Tingnan ang halimbawa sa kasunod na pahina.)

FILIPINO SA PILING LARANG (AKADEMIK)

PORTFOLIO
HALIMBAWA NG PROLOGO
PROLOGO
Ni Sherylou D. Laude

Ang tunay na sikreto sa tagumpay ay pagsisikap at patuloy na pagbangon sa

bawat pagkakamali.
Iyan ang pahayag na pinaghanguan ng tagasalin ng pamagat ng Portfoliong
ito- Matamis na Tagumpay. Kasi, ang Portfoliong ito ay naglalaman ng mga
tagumpay sa pagsisikap na maisalin ang sumusunod na akda mula sa orihinal na
wika patungo sa target na wika. Ilan sa mga akdang isinaling matatagpuan sa
porfoliong ito ay ang tulang The Difference( Ang Pagkakaiba) at ang maikling
kwentong Children in the City ( Ang mga Bta sa Lungsod). Isa pang dahilan ng
pagpili ng tagasalin sa pamagat ng portfolio ito ay ang lubos na kaligayahang
kanyang nararamdaman sa tuwing naisasalin niya ang bawat akdang ipinasasalin ng
kanilang propesor.
Ibinuhos ng tagasalin ang lahat ng kaniyang kaalaan at kakayahanupang
maisalin ang sumusunod na akdasa wastong paraan. Batid niyang hindi pa sapat
ang kanyang kakayahansa larangan ng pagsasalin, kaya naguumapaw ang kanyang
kaligayahan sa tuwing nakpagsasalin ng akda. Sa pamamagitan ng mga Gawain sa
kursong ito, umunlad ang kaniyang kakayahan nang paunti-unti. Hindi mansiya
makapagkamit ng mataas na marka sa kursong ito batid niyang nakamit na rin niya
angmatamis na tagumpay sapagkat lumawak ang kaniyang kaalaman hindi lamang
sa pagsasalin sa partukular, kundi maging sa wika sa kabuuan.
Ang tagumapy na ito ay kaniyang lubos na ipinagpapasalamat sa Panginoon
sapagkat binigyan niya siya ng kalakasan, katatagan at pagkakakataon mapalago pa
nag kanyiang kakayahan.Nagpapasalamat din siya sa kanilang gurong si Dr. Ronaldo
A. Bernales dahil sa kanaiyang pagsisikap, pagtitiyaga at mahusay na pagtuturo sa
kanila. Pinasasalamatan niya ri ang kaniyang kamag-aral na tumulong sa kanya na
isalin ang ilang mga akdang matatagpuan sa Portfoliong ito. Sila rin ang gumagabay
sa kaniya sa bawat oras.
Ang Portfoliong ito ay inaalay ng tagasalin sa kaniyang mga kapwa guro sa
Filipino upang magsilbing kanilang inspirasyon upang ipagpatuloy ang pagpapalago
ng kani-kanilang kaalaman at kasanayan sa wika.

-S.D.L.
FILIPINO SA PILING LARANG (AKADEMIK)

PORTFOLIO
ANG PROSESO NG PAGGAWA NG PORTFOLIO

Ang mga hakbang sa paggawa ng portfolio ay iminungkahi nina Bernales et.al. ay

nararpat na sundin upang maging matagumpay ang gawain.

4. Gawin ang Talaan ng Nilalaman.

Ihanay ang mga sulating iyong ginawa, ang anyo at pamagat ng bawat isa, mula
una hanggang huli. Tukuyin ang pahinang katatagpuan ng bawat isa.

5. Tipunin ang iyong mga sulatin.

Ayusin ang mga sulatin ayon sa pagkakasunod-sunod. Isulat muli ang bawat isa
o ienkowd sa kompyuter. Tiyaking ang mga pagkakamali ay iwasto.

6. Isulat ang iyong Epilogo.

Sumulat ng isang replektibong talataan. Ilarawan ang iyong mga naging
karanasan sa pagsulat ng mga sulatin at ang mahahalagang kaalamang iyong
natutunan. Iminumungkahi muli ang paggamit dito ng pananaw sa ikatlong
panauhan, sa halip na unang panauhan. Pasinin ang kasunod na halimbawa:

(Tingnan ang halimbawa sa kasunod na pahina.)

FILIPINO SA PILING LARANG (AKADEMIK)

PORTFOLIO
HALIMBAWA NG EPILOGO
EPILOGO
Ni Sherylou D. Laude

Ang kursong pagsasalin ay tunay na isang nakababaliw, subalit isa ring

masyang karansan para sa mag-aaral na ito. Nakababaliw ito spagakat sadyang
hindi sapat ang kaalaman at kakayahan ng mag-aaral-tagasalin sa wikang Filipino at
wikang Ingles. Kasabay ng pag-alam sa mga simulain at paraan ng pagsasalin,
kinailangan pa niyang paunlarin ang kaniyan kaalaman at kasanayan sa dalawang
wika upang makpagsalin ng ga akdang nang hindi pinapatay o sinisira ang
orihinal.Sa kabilang nabda ang pagsasalin ay masaya, dahlia ang mga paghihirap na
naranasan ngmag-aaral-tagasalin ay napapalitan ng kaligayahan sa tuwing
naisasalin niya ang isang akda sa wastong paraan.

Sa kursong Pagsasalin,natutunan ng tagsaling mali ang kinasanayang salitang

Pagsasaling-wika, dahil hindi naman wika ang isinasalin, kundi kahulugan.Natutunan
niya rin na sa pagsasalin, dapat maging konsistent ang mga salitang gagamitin
upang maging wasto n pagsasalin.Nabatid niya rn na may iba’t ibang hakbang na
dapat bigyag pansin lalo na isang baguhang tagasalin. May ilang ding suliraning
kailangang isaalang-alang upang mapadali ang pagsasalin. Natutunan niya ring ang
ilang mga salitang Filipino na karagdagang sa kniyang bokabularyo.

Maliban sa mga bagong kaalaman, ang tagasalin ay natuto rin ng tamang pag-
uugali na dapat taglayin ng isang guro. Natuto siyang maging mapanuri sa kaniyang
ginagawa, dahil bilang isang guro, dapt siyang maging huwaran. Napag-isip-isip
niyang kung nais niyang sumulat o bumuo ng mga pangungusap ang kaniyang mga
mag-aaral ng wasto, kailangan din niyang makayanang gawin iyon. An anumang
kamalian sa kaniyang mga pahayag ay isang malaking kasalanan bilang isang guro
sa Filipino, sapagakat siya ang dapat nagwawasto ng mga pagkakamali ng mga
mag-aarala. Hindi siya dapat ang iwinawasto ng madalas.

Ang pag-aaral ng kursong ito ay sadyang mahalaga sa mga guro sa Filipino, at

ang mag-aaral-tagasalin ay hindi nagkamali sap ag-eenrol sa klaseng ito!

Mabuhay ang Wikang Filipino! Mabuhay ang mga guro ng Filipino!

-S.D.L.
FILIPINO SA PILING LARANG (AKADEMIK)

PORTFOLIO
ANG PROSESO NG PAGGAWA NG PORTFOLIO
Ang mga hakbang sa paggawa ng portfolio ay iminungkahi nina Bernales et.al. ay
nararpat na sundin upang maging matagumpay ang gawain.

7. Gawin ang pahina para sa rubriks.

Ilagay dito ang pamantayan sa pagmamarka. Iminumungkahi ng mga may -
akda ang kasunod na Rubriks :

Prologo -----------------------------------15%
Nilalaman--------------------------------50%
Epilogo-----------------------------------15%
Pagkamalikhain-------------------------20%
Kabuuan---------------------------------100%

8. Isulat ang iyong Bionote.

Maikli lamang dapat ito. Gamitin ang ikatlong panauhan. Lakipan din ito ng iyong
larawan. Ilagay ito sa hulihang bahagi ng portfolio.

Halimbawa ng Bionote:

Si Sisa Dimagiba ay kasalukuyang mag-aaral ng Sorsogon State University -

Laboratory High School na nasa ika-labindalawang baitang sa ilalim ng kursong
STEM (Science Technology Engineering and Mathematics). Siya ay labingpitong
taong gulang, nakatira sa Barcelona, Sorsogon. Ibig niyang ipagpatuloy ang pag-
aaral sa kolehiyo at kunin ang kursong Inhenyeriya.

9. Palamutian ang iyong Portfolio.

Simulan ang pagpapalamuti sa pabalat. Ipagpatuloy hanggang sa huling pahina.
Gumamit ng mga angkop na dekorasyon para sa bawat sulatin at iba pang
pahina. Sikaping isaalang-alang ang paksa ng bawat sulatin para sa kaangkupan
ng palamuti. Halimbawa, huwag pamutiktikin ng mga bulaklak ang isang sulatin
kung ang paksa niyon ay wala namang kaugnayan sa bulaklak. Maaaring
gumamit ng mga larawan. Gawing makulay kung gusto mo. Sa madaling sabi,
maging malikhain. Ang tanging limitasyon sa paggawa nito ay ang iyong
imahinasyon.

10. Ipasa ang iyong Portfolio.

Itatakda ng inyong guro ang araw, oras, at maging ang lugar ng pagpapasa.
Ipasa ang iyong ginawa sa takadang oras at araw.
FILIPINO SA PILING LARANG (AKADEMIK)

PROYEKTO
PAGGAWA NG MALIKHAING PORTFOLIO
PANUTO: Gawin ang mga tinalakay na hakbang sa pagsasagawa ng
portfolio. Sundin ang mga tagubilin sa paggawa ng bawat hakbang. Tipunin
ang mga sulatin na ginawa upang makabuo ng isang maayos at wastong
portfolio. Ang mga bahagi na nasa ibaba ang magiging laman ng inyong
portfolio.

a. Pabalat (Cover Page; malayang disenyohan ang pabalat na ito)

b. Pamagating Pahina
c. Prologo
d. Talaan ng Nilalaman
e. Mga Sulatin
f. Epilogo
g. Rubriks
h. Bionote RUBRIKS SA PAGMAMARKA:

MGA TINIPONG SULATIN: Prologo -----------------------------------15%

Nilalaman--------------------------------50%
Binalangkas na Teksto Epilogo-----------------------------------15%
Binuod na Teksto Pagkamalikhain-------------------------20%
Talumpati Kabuuan---------------------------------100%
Memorandum
Adyenda
Katitikan ng Pulong
Replektibong Sanaysay
Lakbay-Sanaysay
Larawang-Sanaysay
FILIPINO SA PILING LARANG (AKADEMIK)

SANGGUNIAN

Bernales et.al (2017). Filipino sa Larangang Akademiko. Malabon City:

Mutya Publishing House Inc.

Dela Cruz, Mark Anthony S. at Evasco, Eugene Y.(2016). Pagsulat sa Filipino

sa Piling Larangan: Akademik.Makati City: Diwa Learning Systems Inc.

Constantino, Pamela.C.at Zafra, Galileo S. (2016). Filipino sa Piling Larangan

(Akademik). Quezon City: Rex Printing Company, Inc.